常公子 2019-2-12 11:50:22 【大清亡國關 #梁啟超 蛋牛治】

🙃新年假期，都喺屋企煲Netflix嘅史詩式紀錄片【越南戰爭】，全套十集，共18小時，高度推薦（呢啲高汁嘢，喺香港嘅電視臺同媒體永遠唔會睇到），睇完好難過，為美國人而難過，亦為越南人而難過，無數性命付出，到頭來，大家都係玩咗一個遊戲，戰爭遊戲，意識形態遊戲，當時美國係驚共產主義赤化亞洲，所以出兵越南，但共產北越最後取得勝利，贏咗之後，到咗今時今日又放棄咗共產主義行資本主義市場經濟，你話件事幾咁吊詭呢？呢場延續咗十年嘅無聊戰爭，冇最後嘅贏家，但有最後嘅輸家，輸家又係兩個國家嘅民眾.......

🙃越戰同香港都有關係，因為越南戰爭產生大量越南難民，佢哋喺70年代中期同80年代源源不絕坐船走難嚟香港，香港係亞洲唯一一笪地方作為第一收容港，聯合國爭香港嗰條難數，好似到咗最後都冇還。而香港為越南難民做咗咁多嘢，保障咗佢哋嘅生命同安全，但事後我又唔見成班最後移民咗去美國歐洲嘅越南人大大聲多謝香港人一句，反而有人仲屌，響香港難民營過住啲好差嘅生活條件，你老母個臭化，當時你又唔見新加坡、馬來西亞、泰國、菲律賓、印尼、臺灣同中國大陸收容你哋？

🙃可能我已經係一個老屎忽，我覺得，受人因果要千年記，我永遠都會記得伊莉莎白女王二世、麥理浩、尤德、衛奕信（唔係陳奕迅）、彭定康對香港人所做過嘅一切。越南難民，你哋真係欠咗香港人。

♎【#大清亡國關慈禧蛋牛治】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上1000訂戶！💪

🍳https://user35103.pics.ee/FBFAU

🍳https://youtu.be/Me1UeDnBKtM


【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

花心糖膠 2019-2-12 21:38:53 兩日live 左，辛苦晒常威

突發性交易 2019-2-12 22:30:23 儲咗兩個星期 就快到戲肉

:^(

常公子 2019-2-12 23:55:05

Grindelwald 2019-2-13 00:01:46 此回覆已被刪除

Put到落萬八點 2019-2-13 23:19:41 我要文呀

常公子 2019-2-14 00:20:39


【常威中史】慈禧平反系列（一百五十六回）

上一節講到豆斗廢除左捆綁中國知識份子眼界千幾年嘅科舉制度，其實係清國正式邁向現代化嘅里程碑。同一時間發生嘅，仲有媒體新聞自由問題，當時未有互聯網，未有電視收音機，文字係唯一傳播思想同埋意識形態嘅重要統戰工具。歐洲大陸嘅報業文化響19世紀上半葉已經發展蓬勃同漸趨成熟，但對守舊嘅大清帝國嚟講，報紙雜誌刊物，絕對係新事物、新挑戰。

上次已經講過，喺日本東京大量中國留學生同埋反動分子出版不同刊物宣傳中華民族革命，響清國上海嘅法租界英租界，亦有人辦報發表文章，鼓吹暴行革命。1903年，一個叫鄒容嘅人，佢響上海租界一份報紙《蘇報》發表一篇長文【革命軍】，鼓吹暴力推翻滿清政府，豆斗大怒，要求手下將由鄒容引渡出租界受審，但上海租界拒絕清政府要求，最後案件響租界內嘅西方法庭審理，結案《蘇報》被查封，鄒容監禁兩年，服刑期滿，驅逐出境。但係鄒容入獄一年後就病死咗，成為咗革命先驅烈士……

嗯？係咪似曾相識呢？

呢啲事好似今時今日都繼續發生喎，百幾年過去，其實有啲嘢某啲玩沄真係冇乜變過。難怪有人話來生不做中國人，做中國人真係冇乜好處，又駁唔到嘅。

去到1903年，豆斗全面西化嘅新政推行，中文報刊急劇發展，只要你有資本任何人都可以辦報。官紳商民同民間團體，創辦嘅報紙就遍佈全國60幾個城市出版，當中有唔少都係反動聲音。呢個時候有人建議豆斗立法壓抑言論自由，甚至要求禁止派留學生到日本留學，但豆斗全部反對，因為佢真係唔想開倒車行回頭路。

又舉個例子，當時天津嘅《大公報》（咪係今日香港嗰份大公報囉）不斷發表文章評擊天津陀地袁世凱，袁世凱都冇X佢辦法，只能夠下令禁止郵局投遞大公報，禁止公務人員閱讀報紙。畀著今時今日，一早封咗你份報紙，拉你入秦城坐監喇。Sorry，我講錯，反對中共嘅報紙根本冇可能響內地出版喎。

中共嘅處事手法，係唔會等到問題發生先至想辦法解決，佢根本唔會比問題出現，香港嘅「港獨問題」就係最佳例子，撲殺於萌芽之前，唔會畀任何空間你發展，一切就好辦事，唯物主義者嘅處事手腕就係咁辣，understood？（過去式）

仲有幾年命嘅老佛爺豆斗，的確對當時帝國媒體嘅言論作出最大限度嘅容忍。可以睇到，某程度上，二十世紀初期嘅大清帝國，的確係言論自由百花齊放嘅世界，仲要記住，「百花齊放」唔係為咗「引蛇出洞」……

過去20年，香港嘅言論自由空間被不斷收窄。我哋嘅不滿同埋抑鬱，係嚟自我哋本來係身處一個言論自由嘅世界長大，九七之後，內地中央政府亦唔係非常刻意抑壓香港言論自由，佢哋只係將佢哋一直行緊嗰套加諸響香港人身上，其實並唔係大辣，甚至係只係十小辣。佢俾空間你講嘢，只要你唔好超出佢可以容忍嘅範圍OK（否則PK），當然佢畀嘅言論自由空間係一年一年咁樣收窄，到咗2047會窄成點？冇人敢預言？我常公子預言話你知，如無意外，香港會變成同所有內地城市一樣尺度。

你今日唔去反抗，你今日唔去爭取，任由佢溫水煮蛙，慢火煎魚，細水長流，他日洪水滔天，或者我哋呢一代已經唔響世界上，受害者會係下一代人再下一代人。所以我成日都話我哋呢一亭六、七十年代出世嘅人真係好仆街，就係咁解。

係啊，我都係一個仆街。不過話分兩頭說，有一班仆街組成嘅社會冇言論自由又係理所當然嘅，係咪先？而且做奴隸先至活得心安理得，先至活得快樂，係我哋中國人先明白內裡有幾正嘅啫？

#常威 #大清亡國關慈禧蛋牛治 #慈禧太后 #晚清歷史 #辛亥革命

:^(

【大清亡國關慈禧蛋牛治】實體購買
https://www.382now.com/product?id=87 ;

【大清亡國關慈禧蛋牛治】
https://play.google.com/store/books/details?id=

:^(

C3hjDwAAQBAJ

【誰偷走了我們半塊芝士】
https://play.google.com/store/books/details?id=

:^(

_0NtDwAAQBAJ

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

常公子 2019-2-14 00:21:04 亂啦

爸爸托C 2019-2-14 00:43:03 常公子覺得自己既意識形態係點?

常公子 2019-2-14 01:17:16 我以前是一個左膠，一個大中華膠，我不怕認。人有立場是一件好事，沒有立場的人才是最可怕。

常公子 2019-2-14 01:17:38

常公子 2019-2-14 01:18:33 因為沒有立場的人，不知道自己在幹什麼，世界嚮左走，他會嚮左走，世界嚮右走，他又會嚮右走。大災難很多時候是這樣發生的。

爸爸托C 2019-2-14 09:39:17 依家都係嗎？

常公子 2019-2-14 11:52:47 不堪回首

:^(

常公子 2019-2-14 12:46:04 【大清亡國關 #公車上書 蛋牛治】


🙃「公車上書」係晚清著名歷史事件，一群知識份子上書中央，要求政治改革，挽救國家於水深火熱。呢個亦係中國政治嘅傳統，之後嘅日子類似嘅事件發生過好多次，同我哋最近嘅係1989年六四事件，其實六四，基本上同公車上書非常相似，1989年，開放改革十年後，社會上貧富懸殊，貪污問題嚴重，造成極大嘅社會不公平現象，民眾開始懷念毛澤東時代嘅平均主義，當然，最後以流血結束，之後萬馬齊暗，集體沉默，一齊姓資，亦符合中國政治嘅固有傳統。


🙃星期日2月10日，英國著名中國政治專家馬若德（Roderick MacFarquhar）逝世，終年88歲，佢同費正清合著過《劍橋中華人民共和國史》，亦有《文化大革命的起源》三部曲，上述兩本書，我買咗未睇，我只睇過馬若德嘅《Mao's Last Revolution》部份內容，一句到尾，大師級作品，可與磁力王霍布斯邦（Eric John Ernest Hobsbawm）同 我心裏面嘅最偉大歷史學家楊繼繩相提並論，要研究中國共產黨同中國現代史，佢嘅作品唔可以唔睇（曬），我會努力。


🙃好開心，常公仔頻道越嚟越多人睇，睇嚟我同阿潮可以繼續玩落去，我曾經講過，我想一直寫中國歷史，一邊寫一邊學，直至寫到去開放改革前王光美接劉少奇骨灰為止，照目前嘅進度，呢個計劃可能會超過十年，跨越2029，我並唔知道自己有冇咁嘅持久力？我亦唔知道政治氣氛容唔容許我繼續寫落去？或者有一日，忽然拉人封艇，所有關於常公子嘅一切會突然被消失，但我唔驚，我一早已經有心理準備，如果真係咁樣發生，亦符合中國政治嘅固有傳統。


♎#大清亡國關慈禧蛋牛治】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上1000訂戶！


🍳http://user35103.psee.io/FGP63


🍳https://youtu.be/BEI5rEbHupw


【大清亡國關慈禧蛋牛治】https://play.google.com/store/books/details?id=C3hjDwAAQBAJ


【大清亡國關慈禧蛋牛治】實體購買

https://www.382now.com/product?id=87


follow my instagram  @historysandwich


Facebook 專頁：https://www.facebook.com/historysandwich/ 

爸爸托C 2019-2-15 22:46:52 其實劉晶都未必係蠢，
咁細個就登基，好多人情世故佢未必識，
世邊啲人就算唔係個個奉承佢，
起碼都唔敢鬧佢。

甲午戰爭主戰係不自量力，
但可能平時李鴻章想拎funding 時吹到支艦隊天下無敵咁，

爸爸托C 2019-2-15 22:49:07 百日維新雖然好急進，
但廿令歲既年輕人係血氣方剛，
加上國家又真係內憂外患，
起碼佢想行個方向係正確既

常公子 2019-2-16 00:33:47

【常威西史】慈禧平反系列（一百五十七回）

中國人討論歷史都有個壞習慣，就係好鍾意將責任推曬喺一個人身上，就以 #豆斗 為例，有人講中國人嘅災難史，就係豆斗40多年嘅大清統治史。呢個講法好有問題，或者係嚟自於中國歷史由 #司馬遷《#史記》開始，就係用人物嚟做「單位」演釋。問心嗰句，唔通大清亡國就因為一個慈禧太后？其他人完全冇責任？

歷史的確係有人去組成，不過並唔係個別一個人。而係每一個生活喺歷史脈絡中嘅個體，都對歷史有某部分推動嘅責任。用佛家嘅講法叫做「#共業」。世界嘅形成，係由每一個個體嘅個別行動堆積結集而成，所謂領導人，某程度上只係代表咗整個國家同廣大人民嘅 #集體意識。

呢份集體意識唔係一定要用選票達成，所謂民意本身，亦都唔係單單反映喺選票數目字上。有時候自由民主國家，選票反而成為咗執政者為所欲為最大嘅口實。「我由人民選出嚟，係人民授權我統治國家」，#二次世界大戰 嘅人類大災難，#希特拉 #納粹黨，#意大利 #法西斯 #墨索里尼 同 #日本 #東條英機 #軍國主義，背後其實都有十足十民意同選票支持。

尋晚喺屋企睇netflix節目《#納粹屠殺隊》，由1941年開始，納粹黨開始大規模清洗歐洲猶太人，一場人類歷史上最殘酷嘅滅族屠殺正式開始。由 #希箂姆 主理嘅納粹 #黨衛軍 同 #秘密警察 主力負責執行屠殺任務，但係發生喺整個歐洲大陸不同地域嘅屠殺事件，參與者並唔係單單係德國人，好多時候係德國黨衛軍頭目到達當地，連同當地警察，以及招募當地人組織成一支支屠殺隊負責屠殺當地猶太人。

呢啲事當時喺整個東歐不停發生，羅馬利亞，拉脫維亞，保加利亞，烏克蘭，匈牙利……血跡斑斑，但事後好多人逃避咗殺人刑責，反而將罪行全部推曬喺德國人身上，德國人就將罪行推曬喺納粹黨身上，即推曬係希特拉一個人身上。

其後 #紐倫堡大審判，對呢啲個別國家參予大屠殺嘅警察民眾，追究甚少。甚至唔少手上沾滿猶太人鮮血嘅兇手，以受害者自居，同猶太人一齊企到響畀德國納粹迫害嘅位置上發聲。個節目講畀我知，納粹響呢啲國家組成屠殺隊，所招募嘅警察同埋民衆，好多唔係被迫，而係自願參與，佢哋一方面將殺人當成一份工咁打，收取德國人報酬，另一方面心裡面都仇視猶太人，德國只係俾個機會佢哋發洩對猶太人嘅仇恨。其實我唔明點解猶太人咁黑人憎？或者佢哋普遍都係比較有錢啲掛？

歐洲納粹屠殺隊殺嘅並唔係侷限於猶太人，仲有戰俘、共產黨、吉卜賽人、社會上嘅反動分子或低端人口（傷殘人仕）。總之睇唔過眼就殺，採取「有殺錯，冇放過」嘅態度，仲有佢哋採用嘅殺人方法非常唔人道，而且被屠殺嘅人，大部份都係老人女人同細路仔。

對於500萬猶太人大屠殺事件，我常公子到咗今時今日仲未能夠完全理解到當中嘅歷史脈絡，我係唔明點解會發生？同埋點解可以發生？希特拉納粹黨仇視猶太人只係個起點，真正個別執行者佢哋內心諗緊啲乜呢？單單仇恨同歧視嘅力量，係咪真係可以去到咁大呢？

歷史本身係一面鏡，係一個教訓。放返喺今時今日嘅世界。「#反猶主義」嘅日子已經過去，取而代之係另一個民族，西方世界早喺十年前開始，已經將呢個民族放喺佢哋嘅對立面上看待，呢個民族就係我哋 #中國人。我絕對唔係話中國人會步上猶太人嘅悲慘命運，畢竟中國人嘅數目多出猶太人太多，我只係想指出一點，人哋仇視你，唔係一定人哋有問題；當全世界都憎鳩你，你自己就一定有問題。

放下身段，先做好自己，唔好立壞心腸，做個頂天立地有道德承擔嘅正人君子，和平友愛，則指日可待。

（順帶補充一點，一個國家點解要為自己製造敵人同埋對立面呢？其實某程度上係一個 #意識形態 嘅操控問題，因為只要有對立面同敵人存在，就可以令到民眾長期處於「#戰爭狀態」裡面，所謂戰爭狀態，就係一種駕馭民衆意識形態嘅方便手段，1945年之後，世界行緊 #單邊主義。美國，即西方世界同蘇聯共產集團嘅冷戰 #ColdWar，就係令到整個世界嘅人民處於戰爭狀態之中，1991年蘇聯解體，西方世界最大嘅敵人消失咗，咁戰爭狀態咪要結束？咁係唔可以嘅，於是乎要製造一個全新嘅敵人出嚟，伊朗同北韓唔夠班，ISIS拉登更加只係小兒科，所以…………大家明喇！）

Sorry，今日叉開曬……下次繼續！

#常威 #大清亡國關慈禧蛋牛治 #慈禧太后 #晚清歷史 #辛亥革命

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

Bbooxlok 2019-2-16 11:40:29 終於追晒post

:^(

實冊書仲有冇現貨賣? 另外我覺得乾隆皇係中國係19世紀落後西方既主要元兇

常公子 2019-2-16 12:10:55 乾隆系仆街

:^(

常公子 2019-2-16 12:11:30 買書有條link，download仲好，支持吓

常公子 2019-2-16 12:11:46 【大清亡國關 #Marketing 蛋牛治】

🙃Marketing好重要，比一切嘢都要重要。骯髒嘅政治需要包裝，包裝得靚就係天下無敵，全世界最識得包裝政治嘅係美國人，20世紀之前係大英帝國，你可以問吓你自己，你回頭想一想，美國人響歷史上所做嘅每一件事、發動嘅每一場戰爭，你都會覺得係有正義成份在內。當然我唔排除美國本身係一個正義嘅國家，但係佢嘅Marketing真係做得好好，中國同佢爭得最遠嘅就係呢樣嘢，最少有50年距離，軍備上邊祇有30年距離，今日如果計埋互聯網5G科技，或者更小。

🙃為美國政治包裝嘅仲有荷里活，荷里活過去100年，不斷通過電影向全世界輸出美國人嘅意識形態，Marketing角度嚟講，係史上最成功嘅一個案例，由戰爭片，到復仇者聯盟，美國人話俾大家知，世界上總有一個邪惡嘅大佬，正義就係打大佬，打低咗大佬世界就會和平。

🙃結果全世界每一個人心裡面都有一個邪惡大佬存在，個大佬曾經係蘇聯，今日個大佬係邪惡中國。呢種簡單嘅二分法，好處就係好容易令人接受，人類基本上係懶惰嘅動物，亦好喜歡接受一啲容易接受嘅嘢，諗得太多有陣時好辛苦，亦都會好亂，簡簡單單，要套餐，就會心安理得，個世界就係咁，唔到你唔信。

♎#大清亡國關慈禧蛋牛治】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！

🍳http://yt1.piee.pw/FTRU7

🍳https://youtu.be/PQSvd6nglDw

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買

https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

突發性交易 2019-2-16 14:56:50 推

:^(

常公子 2019-2-16 23:27:18
【誰偷走了我們半塊芝士】
https://play.google.com/store/books/details?id=_0NtDwAAQBAJ

常公子 2019-2-17 11:16:19 【星期日特別放送】社會秩序基本上靠社會碌葛支撐

由於社會要有「秩序」先可以運行正常，所以就要推到去管治問題，如何管治一個社會係一門大學問。本書《碌葛男人嫁得過》非常平庸化，絕對不離地，拋一堆哲學term同政治經濟term出嚟，對大家都冇益處(況且只有中三程度嘅筆者亦堅係唔X識)，所以，不如舉大家最貼身嘅例子說明一切。

如果大家已經做咗人父母，咁你想啲仔女聽話定唔聽話先？相信100個父母有103個都係想啲仔女聽教聽話(至少唔佔中)，最好你叫佢努力讀書佢就努力讀書，你叫佢做醫生律師佢就做大醫生大律師！咁就Perfect池！係冇？相信大家都冇異議？Right？父母希望仔女「聽話」，天經地義，仔女聽教聽話，父母就開心，一家人就會和諧(河蟹)；同樣，作為社會嘅領導階層(統治者)，都希望市民(被統治者) 聽教聽話，咁領導階層就開心，整個社會就會和諧(河蟹)！係冇？相信大家都冇異議？

你未生仔？唔UN？冇問題，再舉例呃稿費。

養過狗未？作為一個主人，一定係想養一隻聽話嘅狗，拖佢行東就行東，去西就狗向西奔走，一餐好一餐唔好，從來冇投訴，就算比舊屎佢食，佢都擺尾多謝你話好食，咁就係一條好狗！相信大家都冇異議？Right？相信一個平凡人一定唔會養一隻痴線嘅狗，唔通你真係想隻狗成X日吠你？或者無端端噬你一嘢，搞到你要去養和醫院響肚臍側邊打瘋狗針咩？養狗人一定想養隻好狗，唔想養隻顛狗，所以一條蠢狗，亦會係唔錯嘅選擇。同樣道理，一個社會既領導階層，都會希望被管治嘅市民聽聽話話，Understand？大致上嘅概念就係咁。

放番入社會模型裡頭，領導階層同市民，一定要建立一個主僕制度，有效嘅社會秩序先可以發生運行。既然一方係主、另一方係僕，就有從屬關係，亦有上下之分，從而亦出現階級（class）之分。市民要聽聽話話，仔女要聽教聽話，隻狗要絕對服從主人指揮，依個情況要成為現實，被統治嘅一群，一定唔可以有獨立思考嘅能力，就算有，亦唔可以太多！或者最好情況係----市民普羅大眾以為自己有獨立思考能力，其實係冇就最好！咩叫「有其實係冇」？玄咗少少，舉個貼地例子幫大家說明：

話說有一日你收到一個長輩whatsapp，話飲檸檬水可以治療脫髮，自以為有獨立思考能力嘅社會碌葛就會諗：「我點會信呢啲嘢？飲檸檬水治療脫髮根本係冇科學根據嘅。」，但係真正有獨立思考能力嘅社會精英，就應該連睇都唔會睇，因為whatsapp上依亭嘅長輩帖，根本冇一個會係真。呢個就係兩者嘅分別，好mean？我都覺得係。

因此，貢獻社會穩定力量必需要靠一班人，依班人要有以下特徵：

1.一定要蠢，要人講乜佢就信乜。

2.要入世，唔可以離群，要對整體社會經濟有貢獻，甚至要覺得自己為社會同全人類作出貢獻！

3.要欠缺獨立思考能力，否則佢唔會人講乜佢就信乜，社會大趨勢叫佢做乜佢就做乜。

4.依群人唔可以發達，因為發咗達就會晉身領導階層，成為剝削者，成為社會精英。

5.對一切發生響自己身上嘅剝削、欺騙同仰壓視而不見，或逆來順受，抗逆能力極高，心理素質極好。

有齊上述特徵嘅人，就係本書既主角：社會碌葛！所以，千萬唔好睇小社會碌葛，係有佢哋，個社會先可以運作正常！

之不過，我強調過，137億年嘅演化之路，到咗今日，人之所以可以被定義為人，必先有獨立思考能力，能夠有自由意志作出選擇。但係社會碌葛要冇獨立思考能力就最好，如果咁講，社會碌葛咪唔係人？說話又唔好講得咁死！講吓笑啫，唔講邊有得笑先？

況且，世界上有謀殺同誤殺，後者刑期輕得多，因為係冇心之失，可以被原諒。同樣道理，社會碌葛之所以成為社會碌葛，有時候並非自愿，反而係一個被精心塑造嘅過程。有陣時，好好哋一個有獨立思考能力嘅人，會被某種精心計算嘅安排而被培訓成一碌「社會葛」，服務統治階層，鞏固同延續佢哋嘅權力，最後係一個戰略問題，係一個統戰問題，甚至歸結係一個政治問題。

😎【碌葛男人嫁得過】

https://play.google.com/store/books/details?id=e1N7DwAAQBAJ