驚悚X懸疑《聽說過日本的恐怖樂園嗎》
上一頁
第 33 頁
下一頁
橘子綠茶
2019-2-16 22:47:56
《你聽說過嗎？奈良夢幻樂園》
49 復仇武士
:^(
我們四人疑似解開指令後，準備前往荒廢醫院的院長室，去確定Doctor Monster是否院長。
雖然不想承認，不過我們有九成把握，這次的指令是要消滅兇殘Doctor Monster⋯⋯如果有能力的話。
＊＊＊
此故事只適合十八歲或以上人士觀看。此故事內容可能令人反感；不可將此故事的內容派發、傳閱、出售、出租、交給或借予年齡未滿十八歲的人士或向該人士出示、播放或放映。
＊＊＊
「但係點樣去院長室呢？而且我哋喺邊呀？」里奈問。
「大獲喇⋯⋯」彩香驚愕說：「我哋依家喺停屍間呀。」
我正開口問她怎麼肯定時，發現Octivia正拿著一份醫院大樓平面圖。
「點解你會有嘅？」我探頭問。
彩香解釋說：「我哋同你哋走失咗之後，一路有係咁睇醫院啲文件，無意間搵到呢張嘢。」
Octivia不愧是我們的軍師，如果我們沒走失，剛才的路有她護航一定沒那麼驚險可怕。
「好！」里奈忽然大呼一聲，嚇了我一跳，「雖然Doctor Monster係難對付，我哋只要唔好再走失、一齊合力係有機會㗎，我哋行啦！」
Octivia似乎被她的樂觀感染了，露出讚許的微笑，把手搭在她的肩膀上，我這才注意到，里奈的高度只到大份Octivia的肩頭。Octivia說：「如果我哋喺另一個情況相識，可能已經做咗好朋友喇。」在樂園這不尋常的環境，無論誰都沒有悠閒的心思去結交朋友吧。
里奈喜悅地拍拍Octivia的後背，二人惺惺相惜地笑而不語，無聲勝有聲。
我上前走在里奈的另一端，學Octivia輕輕摟里奈的肩，見她沒抗拒我便沒縮手。里奈，如果我跟你在平常生活相識，會不會已經⋯⋯？
離開B1層、進入一樓的範圍後，便聽到讓人心驚膽跳的聲音自遠處響起！重擊聲、鈴鐺聲和拖行聲！
我打量四周，這裡跟婦產科和精神病科的環境截然不同，一片光明而且相當整潔，根本不像是荒廢多年，伴隨消毒水的氣味，讓我有種來到仍在運作中的醫院的錯覺。
我們加緊腳步，很快找到院長室。佈置跟醫務人員的辦公室無異，有張辨公桌、幾個書櫃和檔案櫃，桌上有個透明的座桌名牌，黑字印上「Doctor Monster」。
為了再進一步肯定，我們四人分工在海量又零亂的文件裡面，找出存放醫務人員個人資料的位置。手中的純文字檔案所顯示的內容不多，職銜欄上印有「院長」的他，真正名字是坂井十兵衛，年齡四十一歲。
「坂井十兵衛⋯⋯坂井十兵衛⋯⋯」里奈喃喃唸院長的名字後，抬頭用篤定的語氣說：「我好肯定院長，即係Doctor Monster呀！」
沒頭沒尾的斷言，讓我一時接不到話，愣然地張開口。
「日本有個都市傳說，主角個名，正正就係坂井十兵衛。」她吸一口氣道：「故事發生喺幕府時代，有個武士叫坂井十兵衛，佢全家慘死喺另一個武士手上。自此，日本有條隧道喺久唔久會傳出拖刀聲，仲有人話見過呢個武士亡靈嘅身影，傳說中，呢條隧道就係喺坂井十兵衛嘅屋企附近。而且——」
「唔好再講喇，」彩香打斷里奈，雙手掩耳道：「我唔想聽呀！我哋實唔夠佢鬥啦！」
「你細聲啲啦，想俾Doctor Monster聽到咩。」Octivia對彩香皺眉，「里奈，你講埋落去啦。」
走廊傳來的鐵鍊聲漸大漸小，表示Doctor Monster正來回巡邏，與對方碰上是隨時的事。
里奈吞吞口水，「而且，當時呢個坂井十兵衛全家嘅死法⋯⋯係斬首。而喺嗰條隧道，發現過幾條屍體，都係無咗個頭㗎。相傳話，係呢個武士亡靈返嚟報仇⋯⋯」
那就沒錯了。
確定Doctor Monster是目標人物後，Octivia火速有了作戰計劃，「咁啦，我哋匿喺度埋伏Doctor Monster⋯⋯即係日本武士啦。佢一行過嚟，我哋衝出突襲佢。」
「吓，咁樣等，唔知等到幾時喎。」彩香帶有斥責的眼神，問里奈：「你哋咁肯定呢個日本武士就係院長、Doctor Monster，都係因為你講嘅都市傳說，我係日本人都未聽過，你肯定你無記錯搞錯？」
被質疑的里奈有點惱怒，「我敢用我條命嚟賭呀，咁你話我有幾肯定啦！」
也對，殺錯的人後果要我們四人一起來承擔，如果不確定，里奈絕不會隨便亂說。見里奈如此斷定，再加上之前種種推測都直指Doctor Monster，彩香暫時想不到反駁的話。
我們整理一下武器、稍作休息沒多久，日本武士發出的聲音與我們愈來愈接近了。我們即時站起來，湊近微啟的門縫間，小心翼翼地偷窺走廊。一切按照計劃進行，我們打了如意算盤，準備好撲出去殺他一個措手不及。
伴隨「咚咚」聲的巨響，他經過我們眼前。來者身型相當高大，穿了日本武士傳統盔甲，全身有由金屬所製的鏈甲和包有護盾保護著，盔甲主色為黑色配搭部分紅色，戴有同樣華麗而沉重的鐵頭盔，頭上飾有一輪金色彎月。
原本這東西我在電視或博物館見過，親眼目睹真人穿上，倒覺得有種超脫現實、以為自己撞見正演古裝劇的演員的感覺，然而他身上其他物品和配件，形成一股極度危險的詭異感籠罩著他，讓我們四人瞬間呆掉，一時之間，無人敢發言或行動。
他戴了那種鮮紅色，面目猙獰的日本傳統面具。看似痛苦地皺起扭曲的眉頭，嘴巴張得很大，眼白和牙齒塗上金色油漆。這種充滿怨恨的惡鬼臉，勾起我小時候看《金田一》那種不寒而慄的回憶。
我和里奈猜測得沒錯，他一手拿著手提燈，另一手握著刀刃非常長、刀身稍彎的長刀，一眼便認出那是武士刀，而且相當堅硬鋒利。他邊行邊揮動武士刀，即使在這光猛的場所，也能依稀看見刀鋒與水泥石摩擦而產生的花火。
直到此刻，他看起來頂多像個鬼故事的經典角色而已——那些去日本旅行入住酒店，半夜會聽見步操聲，然後見到武士亡靈在走廊走動之類的鬼故事⋯⋯固然，他才不是此等小人物。
當他背向我們之際，我終於明白，之前聽到的鈴鐺聲和拖行聲是甚麼一回事了。一條粗鐵鍊綁在他腰間，拖在地上。隨著他緩慢經過，我見到他正拖著的東西⋯⋯
是該死的人頭！滿頭血跡的死人頭！
痴鳩線！而且還不止一個，而是一個接一個，總數有四個之多！
我想我已經嚇得面無血色，聽見里奈擔憂的問候時，才驚覺日本武士已經走遠了。剛才被他強大的殺氣震懾住，讓我們四人反應不及，沒及時撲出去突襲。
「Cole，Cole！」里奈推推我手臂。
「係、係。」我問Octivia：「佢頭先拖住四個人頭，會唔會就係你哋喺三樓遇到嗰四個便服人？」我記得當時Octivia發現的碎屍，全部都沒了人頭，說明這個日本武士有收集人頭的另類癖好！
彩香答：「實係佢啦。」
里奈一臉蒼白，「依家點呀？追出去？」
我把雙手藏在背後，不想讓她們察覺我因懼怕和緊張而不禁震抖。
深呼吸一下鎮定後，我推門率先走出去，壓低聲說：「行啦，我哋行前小小搵第二間房。」
Octivia的計劃與我的不遠，大概體諒我的膽怯，她越過我走在最前方說：「無錯，其實我哋已經好接近佢，而佢又不停喺呢區兜嚟兜去，不如我哋搵間房匿埋，試下再一次突襲佢。」
里奈接話：「好呀，咁不如轉埋呢個彎——」帶頭行的Octivia在一個轉角後陡然煞停，害里奈的話說到一半便打住了。
Octivia驚呆地緊盯前方，由於被牆身擋著我不知道她看見甚麼，只聽見她失神地喃喃自語⋯⋯
「無喇無喇⋯⋯」
===待續===
:^(
《你聽說過嗎？聖地牙哥鬼屋》
已於各大書店上架
:^(
誠邀各位領養回家
:^(
限量簽名版淨係喺網店發售
「鬼屋簽名版」立即搶購：
https://www.ideapublication.com/products/san-diego-haunted-house
＊＊＊＊＊＊＊＊＊
Facebook: 橘子綠茶
https://www.facebook.com/greenizmstory/
Instagram: greenizmstory
https://www.instagram.com/greenizmstory/
Ads
屌爆芝麻人
2019-2-16 23:41:41
push
無念
2019-2-17 00:58:19
加速
:^(
:^(
靜音打椿機
2019-2-17 01:21:10
此回覆已被刪除
快樂女童
2019-2-17 03:11:55
吓？完拿？
謝拉美利拉斯
2019-2-17 06:14:10
俾人發現咗了
:^(
:^(
屌爆芝麻人
2019-2-17 11:15:38
PUSH
橘子綠茶
2019-2-17 15:31:28
係呀，兔兔這麼可愛
:^(
:^(
加速了，下集會好緊張
:^(
Kent藍莓1
2019-2-17 15:54:57
大眾有無得買架 ？
橘子綠茶
2019-2-17 16:10:49
有呀，各大書店例如三聯、誠品、中華等等都有
:^(
Kent藍莓1
2019-2-17 17:49:11
:^(
以行動支持 加油
Ads
彼此風箏於嘆息橋
2019-2-17 18:23:53
樓主 真心好想買你本書
但個封面太恐怖好驚呀
:^(
搞到遲遲都未敢買
謝拉美利拉斯
2019-2-17 19:16:37
書名吸引
:^(
:^(
利申：已買
廢青一大個
2019-2-17 19:57:39
:^(
隻兔兔同埋肢體
:^(
咁我睇住呢本先啦 你就加速出故啦
:^(
陽關道
2019-2-17 20:38:40
里奈同天韻都咁清楚都市傳說
里奈會唔會變下個天韻
:^(
橘子綠茶
2019-2-17 20:52:46
唔好扮嘢呀，敢睇呢個故證明你都唔細膽呀
:^(
:^(
:^(
橘子綠茶
2019-2-17 20:53:38
多謝kent巴打
:^(
:^(
:^(
今晚有好書睇喇
:^(
謝拉美利拉斯
2019-2-17 20:58:19
彩香....
:^(
驚到咁
:^(
彼此風箏於嘆息橋
2019-2-17 20:59:48
聖地牙哥睇咗3 次添
:^(
文字頂得順但圖真係搞唔掂
:^(
樓主有冇興趣整返個老少咸宜版封面
:^(
快樂女童
2019-2-17 21:45:39
咁我地今晚有無故？
橘子綠茶
2019-2-17 22:03:56
知啦，睇晒未先
:^(
:^(
Ads
謝拉美利拉斯
2019-2-17 22:12:03
睇埋你異能人個故先
:^(
彼此風箏於嘆息橋
2019-2-17 22:18:50
啱啱前日追完異能人同死也不要讓我成為「他們」
:^(
異能人個結局睇到好心up
:^(
橘子綠茶
2019-2-17 23:37:18
Out Last真係經典之作
:^(
:^(
橘子綠茶
2019-2-17 23:39:35
多謝廢青絲打
:^(
:^(
:^(
鬼屋個結局應該算是出人意表
:^(
上一頁
第 33 頁
下一頁
49 復仇武士
我們四人疑似解開指令後，準備前往荒廢醫院的院長室，去確定Doctor Monster是否院長。
雖然不想承認，不過我們有九成把握，這次的指令是要消滅兇殘Doctor Monster⋯⋯如果有能力的話。
＊＊＊
此故事只適合十八歲或以上人士觀看。此故事內容可能令人反感；不可將此故事的內容派發、傳閱、出售、出租、交給或借予年齡未滿十八歲的人士或向該人士出示、播放或放映。
＊＊＊
「但係點樣去院長室呢？而且我哋喺邊呀？」里奈問。
「大獲喇⋯⋯」彩香驚愕說：「我哋依家喺停屍間呀。」
我正開口問她怎麼肯定時，發現Octivia正拿著一份醫院大樓平面圖。
「點解你會有嘅？」我探頭問。
彩香解釋說：「我哋同你哋走失咗之後，一路有係咁睇醫院啲文件，無意間搵到呢張嘢。」
Octivia不愧是我們的軍師，如果我們沒走失，剛才的路有她護航一定沒那麼驚險可怕。
「好！」里奈忽然大呼一聲，嚇了我一跳，「雖然Doctor Monster係難對付，我哋只要唔好再走失、一齊合力係有機會㗎，我哋行啦！」
Octivia似乎被她的樂觀感染了，露出讚許的微笑，把手搭在她的肩膀上，我這才注意到，里奈的高度只到大份Octivia的肩頭。Octivia說：「如果我哋喺另一個情況相識，可能已經做咗好朋友喇。」在樂園這不尋常的環境，無論誰都沒有悠閒的心思去結交朋友吧。
里奈喜悅地拍拍Octivia的後背，二人惺惺相惜地笑而不語，無聲勝有聲。
我上前走在里奈的另一端，學Octivia輕輕摟里奈的肩，見她沒抗拒我便沒縮手。里奈，如果我跟你在平常生活相識，會不會已經⋯⋯？
離開B1層、進入一樓的範圍後，便聽到讓人心驚膽跳的聲音自遠處響起！重擊聲、鈴鐺聲和拖行聲！
我打量四周，這裡跟婦產科和精神病科的環境截然不同，一片光明而且相當整潔，根本不像是荒廢多年，伴隨消毒水的氣味，讓我有種來到仍在運作中的醫院的錯覺。
我們加緊腳步，很快找到院長室。佈置跟醫務人員的辦公室無異，有張辨公桌、幾個書櫃和檔案櫃，桌上有個透明的座桌名牌，黑字印上「Doctor Monster」。
為了再進一步肯定，我們四人分工在海量又零亂的文件裡面，找出存放醫務人員個人資料的位置。手中的純文字檔案所顯示的內容不多，職銜欄上印有「院長」的他，真正名字是坂井十兵衛，年齡四十一歲。
「坂井十兵衛⋯⋯坂井十兵衛⋯⋯」里奈喃喃唸院長的名字後，抬頭用篤定的語氣說：「我好肯定院長，即係Doctor Monster呀！」
沒頭沒尾的斷言，讓我一時接不到話，愣然地張開口。
「日本有個都市傳說，主角個名，正正就係坂井十兵衛。」她吸一口氣道：「故事發生喺幕府時代，有個武士叫坂井十兵衛，佢全家慘死喺另一個武士手上。自此，日本有條隧道喺久唔久會傳出拖刀聲，仲有人話見過呢個武士亡靈嘅身影，傳說中，呢條隧道就係喺坂井十兵衛嘅屋企附近。而且——」
「唔好再講喇，」彩香打斷里奈，雙手掩耳道：「我唔想聽呀！我哋實唔夠佢鬥啦！」
「你細聲啲啦，想俾Doctor Monster聽到咩。」Octivia對彩香皺眉，「里奈，你講埋落去啦。」
走廊傳來的鐵鍊聲漸大漸小，表示Doctor Monster正來回巡邏，與對方碰上是隨時的事。
里奈吞吞口水，「而且，當時呢個坂井十兵衛全家嘅死法⋯⋯係斬首。而喺嗰條隧道，發現過幾條屍體，都係無咗個頭㗎。相傳話，係呢個武士亡靈返嚟報仇⋯⋯」
那就沒錯了。
確定Doctor Monster是目標人物後，Octivia火速有了作戰計劃，「咁啦，我哋匿喺度埋伏Doctor Monster⋯⋯即係日本武士啦。佢一行過嚟，我哋衝出突襲佢。」
「吓，咁樣等，唔知等到幾時喎。」彩香帶有斥責的眼神，問里奈：「你哋咁肯定呢個日本武士就係院長、Doctor Monster，都係因為你講嘅都市傳說，我係日本人都未聽過，你肯定你無記錯搞錯？」
被質疑的里奈有點惱怒，「我敢用我條命嚟賭呀，咁你話我有幾肯定啦！」
也對，殺錯的人後果要我們四人一起來承擔，如果不確定，里奈絕不會隨便亂說。見里奈如此斷定，再加上之前種種推測都直指Doctor Monster，彩香暫時想不到反駁的話。
我們整理一下武器、稍作休息沒多久，日本武士發出的聲音與我們愈來愈接近了。我們即時站起來，湊近微啟的門縫間，小心翼翼地偷窺走廊。一切按照計劃進行，我們打了如意算盤，準備好撲出去殺他一個措手不及。
伴隨「咚咚」聲的巨響，他經過我們眼前。來者身型相當高大，穿了日本武士傳統盔甲，全身有由金屬所製的鏈甲和包有護盾保護著，盔甲主色為黑色配搭部分紅色，戴有同樣華麗而沉重的鐵頭盔，頭上飾有一輪金色彎月。
原本這東西我在電視或博物館見過，親眼目睹真人穿上，倒覺得有種超脫現實、以為自己撞見正演古裝劇的演員的感覺，然而他身上其他物品和配件，形成一股極度危險的詭異感籠罩著他，讓我們四人瞬間呆掉，一時之間，無人敢發言或行動。
他戴了那種鮮紅色，面目猙獰的日本傳統面具。看似痛苦地皺起扭曲的眉頭，嘴巴張得很大，眼白和牙齒塗上金色油漆。這種充滿怨恨的惡鬼臉，勾起我小時候看《金田一》那種不寒而慄的回憶。
我和里奈猜測得沒錯，他一手拿著手提燈，另一手握著刀刃非常長、刀身稍彎的長刀，一眼便認出那是武士刀，而且相當堅硬鋒利。他邊行邊揮動武士刀，即使在這光猛的場所，也能依稀看見刀鋒與水泥石摩擦而產生的花火。
直到此刻，他看起來頂多像個鬼故事的經典角色而已——那些去日本旅行入住酒店，半夜會聽見步操聲，然後見到武士亡靈在走廊走動之類的鬼故事⋯⋯固然，他才不是此等小人物。
當他背向我們之際，我終於明白，之前聽到的鈴鐺聲和拖行聲是甚麼一回事了。一條粗鐵鍊綁在他腰間，拖在地上。隨著他緩慢經過，我見到他正拖著的東西⋯⋯
是該死的人頭！滿頭血跡的死人頭！
痴鳩線！而且還不止一個，而是一個接一個，總數有四個之多！
我想我已經嚇得面無血色，聽見里奈擔憂的問候時，才驚覺日本武士已經走遠了。剛才被他強大的殺氣震懾住，讓我們四人反應不及，沒及時撲出去突襲。
「Cole，Cole！」里奈推推我手臂。
「係、係。」我問Octivia：「佢頭先拖住四個人頭，會唔會就係你哋喺三樓遇到嗰四個便服人？」我記得當時Octivia發現的碎屍，全部都沒了人頭，說明這個日本武士有收集人頭的另類癖好！
彩香答：「實係佢啦。」
里奈一臉蒼白，「依家點呀？追出去？」
我把雙手藏在背後，不想讓她們察覺我因懼怕和緊張而不禁震抖。
深呼吸一下鎮定後，我推門率先走出去，壓低聲說：「行啦，我哋行前小小搵第二間房。」
Octivia的計劃與我的不遠，大概體諒我的膽怯，她越過我走在最前方說：「無錯，其實我哋已經好接近佢，而佢又不停喺呢區兜嚟兜去，不如我哋搵間房匿埋，試下再一次突襲佢。」
里奈接話：「好呀，咁不如轉埋呢個彎——」帶頭行的Octivia在一個轉角後陡然煞停，害里奈的話說到一半便打住了。
Octivia驚呆地緊盯前方，由於被牆身擋著我不知道她看見甚麼，只聽見她失神地喃喃自語⋯⋯
「無喇無喇⋯⋯」
===待續===
《你聽說過嗎？聖地牙哥鬼屋》
已於各大書店上架
限量簽名版淨係喺網店發售
「鬼屋簽名版」立即搶購：
https://www.ideapublication.com/products/san-diego-haunted-house
＊＊＊＊＊＊＊＊＊
Facebook: 橘子綠茶
https://www.facebook.com/greenizmstory/
Instagram: greenizmstory
https://www.instagram.com/greenizmstory/