大清亡國關慈禧蛋牛治
上一頁
第 36 頁
下一頁
常公子
2019-6-6 11:14:12
【139回：大清亡國關 #關稅 蛋牛治】
😄中美貿易戰打得火熱，我講過，中美貿易逆差嘅問題一直都係問題，美國冇拎出嚟講，一方面同特朗普有關，另一方面亦都同美國印得太多銀紙有關，2008年嘅金融海嘯，引發次按危機，美國人嘅解決方法係「量化寬鬆」，亦即係狂印銀紙補窿，但每印一張銀紙，代表多一張美國債券，如果印銀紙可以解決問題，咁個世界就無問題。電視廣告都有講：「借咗錢一定要還，唔好畀錢中介」。印銀紙就係借錢，中介就係背後猶太吸血鬼主宰嘅金融機構。
😄為保持經濟繼續向上，中國亦都學美國狂印銀紙，因此過去十年，全世界走向一條不歸路（你睇吓啲嘢貴咗幾多你就知道啦）。中美貿易大戰，亦都係大家狂印銀紙之後嘅結果。今日大家攤牌，事實上亦都無可厚非，因為問題一定要解決，唔可以無限去拖。美國要減低國債（我諗佢哋從來冇諗過還，只係想減低利息開銷），目標亦都唔係只係單單一個中國。其實而家美國係同全世界發動緊貿易戰，要全世界向美國跪低，從而令到美國經濟再向上昇，補返前十年狂印美金製造出嚟嘅巨大金融黑洞。
😄依一招借錢過好生活，借錢去揮霍，係美國人發明，我嘅好朋友股票大師周顯講得啱，差唔多所有嘅金融伎倆，全部都係美國人發明，取消金本位嘅係美國人，向世界瘋狂發債自肥嘅亦都係美國人，甚至將虛擬貨幣擺上枱玩嘅，亦都係美國人。對於錢銀，對於如何喺虛擬中創造價值，美國人一向非常聰明同敏感，睇往績，其實全世界冇人夠佢哋玩。
😄中國夠唔夠美國玩？如果單睇往績睇經驗睇數據，中國一定輸梗，發動貿易戰，就目前嚟睇，美國人最後嘅目的係想中國開放國內金融市場，想人民幣自由浮動，從而收割過去30多年美國所印銀紙補貼中國經濟巨大崛起嘅肥美果實。之後會發生乜嘢事？我其實完全唔知，亦都無任何概念，因為我只係一個香港人（定義上係一個中國人），對於金融伎倆，其實所知有限，我實在唔知道美國人嘅金融智慧可以有幾高？
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳
https://youtu.be/Z86dF2U35m8
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151
Ads
展斌舟
2019-6-6 12:23:09
推
:^(
常公子
2019-6-6 19:01:33
推推佢唔該
:^(
常公子
2019-6-7 21:16:49
:^(
【常威近代史】（二百二十一回）
袁世凱平反系列
去到1911年11月中，清帝國南方14個省份宣佈獨立，可以講大勢一去不返，帝國南北分裂，無可避免。袁世凱係聰明人，知道打落去對自己絕對無好處，當時袁世凱手握重兵，佢嘅北洋系統係整個清帝國中最強嘅軍事力量，紫禁城內嘅滿清皇族已經成為紙板人。正確嘅理解係南方獨立，中華民國雛形出現；而整個北方，就完全控制喺袁世凱手上面。
有兵在手真係好緊要，冇兵響手想搞政治？其實等於打飛機。打飛機只可以對抗空軍，對實質政治操作完全冇關係。攝政王做得最錯嘅係罷黜袁世凱，如果1908年佢冇咁做，我個人相信大清帝國絕對可以玩多幾年，甚至玩多幾十年都得，不過大權當然係掌握喺袁世凱手上邊。個人意志絕對可以改變歷史，載Kai就係好例子。
去到11月中，袁世凱其實完全唔想打落去，11月11號，佢響武漢前線邊打邊傾，派出代表入武昌同湖北臨時軍政府議和。虎禪師楊度（1875-1931）同汪精衛（己放監）響北京組織國事共濟會，亦主張議和。呢個時候，獨立浪潮亦都開始蔓延到北方，奉天新軍作反，山東亦宣佈獨立，西藏亦發生兵變。清政府拋出重大讓步嘅《憲法重大信條十九條》，包括立刻成立責任內閣，立刻召開國會選舉，立刻行君主立憲，皇族立刻退場等等，企圖挽回人心，可惜一啲效果都冇。講出嚟都冇人信，一個政權去到咁嘅地步，真係衰到貼地，軍隊大規模變節，其實大清已經亡咗國，之後發生嘅事，只係點樣好好睇睇行入棺材，扶大清依個肺can四期入棺材嘅人，當然就係我哋嘅袁世凱。
11月底，中華民國雛形成立，暫時由武昌政權為中央政府。登！登！登！又係革命最強KOL出場時間，我哋嘅國父孫文，由於佢聲明夠響朵，佢嗰份革命CV，由1895年搞起，真係睇見你都驚。於是11月中，已經分裂出大清帝國嘅各省都督（軍政府代表），主張推舉孫文為全權大使、前赴各國交涉新中國局面。孫文亦唔係蠢仔，佢響巴黎致電國內分裂勢力，要求推舉黎元洪或袁世凱做中華民國新總統，佢自己本人亦都開始籌備回國收割革命果實。蛇無頭不行，各方勢力，由邊個統合？由邊個揸住支旗仔叫人衝？其實仲有排傾。
只不過天地大亂，四處有殺人事件發生。好似一代好官，當時督辦粵漢、川漢鐵路大臣端方（1861-1911），佢係一個開明派清官好官，出曬名熱愛西方文化嘅改革先鋒。武昌革命發生之後，佢亦都同情革命，手上軍隊冇殺過一個革命黨人，仲幫手四川獨立。但係由於佢係大清帝國官員，11月27號，佢畀革命黨人斬首誅殺，其實死得好冤枉。佢嘅死，當時祇有外國傳媒替佢呼冤，好似《紐約時報》，就慨歎一代改革者竟然死於貪財革命士兵之首。
另外要提嘅就係吳祿貞（1880-1911），佢係同盟會嘅人，青年軍事才俊，係滲透入大清軍隊裡面嘅革命內應，但係兵荒馬亂期間，佢就被人行刺而死。當時太原起義爆發，清政府委派吳祿貞署理山西巡撫，負責平定革命軍，佢不但冇進軍山西，反而同山西都督閰錫山聯絡，打算組成燕晉聯軍，策劃直搗北京，加快革命進程。每本史書都係咁講，買兇殺佢嘅人係袁世凱，袁世凱殺害革命忠良，一定唔係好人，又係死罪一條。但事後睇返，大家立場唔同，政見唔同，革命一定要流血，唔係你殺我，就係我殺你，邊有話啱定錯？吳祿貞做得二五仔，就一定要有死嘅覺悟，同埋當時兵荒馬亂，點解一口咬定係袁世凱買兇殺人？依一點我相當唔明。
其實武昌革命發生之後，度度都有人死，湖北臨時軍政府內，或其他分裂出大清帝國嘅軍事力量，其內部都有大量權力鬥爭。冇辦法，大家決定咗撳革命個掣，亦即係決定咗血流成河。
補充一則屎料同大家分享，武昌革命嘅成功，除咗士兵嘩變，仲有一個就係錢嘅問題。10月中，北京之所以冇立刻發兵南下，搶在各省響應革命之前一舉掃蕩叛亂源頭，除咗袁世凱嘅問題，另一個關鍵就在於湖北藩庫裡面嘅大量白銀，武昌軍政府能夠迅速將軍隊擴大五倍，成功團結軍心，守得住武昌，亦都係靠呢一筆龐大金錢作為軍費。依筆收藏響武漢三鎮藩庫嘅錢，係清末新政嘅重大成就，儒家哲學講「財聚則民散」，其實又係冇錯，真係鬼叫你唔一早將啲錢調返上中央咩？
再補充多一執屎料，1911年11月5號，有一個叫江亢虎嘅人，響上海成立咗一個「中國社會黨」，呢個黨亦都係中國近代史上第一個宣佈信奉社會主義嘅政黨。足足比1921年7月1日成立嘅中國共產黨早咗十年，當其時1917年嘅十月革命仲未發生……
#常威 #斷送共和關袁世凱蛋牛治 #袁世凱 #民國歷史
:^(
【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ
:^(
【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ
:^(
【常威近代史】第一部《大清亡國關慈禧蛋牛治》實體購買
https://www.382now.com/product?id=87
常公子
2019-6-8 11:05:49
【140回：大清亡國關 #重新起步 蛋牛治】
😄我稱呼1902年到1911年嘅大清帝國，係迴光返照期。所謂迴光返照，就係一個人臨死嘅時候，燃燒最後一分生命力所作出嘅努力。事實上呢段時間嘅清帝國，真正邁向現代化，國家經濟欣欣向榮，以一個專制獨裁封建王朝嚟講，所能夠做出嘅成就，係前無古人。情況同1865年嘅明治維新非常相似，不過日本成功咗，清帝國係失敗咗。
😏清帝國嘅洋務運動，其實同日本差唔多同時起步，點解人哋會成功，而清帝國會失敗？後世有好多論述去分析呢件事，所得出嘅結論，不外乎都係中國人及唔上日本人嘅團結，兩個民族質素有距離，或者簡單一句，將責任推到慈禧太后一個人身上。其實事後睇返，雙方嘅轉捩點係一場戰爭，即係甲午戰爭，亦係一場海戰，即係黃海大戰，短短一個下晝，三四個鐘頭嘅殘酷海戰，決定咗兩個國家之後嘅命運。
😃日本人打贏咗，風生水起。清國打輸咗，三十幾年洋務運動嘅積累毀於一旦。戰爭作為解決問題最後方案，其實迫不得已千祈唔好用，因為後果可以非常嚴重，日本之後軍國主義興起，濫用戰爭去解決問題，最後亦自食其彈（原子彈）。
😃1911年，辛亥革命所推翻嘅清帝國，其實係一個欣欣向榮、初步步向工業化、官僚行政效率相當不錯嘅新興政治體系。終結一句，你唔啱聽都好，的確係唔推翻好過推翻，讓當時嘅清帝國繼續行落去，搞君主立憲、議會政治，一步一步、循序漸進，利用二至三十年時間建立一個自由民主嘅新世界，其實可能係最好嘅選擇。只可惜歷史冇畀一條咁嘅路中國人行，而係畀咗另外一啲更加崎嶇同血腥嘅路中國人行，最後歷史先會演變到今時今日嘅局面。
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳
https://youtu.be/F7uJ1Y3vpaY
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151
展斌舟
2019-6-8 15:25:31
推完會唔會快d有文
:^(
常公子
2019-6-8 23:20:36
:^(
【常威近代史】（二百二十二回）
袁世凱平反系列
中國革命形勢大好，清帝國江河日下，歷史潮流無可避免。1911年11月30號，革命軍11省代表齊集漢口英租界順昌洋行舉行會議，期間漢陽已經失守，武漢亦喺馮國璋北洋軍炮火威脅之下。革命軍聯席會議推舉同盟會會員湖南代表譚人鳳為議長。呢個時候，由英國領事從中調解，革命軍同清國軍隊停戰三日。
11月尾吳祿貞被殺後，整個北方軍事力量完全俾袁世凱操縱，大後方再無後顧之憂，袁世凱可以全力面對南方局勢。
袁世凱嘅選擇亦都非常重要，12月頭如果袁世凱下令進攻，武漢呢個中華民國臨時中央政府根據地一定會被攻陷，但係袁世凱冇選擇咁樣做，佢選擇南北議和，選擇和平談判解決國家問題。其實單係呢一點，佢已經拯救咗無數生命；當然你可以話佢係為勢所逼，但係事後分析，以當時袁世凱擁有嘅北洋系統軍力，由佢直接指揮或統率嘅軍隊數目可以達到30萬，如果全力以赴，逐個掃盪仍然崩分離析嘅革命力量，亦都唔係話無可能。不過如果佢咁樣做，成個中國將會陷入大混亂嘅內戰狀態，生靈塗炭，呢個就一定。
袁世凱當時支持和談，其實係普渡眾生嘅菩薩行為，後世人同慈禧一樣抹黑佢，其實係一萬個唔啱。
以下內容，我常公子有一個假設：大家睇返成件事，1911年發生嘅連串革命，如果將保路運動撇除在外，其實係清帝國士兵嘩變同變節事件（絕對唔係DSE中學史觀孫中山革命黨人打敗大清帝國），清帝國嘅新軍，被革命思想大量滲透，令到佢哋產生脫離滿清王朝統治嘅意欲，結果唔少人加入革命黨或成為革命黨內應，革命先可能1911年成為現實。而清國軍隊被敵人意識形態滲透，始於1908至1909年左右，亦係嗰個時候袁世凱被攝政王載kai罷黜落馬。但之前已經講過，袁世凱雖然失勢，腳痛返鄉下彰德，但係佢仍然背後操縱住成個清帝國嘅軍事系統，軍隊大規模被革命思想滲透，以佢嘅聰明才智，佢點會唔知？
我更加大膽假設，袁世凱係新派西化人物，1889年前後佢就打過開口牌支持康有為梁啟超等人，佢選擇忠於大清，但後來清政府對佢不仁不義，於是由佢背後暗中支持或默許革命思想滲透軍隊工作，其實一啲都唔出奇。同埋大家都係成年人，知道做嘢一定要有背後金主支持，冇錢就乜嘢都做唔到，呢個神秘金主會唔會係袁世凱？冇人知道，但可能性相當大。又或者，由1909年袁世凱落馬開始，佢已經部署緊一連串嘅行動改朝換代，最後將權力集中於自己身上，成為一代霸主。以佢嘅才能同埋野心，其實又一啲都唔需要覺得奇怪。
當然仲有一點要提，1908年慈禧之死先係重點，太后一死，國家棟樑失去，軍民離心離德，之後大清亡黨亡國。邊個話慈禧太后唔重要？唔該睇返歷史事實，用個屎忽窿諗吓真相係乜？
1911年12月頭，停火三日變成無限期停戰。袁世凱下令hold住所有軍隊，靜觀其變。12月4號，各省都督代表響上海召開聯合大會，推舉真國父黃興為臨時革命軍大元帥、黎元洪為副元帥。12月6號，攝政王載灃引咎辭職，清帝國大權由隆裕皇后暫時掌管。大家仲記唔記得邊個係隆裕皇后？佢就係光緒帝嘅正室老婆，樣衰到仆街，夜晚見到會以為係女鬼嗰個。
12月18號係非常重要嘅一日，清帝國代表唐昭儀（1862-1938）同革命軍代表伍廷芳（1842-1922）響上海舉行第一次正式和談。嗱嗱嗱！代表革命軍嘅伍廷芳，就係一個百份百正宗hongkonger，係中國第一個大律師，邊個話香港人唔重要？成個辛亥革命，其實香港喺裡面擔當著非常重要嘅角色。和談嘅內容，我哋下次再講。
#常威 #斷送共和關袁世凱蛋牛治 #袁世凱 #民國歷史
【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
展斌舟
2019-6-9 00:23:20
推快d
:^(
常公子
2019-6-10 10:22:57
超短篇小説【代價】
起初，加入政府工作，無非都是想為了服務市民。
由細到大，她都是一個好孩子，所做的每一樣東西，都會受到別人的讚賞。
至少，她感覺自己是一個好人。
攀上她一生權力的最高峰之際，或者，她真想去服務這個地區的市民，想大家過好一點。
上任後，她發現自己所能夠做的東西很少，聽命上頭，似乎是她唯一可以做的工作。
她是聰明人，香港大學畢業，她當然明白每做一件事情都要付出代價。
世界是公平的，至少對她這種出類拔萃的人來說……
現在很多壓力出現在她面前，大聲高呼要她下臺的人，由維多利亞公園，站到了政府總部外。
她想打電話請示上頭怎麼辦，但她的直線只能到達西環……
直接打上北京，原來卻沒有這個權限。
有時候，她會想起老公曾經對她說的事情：
「這份工不是一份好工，你有沒有考慮轉工？」
完
:^(
荒中人
2019-6-10 12:41:49
而家政府強推惡法嘅代價係？
常公子
2019-6-10 14:14:22
可能冇代價
Ads
常公子
2019-6-10 14:23:55
:^(
【常威近代史】（二百二十三回）
袁世凱平反系列
當1911年12月18號，南北議和談判開始，孫文仍然未抵達中國。孫文響1911年嘅革命過程裡面，其實作用全無。推翻滿清，其實唔關孫文事。但係佢始終係整場中國革命嘅代表人物，起碼響西方傳媒世界，就冇人識真國父下下衝鋒陷陣嘅肥佬黃興，只有人識風度翩翩、一口流利英語同爛國語嘅孫文。現代世界我哋叫KOL或品牌代言人。用一個人嘅名字，囊括背後大堆人嘅行為同事蹟，亦係歷史上常見嘅解讀方法。
希特拉屠殺500萬猶太人，其實唔係淨係關希特拉事，更加唔係納粹黨班人一意孤行就可以成功，仲要成個國家（或其它國家）嘅人民配合同支持先可以成事，反猶主義唔係希特拉發明，但到咗最後，條罪就由希特拉同納粹黨小部份人受曬，好多有份殺人嘅殺人犯同幫兇都逍遙法外，個世界冇公平。同樣道理，二十世紀中葉中國領導人毛澤東引發嘅連串大災難，死幾千萬人，亦唔係由佢一個人嘅意志可以主宰。最高領導人發號施令，下面嘅人幫手執行，或者推波助瀾，唔通冇責任咩？
以前有套電影叫《暴劫梨花》，影后茱迪科士打做，內裡講嘅，就係要千方百計起訴喺側邊睇住件強姦案發生、純粹起閧叫囂嘅花生友。今時今日，香港有唔少政客或公務員（即叫官嘅物體或者叫特首），以打好呢份工、全力執行上頭指示為榮，全無個人意志，上頭話乜就做乜，完全冇理會香港人嘅感受，呢種西人同機械人冇分別，人工智能AI發展落去，依種角色遲早一定會被取代。
我成日講一個問題，如果冇心做教育或自己品行唔好（好似我常公仔咁戒唔到煙又鍾意賭馬），就唔好撈教師，因為會誤人子弟。同樣道理，如果你唔係真心為香港人好，如果你唔係真心捍衛香港人嘅權利，唔該你唔好做狗官或狗政客，個世界好X多嘢做，以你班官同政客嘅能力同埋學歷，其實求其去一間上市公司撈個高薪厚職，分分鐘仲搵得多個做官做議員。何必拋個身出來獻世？唔通你真係好鍾意日日俾市民X你老母？你哋其實有冇理會過家中老母嘅感受？
講返1911年，南北和談會議第一輪響自由城邦上海傾咗兩日（成個和談其實傾咗五輪，由1911年12月18日傾到1912年2月5日，傾咗成50日），12月20號，大家有咗初步共識同綱領，包括召開國民會議（即國會），確立共和政體，優待清室退位等等。由10月10號武昌打起第一槍開始，都12月中，前後兩個半月，改朝換代成為事實。其實響時間方面係非常之快。冇大規模內戰發生，真係要多謝袁世凱。局勢暫時緩和，12月25號聖誕節，紀念耶穌基督降生，同日救世主孫文亦都抵達上海。
保路運動嘅元兇，下令血腥鎮壓平民嘅四川總督趙爾豐，12月22號被斬首示眾大快人心。清國內部混亂，中國人嘅好朋友俄國佬亦有動作，12月頭，外蒙古部份王公僧侶喺沙俄支持下宣佈獨立，清帝國冇厘頭冇咗10%國土，俄國人亦順手將1400平方公里嘅清國領土佔去據為己有。你老母，你睇吓俄國人對我哋幾好？當然亡國之君尼古拉二世，佢當時並唔知道自己亦只有5、6年命仔……（抵X死）
當時放喺袁世凱面前嘅，係所謂「虛君共和」。但係形勢嘅發展已經大大刺激咗袁世凱嘅政治野心，挽救清帝國已經成為不可能。於是佢開始聯系革命內部嘅反革命派，希望得到敵人嘅支持，確保自己未來能夠奪取最高領導地位。另一方面，佢亦利用革命嘅聲勢，強迫北京清政府和平退位，讓出政權。有人話，袁世凱玩弄陰權術謀狼子野心，其實睇返轉頭，佢做嘅事都係合情合理，佢係當時中國國內擁有最大武力同權力嘅大人物，由佢當上新共和體制嘅最高領導人，亦都冇唔合理嘅地方。
當然袁世凱自己都有問題，佢基本上係一個古人，古人有古人嘅諗法，我諗喺佢心裡面，「皇帝」同「大總統」兩個角色其實冇乜分別，只不過係個名唔同咗啫。但係事後證明，所謂新共和政體裡面嘅大總統，其實約束多多，邊有得好似做皇帝咁過癮？1911年，共和、民主、自由、議會等西方政治概念降臨中國，其實冇人知道係啲乜嘢嚟，大家都係摸著石頭過河，之後搞到一鑊粥，其實都係正常嘅事。不過如果過咗100年，中國人仲未知道民主自由係啲乜嘢，咁就真係DNA有問題……
孫文返咗中國6日，1912年1月1號，佢就喺南京就任臨時大總統，並且宣告中華民國正式成立！邊個話中國人做嘢慢？
#常威 #斷送共和關袁世凱蛋牛治 #袁世凱 #民國歷史
:^(
【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ
:^(
【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ
:^(
【常威近代史】第一部《大清亡國關慈禧蛋牛治》實體購買
https://www.382now.com/product?id=87
荒中人
2019-6-10 15:08:13
推，香港人加油
:^(
突發性交易
2019-6-10 16:58:23
推
:^(
常公子
2019-6-11 10:50:27
【141回：大清亡國關 #莎拉 蛋牛治】
🍎原本想寫一啲關於返引渡遊行嘅事，不過刪去咗。人生不如意事十常八九，亦係常態。千萬唔可以灰心，有好多事情都係要長時間去做，一句，念念不忘，必有迴響。
🍎1902年嘅夏天，見過棺材流過眼淚嘅慈禧太后擺出全新姿態，帶領大清帝國融入國際社會，邁向全面現代化步伐，率先同慈禧太后做朋友嘅人，係當時駐北京美國公使夫人莎拉。我想公子講過，全面洋化帝國，其實係慈禧太后一直以嚟嘅夢想。之前冇辦法做到，因為太多人拖佢嘅後腿，如今拳亂一過，八國聯軍入京，保守派仇夷派勢力被連根拔起，太后終於可以做佢一直想做嘅事。
🍎現代化終於在幾年內響大清帝國開花結果，但係換來嘅代價係，1911年大清帝國亦都宣佈同時玩完。大清倒臺，最重要嘅原因係慈禧太后去世，國家失去樑脊，威權失去本質；另一方面，係全面現代化後，人民視野開闊咗，佢哋睇到萬國鳥、亦同時睇到世界上存在著更美好嘅生活模式。西方人嘅民主議會制度、西方文明嘅生活模式，當時相信係每一個清國人嘅夢想，好多人以為推翻大清，嗰啲嘢就可以垂手可得，佢哋嘅想法未免太天真太儍。
🍎所謂歷史，其實係一棵百年老樹，需要長時間栽種，而最初將種子埋喺泥土裏面嘅前人，角色亦都好重要。因為種子係乜嘢，就會長出啲乜嘢來。到棵樹長大咗，到頭來唔可以遮風擋雨，你要鋸咗佢，種過另一棵，可能又再需要百年時間了。
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳
https://youtu.be/yM8MZKH5dl4
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151
紐約
2019-6-11 10:52:52
支持🥳
常公子
2019-6-12 12:43:49
:^(
常公子
2019-6-13 11:19:34
【142回：大清亡國關 #Twin 蛋牛治】
🌶香港特首林鄭月娥昨日發表講話，將混亂所有責任推到廣大市民身上，因為一部份香港市民用咗非理性嘅暴力手法表達意見。首先佢搞錯咗一件事，「本來無一物，何處惹塵埃？」，唔單止係引渡逃犯條例，之前嘅國教都係一樣，明明問題係唔存在，一切好好哋，有人無風起浪，挑起問題，市民睇唔過眼上街抗爭，然後你就將責任推到市民身上，呢個係有雞先定有蛋先嘅問題，唔該大家諗清楚，究竟係邊個唔啱在先？
🍆廣東俗語有句說話，叫「先撩者賤，打死無怨」，挑起火頭嘅人先係罪魁禍首，將因果調轉嚟講，我覺得特首你係欠缺基本邏輯思維，當然從你眼神知道，你已經好疲倦，幾晚冇訓，而且一切並非由你自主，你只係一個聽命行事嘅扯線公仔。其實，以你嘅人品同埋才華，搵過一份工，收入高過現在幾倍相當easy，無謂磨爛蓆，咁對大家都冇好處。
🍠引渡修例出爐以嚟，社會各界反應極大，覺得有問題嘅唔單單係你口中嗰班「暴徒們」，連法官律師商界都已經表達不滿同憂慮。解決嘅方法其實非常簡單，好似23條立法咁，撤回條例或者無限期押後，就會平息紛爭。依種「和稀泥」處事手法，係上頭常用嘅手法，佢哋唔會覺得有問題。你不斷以硬碰硬，其實真正目的係乜嘢呢？
🍋我常公子讀書少，基本上係一個蠢人，我諗嘅嘢都係錯嘅。我時常有一個感覺，就係上面有人故意不斷搞「灣」香港，要將香港人不斷分化，刻意製造分裂，從而減低香港人嘅團結性，削弱香港嘅競爭力，咁目的係乜嘢？就係要將香港依個亞洲金融融資中心呢個咁特別嘅經濟位置，作最後轉移，移到上海（或前海），要將原有既得利益者嘅利益，轉移到新主人嘅手上。背後嘅大戰略，好多人都唔知道，但係諗清楚，過去20年，一切都喺度發生中……
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳
https://youtu.be/XNCag_oJ68Q
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151
常公子
2019-6-14 13:42:55
:^(
【常威近代史】（二百二十四回）
袁世凱平反系列
中華民國由第一日成立開始，其實從來唔係一個統一、高度中央集權化嘅政權。如果你用今日嘅中華人民共和國概念去比較，所謂中華民國，或者講蔣介石退守臺灣前嘅「中華民國」，由1911年到1949年間，其實從來唔係一個單一領導嘅政治實體（蔣介石想咁樣做，但係未去臺灣之前，佢係從來冇辦法做到）。1912年1月1號草創嘅中華民國，更加只係一個鬆散圍威喂式嘅政治同盟組織。
獨立出滿清政權嘅每一個省，都祇不過需要用一個新嘅名號嚟維護自己武裝奪權嘅合法性。1911年12月29號，由已獨立嘅蘇、浙、鄂、川、湘、滇、晉、陝、皖、贛、閩、粵、桂、奉、直、豫、魯17省代表（其實17省代表，有好多個省嘅軍政府仲未取得全省實質控制權，不過就代表咗先算），一省一票，選出25號由國外返抵上海嘅革命KOL孫文為中華民國臨時大總統，中華民國正式立國，無論係點，都係一個新紀元嘅開始。
之後嘅日子，其實每個省各有各做，自己管自己（包括法律司法制度同稅收）。你可能會問，咁咪就即係美國嘅聯邦制囉？52個州各自為政，財政獨立、司法獨立，華盛頓特區中央聯邦政府做中心，專負美利堅合眾國國防同外交，咪幾好？但中華民國唔同嘅地方係，美國52個州，係要上繳中央，即係要畀錢華盛頓聯邦政府運作。而當時嘅中華民國，每個省都冇畀錢中央政府嘅義務，我表面承認你愛你，但係我唔畀錢你養你，咁係冇用嘅。
赤裸裸嘅表述係，於是乎發生嘅情況係，你唔X肯畀錢中央，就打X到你畀錢中央為止。當然仲有個問題，究竟邊個先係中央？
呢個亦都係中華民國1912年建立之後，長期財政困難同冇力有效管理全國嘅原因。直接啲講，其實推翻滿清之後，成個中國係進入一個大分裂狀態。之後要經過無數次戰爭，又合又分，又合又分，差唔多經過30幾年嘅戰爭狀態，最後先由中國共產黨1949年統一全中國，建立一個我哋現代人定義下嘅「中國」存在。
閱讀近代史，通常犯上一個嚴重嘅毛病，就係將1949年前「中華民國」當成一個實際存在嘅政治整體去論述。就算去到1927年，蔣介石北伐成功（兼出賣共產黨成功），由佢統治嘅中華民國中央政府，都唔係中國國內唯一一個合法政權。難聽啲講，蔣介石只係一個打敗咗其他軍閥嘅軍閥，佢本身就一個軍閥，同樣道理，共產黨亦都係其中一個軍閥，軍閥呢個字好負面，但其實每一股勢力都係一股軍閥勢力，最後打贏哂其他軍閥嘅軍閥，先唔係軍閥，先係代表正義嘅國家政權！
歷史永遠由勝利者所寫，同勝利者政治立場對立嘅，都係邪惡代表。其實凡事都係相對性，冇所謂正義，亦冇所謂邪惡（個人認為希特拉納粹黨屠殺500萬猶太人同集中營政策例外）。閱讀歷史，要知道本來冇黑白、本來冇正邪、一切都係「槍桿子出政權」，一切要講錢，要從經濟角度去考慮歷史問題，最起碼要有咁嘅覺悟。如果你連呢幾點都讀唔到，咁唔X好讀歷史，睇返八卦雜誌算撚數，因為你係冇讀歷史嘅慧根。
「天雨雖寬，不潤無根之草；佛門廣大， 難度無緣之人。」就係咁解。
講返1912年1月1號，上午孫文由上海出發前赴南京，去到夜晚11點，先舉行就職典禮（其實點解搞到咁夜呢？），佢宣讀誓詞：
『顛覆滿清政府，鞏固中華民國，圖謀民生幸福，此國民之公意，文實遵之。以忠心於國，為衆服務。至專制政府既倒，國內無變亂，民國卓立於世界，為列邦公認，斯時文當解臨時大總統之職，謹以此誓於國民。』
1月2號，中華民國採用陽曆，3號，選出副總統黎元洪，5號，臨時政府各個部長任命，分別如下：陸軍部長黃興，海軍部長黃鐘瑛、外交部長王寵惠、內務部長程德全、財政部長陳錦濤、司法部長伍廷芳、教育部長蔡元培、實業部長張謇、交通部長湯壽潛。同日孫文發佈《告友邦書》，表示承認清政府一切「恥辱遺產」，即係承認債項賠款同所有清政府與其他國家曾經簽訂嘅不平等條約，包括香港。
新紀元開始，齊齊剪辮！
#常威 #斷送共和關袁世凱蛋牛治 #袁世凱 #民國歷史
:^(
【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ
:^(
【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ
:^(
【常威近代史】第一部《大清亡國關慈禧蛋牛治》實體購買
https://www.382now.com/product?id=87
突發性交易
2019-6-14 17:40:08
:^(
常公子
2019-6-15 12:03:34
【143回：大清亡國關 #最後忠臣 蛋牛治】
🍇執筆之際，林鄭仍未正式撤回逃犯條例，希望佢回頭是岸，平息紛爭。同埋謹記，切勿再無風起浪。佢係大英帝國公務員系統出身，香港大學「公務員系」畢業（即英國文學系），應該深深明白，香港殖民地統治術，即所謂「小政府」策略，儘量「積極不干預」，儘量不插手社會事務，專心行政工作，做好自己本分，其實已經係香港人嘅福氣。
🍋有時候，好心會做壞事，做得多反而錯得多，講多句就衰多兩錢重。如果一如坊間傳聞，「逃犯條例」唔係阿爺嘅聖旨，而係你林鄭月娥自己提出，想向上頭邀功嘅話，咁呢單嘢真係一個大笑話。不過我常公仔唔信，以你同曾蔭權嘅港英公務員性格，應該係深深明白「講多錯多，做少一件事少一個麻煩」嘅道理。上頭冇叫做嘢，你應該係唔會做嘅。打份工啫，其實每個人都想少啲嘢做。
🍍尋日有件事，中國外交部急召註京美國領事館官員，向佢哋提出抗議，認為美國勢力插手香港事務。早幾日，美國亦都切換咗美國駐香港及澳門總領事，由史墨客接替唐偉康，於二零一九年七月起履新。兩件事一齊睇，你就會知道背後有另一個故事，一個我哋未必知道嘅故事……
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳
https://youtu.be/9GwS1EK1SPc
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151
Ads
常公子
2019-6-16 12:47:22
:^(
❤星期日好文分享，朋友V君講貿易戰❤
【中美冷戰的重中之重】
V君
🙄每當筆者聽見「新聞話貿易戰點點點」，巳經感覺有點煩厭。現在還說貿易戰，out唔out左少少？現在是中美冷戰時代, 涵蓋 #政治、#貿易、#科技、#經濟，乃至 #意識形態。而筆者更傾向相信近期一個說法，以美國為首的民主政體正在decouple China，而這個過程可能長達數年，換言之，美中的衝突，牽涉世界「話事權」的競爭，不會於短時間內停火，直至分出勝負為止。
😎很多人有一種錯覺，認為只是美國單方面向各國挑起貿易爭端，聊事鬥非。但若指細重組每一個談判細節，除了對中國進行全面封鎖外，對其他國家如日本，印度、墨西哥，雖談判態度強硬，但談判手段還僅在於關稅方面，而美國卻對中國「上五吋，下五吋」打下去，招招都係「攞命」。好明顯，美國對其他國家，都只是要求「多一點保護費」。但美國與中國的衝突，牽涉的範圍甚廣，甚至包含 #台灣 及 #香港，兩大強國的鬥爭之激烈及白熱化，在近60年歷史實屬少見。
😎篇幅有限，因此這裹就不詳述美國的招數。民族之光及5G牽頭羊華為先後被美國限制出口零部件及技術和被禁用 #Android。無Android的 #華為，app都裝唔到，前途當然是生死未卜。至於關稅方面，美國宣佈6月15日後對中國2000億美元清單商品加徵25%關稅。上述的制裁，是較為人所共知。
😅「而家講番冇咁多人知的事情」。一路以來，美國一向認同中國的「一中政策」。簡單地說，美國認同台灣是中國的一部分。很多人說，自特朗普上台後，美國政治、經濟、社會出現前所未有的分裂，但實情又是否如此？5月初，美國眾議院以414票對0票通過重新確認美國對台灣及落實《#台灣關係法》及“2019年台灣保證法”議案，美國重新確認美台的互動及軍事合作關係，定期向台售武，提升台灣的防衛能力，加強美台經濟合作。由此可見，儘管國內政策南轅北轍，但對抗中國的立場，槍口完全一致對外。
😎貿易戰開打後，中國究竟有沒有受影響？中國最新的5月份出口同比增長1.1%，表現好過預期。但有分析員指出，出口增加原因，好大可能是加關稅前提前出貨，「谷大咗條數」。但另一經濟指標，進口數據，5月份進口同比大降8.5%，創下自2016年年中以來的最大降幅，表現遠不及4月份增長4.0%的情況。進出口數據可能太經濟化，我們來看看中國互聯網三巨頭BAT的業績，它們的業務無遠忽界，更能反映中國的經濟起伏。筆者注意到，百度的廣告收入下跌的現象，由2018年第三季度（貿易戰開始）出現，至2019年為止，均沒有反彈的跡象。股民最愛的「企鵝仔」，廣告收入增長下滑，說明在經濟增速放緩的情況下，地產、汽車、金融、互聯網公司等重要廣告投放公司都在縮減開支。而最近外電《#彭博》在其報道指出，由內地搜尋器百度所編制的一項指數顯示，搜索「找工作」一詞的頻率在4月份飈升至歷來最高點，側面反映了中國就業市場的壓力正在加大，跟國家統計局公佈的4月份全國城鎮調查失業率僅下降了0.2個百分點，完全不同。
🤔但「睇來睇去」，筆者覺得市場忽略了一個很重要的戰線，那就是農業。美國跟多國如中國、歐洲、日本等，都牽涉農業deal。好多分析認為，特朗普為了鞏固其基本票源，所以要幫農民fight到好deal。此乃其一，筆者認為，更大的原因，是全球農業市場的爭霸戰。先講少少歷史，在2001年，中國曾擁有世界上90%的野生 #大豆 品種，但後來因一家農產品科技公司，#孟山都（現巳成為德國製藥及化工跨國集團拜耳旗下農業生物技術部門）成功從中國拿到東北黃金大豆種子，將中國種子的優良基因，配進美國大豆種子裏，合成為一粒完美種子，導致中國大豆業絕跡。孟山都在中國市場的策略，先是免費送基因大豆送給中國農民。他們使用後，大量增加農收，非常興奮。但當農民嘗到甜頭後，想再拿種子，孟山都就告訴農民其種子基因巳申請了六十四種國際專利，若要種植大豆，便需付出高高昂專利費。若農夫想重新種植中國大豆，也巳變得不可能，因為當你用了孟山都農藥，其土地除了能種植孟山都種子，連草都不能種一條。結果，中國最終選擇放棄生產大豆，改購美國大豆。所以，中國要增加大豆產量，筆者斷言，幾近不可能，因為大豆種子控制權一早鞏鞏控制在孟山都手上。最近國內 #豬肉 價格失控，除了因為非洲豬瘟外，更根本的原因，大豆是豬的重要飼料。中美貿易戰中，大豆成為籌碼之一，中國拒絕進口美國大豆，導致國內供求失衡，豬肉鏈供應減少，導致價格飛升。
🤔同一時間，美國農業部率先爆出，農作物頭號殺手「秋粘蟲」席捲中國大陸18省，而這種害蟲，暫時沒有殺蟲劑可有效控制它們蔓延。雖然暫時沒有中國農作物實際損失，但根據聯合國糧農組織統計，非洲有部分地區高達70％的農作物已經被秋粘蟲摧毀殆盡，造成高達60億美元的損失。中國自經濟高速發展後，人口增長，消费需求提升，而中國糧食自足率卻出現連年下降，2015年糧食缺口在2000萬噸，據專家預測，2020中國糧食缺口將達2億噸的缺口。在減少進口美國糧食及農作物大幅損失情況下，中國糧食狀況不容樂觀。
🤔近年，因為基因種子連番改良，農收大增，令美國出現糧食過剩，美國農民面臨收入減少，債務增加的處景，玉米、小麥、黃豆等農產品期貨長期處於低迷局面，他們急需新市場去消化過剩的糧食。同時，美國的人造肉技術正式踏入量產時代，不約而同地，豬瘟在中國發生，正好彌補中國肉類的缺口。美國最新的人造肉公司 Beyond Meat（BYND), 上市只有1個多月，但股價巳升了5倍, 而其中CEO更指出中國是最需要人造肉的地方。
🤓正當全世界還在聚焦5G發展，美國的糧食牌，似乎為人忽略，但這正正是中美冷戰的重中之重。
#貿易戰 #TradeWar #糧食
常公子
2019-6-17 16:10:35
:^(
【常威近代史】（二百二十五回）
袁世凱平反系列
要建立一個國家唔係響apple shop買個app，其實過程非常複雜同艱辛，我重申一次，1912年1月1號建立嘅「中華民國」，其實只係一個非常鬆散嘅政治聯盟，並唔可以稱呼為一個國家。我諗所謂一個「國家」（或國家機器）嘅定義，係在於佢能唔能夠喺佢管轄嘅範圍之內作出「有效統治」，所謂有效統治，最重要包括兩個方面，就係法律嘅施行同埋收稅嘅能力。如果曡埋心水行聯邦制，中央政府最好有一支代表國家（或整個聯邦）嘅軍隊，最好係唯一一支嘅軍隊，其他聯邦最好冇軍隊；另外其他聯邦亦需要有將稅款上繳中央嘅義務。1912年成立嘅中華民國，上述所講嘅嘢完全冇發生。
臨時政府成立，頒佈第一波政府命令：包括要求人民剪辮，要求婦女唔再紮腳，禁止私刑殺戮，禁鴉片，禁賭博，廢除跪拜儀式，重視農業生產，保護華僑及外國人，而且承認所有滿清政府嘅債項同不平等條約。
1月20號，選出汪精衛為總理。1月28號，中華民國臨時參議院喺南京成立，參議員一共有38個，大部份係同盟會嘅成員，林森（1868-1943）當選為議長，王正廷（1882-1961）為副儀長。事實上，當時孫文同埋同盟會會員收割革命果實之後，一心係諗住行美國聯邦制，可惜事與願違，一路行嚟，始終唔得，唔得就係唔得。
中華民國臨時政府講唔可以行私刑，但係革命同志一於好少理，革命理念高一切，北方革命黨人高調響北京暗殺清廷高官，1月16號，袁世凱被行刺，炸彈炸死咗袁世凱嘅八名衛士，袁世凱冇事，佢立刻拘捕策劃人，即捕即殺，仇恨又加深一重！26號同盟會京津分會喺北京，以自殺式炸彈襲擊刺殺滿清立憲派重臣良弼（1877-1912），良弼冇袁世凱咁好命，兩日後死咗，但革命黨依一招亦都收到預期效果，堅持不愿清帝退位嘅皇宮貴族，分分鳥獸散保命離開北京。
你可能會話，刺殺滿清高官都係情有可原，因為大家係敵對關係。但係殺自己友，就真係唔啱啦！中華民國啱啱成立，內鬥就即刻發生，為咗爭權奪利，中國人就係唔鬥唔撚安樂！光復會主要領導人陶成章（1878-1912），多年來響浙江一帶領導革命工作，中華民國臨時政府成立後，陶成章被擁護為浙江都督嘅呼聲最高，但係佢威脅住滬軍（上海）都督陳其美嘅權位，陳其美係咩背景？大家心知肚明，於是陳其美派遣佢手下第一號猛將蔣介石，收買前光復會會員王竹卿於上海法租界廣慈醫院暗殺陶成章！
我講過，碎肉機一經開動，任何人難以獨善其身。要打第一槍之前，最好諗清楚。
1912年1月，成個中國，不斷有人行私刑玩喑殺，對外有對外殺，對內有對內殺。有識之士希望推翻滿清之後，中國能夠進入一個依法治國嘅法統民主議會年代，可惜由第一日開始，我哋已經無辦法做到。依法治國？乜撚嘢嚟架？Day one做唔到，120年後嘅今日亦都無辦法做到，咁你老母話唔係DNA問題又係乜撚嘢問題呢？（實在無辦法唔講粗口）
1912年1月，南北分裂，滿清王朝大勢已去。袁世凱不斷向紫禁城施壓，要求大清和平退位交出政權。袁世凱拋出清帝退位優待條款，但係一班皇親國戚依然唔肯就範。呢班仆街，就係唔見棺材唔流眼淚，1月26號，段祺瑞連同46名清軍將領（即係全部北洋系統）聯名要求清廷退位，其實又係另一場嘩變。1月30號，慶親王奕劻代表清廷接受條件……
下一集，我哋講吓呢個滿清和平退位優惠plan究竟有幾優惠？有冇有線電視咁優惠？
#常威 #斷送共和關袁世凱蛋牛治 #袁世凱 #民國歷史
:^(
【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ
:^(
【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ
:^(
【常威近代史】第一部《大清亡國關慈禧蛋牛治》實體購買
https://www.382now.com/product?id=87
請課金支持
常公子
2019-6-18 12:15:30
【144回：大清亡國關 #血統出身 蛋牛治】
🍇血統出身，並唔係有錢同冇錢嘅問題。血統，係另一個層次嘅事物。響本集內容，我講如果袁世凱係滿人，成個歷史可能會徹底改變，因為如果袁世凱係滿人，攝政王載灃唔會排擠佢。袁世凱無落台，辛亥革命亦唔會響1911年咁快發生。
🍜作為有錢人亦都分兩個層次，一種係當世暴發戶，而另一種就係貴族階層，所謂貴族階級，即係有錢咗好多代N代，佢哋嘅影響力無比巨大，權勢並非單純來自財富，仲有整個家族喺社會上層建築裡面盤根錯節嘅人脈關係。好多香港人，只係有錢咗兩三代，錢就大把，樓就大把，但牙力非常薄弱。
🍰響中國現今嘅政治環境，當權者全部都有出生同血統嘅關係。作為一個香港人，想成為中國嘅領導人其實完全冇可能，董建華同梁振英都唔得（內文已經講過，最叻就只可做政協副主席），其他人更加望塵莫及。坊間唔明白中國政治嘅人，以為政協好巴閉，其實政協完全冇政治影響力，純粹花瓶機構，能夠被安插入去，只係共產黨當你係朋友，當你係合作夥伴，但唔係自己人。
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳
https://youtu.be/3bHX3lJUSWs
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151
常公子
2019-6-18 12:20:40
:^(
🔥【常威近代史】第二部《中國一百年前的第一次改革開放》實體書正式上架！
Google電子書下載
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
上一頁
第 36 頁
下一頁
😄中美貿易戰打得火熱，我講過，中美貿易逆差嘅問題一直都係問題，美國冇拎出嚟講，一方面同特朗普有關，另一方面亦都同美國印得太多銀紙有關，2008年嘅金融海嘯，引發次按危機，美國人嘅解決方法係「量化寬鬆」，亦即係狂印銀紙補窿，但每印一張銀紙，代表多一張美國債券，如果印銀紙可以解決問題，咁個世界就無問題。電視廣告都有講：「借咗錢一定要還，唔好畀錢中介」。印銀紙就係借錢，中介就係背後猶太吸血鬼主宰嘅金融機構。
😄為保持經濟繼續向上，中國亦都學美國狂印銀紙，因此過去十年，全世界走向一條不歸路（你睇吓啲嘢貴咗幾多你就知道啦）。中美貿易大戰，亦都係大家狂印銀紙之後嘅結果。今日大家攤牌，事實上亦都無可厚非，因為問題一定要解決，唔可以無限去拖。美國要減低國債（我諗佢哋從來冇諗過還，只係想減低利息開銷），目標亦都唔係只係單單一個中國。其實而家美國係同全世界發動緊貿易戰，要全世界向美國跪低，從而令到美國經濟再向上昇，補返前十年狂印美金製造出嚟嘅巨大金融黑洞。
😄依一招借錢過好生活，借錢去揮霍，係美國人發明，我嘅好朋友股票大師周顯講得啱，差唔多所有嘅金融伎倆，全部都係美國人發明，取消金本位嘅係美國人，向世界瘋狂發債自肥嘅亦都係美國人，甚至將虛擬貨幣擺上枱玩嘅，亦都係美國人。對於錢銀，對於如何喺虛擬中創造價值，美國人一向非常聰明同敏感，睇往績，其實全世界冇人夠佢哋玩。
😄中國夠唔夠美國玩？如果單睇往績睇經驗睇數據，中國一定輸梗，發動貿易戰，就目前嚟睇，美國人最後嘅目的係想中國開放國內金融市場，想人民幣自由浮動，從而收割過去30多年美國所印銀紙補貼中國經濟巨大崛起嘅肥美果實。之後會發生乜嘢事？我其實完全唔知，亦都無任何概念，因為我只係一個香港人（定義上係一個中國人），對於金融伎倆，其實所知有限，我實在唔知道美國人嘅金融智慧可以有幾高？
♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！
🍳https://youtu.be/Z86dF2U35m8
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151