常公子 2018-10-7 10:13:21 迫資本家發展高科技，重建品牌效應。

炸豬扒烏冬 2018-10-7 19:00:35 原來唔係得我一個覺得樓主喺度維穩

Tick手然 2018-10-7 22:03:52 lm

常公子 2018-10-7 22:18:41

【常威中史】為慈禧平反系列（八十六）

劉晶係一個冇主見，非常之容易受人影響嘅低B仔。自1865年豆斗搞開放改革洋腸運動搞左廿九幾年，一直好地地。係響1889年劉晶接班後，因為佢受到守舊派元老儒家哲學發燒友翁同龢唆擺，開放改革嘅速度先放緩落嚟，停建鐵路、唔肯撥款俾北洋艦隊添置新船直接導至甲午慘敗已經唔同佢計。馬關條約簽訂後，豆斗復出同佢擺平局面，佢就覺得大姨媽同佢奪權？不X知所謂。之後聽聽埋埋啲二五仔唆擺，搖身一變又變成改革先鋒亂搞一通，好心你喇儍逼劉晶（唔知係唔係細個打得飛機多？）。

大龍鳳上演鳥，戊戌政變豆斗完全係被動者。先撩者賤，打死無怨，劉晶要冚頭埋墻燈蛾撲火與人無尤。1898年9月頭發生嘅事件相當神秘，坊間有好多個講法，或者我先將整個「戊戌政變」過程列出，當中時間性相當重要。

9月頭，劉晶連環下旨，開始大規模裁員，瘦身公務員系統，全國震驚。

9月4號，豆斗一返回頤和園。劉晶就下旨革去禮部六名最高級官員、包括最高負責人懷塔布、許應騤、堃岫、徐會灃、溥頲、曾廣漢職務。仲保舉自己友新黨嘅李端棻做禮部尚書。仲未夠，佢仲任命咗四個低級官員為軍機處章京，當中包括譚嗣同、林旭。

9月6號，劉晶去頤和園見豆斗，豆斗妥協，答應李端棻做禮部尚書，對軍機四搲撈（章京）任命亦冇反對。

9月13號，劉晶策劃重開「制度局」（懋勤殿），內裡全部自已友，更希望集合各國政治專家商議改革大清政制（我要真普選？外國勢力插手干預？）。

9月14號，劉晶見豆斗再提出懋勤殿動議，正式向豆斗奪權，終於觸碰豆斗底線，二人反面，衝突表面化。同日，袁世凱接到聖旨由天津嚟到北京。

9月15號袁世凱到頤和園見豆斗。同日大清陸軍調動，封阻袁世凱天津7000新軍入京之路，北京城外亦有軍事部隊進駐防範。大沽口外，英國軍艦亦有不正常動向出現。

9月18號夜晚，譚嗣同法華寺見袁世凱。

9月20號，日本伊藤博文訪問大清。

9月21號，劉晶到頤和園見豆斗，豆斗發動政變，軟禁劉晶。並開始搜捕囚禁新黨成員。

9月28號，六名新黨成員譚嗣同、林旭、楊銳、楊深秀、劉光第同埋康廣仁被斬首，史稱「戊戌六君子」，百日維新結束，新政大部份即時煞停。

大龍鳳timeline寫好，下次再詳細分析，有請福爾摩斯Benedict Cumberbatch！

#常威 #慈禧太后 #晚清歷史 #戊戌政變 #百日維新 #光緒 #伊藤博文

:^(

【大清亡國關慈禧蛋牛治】實體購買
https://www.382now.com/product?id=87 

:^(

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2018-10-7 22:19:47 【通往地獄的電梯】（又名柒頭者聯盟第一部：DSE創世紀）全城上架，請幫手買本支持我！

常公子 2018-10-7 22:20:19 我係五毛

:^(

:^(

:^(

:^(

馨足難輸 2018-10-8 09:17:58 難得好帖 但咁多負皮

常公子 2018-10-8 12:19:37 負皮好

常公子 2018-10-8 20:37:15

【常威中史】為慈禧平反系列（八十七）

福爾摩斯式嘅歷史解讀，非常唔乎合正史胃口，但成個戊戌年9月發生嘅事，真係好似偵探故事咁離奇。正史一直冇將兩個因素擺落去戊戌政變，一個係「日本」；另一個係奪命書生孫文。

我常公子分析過成個廠戊戌政變過程，可以同大家講一句，成場大龍鳳係日本人響背後操縱同策劃嘅，至於「康有為」之流，只不過係日本人嘅白手套，扮上市公司主席，用嚟擋住證監會同歷史嘅視線，你睇我唔到…你睇我唔到…咁我咪唔存在囉，明未？

根本由一開始，日本人就響度攪鬼。講番豆斗同劉晶衝突表面化單「禮部人事大地震」就係同日本有直接關係，九月頭，禮部主使新黨嘅人王照上疏（即提出議程）要求劉晶出外遊歷考察增廣見聞，其中一個外遊項目就係同豆斗一齊訪問日本！哇！啱啱打完甲午戰爭幾年前嘅事？好似有人殺咗你老豆，你仲一家大細去人屋企拜年派利是？傻的嗎？聽到都知有問題啦。禮部尚書（老細）懷塔布唔肯上奏俾豆斗知，理由都好充份，兩大國家領導人一齊出訪敵國，一陣有咩冬瓜豆付，大清咪亡党亡国？但劉晶咁就嬲咗，以舊臣守舊唔配合改革風氣為理由，一口氣炒曬禮部舊黨嘅人！如果你唔係儍，你都知有問題喇……

百日維新以來，社會上都吹起一陣崇日風（多得一班文棍煽風點火），甲午死戰日清本來係世仇，但之後列強伸手瓜分大清，大清班低B國民又覺得低處未算低、夾硬比較下，都係洋人衰啲啲，而且清國嘅知識份子（康有為梁啟超奪命書生等人）不約而同非常羡慕日本人嘅成就，覺得如果大清學足日本就冇死。加上大家外貌相同（AV同北姑有時幾難分），文字亦相同（當時日本主要用緊漢字），話曬文化同宗同源。於是社會出現咗要求大清同日本「聯邦」、甚至「合邦」嘅聲音。你今日試吓鼓吹香港要同英國或日本合邦，我諗你會判得重過梁天琦。

輿論環境同今日唔同，今時今日有影象聲音文字有片有圖先有真相到眼看都未必係真，十九世紀末，文字就係一切，寫得出嚟就係真相。所以當時最新興嘅媒體就係小說同報紙newspaper，而報紙亦係產生輿論嘅源頭，玩媒體玩意識形態操控大清識條鐵麽？當時天津就有一份重要嘅中文報紙叫《國聞報》，大力鼓吹合邦理論，仲話大清嘅改革必須由伊藤博文領導，聘唔聘請伊藤博文直整係大清存亡嘅關鍵……呢份報紙，老細係日本人西村博，資金係來自日內外務省，大家一清二楚未呀？

合邦同聘請伊藤博文做顧問嘅輿論，影響咗當時大清好多知青（識字青年），其中一個就係人蠢到都冇藥醫嘅劉晶，聽聽埋埋，加埋啲二五仔響耳邊係咁吹係咁吹，劉晶響百日維新後期真係想拍埋日本人度搞合邦，之後想出訪日本、同伊藤博文嚟中國見佢就係証明咗佢想點喇。所以話，輿論幾咁重要呢？今日，23條立法你見中共想千方百計封咗黎智英蘋果日報你就知啦。

響黨國合一嘅社會裡面，文人寫字一定要服務政權，毛澤東喺1942年5月《延安文藝座談會》上已經講得好清楚。槍桿子可以出政權，但係筆桿子都有佢嘅一定威力，唔明呢個道理，唔了解呢件事，基本上係冇辦法了解歷史，因為歷史本身就係由筆寫出嚟嘅。

下次講吓雄才大略嘅伊藤侯爵點樣退休後玩大清？

#常威 #慈禧太后 #晚清歷史 #戊戌政變 #百日維新 #光緒 #伊藤博文

:^(

【大清亡國關慈禧蛋牛治】實體購買
https://www.382now.com/product?id=87 

:^(

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2018-10-8 20:37:28

:^(

:^(

:^(

真高登仔 2018-10-9 01:32:20 留名支持

:^(

澤尻英龍華 2018-10-9 01:35:15

:^(

常公子 2018-10-9 11:19:07 【大清亡國關 #豆斗 蛋牛治】

🎭今集真真正正為慈禧平反，太后的確係一個偉大嘅國家領導人，後世人抹黑佢，只係因為佢係一個女人，古代嘅世界係一個儒家哲學系統父權主義嘅世界，好多人都唔能夠容忍畀一個女人統治。但實際上，慈禧的確係統治咗成個清帝國近五十年，冇咗豆斗，依50年唔會存在，至於豆斗最後都冇辦法將大清起死回生，呢個係時代嘅必然，豆斗始終都祇不過係一個人，一個人冇辦法抗衡整個時代嘅大步向前……

🎭豆斗最失敗嘅地方就係佢始終唔能夠搵到一個繼承人，繼承佢嘅一切。愛新覺羅家族血統的確出咗問題。1908年豆斗離開世界，大洪水就到喇，往後嘅日子就真真正正係水深火熱、天地大亂。我有陣時咁諗，如果中國唔係一個整體，我哋腦海裡面嘅大一統概念唔係咁根深蒂固，一切事情會好辦好多，但係分裂中國本身就係「原罪」，本身就係罪大惡極，至於點解我唔知，或者個世界真係有啲所謂「先驗」嘅東西存在都未定。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！今集有新片尾，大家留意啊！

💗https://youtu.be/PO96D8Alnv0

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

歐陽鉅 2018-10-9 19:49:22 推

:^(

孤獨的可憐蟲 2018-10-9 20:05:06 此回覆已被刪除

常公子 2018-10-9 23:43:44 日本底氣夠，香港錢多，末日未到

常公子 2018-10-10 19:27:45


【常威中史】為慈禧平反系列（八十八）

我講過大清有李鴻章，日本有伊藤博文，人比人，比死人。

伊藤博文被喻為創造現代日本之父，一啲都冇吹大（劉晶係改革維新先鋒就係吹大個波嘞）。自從1878年大久保利通（1830-1878）被暗殺之後，到1896年第二次伊藤內閣倒臺為上，足足有20年，成個日本係響長州藩出身嘅伊藤博文手中領導。其間日本建立起亞洲最強大嘅海軍同陸軍，經濟起飛，打贏甲午戰爭，吞拚朝鮮，簽訂《馬關條約》，國內貨幣完成金本位建設，認真地把炮認真地豐功偉績！求吓你唔好再同你比喇……好卵羞家！

但係，當佢同李鴻章簽埋《馬關條約》之後，陸軍派系坐大，日本國內軍國主義昇溫，伊藤命運同邱吉爾非常相似，二次世界大戰打完之後就被國民遺棄，其實完成咗歷史任務走都係應該。加上伊藤感覺自己身體狀態滑落（當時佢都係五十幾，可能前半生太搏殺），佢響1896年倒閣後宣佈退休，但佢依種人，點會咁易收山？佢仍然係日本最大嘅幕後玩家，有理由相信佢響依段時間，就策劃咗一場驚天大龍鳳玩大清同劉晶。我常公子亦相信，伊藤枝茅最後想插死嘅，係慈禧太后！以伊藤嘅水平，佢一定知道只有架空（or kill）智慧最高嘅慈禧，日本先有可能吞拚大清！

1897年至1898年前，伊藤就想用一招「空手入白仞」，之前甲午戰爭用「武鬥」吞拚大清唔成功，就改用「文攻」，真係高手中嘅高手！如果中國冇咗豆斗，日本或者會成功都未定……

日本人首先收賣一班二五仔讀書人，製造改革維新輿論，利用媒體大肆宣傳，捧紅康有為梁啟超等人，再催眠大清子民日本點威點勁點樣同大清企響同一陣線點樣想幫大清對付西方列強帝國主義侵略，同時間再有高級官員張蔭桓不斷左右劉晶條傻仔嘅想法，終於令白痴仔劉晶覺得大清同日本 #合邦 依條form一定work，仲想請埋伊藤博文做大清深度改革嘅總顧問（同放隻老鼠入米缸有乜分別呢？）。而家諗諗，如果真係成事，以劉晶同埋伊藤博文之間嘅水準分野，大清雙手奉上比日本，其實一啲都唔覺得需要奇怪。所謂合邦，其實即係吞埋你，如果你咁都唔明？咁你咪傻仔囉。

又叉開一筆，如果當時大清真係同日本合邦成功，或者中國往後會國泰民安都未定，伊藤博文同劉晶想做嘅嘢未必一定係錯。照日本右翼嘅講法，推翻大清滿蒙貴族嘅高壓統治，其實係為咗解放整個中國，係為咗四億中國人謀幸福。大東亞共榮圈，共榮共富，共同抵抗西方帝國主義勢力，建立起一個巨大嘅東方勢力抗衡西方，東西平分天下。以東風壓倒西風，唔係我哋一直落嚟嘅夢想咩？

下次返番正題……

#常威 #慈禧太后 #晚清歷史 #戊戌政變 #百日維新 #光緒 #伊藤博文

:^(

【大清亡國關慈禧蛋牛治】實體購買
https://www.382now.com/product?id=87 

:^(

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2018-10-10 19:27:56

:^(

:^(

:^(

常公子 2018-10-11 10:41:49 【大清亡國關 #頤和園 蛋牛治】

😣頤和園工程令到慈禧遺臭萬年，所以搞基建一定要好小心。一萬億港紙大填海造地計畫又會唔會令林鄭遺臭萬年呢？我唔知。到底有冇需要去做呢？我唔知。盲目將增加香港人口，對香港係好事定你壞事呢？我唔知。其實我乜嘢都唔知，我什麼都不知道，主席叫我咬誰我就咬誰。或者呢個，先係最好嘅做人，狀態度，什麼都唔需要知道。

😄最近我同賭Sir合寫緊一本書，叫做《碌葛男人嫁得過》，內中我寫嘅部分係關於現代資本主義社會意識形態操控問題。最後如果我哋嘅社會上面已經冇咗批判嘅聲音，或者我哋自己本身已經遺失咗批判嘅能力，係咁嘅情況之下，我唔知道個社會會變成點？但係可以想像絕對唔會係一件好事。寧静係一件美好嘅事情，但冇人再去批判統治階層，則係一件非常恐怖事情。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！目前訂戶人數已經超過300！雖然同想像嘅仲有好大段距離，但我已經非常感恩🙏🙏🙏🙏

🔌https://youtu.be/QGoUdvg7bv4

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

常公子 2018-10-12 21:00:14

【常威中史】為慈禧平反系列（八十九）

除咗日本帝國，另一個響戊戌政變被隱藏起嚟嘅角色就係外號奪命書生嘅孫文（1866-1925）。

孫文係大清國民，又係廣東佬，由於靠近大英帝國建立顛覆總基地香港。佢同當時擁有新思維嘅廣東書生一樣，睇見甲午慘敗國破家亡咁滯，立心要拯救萬民於水深火熱，一腔熱血上腦要搞革命推翻現存政權，至於推翻之後要點搞，可能大部份人都冇諗過，呢個世界嘅嘢，想像係一回事，現實又係一回事，相信唔使我再多講。孫文係一個強烈嘅愛國主義者，依一點完全可以肯定。唔愛國嘅人，揾夠錢會移民美加，點會同你搞革命揾自己個人頭嚟玩吖？每個人愛國表現嘅形式唔同，你可以擁護政權去愛國，亦可以一面革命一面愛，冇衝突嘅。

（孫文生平唔講喇，大把書睇，或者自己上維基scan啦！）

孫文係叻人，佢最強嘅能力係演講（吹水）同籌旗，千祈唔好睇小依個異能，搞生意同搞革命一樣，最需要籌旗揾金主（或水魚），有錢先有得玩落去，如果唔係咪就係同泛民一樣得個講字。孫文基本上係英文好過中文嘅半個西人，響當時華橋社群有最強號召力同籌款力，要知道離開咗中國嘅中國人（攞住其他國家護照）都會特別愛國，因為針唔拮到肉火唔燒到自己，呢個情況到今日都冇變過。記得97年前香港人幾愛國，97後就大逆轉都係「針唔拮到肉」嘅大道理展現。

1895年甲午戰爭後，孫文睇到大清已經完全冇得救，打正旗號革命推翻滿清，期間佢游走西方各國，接觸廣大華橋有錢佬，宣揚佢嘅革命理念同籌款，早已經比滿清視為眼中釘。1896年嘅倫敦綁架案更係滿清特務向孫文直接開火，不過依壇嘢大清就捉蟲入屎忽嘞，綁架案令孫文一夜之間上晒國際頭條，加上劍橋大學漢學家H.A.Giles同佢出書宣傳，孫文由一個「亡命之徒」搖身一變做「民族英雄」，為日後國父形象打好輿論基礎，1896年香港政府向孫文下驅逐令，於是奪命書生流亡去咗日本。

日本係孫文如魚得水嘅地方，之後佢響日本住咗三年，索性改埋名叫「中山樵」（孫中山個朵就係咁樣嚟），依三年，中山樵基本上係一個日本人（娶埋日本妾侍做蘿莉控），佢使出渾身解數打入日本各種政治圈子，同部分政界高層人物、黑白兩道建立深厚友誼，孫文非常欣賞明治時代嘅現代化成就，日本人嘅睇法更為孫文提供咗日後「三民主義」理論基礎，期間日本甚至給予孫文顛覆大清行動嘅具體支援同資金。

孫文做嘅嘢放喺今日嘅香港，就一定係收外國人錢嘅漢奸賣國賊，入冊係最低要求。但係孫文成為一代偉人，企響扯旗山頂，就係時代嘅問題，有時候，黑同白、忠定奸、根本係睇吓你用咩角度去睇？企響咩立場去睇？

戊戌年間日本伊藤博文響中國玩嗰場合邦大龍鳳究竟同奪命書生有冇關係呢？華文正史就一定唔會講，但各種線索顯示，孫文一定有份，下次繼續。

#常威 #慈禧太后 #晚清歷史 #戊戌政變 #百日維新 #孫文

:^(

【大清亡國關慈禧蛋牛治】實體購買
https://www.382now.com/product?id=87 

:^(

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

常公子 2018-10-13 11:18:13 【大清亡國關 #老佛爺 蛋牛治】

😣打開一部中國近代史，你會發覺到處都係謊言，你會發覺，到處都係帶有偏頗嘅論述。慈禧太后係個極佳的例子，大清亡國根本同佢一啲關係都冇，相反係因為慈禧嘅存在，清帝國先可以延續多50年的壽命。中國嘅史學傳統，係本朝替前朝寫史，現行政權要抹黑上一手政權，亦都係理所當然嘅事，否則改朝換代，推翻前朝嘅合理性就會唔存在。

😄我成日講，西方人比我哋優越嘅地方唔係智慧，而係佢哋嘅心胸，佢哋敢於面對自己嘅錯誤，敢於面對自己嘅黑暗。世界能夠嚮前邁進，係因為我哋能夠修正我哋過去嘅錯誤，從而改變步伐，改變態度，換一個全新嘅面貌繼續前行。我好相信中國人亦都有咁樣嘅能力，我哋唔肯去面對錯誤，錯誤就會永遠存在。一句到尾，我哋就係心胸狹窄。

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！感恩🙏🙏🙏🙏

🔌https://youtu.be/wfI5rc1MPTQ

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

常公子 2018-10-14 10:56:47 【大清亡國關 #佛教 蛋牛治】

🙇忙中可能錯漏多，留咗38集，今日補上，sorry！請大家見諒！

🙇眨下眼，我常公子條「腰嘟昌奴」（YoutubeChannel）已經做咗成40集，算係完成咗一個系列，條昌奴搦去都見得吓人，喺呢度首先要多謝阿潮同埋佢老婆，因為啲片係佢哋製作，製作嘅過程絕對唔簡單，需要好多時間。或者今日條昌奴得到嘅反應，同我哋想像仲有少少距離，但係唔緊要。而家個市咁差，時勢又咁惡劣，其實好多時候做啲嘢出嚟，冇乜反應都係好正常。但係我條常公子昌奴，起碼有一大班忠心捧場客，不捨不棄，淨係咁，已經係一份動力，令我哋繼續做落去！

😃嚟緊，常公子昌奴仲會有新節目，我可能會響昌奴裡邊同大家講吓佛堂講吓哲學，務求令條頻道更加多元化，努力加油，永不言敗，就係香港精神！

♎【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇睇！感恩🙏🙏🙏🙏

🔌https://youtu.be/9W2HSqhHjIA

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

常公子 2018-10-14 10:57:00

:^(

:^(

:^(

常公子 2018-10-15 20:40:26

【常威中史】為慈禧平反系列（九十）

由以下開始一連串關於戊戌政變發生嘅描述，純屬我常公子個人福爾摩斯式嘅想像同憶測，屬於青山院友境界，大家唔好當真，一切事實應以正史為真，因為官方正史一定永遠唔會呃人，而我常公子就會嘞。

奪命書生孫文帶住倫敦綁架案嘅政治大光環於1896年登陸日本，期間結交浪人宮崎滔天（1871-1922）同平山周（1870-1940）等人，以兩人中文老師身份定居日本，宮崎滔天同平山周係當時政治家犬養毅（1855-1932）嘅手下，而犬養亦響1989年正式入閣成為日本政治核心成員之一，孫文加入犬養陣型成為佢嘅人，如果宮崎平山係四二六紅棍，咁犬養就係白紙扇，龍頭大佬就係大隈重信（1838-1922）！

大隈重信於1898年6月到11月間接替伊藤博文成為日本首相，而依段時間正正就係戊戌政變最關鍵嘅時刻。我常公子有理由相信自1897年中日本對大清發動嘅「意識形態」侵略戰，孫文一定係幕後嘅策劃人之一。因為敵方日本陣型中，當時只有孫文能夠有線路有資格夠光環接通日本政壇中嘅最高人脈。（比較同時期身處日本嘅魯迅、周作人、秋瑾等人，佢哋只係一班普通留學生）

我講過，甲午戰爭係日本軍人武裝侵略大清。而合邦理論則係文攻戰略，一脈相承，伊藤博文係文官出身，大隈重信都係（就係佢建立早稻田大學），記者出身嘅犬養毅都係，奪命書生更加唔駛講，一班文人走埋一齊，諗出一條「空手入白仞」絕世好橋，要響白痴仔劉晶身上將整個大清「呃」過嚟，亦係合情合理。可能嘅情況係身處日本嘅孫文提案兼背後策動，伊藤博文大隈重信等猛人利用國家資源響大清國內發動媒體輿論攻勢，收賣文人例如康有為梁啟超等人配合，加埋朝中大官張蔭桓同楊深秀（1849-1898）等人不斷影響劉晶，要劉晶最後同意同日本合邦，兼請埋退休嘅伊藤博文嚟做改革總指揮，咁搞多幾年，唔覺唔覺，大清步上朝鮮後塵，成為日本大亞細亞主義（大東亞共榮圈）內嘅成員之一，其實一啲都唔覺得需要奇怪。

豆斗就係猛料，一早睇通曬日本人壠嘢，及時發動戊戌政變救大清！事後大規模清洗，斬殺六君子，罪名除咗話佢哋作反之外，亦係話佢哋同反革命份子孫文勾結，只不過「孫文」兩個字實在太光太神聖太敏感，所以之後嘅歷史描述，好多都將孫文兩個字從戊戌政變中抽起咗，好似佢從來冇參予過呢場大龍鳳咁。當然，我都係靠估咋。

依班人放返入今日香港嘅角度，直整係「認賊作父」「通敵賣國」「吃裡扒外」……（下刪一萬字罪行），但係我好相信，當時佢哋嘅出發點一定係純潔同善良，佢哋放眼嘅係清國四億同胞嘅福祉同未來，純粹一片愛國情懷。至於後人點評價佢哋嘅功過？多舊魚，都只不過係響處打飛機，打得叻，咪成地都係囉。

下次繼續。


#常威 #慈禧太后 #晚清歷史 #戊戌政變 #百日維新 #孫文

:^(

【大清亡國關慈禧蛋牛治】實體購買
https://www.382now.com/product?id=87 

:^(

 【大清亡國關慈禧蛋牛治】
https://play.google.com/store/books/details?id=C3hjDwAAQBAJ

永遠的零 2018-10-15 21:06:16 當時如果大清比日本用呢招食左唔一定係壞事
可參見台灣