大清亡國關慈禧蛋牛治
上一頁
第 14 頁
下一頁
綠永
2018-9-20 16:58:42
此回覆已被刪除
Ads
Sperminator
2018-9-20 18:15:19
揶用軍費已經係死罪
:^(
點平反呀？
永遠的零
2018-9-21 01:31:40
揶用軍費已經係死罪
:^(
點平反呀？
又一個內容都未睇既傻西
常公子
2018-9-21 21:15:02
:^(
【常威中史】為慈禧平反系列（七十八）
世界踏入二十世紀初期，其實係一個作故仔嘅年代。
因為普羅民眾識字率上昇，油墨印刷技術成熟，閱讀階層人數激增。無論響西方世界定東方世界，民眾開始靠著閱讀報紙刋物書籍小說，增加對時局同世界嘅認識，世界進入真正嘅「媒體主導意識形態時代」。當然，文人多大話，寫出嚟嘅嘢有真亦有假（我常瘋子就係好例子），有政治宣傳成份，同時亦有老作吹水，加鹽加醋。
有歷史學家分析，發生響1914年第一次世界大戰嘅部份成因，亦係媒體同埋小說不斷炒作英法德三國之間嘅仇恨而引發，英國嘅大量廉價小說作家paperback writer為咗爭取讀者同銷量，不斷推出德國要征服大英帝國為主軸嘅戰爭間諜小說作品，民衆睇到上晒腦，自然對德國心生怨恨，結果戰爭一爆發，大量英國民眾主動參軍對付德國人保家衛國，最終被送入戰壕直達西方極樂。
寫得出嚟嘅嘢、講得出嚟嘅嘢就係真？咪玩啦Baby。
響大清國亦有兩個作故大師名滿天下，佢哋就係有為同隊冰超兩師徒，有為畀劉晶調咗去上海辦報，繼續吹水。之後戊戌政變爆發，豆斗反撲劉晶（詳情遲啲再講），維新派人士遭到朝廷搜捕，有為去咗英國大使館要求政治庇護，隊冰超則入咗日本領事館。
有為嘅造假去到乜層次？大家可以睇睇，1898年9月15號，當時慈禧見百日維新變法運動岌岌可危，外國勢力嚴重介入，諗住煞停改革。依個時候，劉晶比咗封密詔楊銳，內容大致係「要想辦法既唔得罪慈禧，又能夠讓變法繼續行落去」之類，9月18號，有為響上海得知密詔內容，其後偽造出另一份密詔，內容係劉晶叫佢設法相救，並要求大英帝國介入，仲加入「圍園殺后」光緒企圖行刺豆斗嘅攞命情節！
過咗幾日，戊戌政變發生。
10月6號，經英國幕後軍情六署間諜李提摩太牧師（Timothy Richard，1845-1919）協助，有為逃亡去咗顛覆基地香港，接受當時英文報紙《德臣報》訪問，就將呢份偽做嘅密詔公佈全世界，攻擊抹黑慈禧太后粉碎百日維新，同一時間抬高自己喺戊戌變法中嘅影響力（你老母你只係一個跑腿呀冚家鏟），有為真係咁都做得出？響北京嘅豆斗睇到份報紙，仲以為江緒真係想謀害自己，激到差啲想殺咗劉晶。直到1909年，楊鋭個仔將密詔原件上交都察院，有為嘅驚天造假行為先至被揭穿。
我好明白有為諗乜，一個考科舉考到30幾歲嘅男人，懷才不遇，做唔成公務員，半生鬱鬱不得志，一有機會，自然不擇手段向上爬，自己高估咗自己嘅角色同埋能力，亦都係一般讀書人嘅通病，洪秀全已經係一個好例子，當然有為冇洪秀全嘅膽色同能力，但有為嘅造假行為，亦足以令佢載入史冊。流芳百世？遺臭萬年？咁就要睇吓大家點睇？但係無論係點，佢都係成功嘅，依一點可以肯定！
#常威 #慈禧太后 #晚清歷史 #戊戌政變 #百日維新 #康有為
:^(
【大清亡國關慈禧蛋牛治】實體購買
https://www.382now.com/product?id=87
:^(
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
常公子
2018-9-22 11:45:55
【大清亡國關 #光緒 蛋牛治】
:^(
好多人都想做皇帝，但係皇帝並唔係一件好嘅職業，中國歷史上面好多皇帝都係悲劇，光緒更加唔使講。正確來講，光緒就係大清王朝嘅亡國之君，光緒一生人都係慈禧太后嘅傀儡，佢從來未自主過自己嘅人生。如果你睇到光緒嘅一生，你應該慶幸，其實自己係活喺絕對嘅幸福之中……
:^(
人嘅生存基本上係比較級，你睇見其他人受苦受難，就會覺得自己好幸福，但係如果你見到其他人大X把錢💰駛，咁你就會覺得自己好慘。所以聰明嘅人處世絕對唔會比較，每個人都應該知道自己身處咩位置，做緊乜嘢，有樣嘢叫自知之明，明知高攀唔起嘅，就唔好高攀嘞…
:^(
【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！
https://youtu.be/44lPU1j0gTo
常公子
2018-9-23 23:48:57
:^(
【常威中史】為慈禧平反系列（七十九）
戊戌政變真相仲神秘過美國50年代羅玆威爾（Roswell）事件，究竟有冇外星人嚟過地球？喂！亞視當年播放解剖外星人嘅片段又係唔X係真？真係冇人知？
政治真係有好多秘密，行刺甘乃迺嘅真相又係乜？戴安娜同佢個埃及裔未婚夫真係死於車禍？如果真係純粹交通意外？點解跟住白金漢宮內有人要自殺嘅？赫魯曉夫當年又點樣比布里茲尼夫逼宮成功？甚至1971年林彪點樣發動政變推翻毛澤東？到依家都係冇人知，嫌遠？近小小，王立軍點解要走入美國大使館？劉慧卿同何俊仁當年入中聯辨同李剛傾過啲乜，亦從來冇人知道。
眾說紛紜下，好多政治神秘事件最後都會有一個官方版本叫你去信，當然官方版本大部分都係假嘅。好似林彪事件，最後就定性為反革命反黨叛變，咁到底點樣反呢？具體嘅政變內容係乜嘢呢？都係冇解嘅，只係知道佢最後要坐架飛機飛去蘇聯，飛機中途響蒙古人民共和國肯特省溫都爾汗撞山解體，最搞笑嘅係，一架飛機喺幾千公尺上空爆炸，中共官方發佈嘅照片裡面，竟然可以見到個樣可以變依稀辨認到、冇粉身碎骨嘅林彪、葉群同林立果遺體？
仲有仲有，更加唔可以唔提嘅係馬航MH370，飛機呢？去咗邊呀？大佬我哋係生活響一個三萬呎高空上人造衛星可以辨認人類身份嘅世界裡面，你同我講搵唔到一架失事飛機嘅殘骸？我真係點相信你好呢？飛機上大部份都係中國公民喎。
但係戊戌政變就連一個官方版本都冇，呢個係大清帝國嘅特色，佢哋係唔鍾意發表官方檔案嘅，一方面係愚民政策，另一方面響一個文盲率達到99%嘅國家，呢啲嘢唔係太重要囉。如果唔係日本人同外國媒體將甲午戰爭發生嘅經過詳盡記錄落嚟，我哋今日根本唔知道當日發生過乜嘢事？戊戌政變，究竟有冇「圍園殺后」件事呢？抑或係有為齋吹水？但係20世紀80年代，又有日本人搵到當年行刺慈禧個殺手畢永年嘅証據喎。又係嗰句，寫出嚟就係真架？冇嘢吖嘛BB？
其實成個戊戌政變嘅過程，有好多事仲係一個謎。
其中康有為嘅參予度同埋佢同皇帝嘅關係，就有幾個唔同嘅版本。有版本認為一切都係有為之後嘅吹水技倆、自抬身價、純粹造假。亦有版本認為康有為一直lead光緒鼻子走，百日維新，根本係康有為作為幕後玩家，主導光緒嘅一場現代化奪權政變。康有為可以重要到有機會成為大清嘅首相，但係亦有人覺得佢只係一條説謊的文棍。因為官方從來冇正式嘅版本公佈，後世人認識百日維新或戊戌政變嘅史料，其實好多都係由康有為，梁啟超及其門人子弟寫出嚟嘅資料。甚至專門研究中國歷史嘅外國專著，好多嘅原始材料都係嚟自有為一方。
但進入互聯網世代後，潮流興拆大台。越嚟越多人鍾意挖出一啲我哋以為係英雄人物嘅臭事。奪命書生孫中山就係其中嘅好例子，康有為嘅驚世騙局，亦一步一步被揭穿。同樣道理，魔鬼慈禧，亦根本唔係嗰回事，整個近代史，要平反嘅嘢，實在太多。
太多太多……愈接近20世紀就更多更多更多，或者呢個亦係歷史本身最有趣嘅地方。
#常威 #慈禧太后 #晚清歷史 #戊戌政變 #百日維新 #康有為
:^(
【大清亡國關慈禧蛋牛治】實體購買
https://www.382now.com/product?id=87
:^(
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
常公子
2018-9-23 23:49:10
:^(
:^(
:^(
常公子
2018-9-23 23:49:38
冇人睇照po........
念念不忘，必有回響
中西南
2018-9-24 01:26:16
有呀 有人睇呀
:^(
鬼春之
2018-9-24 01:30:51
加油
常公子
2018-9-24 18:17:17
中秋節做節休息一天
Ads
有花堪折直須折
2018-9-24 19:07:17
留名
常公子
2018-9-24 22:07:35
:^(
:^(
:^(
:^(
:^(
:^(
:^(
:^(
:^(
:^(
:^(
:^(
常公子
2018-9-24 22:10:59
【要甜出聲】【荒島】《歡迎光臨死亡樂園》
http://lih.kg/bAQpiS
:^(
:^(
:^(
永遠的零
2018-9-24 23:56:37
G持
綠永
2018-9-25 08:58:04
此回覆已被刪除
常公子
2018-9-25 12:25:33
【大清亡國關 #初机號 蛋牛治】
🚐大清帝國嘅覆滅其實某程度上唔關 #光緒 蛋牛治，亦都唔關 #慈禧 蛋牛治，而係 #大時代 淘汰咗佢哋，當然亦唔關 #秋官 事。大清帝國同埋歐洲嘅，#奧匈帝國、#奧斯曼（鄂圖曼）帝國，總之同 #沙俄帝國 一樣，敵不過時代巨流，就算佢哋點樣想從內部改革都好，佢哋始終擺脱唔到佢哋過時嘅本質，滅亡只係遲與早，快與慢，流血多或流血少嘅問題……
🚒大清帝國最後響1911年正式終結佢嘅生命，其實都算係一場和平政權嘅轉型過程，死嘅人相對於中國嘅人口比例絕對唔算多，只不過冇咗大清帝國呢條樑脊，成個中華大地正式崩分離析，重返大唐崩裂後 #五代十國 嘅局面近40年，天下大亂亦係1911年開始，之後嘅日子，相信唔少人都會懷念大清帝國嘅統治，正如今日嘅 #俄羅斯 人民，亦都有唔少人懷念前 #蘇聯，而將西方人視作英雄嘅 #戈爾巴喬夫 視為魔鬼666……
🇬🇧【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！
https://youtu.be/wrnMdW9ZJ54
常公子
2018-9-26 20:28:08
:^(
【常威中史】為慈禧平反系列（八十）
80回了…………滾動！多謝大家支持厲鬼寫歷史！
故事係咁樣開始嘅，1898年6月11日劉晶頒發《明定國是詔》開始戊戌變法，到9月14號深夜發生政變結束，史稱「百日維新」！
戊戌變法，後世人認為係新思想（新黨）同舊思想（舊黨）嘅鬥爭，又係嗰種呃細路嘅正邪二分法。其實內裡係劉晶同豆斗嘅權力鬥爭，亦係滿人同漢人之間嘅鬥爭，係南方同北方嘅終極對決，錯綜複雜縱橫交錯，絕對唔係非黑即白，更加唔係丹布朗嘅天使與魔鬼，加上之後仲有康有為集團響大英帝國同日本人控制下嘅一連串造假論述，更加令單嘢複雜化。
當時嘅清朝打輸甲午戰爭，李鴻章落馬，恭親王同軍機重臣李鴻藻瓜埋，加埋契弟翁被炒魷，權力中心呈現真空狀態，大家都知道爭產就係好時機。中國人就係鍾意鬥鍾意爭權，外國勢力乘機插手，民生嘅嘢，一向唔係政治嘅考慮範圍。
至於戊戌變法嘅具體內容，如下：
政治方面一句講曬就係裁員，精簡架構提高效率，大量辭去多餘職位，以及提拔新人上位。至於具體嘅政治體制改革，例如佈署君主立憲，其實係冇講過嘅。有為之後加上去嘅嘢，全部係吹水。
最受人爭議嘅係教育方面，戊戌變法廢除八股取士，考試唔再考八股文，一律改考策論。籌辦京師大學堂同醫學院，彷效西方學制，於全國設立中小學校，教學內容大量加入西學，傳統卜卜齋專教儒家哲學嘅私墊從業員被一舗打殘，而且鼓勵官紳辦報，開放言論自由之路。
經濟方面包括興辦鐵路，翻譯西方技術書籍，認真講求工藝製作，鼓勵發明創造，而且第一次提出「專利權」概念，鼓勵私人資金創辦企業，亦開始模仿西方編制政府財政預算案。其實以上嘅嘢響戊戌變法之前，慈禧一手推動嘅洋務運動一路做緊，成個清國亦一步一步邁向緊現代化，只不過一場甲午戰爭將所有嘢推倒重來。
上述三項就係戊戌變法嘅主要內容，其他措施包括整頓北京市容，派出大臣去外國考察，改良傳統司法制度貼近西方，以及命令各省保護外國教士及清國教民，防止宗教衝突（教案）再次發生，提高國家文明形象（又有邊個估到年零後整單義和拳排外暴動事件？）。
有一派人覺得上述嘅維新政策都係康有為一個人提出，一定係錯啦。因為除咗大刀闊斧廢除八股文改革教育制度之外，其餘嘅事都係炒舊餸，豆斗當政嘅時候其實一路講緊do緊。所謂維新，只不過係將啲嘢再鳩講多次。但係百幾年前嘅中國同今日一樣，中央有中央講，地方有地方做，中央講嘅嘢，地方政府不一定要執行，而且執行上亦可以五折執行，甚至一折執行都得，甚至唔執行李亦都吹我唔漲。戊戌變法期間，除咗北京天津、同一路對中央政府忠心耿耿曾國藩李鴻章代表嘅軍事大省湖南認真對待之外（毛澤東同劉少奇就係湖南人，當時就以學生嘅身份接受新思維）。其他省份都係採取「聽咗就算」嘅積極態度。所謂維新其實從來冇維新過。
山高皇帝遠，地方政府嘅陽奉陰違，亦係中國官員嘅傳統政治智慧。今時今日中央政府盤滿缽滿，地方政府債台高築亦可以反映出當中嘅關鍵。要知道，地方政府唔可以比中央管得太緊，否則邊有位上下其手？借返嚟嘅錢自己偷咗移民美加，債項留番畀地方政府，最後想中央政府同你埋單？大家係咪發緊夢呀？
下次carry on……
#常威 #慈禧太后 #晚清歷史 #戊戌政變 #百日維新
:^(
【大清亡國關慈禧蛋牛治】實體購買
https://www.382now.com/product?id=87
:^(
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
歐陽鉅
2018-9-26 23:47:03
公子加油
:^(
常公子
2018-9-27 11:42:37
【大清亡國關 #鉄路 蛋牛治】
😝今集嘅內容裡面，講咗一件好重要嘅事，就係 #慈禧 1889年正式退休前，其實係做咗好多事，希望權力順利移交接手。響一個專制極權嘅角度裏邊，#承繼人 嘅問題往往係最難搞嘅問題，順利培養一個獨裁者嘅接班人，古往今來，喺極權嘅世界裡面，其實成功嘅例子寥寥可數……
😃以我哋嘅偉大領袖 #毛澤東 做例子，佢曾經想培養 #劉少奇 做接班人，之後唔成功，跟住佢就想培養 #林彪，都係反面收場，到最後佢選擇嘅人，竟然係一個能力平平無奇，響黨內毫無影響力嘅大好人 #華國鋒 ，即所謂「#你辦事我放心」。其實自50年代開始，毛澤東已經將承繼人諗好，嗰個人就係 #鄧小平，但係之後要經過20幾年嘅反反覆覆，鄧小平先至喉1979年重新取得中國最高領導權，期間20幾年時間，正正就係中國天地翻覆嘅恐怖時代……
🇬🇧【#大清亡國關慈禧蛋牛治】語音導航！請大家幫手「#訂閱」我條YoutubeChannel！同埋介紹多啲人睇！
https://youtu.be/kAzQd_e1je0
Nat
2018-9-27 12:04:24
此回覆已被刪除
Ads
Hydrophiidae
2018-9-27 12:15:16
...大英溫莎皇室，得，唔洗睇
Betandbet(要贏)
2018-9-27 13:03:58
唔好賴 由乾隆開始（包埋乾隆） 個個都有份
康熙一早就講過
海外西洋諸國 千百年後 中國必受其累
係佢班子孫個個冇理到
6IX
2018-9-27 13:26:05
On9 post
:^(
中大垃撚圾
2018-9-27 13:56:01
:^(
推
上一頁
第 14 頁
下一頁