常公子 2019-1-22 11:20:36 【大清亡國關 #保衛臺灣 蛋牛治】

🙄今日講吓英國脫歐，傳媒報導文翠珊嘅脫歐方案得唔到國民同國會嘅支持，正陷於兩難局面。但係我同朋友討論過，文翠珊做嘅嘢，可能亦都係權謀策略，明知拋出一個又一個爛方案，一定通唔過，第二次公投亦冇可能發生（英國並無公投法，公投並無正式法律約束力），英國搞唔掂，個波自然俾反歐盟。3月29號硬脫歐？一定唔會發生，歐盟一定又會讓步，又會延期，然後繼續同英國談判，件事會繼續死拖難拖拖落去。

🙄歐盟概念源於上世紀50年代末期，歐洲呢個火藥庫經過二次世界大戰蹂躪，其實已經五癆七傷，用一個國際組織將整個歐洲結合起來，避免戰亂再發生，其實係一件大好事。可惜同檯食飯各有異心，相見好同住難，歐洲諸國經濟同埋實力亦都完全唔均等。目前英國要脫歐，法國黃背心運動亦都演變成一場革命，德國默克爾退休在即，新政府上臺極有可能係極右取向，唔玩大愛即係玩脫歐；相同情況響意大利亦都出現。加埋英國，其實全部有實力嘅歐陸大國都會在未來步上脫歐之路，歐盟其實好危危乎。甚至會一個好奇怪嘅情況出現，就係英國未傾掂如何脫歐之前，歐盟已經自己爆煲玩完。

😃地球皇者，美國當然想歐盟爆煲，因為歐盟成立某程度上就係抗衡美國嘅單邊主義，歐盟如果潰散，美國又可以少一個貨幣（歐羅）對手。我常公子永遠認同一件事，玩手段，玩權謀，整個世界冇人夠美國人玩……

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳https://user35103.pics.ee/E6ZXJ

🍳https://youtu.be/fy5qfS6lukE

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

常公子 2019-1-23 23:50:12


【常威西史】慈禧平反系列（一百四十六回）

戰爭其實係一場非常昂貴嘅遊戲，打仗其實係燒錢。所以我好朋友周顯教我，共產主義同資本主義最大嘅分別在於戰爭期間，因為戰爭期間共產主義其實戰無不勝，原因好簡單，因為打仗最緊要平，軍備要平，人命要平，動員能力亦都要強，共產主義國家喺呢方面係完勝資本主義國家，唔信？可以輕易征服歐洲嘅希特拉打唔贏史太林紅軍，國共內戰共產黨打跨蔣介石，韓戰中共打到美國求和，越戰到最後勝利嘅係共產北越。Right？

當然係和平嘅世代，資本主義係完勝共產主義，依樣嘢又係冇得拗嘅。

發生响1905年嘅日俄戰爭係一場好昂貴嘅戰爭，今日同大家分享吓關於錢嘅問題。

某程度上，日俄戰爭係一場代理人戰爭，戰場係清國嘅東北，而背後支持日本開戰嘅係英國同美國，好簡單，因為英國同美國都唔鍾意俄國，呢個狀況到今日都冇改變過。世仇可能來自基督新教同東正教嘅意識形態分野，亦可能當時紳屎英國佬明白到比俄人繼續響中國東北坐大，虧佬狀態嘅肥豬肉on99中國遲早會被俄國完全吞拚（事後證明英國人冇睇錯，事後中國始終被俄國人操縱，不過要到40幾年後1949先發生）。

戰爭爆發前，日本嘅財政儲備最多可以頂一年，透過加稅同埋量化寬鬆（即係狂印銀紙），都係頂多六個零月，即係話年半就係日本政府所能夠接受嘅戰爭期限，超過年半，日本就會破產收皮。所以當天皇決定開波，就伸手向佢嘅幕後代理人要錢，天經地義啫。

1903年嘅12月，日本全國嘅財政儲備只有1200萬英鎊，於是日本打算發行戰爭國債1000萬英鎊用嚟打仗，英國作為第一號代理人，首先以年息六厘購買咗500萬英鎊債券，但距離目標仲有一半，但係呢個時候，一個猶太人出現，佢叫雅布各希夫（Jacob Henry Schiff，1847－1920），佢係一個響德國出生猶太裔嘅美國銀行家，由佢出手一力承擔，向散居全世界猶太人推銷日本戰爭債券，結果成功籌集到凈低嘅500萬英鎊。依筆錢差唔多係整場日俄戰爭總經費嘅一半，當時日本人唔明白猶太人點解會幫助佢哋打敗俄國？或者同我哋今日嘅想法一樣，好香港人都仲唔知道猶太人嘅威力究竟喺邊度？

猶太人嘅威力就係在於，佢哋一直控制住一切，但你永遠冇辦法知道佢哋點樣控制住一切……響大家心目中，都係得OceanPark盛志文一個啫，猶太人又點會咁簡單吖？

事實上，日本陸軍同海軍響日俄戰爭裡面，能夠有錢購買到當時世界最先進嘅武器，都係靠猶太人背後發功。戰爭完結之後，希夫仲繼續同日本人合作愉快，再成功募集發行三次日本公債，金額達到7200萬英鎊，後來希夫仲被明治天皇頒授一等旭日大綬章，為咗第一個獲此殊榮嘅外國人。

有人話，猶太人幫助日本人籌款打仗，係因為沙俄曾經迫害過猶太人，佢哋要報復咁講。但我常公子唔認同呢種講法，猶太人嘅性格係無寶不落，佢哋購買日本戰爭公債，因為佢哋一早知道呢場戰爭日本人一定打贏。戰爭結束後，雙方關係確立，事後猶太人作為日本發行公債嘅國際代理人，相信亦都撈唔少油水。日本之後成功繼續坐大，建立強大軍國主義帝國，猶太人響佢身邊係推波助瀾，助紂為虐，到咗1942年偷襲珍珠港反咬你一口，加人軸心國逼害猶太人，十年河東，十年河西，又已經係另一個故事鳥。

#常威 #大清亡國關慈禧蛋牛治 #慈禧太后 #晚清歷史 #日俄戰爭


【大清亡國關慈禧蛋牛治】實體購買
https://www.382now.com/product?id=87 ;

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

關公大戰機械獸 2019-1-24 18:10:04 忍左2星期冇睇又一次過追到live

:^(

常公子 2019-1-25 00:21:17 【大清亡國關 #血統 蛋牛治】

🙄今集我講過血統嘅問題，我發現19世紀成個愛新覺羅家族根本冇人可用，皇族大部份成員出現低B現象，好有可能係同大量近親通婚有關。其實上述嘅事件並不只係發生喺清帝國，古往今來好多巨大帝國之內都有呢個問題，當然貴族低B化，未必一定關基因事，出身太好，好食好住，一生無風無浪，低B都係好正常。今日嘅香港，唔少富二代富三代富四代都有呢種情況。

🙄論血統純正，世界上有兩個民族一直堅持，就係猶太人同日本人。過去幾百年，猶太人都唔鼓勵自己嘅族人同外族通，你試吓今日識個以色列女朋友，如果你想同佢結婚，你自己又唔係太有錢或者太有才華，我相信你一定遇上極大壓力。相反，中國人嘅世界，湊條鬼佬，食條洋腸就已經威過威士忌，娶到個鬼婆老婆，其他人就另眼相看，呢啲事唔使我多講。

😃血統問題其實非常重要。中國人都講竹門對竹門，木門對木門，其實都係講緊血統純正嘅問題，血統問題超越階級問題，我之前講過，日本人口劇減，佢哋其實需要大量外國移民加入，振興經濟，但係日本國一直冇咁樣做，畀你長期居留就可以，你想要個大和護照正正式式堂堂正正做個日本人就難過登天。其實日本都係捍衛緊大和民族血統的純正性同優越性。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳https://user35103.pics.ee/EG3RH

🍳https://youtu.be/Gh1xA79iHsQ


【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

展斌舟 2019-1-25 01:19:02 加速

常公子 2019-1-25 12:39:34

【常威西史】慈禧平反系列（一百四十七回）

1906年 #諾貝爾和平獎 係頒俾美國老羅斯福總統，為咗表揚佢調停日俄戰爭。

日俄戰爭，日本人贏得相當慘，戰場上打得好慘，處理事後就更慘。連 #伊藤博文 都唔贊成打依場代理人戰爭，打完邊個最著數先？大家不如計吓數。

同1894年 #甲午戰爭 比較，日本死傷38萬人，係甲午戰爭嘅20倍，軍費開支係甲午戰爭嘅10倍。但打贏甲午戰爭，#馬關條約 令日本得到天文數字戰爭賠款，仲有朝鮮嘅控制權，得到臺灣澎湖列島。今次呢？哈哈，得啖笑就有。由於沙俄並唔係完全戰敗而投降，大家叫坐埋「媾和」，想停戰啫。樸茨茅夫 談判期間，俄國人都睇通日本仔壠嘢，所以死人都唔賠錢。幾經討論，山縣有朋、大山嚴、桂太郎、兒玉源太郎、山本權兵衛，寺內正毅一班日本領導內閣元老重臣，最後決定放棄戰爭賠款，都要結束戰爭。

結果《#樸茨茅夫條約》係：日本以人道立場同和平理由放棄戰爭賠款，沙俄承認朝鮮係日本勢力範圍，將南滿鐵路同旅順嘅租借權轉讓比日本，並且割讓庫頁島南部……中國東北主權仍然屬於 #清帝國。

老實講，日本同俄國做咗大老襯，俄國因為戰敗，令到 #馬克思主義 係國內急速升溫，加埋日本間諜喺俄國國內活動，直接導致咗沙俄帝國嘅衰落，終於喺第一次世界大戰之後，徹底玩完，#羅曼諾夫王朝 一舖清袋。

日本方面，《樸茨茅夫條約》公佈後，日本國民發咗癲，1905年9月5號到7號。就發生咗「#東京騷亂」，即係「#日比谷燒打事件」，東京民眾一邊唱住「#君之代」，一面掟石放火，日本政府最後要頒法戒嚴令，出動軍隊鎮壓，死咗17個人（官方數字），傷者無數。東京騷亂，亦係日本現代化以嚟，民衆對自身處境嘅一次反抗同咆吼，後果逼得桂太郎內閣集體辭職，同時亦都仲下咗幾年後「#大正政變」嘅種子。

之前已經SAY過，打日俄戰爭，英國人喺售賣軍備，同戰爭債券收益賺到盆滿缽滿，美國人（即係 #猶太人），上一節亦都曾經講過，又係無寶不落，事後收錢收到手軟。日本死成84000人，仲要冇錢返？英國美國一條人命都唔使付出就賺到笑，佢哋先係大贏家。邊個係天才？邊個係白痴？大家應該心裡有數。

況且仲有一條死數大家未計，日本同俄國打仗，兩個軍事力量強大嘅帝國國力相對被大大削弱。此消彼長，英美就繼續做國際大佬，唔驚你爬我頭，仲贏埋諾貝爾和平獎，財色兼收，真係邊個吹得佢脹麽？

成日響側邊食花生，仲要撈到最大筆嘅油水。次次咁做，都幾乞卵人憎。所以智慧絕對唔響功利主義者英國人同埋美國人之下嘅大德意志 #日耳曼民族 就睇唔過眼。#第一次世界大戰 先將大英帝國拉落水。#第二次世界大戰 美國佬又想食花生？軸心國盟友日本就嗱嗱臨 #偷襲珍珠港 喇，旁邊鶴哈哈哈，你就X想……呢個純粹係我常公子個人嘅見解，大家不喜勿插。

第二次世界大戰德國人同日本人（對唔住，#軸心國 真係唔好關 #意大利 事）最後估唔到嘅係，#奧本海默（Julius Robert Oppenheimer，1904-1967）同 #愛因斯坦 快過佢哋製造到 #原子彈 出嚟。大家仲要記得一樣嘢，奧本海默同愛因斯坦都係猶太人，係呀！又係猶太人呀！

#常威 #大清亡國關慈禧蛋牛治 #慈禧太后 #晚清歷史 #日俄戰爭

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

follow my instagram @historysandwich

Facebook 專頁：https://www.facebook.com/historysandwich/

常公子 2019-1-26 00:22:38

:^(

:^(

:^(

關鍵詞 2019-1-26 11:07:50 未試過咁有心機追post
支持樓主

:^(

常公子 2019-1-26 12:18:13 【大清亡國關 #榮祿 蛋牛治】

😏甲午戰爭之後，李鴻章時代結束，歷史邁向新嘅一頁，新嘅一頁主角其實係袁世凱，作為一個練兵高手，袁世凱所嘅資本都係嚟自軍事方面，佢之後建立嗰支北洋新軍，其實就係之後中國最重要一個政治集團，槍桿子出政權，軍事同埋武力先係所有政權嘅基石。美國可以欠成個世界債，不斷借錢，令國民過住世界第一幸福愉快嘅優越生活，其實都係同佢哋嘅軍事實力成正比。

😃19世紀係大英帝國嘅時代，20世紀就係美國嘅時代，至於21世紀，好有可能係中國嘅時代。目前好多香港人，對中國有好多唔滿意同睇唔過眼嘅地方，但係無可否認，中國係一天一天咁強大起嚟，從40年前一無所有，一窮二白，到今日可以同世界第一強權美國平起平坐，最起碼美國將佢當成敵人，需知道要成為美國嘅敵人，其實要有一定資格。

😃中美嘅角力，會唔會成為下一輪世界大戰嘅基礎格局？我唔知道。當然我絕對唔想戰爭再次發生，第一次世界大戰同第二次世界大戰，教訓實在太深刻，不過戰爭作為政治延續嘅最後手段，事實上無法避免，關係只係遲同早，同大與細。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳http://yt1.piee.pw/DNL3E

🍳https://youtu.be/PifRBIEVQFA

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

常公子 2019-1-26 23:44:50

【常威中史】慈禧平反系列（一百四十八回）

日俄戰爭終於講完，我嘅鏡頭返番清帝國，自從1900年八國聯軍入京，到1902年慈禧復位，加埋1904至05年日俄戰爭清政府喺側邊食花生，任由其他國家響自己國土上面打仗同蹂躪人民，清國子民對政府嘅信任同忠誠度已經降到零以下（負數），平民百姓再唔相信政府，革命思潮進一步蔓延全國。

但係呢段時間，清政府嘅管治做得非常之唔錯，可能唔需要軍費開支（辛丑條約將大清武力清空幾年），相對投放響民生嘅資本就多咗，人民生活得以進一步改善同提高。辛丑條約嘅另一個後遺症係，大量留學生公費出國，目的地主要係日本同美國，呢一群海外留學生，亦正正式式成為大清帝國嘅掘墳人。

1904年，仲有一件大事發生，就係慈禧嘅70大壽。可能佢冇搵風水師傅算命或其他原因，豆斗每過一次大壽，清朝國運就衰多一重。「中華民族」依個term嘅始創人章太炎就寫咗條對聯寸X豆斗，「五十割琉球，六十割台灣，而今又割東三省，痛赤縣邦圻益蹙，每逢萬壽祝疆無」。其實又有冇人諗過，如果世界上冇豆斗，大清根本一早已經玩卵猿，成為咗英國或日本嘅殖民地好耐鳥。

豆斗亦都知衰，光緒三十年，1904年嘅「七旬萬壽」，決定細攪，前一年就下聖旨講：「現在時事艱難，物力凋敝，來年慶典，不許鋪張。」禁止官員歌功頌德同疏通送禮，同時好似袁世凱咁，話要「報效廉俸」（捐人工減薪水），統統都被慈禧否決。另外如果有高級官員屋企有70歲以上嘅父母，豆斗都會有賞賜，當然少不免就係大赦天下，普天同慶，happy birthday！

其實當時被免職或流放官員中，好大部分都係響戊戌變法中跟車太貼站錯隊，之後被豆斗清算嘅人。帶頭嘅、要殺嘅差唔多殺9晒，未死嘅亦被騰折咗十年，難再成氣候，所以慈禧特別對依班人進行大赦：

「戊戌案內各員，均著寬其既往，予以自新。曾經革職者俱著開復原銜。其通飭緝拏並現在監禁，及交地方管束者，著即一體開釋。」當然豆斗咁樣做，係收買人心，粉飾太平。馬基維利主義者就係有辦法。

另外，1905年仲有一件驚天動地嘅事發生，光緒三十一年，即1905年9月2日，經袁世凱奏請，慈禧太后以光緒帝名義發佈上諭明告：「着自丙午科為始，所有鄉會試一律停止。各省歲科考試，亦即停止」。

從此之後，行咗成千年、束縳中國知識份子嘅思想金剛圈，科舉制度正式收皮，睇返係太陽能電筒袁世凱一手促成，後世人對袁世凱嘅評價真係要重新估量。其實當時袁世凱受到豆斗寵信，而且手握一支剩係聽佢指揮、三萬人嘅普魯士裝備現代化新軍（大清帝國唯一最強武裝力量），扼守京津要道，加上東南互保後，南北分治。如果袁世凱當時肯同日本人或英國人傾傾偈，大家交換一下條件，要推翻滿清皇朝，其實人都未必要死一個，直頭易過借火。但袁世凱冇咁樣做，亦從來冇咁樣諗過，就證明佢基本上係一個大好人，即係一個忠於大清嘅超級好官。

袁世凱真係唔同佢平反唔得！

下一站中華民國國父登場，會講講湖南人黄興，對唔住，唔係黃興桂，而係黃興！

#常威 #大清亡國關慈禧蛋牛治 #慈禧太后 #晚清歷史 #辛亥革命


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2019-1-27 11:00:36

星期日特別放送<碌葛係宇宙中最冇用的東西，社會碌葛唔係>

😖碌葛冇工返就要柄響屋企宅，主力從事打機或上網等私人活動，碌葛嘅生態就等於早年TVB新聞透視訪問過嘅「阿源」，單純獻世，仲要覺得自己一無是處、自己是「零」，同個社會完全割裂，同社會唔產生任何實質關係（上網打機同向老竇老母伸手攞錢例外），唔參予任何社會性活動，或者乾脆唔參予任何牽涉其他人嘅活動，完全自我封閉狀態。

😁吃父母、坑爹娘，唔做嘢、唔怕拖、唔結婚、唔會有下一代、唔會主動創造任何價值同希望，自己所做嘅一切都唔會影響到個社會同其他人，而且，做齊上述所有嘢嘅同時，千萬唔可以後悔，唔可以有反思回頭重新做人、更而且，要愈宅愈快樂、愈宅愈自然，宅到去一個點，要非宅不可，要宅先可以生存落去，更加要有心理準備同覺悟，最後自己就算要死，都要死響一個冇人理又冇人知道嘅獨居房間裡面，死咗都冇人會發現你，因為你冇親戚冇家人冇朋友，根本唔認識任何人，屍體會直至化成白骨為止，冇葬禮、冇人理會你生死，因為社會同成個世界同你毫無關係，咁就係一碌完美嘅「葛」！

😜換言之，一碌葛其實係「出世」嘅，就好似古人隱世一樣，遠離社會，離開群眾，離開名疆利鎖。

😄但本書所講嘅係「社會碌葛」，即係唔會脫離社會脫離群眾。係「入世」嘅一碌社會葛。

😝依碌社會葛雖然蠢（一定要蠢），人講乜佢就信乜，多人做乜佢就跟住做乜，但佢從來未諗過脫離社會一個人宅埋一邊打飛「之」，反而佢會感覺自己仍有響社會生存同創造價值嘅能力，雖然佢除咗俾人統治、剝削同欺淩之外，其實並冇其他價值存在。

😜相對地，做社會碌葛比純做一碌葛容易，要同個社會割斷其實好有難度，因為人類與生俱來就係社會性動物、係群體性動物，正如我哋既牙齒結構係「雜食性動物」，而唔係草食性肉食性，與生俱來係大曬嘅，天性要後天改變其實好X難，而社會碌葛只係順住條Trend繼續響社會生存，不過唔係做一個社會精英，而係做一碌葛。

😝上面已經定義做一碌葛唔應該參予任何經濟活動，唔應該對社會或其他人有任何貢獻，葛最好成為社會包袱，成為社會背脊上一粒唧極都唧唔走嘅大毒瘡。

🤔但完全相反，社會碌葛並唔係咁，社會碌葛係入世嘅，佢會有工返，會媾女/仔、拍拖、結婚、生仔、供樓、供保險、供強積金、會進行經濟活動，會參予一切社會事務，甚至會投票比建制派覺得為香港大眾好。

😜總之，社會碌葛係會對社會作出一定貢獻，而且仲係整個社會結構嘅樁腳所在。一旦冇咗依亭社會葛、或社會葛有一日覺悟醒覺過嚟，個社會會亂、甚至會發生革命、崩潰！

😚依一part講哲學定義問題，最後為社會碌葛再作定義。

😝社會碌葛要蠢、要人講乜佢信乜、先決條件要入世、要參予社會經濟活動、要義無反顧相信權威或威權。仲有仲有，最後一個定義，社會碌葛一定唔可以發達！佢哋嘅存在要極度知足，極度滿足於社會和政權所給予佢嘅生存配套同權限，就算發覺有問題都要自我安慰然後忘記，永遠要跟隨大時代步伐，跟隨領導人足印，唔可以行差踏錯。

🤔舉個例，社會碌葛要用成世人遁規蹈矩打份朝八晚七(加班冇補水)既西工，辛辛苦苦去供一層三、四百呎嘅私樓，最後老中青三代加埋印傭逼響間豆腐潤裡面，雖然係咁，但仲要覺得好X正，覺得自己係中產，覺得自己比上不足比下有餘，覺得自己嘅人生好好，起碼對得住國家同民族。

😂講返轉頭，社會碌葛只要一發達，就係社會精英，約定俗成下，以我哋嘅社會定義「成功」為：

😝『發達等於成功』

😝於是，發咗達嘅社會碌葛，就已經唔再係社會碌葛，係晉身咗社會精英階層，凡事用錢用財富嚟衡量，亦係我哋社會嘅特徵，錢，亦係社會碌葛最認同嘅衡量生命價值單位。

--節錄【碌葛男人嫁得過】

🙈【碌葛男人嫁得過】線上購閱
https://play.google.com/store/books/details?id=e1N7DwAAQBAJ

細滴大雨雲 2019-1-27 13:57:05

:^(

安室A夢 2019-1-27 21:51:14 Lm

突發性交易 2019-1-28 13:49:39

:^(

常公子 2019-1-28 22:45:54

【常威中史】慈禧平反系列（一百四十九回）

中國近代史除咗最鍾意抹黑人之外，亦都最鍾意抹走人。國民黨同共產黨寫近代史，完全係為咗配合佢哋政權而寫，對真實發生嘅事情，佢哋完全冇興趣。

1942年毛澤東喺《延安文藝座談會》上嘅講話，佢講到明所有文學創作、戲劇（佢冇講新聞，其實包含在內）都要配合共產黨，為共產黨服務，有人就話，係毛澤東將中國嘅言論自由徹底消滅，但我同你講，佢唔係第一個咁樣做嘅中國人，因為之前嘅中國近代史，或者中國文人已經有一個傳統，就係好輕視歷史同真相。黄興（1874-1916），作為辛亥革命最重要嘅一個人物，喺我常公子心入面，佢先係真正嘅國父，但係佢嘅重要性係完全俾人忽略，佢成個人甚至比人抹走。直至90年代，台灣解除軍統狀態，黄興由西方人重新發掘史料，先將佢嘅重要性提返出嚟。

1905年，當日俄戰爭打完之際，孫文同黃興喺日本第一次見面，成立「同盟會」，自此之後，呢個真真正正革命組織嘅大部份軍事顛覆活動，都係由黄興，一個具有大無畏精神同個人勇氣嘅中國知識份子，所親自指揮策劃同發動。

孫文嘅角色，係作為革命運動嘅理論宣傳家同埋革命經費嘅募集者，而黄興則係革命嘅軍事領袖。其實兩者比較冇話邊個叻啲，一樣係咁重要。冇錢冇可能革命，但係冇人拎支槍唔X怕死上前線衝，革命亦冇可能會成功。所以辛亥革命前後，「孫黄」係一體，正如之後嘅無產階級革命，「朱毛」（朱德同毛澤東）一樣。不約而同，朱德同黄興兩個真正軍事領袖，之後同樣被政權矮化。

黄興响歷史上嘅消失，唔關孫文事，係陳其美（1878-1916）一手造成，但其實又唔關陳其美事，只不過係陳其美將一個人介紹咗俾孫文識，依個人叫蔣介石。依啲嘢，之後有機會講。

細講黄興嘅起伏，其實即係細講辛亥革命。黄興出生於1874年10月25號，黄興唔係真名，佢叫黄軫。佢出生於湖南長沙市，冇錯！佢係湖南人，中國近代史上面有兩個非常啲重要人物都係湖南人，第一個係毛澤東（1893-1976），第二個係我常公子成日掛響口邊，我日後所寫嘅中國近代史終點，劉少奇（1898-1969）。湖南同湖北係清朝係作為一個行政單位，由湖廣總督統治管理。湖南係軍事大省，源於另兩個湖南人曾國藩同左宗棠，撲滅太平天國革命運動，搶救滿清王朝嘅湘軍，就係主要由湖南人組成。

湖南同廣東相鄰，由大英帝國殖民地香港作為革命顛覆總基地（呢個概念，到今日仍然值根喺中國領導人心裡面）嘅西方民主自由思想，一早已經由廣東輸入湖南。但廣東人比較古惑走精面，湖南人民風傾向倔强，打仗唔怕X死。所以革命思潮喺湖南迅速成長亦都係理所當然。

仲有一點，湖南人仲有一個王夫之（即王船山，1619-1692），之前已經提過，王夫之係滿清入關之後，一個堅守儒家哲學嘅民族主義思想家哲學家，曾國藩同佢兄弟曾國荃，其後重新出版王夫之嘅所有著作流通全清國，重提反清復明、大漢族本位主義，某程度上亦係為推翻滿清外族統治播下嘅第一粒革命種子。（我亦都講過，呢個可能係曾國藩落馬嘅真正原因）

下次carry on…….


#常威 #大清亡國關慈禧蛋牛治 #慈禧太后 #晚清歷史 #辛亥革命


【大清亡國關慈禧蛋牛治】實體購買
https://www.382now.com/product?id=87 ;

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2019-1-29 16:55:12 【大清亡國關 #倫敦金 蛋牛治】

😏華為5G網絡事件，終於擺上軍事層面，美國宣佈，一定要千方百計打贏這場戰爭，絕對唔可以俾中國取得未來5G網絡嘅領導權。我之前講過，美國嘅軍備領先中國超過30年，以軍事硬件嚟講，中國冇可能追到美國，但係科技上，中國近年突飛猛進，現在更加為美國帶來嚴重軍事威脅。

😜好簡單，現代世界一切軍備以電腦網絡控制，如果駭客可以hack入軍事系統網絡，隨時可以癱瘓你一個航空母艦戰鬥群，至於通訊情報系統，更加係科技主宰一切。華為其實係中國國家戰略機器之一，美國到今時今日先發現5G網絡主導權有可能落入中國手上，其實係佢哋後知後覺，責任唔喺特朗普度，應該係前任總統奧巴馬身上。

😃戰爭係政治嘅延續，戰爭亦係政治嘅最後手段。中美之間嘅摩擦，已經開始接近戰爭嘅層面。美國固然係一個好戰嘅國家，佢哋需要用絕對武力，穩固佢哋世界霸主嘅地位。但係中國依個極權政府亦都唔抵可憐，兩邊其實都唔係好人。當然喺政治嘅世界裡面，並沒有好人存在。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍳https://user35103.pics.ee/DYKTL

🍳https://youtu.be/G_sGwb1e7_s

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

常公子 2019-1-30 00:23:28

:^(

:^(

:^(

安室A夢 2019-1-30 00:25:57 Lm

常公子 2019-1-30 00:30:28

:^(

:^(

:^(

突發性交易 2019-1-30 20:53:54

:^(

常公子 2019-1-31 00:33:19

【常威中史】慈禧平反系列（一百五十回）

一百五拾回了！人生有幾多個150回呢？恭喜自己！

繼續講 #黃興，睇黃興成長，可以睇到一個革命青年係怎樣被煉成？辛亥革命時代嘅革命青年通常有兩個元素，第一個係 #有錢，第二個係 #日本，係吖，Japan呀！

中國近代史（無論係 #國民黨 定 #共產黨），千方百計想抹走日本同中國革命嘅關係，佢哋淨係想你知道日本仔就係侵華 #南京大屠殺 嗰班「#鬼子」、黑太陽731嗰班會解剖中國同胞嘅怪物，於是乎發展到最後徒手撕開佢哋都係好正常吖。

但其實，真正推翻滿清皇朝嘅所有革命家同革命行動，大部份都係日本人係背後一手策劃或出錢資助。遲啲大把機會講，講翻黃興，黃興出生喺湖南省一個有錢家庭，父母都係知識份子。1898年，你睇佢24歲仲喺 #兩湖書院 讀緊書，仲已經係兩個細路仔嘅老竇，你就知佢曡水有米夠照嘞。我唔係眼紅佢係二世祖富二代，我反而更加尊敬佢，有陣時，窮人乞兒搞革命係迫於無奈，有錢人肯拎支槍上戰場搞革命先係真真正正堅抽，點解？因為佢哋有得揀，佢哋可以揀安安樂樂過日子，收地租做地主，印印腳，冇乜必要搵條命搏。資產階級搞革命，黃興又唔係第一個，共產主義副教主 #恩格斯 係一個，後來我哋嘅偉大領袖 #毛主席 又係另一個。

兩湖書院係湖廣總督陰陽兩面 #張之洞 搞嘅，係屬於一間新式西化學校，歷史上面冇乜記載黃興早年嘅政治取向，但係一個正常年青清國人，睇見 #甲午戰爭、#百日維新、#戊戌政變、#義和團、#八國聯軍，應該都係眼火爆，應該都覺得，大清依個專制集權嘅政府都幾不X知所謂。唔明？問下你自己今日點睇中共咪一清二楚囉。仲要中共今日大把錢，1902年當時嘅清國係窮到燶。

黃興生命嘅轉捩點，係1902年被湖北當局派送日本留學師範學院。1901年 #辛丑條約，清國門戶大開，八股文被廢除，新式學制在各省上馬，日本同美國都用辛丑條約賠款，資助中國留學生到當地留學，我諗又唔好諗得美國同日本兩兄弟咁仆街，動機應該係真心好嘅，祇不過留學當地嘅中國人，見識過西方文化民主自由社會嘅洗禮，或者同某啲經理人傾下偈，變曬革命份子又好似係理所當然。

1902年5月，黃興到咗東京，入讀東京弘文學院學習師範，呢間學校係專為接待中國留學生而建立嘅，當時嘅中國留學生，喺日本嘅薰陶之下，革命情緒高漲。1901年，中國留學生已經喺日本出版《國文報》宣傳革命思想，而且佢哋宣傳嘅仲係武裝革命思想，即係要用軍事手段推翻滿清皇朝統治，並唔係和理非非坐低飲杯奶茶慢慢同你傾偈。

黃興同 #鄧小平 勤工檢學留學法國一樣，書就冇乜點讀，主要係搞革命活動。1903年4月，由於俄國係東北嘅舉動，令中國留學生極之憤怒，佢哋組織咗一支「抗俄義勇軍」，但應北京嘅要求，日本政府解散咗呢支學生軍隊，於是帶頭嘅黃興，就成立咗另一個組織叫「#軍國民教育會」。其實就一個完完全全嘅革命組織，軍國民教育會致力宣傳鼓吹武裝起義同暗殺活動，以此作為革命手段推翻滿清皇朝，1903年6月4號，黃興攞咗畢業證書，離開東京，回歸中國，正式全身投入革命活動。

前前後後，黃興喺東京留咗一年多少少，但係佢已經由一個普通留學生變成咗一個武裝革命家，你話日本嘅威力係幾咁強大呢？我自己相信，當時嘅日本政府，係直接或間接訓練呢一類武裝革命份子，目的就係要用你哋清國人嘅手，推翻你哋清國政府！我諗，呢啲就真真正正嘅所謂外國勢力插手中國內政，或者仲有個term仲正確，叫「#輸出革命」！

當然作為革命熱血青年，佢哋唔會覺得自己被日本人利用，佢哋反而覺得日本先至係亞洲嘅典範，日本人係真心幫中國人，幫中國人（漢人）擺脱滿清專制集團（滿州人）嘅高壓統治，幫中國人尋找民主自由共和政體……執筆之際，正值佔中案開審，歷史不斷重覆又重覆，只不過今日角色，滿清換咗中共，而日本則換咗美國。

下次長沙起義！

#常威 #大清亡國關慈禧蛋牛治 #慈禧太后 #晚清歷史 #辛亥革命

:^(

【大清亡國關慈禧蛋牛治】實體購買
https://www.382now.com/product?id=87 

:^(

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

:^(

【大清亡國關慈禧蛋牛治】全集，請支持常公子頻道
https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

常公子 2019-1-31 11:06:57 【大清亡國關 #清俄密約 蛋牛治】

😏大清帝國係甲午戰爭戰敗之後，曾經秘密同俄國簽訂一份密約，用帝國國內鐵路權益換取俄國保護，對付日本人。呢一著好聰明，1905年發生嘅日俄戰爭，就係由此而起。對於清帝國嚟講，日俄戰爭無論邊一面打贏，都係有著數嘅，之後嘅歷史亦都講畀我哋知，一切真係咁樣發生。

😜所謂秘密簽下密約，其實喺國際社會上相當常見。到咗今時今日，有人會認為個世界已經變得完全透明，新聞報導睇到嘅就係真相。呢一個理解當然係錯，我好相信，國家同國家之間其實存在住好多不為人知嘅秘密同協議。好似美國同北韓，甚至最近嘅中美貿易戰，其實當中發生緊乜嘢事，局外人根本冇人知。

😃香港就更加奇怪，中美貿易戰越係打，經濟數據越係不利，股票反而嘭嘭聲昇上去，今日甚至收復失地。我常公子唔係經濟專家，我唔明個玩法係點？金錢嘅世界的確不可思議。2019年嘅世界經濟前景，連李嘉誠都唱淡，形勢真係唔係好樂觀。但係又如果俾你估X到，你咪係食神？

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🍱http://user35103.psee.io/ES8MC

🍱https://youtu.be/xEgs-7buWwA

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

常公子 2019-2-1 16:43:38

【常威中史】慈禧平反系列（一百五十一回）

1903年，30歲嘅黃興返番清國，開始咗佢接下嚟一生嘅偉大武裝革命事業，呢個時候，我哋嘅奪命書生孫文，經過1900年嘅武裝起義（惠州）失敗之後，佢一直留流亡國外。響世界各地遊歷演說，宣傳中國革命思想，而「中華民族」依個沿用到today嘅概念，亦響佢努力宣傳下正正式式同「清帝國」劃清界綫，革命理念開始清晰，康有為嗰套保皇黨概念（撐劉精唔撐豆斗，希望清帝國會實行政治改革君主立憲嗰套）開始退場，新一代嘅革命觀念係武力推翻滿清政府，建立民主共和政體，即中華民國（未係中華人民共和國）。

事實上，理念本身亦係幕後金主嘅意志展現，康有為好食好住收嘅錢，可能嚟自清帝國內嘅保皇黨勢力；相反，孫中山所籌嘅錢，係嚟自外國自由民主世界嘅華僑，佢哋兩個represent不同嘅團體。好似今日嘅香港，你收得黎智英捐款自然要企喺美國嗰邊，你受得中共嘅惠澤，就要義無反顧做個保皇黨，社會上人人有立場，人人有錢收，冇錢收嗰批，就等坐監啦。

舉多個例子，民國時期一直大力宣傳蘇聯馬克思主義嘅偉大左派文人魯迅先生，原來佢係租住咗上海一間最貴嘅公寓，有工人用生活奢華，過嘅係上海租界最好嘅資產階級生活，但錢從何來？當然係嚟自蘇共嘅第二國際，有啲嘢希望大家明白，凡事唔好睇得咁死，我搞呢個page出嚟講歷史，都係為咗呢個目的。

講返黃興，1903年中佢返清國，響長沙明德學堂教書，但之後連老師都唔X撈，全程投入革命事業，11月成立「華興會」革命組織。華興會講到明要武力推翻北京政權，吓吓要放炸彈做刺客，其中所有三十幾個成員差唔多都係留學日本嘅留學生，你淨係睇依點，就知道日本同中國革命嘅關係幾咁密切啦？

同年黃興亦都同湖南哥老會嘅頭目串連，黑社會組織同社團，一直喺中國革命事業中發揮無可替代嘅力量，呢個係不容否定嘅事實，黑社會都有愛國嘅，並唔係1989年開始。因為當時嘅黑社會，大多數都係反清復明留落嚟嘅地下組織，推翻外族統治，基本上係黑社會本源文化，佢哋同革命份子一拍即合，亦都理所當然。

仲有一點要提提大家，當一個極權帝國走向沒落嘅時候，貪污舞弊情況進入失控的時候，其實地下經濟往往係會超越表面嘅地表經濟，上世紀90年代嘅蘇聯同今日嘅北韓就係好例子，地下經濟即係不合法黑市交易買賣活動，理所當然係由黑社會所控制嚕，20世紀初，清帝面臨崩潰狀態，地下經濟發展蓬勃相信亦都係必然，即係講乜呢？即係話你知，當時黑社會係有人又有錢！

1904年頭，日俄戰爭爆發在即，民族情緒高漲。黃興打算響長沙策劃一次武裝革命，計劃喺1904年11月16號，即係農曆十月初十，慈禧70大壽嗰日起事。佢哋打算放置炸彈行刺長沙重要大清官員，然後起兵佔領省會長沙做第一個革命根據地。黃興依照日本軍制編組革命軍，自己係主帥，劉揆一同哥老會頭目馬福益係副帥，湖南省內佈置就緒後，佢另外派遣其他人同其他秘密會黨聯繫，陳天華到江西游説防營統領加入革命，章士釗楊守仁駐上海聯絡，胡瑛同宋教仁喺武昌建立華興會支部。

相信當中好多名字大家都聽過，佢哋之後會成為辛亥革命同埋中華民國初期嘅領導人物，其實佢哋好多都係跟黃興起朵。王興依一次策劃嘅長沙革命，其實規模可能比唐常才1900年嗰次更大。

結果係點？下次繼續……


#常威 #大清亡國關慈禧蛋牛治 #慈禧太后 #晚清歷史 #辛亥革命


【大清亡國關慈禧蛋牛治】實體購買
https://www.382now.com/product?id=87 ;

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2019-2-3 00:13:12 【大清亡國關 #青島啤酒 蛋牛治】

😏19世紀末期列強瓜分中國，弱國無外交，大家可以睇到。一個國家要自立，要喺國際社會上有發言權同影響力，一定要有強大嘅軍事實力喺背後做backup。世界上有一班左膠和平主義者，認為軍事同暴力並唔係主宰國際秩序嘅第一主因，呢個見解一定係錯，從來祇有槍桿子出政權，人類嘅世就係咁簡單同膚淺。窮兵贖武固然唔啱，但係唔識保護自己或者冇能力保護自己，更加係大錯特錯。

🤔今次殺到嚟嘅係德國人，一伸手就要咗山東同膠州灣，從此以後中國有青島啤酒。其實成個十九世紀下半葉，基本上係「鐵血宰相」卑斯麥嘅時代（1815－1898），自從1871年德意志統一後，卑斯麥主宰咗成個歐洲嘅秩序，大德意志日爾曼民族嘅崛起，意味著大英帝國同民主共和法國最重要嘅競爭對手終於出現，卑斯麥在世嘅時候，全力收斂德意志帝國嘅巨大鋒芒，強權間嘅平衡尚且可以維持，但當佢死咗之後，整個歐洲正式步入戰爭嘅漩渦，第一次世界大戰嘅慘烈，同第二次世界大戰嘅空前破壞性，都係同德國人嘅崛起有關。

😜人亡政息，可以喺卑斯麥同慈禧太后身上睇到，卑斯麥一死，歐洲就大亂；慈禧太后死後，大清帝國亦都得返三年壽命。除咗軍事實力之外，強勢領導人喺一個國家裡面亦都相當重要。今時今日嘅中國，強勢領導人係中國國家主席習近平，過去幾年，佢將權力集中自己身上，其實我知道點解。佢一定讀過歷史，佢一定會明白玩法係點。有人話，近年美國將中國作為假想敵係因為習近平出現，但我話你知，就算有冇習近平存在，美國都一定會咁做。一山不能藏二虎，世界嘅霸主只可以有一個。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！衝上1000訂戶！💪

🌭http://yt1.piee.pw/E8TDJ

🌭https://youtu.be/bs3a5QEAADk

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

常公子 2019-2-3 23:38:37

【星期日特別放送】係宇宙俾我哋獨立思考能力

所謂哲學（philisophy），就係一啲吹到好大及好虛無嘅嘢嚟混淆視聽。聽住，137億年前(唔係150億)，發生大爆炸(Big Band)，在一無所有嘅虛無中，出現咗空間同時間。

如果宇宙創生嘅時間係1月1日0時0分，我哋可以得出一個「宇宙曆」，依照宇宙曆嘅時間線，重力凝聚星塵，第一顆星星出現響 1月10日。我們身處嘅銀河系於3月15號左右出現，地球生命之源嘅「太陽」誕生響8月30日。至於地球上嘅生命，則是出現響9月13日，大概響太陽誕生嘅二十億年後。然後，生命開始演化，克服咗重重難關，由單細胞變成衆數，我哋嘅遠祖響海洋裡找尋著下一步出路。

11月9日，生命開始呼吸、對周遭環境作出反應，甚至開始進食、生長、交配、繁衍……生命形式開始由簡單變成複雜，由單一化變成多樣化，由無意識變成有意識。

12月17日係精采嘅一天，因為生命開始由海洋伸延至陸地上，當其時海洋裡已經充斥著唔同嘅大型動植物，生命剛剛開始在陸上演化，森林、恐龍、鳥類、昆蟲…………全部都在12月嘅最後一週出現響宇宙曆日程之上，第一朵花，在12月28日綻開。

宇宙曆12月30日淩晨6點24分，小行星撞擊地球，導至恐龍滅絕。細小嘅哺乳類生物得以響大災難中倖存過來。

但響整個宇宙曆嘅漫長歷史中，仍然冇我哋人類身影出現，直至宇宙曆最後一日，即12月31日嘅最後一個小時裡，人類嘅進化先開始啟步，11時59分46秒，即宇宙曆的最後14秒裡，一切才被正式紀録下來，因為人類祖先發明咗文字，所有我哋認知嘅一切，所有我哋所知道嘅嘢，全響這個宇宙曆最後嘅一個小小角落裡誕生。

直至今日，我們身處嘅依個世界由我們人類作主宰，我們嘅未來，也由我哋嘅自由意志去選擇。我哋可以選擇生存，亦可以選擇滅絕，但生命總會找到出路，生命會以不同形式存在落去，當然生命形式也不一定係人類。

人類作為地球眾多物種嘅其中一個過客，其特別嘅係，我哋有其他物種都冇擁有過嘅發達大腦，大腦令我哋產生智慧，我哋嘅智慧，令我哋有獨立思考能力，從而認知自己係乜？令我哋能夠認知自己響整個宇宙洪荒歷史中嘅位置為何？亦能夠令我哋思考生命嘅意義究竟係乜嘢，對依個講法，我堅定不移。

咁點解要寫上面一番説話？我無非都係想指出兩點：

第一，我想指出人類嘅獨特性，人類意識在地球上出現，當然係一個非常偶然嘅產物，機率大概比連中100次六合彩頭獎更低，既然如此幸運嘅事情發生響我哋身上，我哋更加應該珍惜一次性嘅生命機會。態度唔可以太認真之餘，卻要活得似一個人，唔好似碌葛(或者社會碌葛)。當然你可以反駁，「妖！似碌葛就似碌葛喇，又有乜嘢關係先？反正宇宙到最後都會毀滅……」依個問題好吊詭，生命只有一次，你應該問一問你自己答案係乜？唔好問我，我無權同你答。依個問題亦係哲學大門條鎖匙（key），打開門可以行入去，但將會引發無限煩惱。反而永遠將門關上，冇眼屎乾淨盲，亦係一個唔錯既選擇，唔該你自己揀！

第二，既然偶然嘅演化令我哋有獨立思考能力，我哋更唔應該浪費佢，人要似一個人，唔似碌葛(或社會碌葛)，就因為我們可以獨立思考，依種能力令我們產生自由意志，亦因為有自由意志，人先可以有自由嘅選擇權，人之所以為人先可以被定義。否則一個人同石貝梨水塘一隻恒河猴冇分別，亦同一隻嬲屎嘅烏蠅冇分別，甚至同馬桶裡一舊沖極都沖唔去嘅屎都冇差別。30年前《李天命的思考藝術》依本本土哲學巨著，就係講依個問題。

*結論係：「人嘅獨特性，在於人可以獨立思考；亦因有依個獨立思考能力，人先可以被定義為一個人。」

(其實依個定義只係我自己為「人」所作嘅定義，你可以唔buy都得。但如果你唔buy，以下嘅論述一啲意義都冇)

節錄【碌葛男人嫁得過】

😎【碌葛男人嫁得過】
https://play.google.com/store/books/details?id=e1N7DwAAQBAJ