驚悚X懸疑《聽說過日本的恐怖樂園嗎》
上一頁
第 11 頁
下一頁
正義之師
2018-7-25 00:45:09
留名
:^(
Ads
橘子綠茶
2018-7-25 13:16:59
聽說過日本的恐怖樂園嗎
13 殺人模式
:^(
我們充滿希望地逃出樂園，還遇上巡邏車。
以為有人打救之際，發現他們竟然全部都是樂園的人！
我、美女里奈、鬼妹Octivia和日本妹彩香再度被抓回樂園的鬼屋區，而翔失蹤了。
我們趁著一絲空隙時間，分析樂園的殺人模式。
＊＊＊
警告：
本小說含血腥、暴力、色情描述，未滿十八歲請勿閱讀。
本小說不鼓吹任何暴力/虐待行為，切勿模仿。
＊＊＊
Octivia問：「即係點？」
「你唔覺得怪怪地咩？點解佢哋明明捉到我哋，但又唔搞我哋，仲放番我哋喺度？」
她們無言以對。
「我覺得佢哋殺人，應該係有一個規則。」我說。「由純子講起，果陣我已經覺得好突兀，點解我哋有幾個單丁出嚟嘅人易啲落手，佢哋唔捉，偏偏揀最多人嘅組合？」
「因為佢哋三個女人仔，易埋手？」里奈亂猜。
我搖頭：「你哋記唔記得，我哋第一個自由活動果陣天韻講過，每個園區都有唔同嘅指示，一定要跟住佢行，佢會續個園區講解有咩注意事項。而商店街果區，其中一個指示就係唔可以去其他區，佢話每區各有危險。」
我會記得這指示，是因為本身打算影完商店街上的玩具店，狗衝去另一區景點拍攝。但天韻警告有「危險」，讓我以為是指建築物倒塌之類，所以只好乖乖跟她移動。
「我記得喇！」里奈道。「純子喺參觀商店街果陣，偷偷地去咗水上樂園果度！」
當時純子還展示手機中的照片給我們看。
Octivia試問：「因為佢唔聽指示，所以班變態佬就揀佢受罰？！」
「邊係受罰呀！」彩香突然坐起來，原來她已醒來。「係受死呀！佢已經死咗喇……」
不像里奈，彩香情緒失控了，開始大聲哭叫起來！
為免外面的癲佬聽到我們有動靜，Octivia迅速上前捂住她嘴巴。
「冷靜啲……」里奈邊安慰彩香，邊向她解釋我們身處的狀況、要求她別發出太大聲音，並詢問翔的下落。
眼淚流乾了，彩香環抱自己說：「我哋俾巡邏隊電暈，然後……然後我就喺呢度醒番……唔知翔去咗邊……」
翔果然被他們抓走了。
我把話題拉回來：「後來當班面具人出現果陣，我都覺得唔合理。明明我同里奈跑最慢、佢哋可以捉到我，但佢淨係輕輕插我背脊一刀，依家諗番起點解當時我以為受重傷，就係因為咁。」
並不是因為我沒用呀——我忍住如此補充。
Octivia再問：「因為當時無跟指示嘅人唔係你，所以佢哋無捉走你？」
「佢哋要捉嘅人……係久美子……？」彩香紅著眼問。
目擊身邊兩個好友分別遇害，任誰都無法承受。
里奈憶起：「當時喺水上樂園果度，天韻講咗幾個注意事項……佢特別叫我哋一定要上滑水梯最頂果度影相，因為夠高、個View好好……」
Octivia問彩香：「果陣你哋三個唔係都有上去咩？我好似聽過你哋話喺滑水梯走失咗？」
「果陣我見你哋個個都有上去，」彩香答。「咁我咪叫佢哋兩個一齊上去。但久美子話怕高，最後無上去喺樓梯下面等，得我同純子上咗去。但其實喺上去行行吓果陣，已經唔見咗純子……」
她說話有點混亂，純子那時已經注定被抓走，現在在討論的人是久美子。
Octivia思路較清晰，她澄清：「所以『犯規』嘅人係久美子，於是佢喺海洋館度俾人捉走……」
我點頭：「果陣久美子已經差唔多跑入館，我反而喺佢後面更加近果班人，但佢哋偏偏唔對付我，反而捉走久美子。」
想了想，里奈問：「天韻嘅指示有兩種，一種係『千祈唔好做』，例如純子就犯咗『千祈唔好去第二區』；另一種就係『一定要做』，久美子就係無做到『一定要上滑水梯』。我咁講有無錯？」
Octivia同意：「你講得啱，而且佢每次指示都有一大堆，只有其中一項係致命。」
我補充：「仲有一個Pattern，就係上一區『犯規』嘅人，會喺下一區『受罰』。」
純子在商店街犯規、水上樂園身亡；久美子在水上樂園犯規、於動物園區被殘殺。
里奈愕然：「咁依家我哋嚟到鬼屋區，而唯獨係翔唔見咗……」
彩香驚訝：「佢唔係走甩咗，而係喺動物園區做錯咗，所以要喺鬼屋區呢度俾班人殺死？！」
我不確定自己的觀察和推測是否準確，也不明白為甚麼他們要設下如此奇怪的規則，是要增加一點難度或刺激感之類嗎？
我搖搖頭，說：「總之大家一定要留意身邊一切，喺未搵到走出去嘅方法之前，或者可以避過一次『懲罰』。」
終究我們剛到鬼屋區，按猜測，樂園會再次給予新的指示。
彷彿推算好我們的討論時間，樂園喇叭倏地停止播放背景音樂，天韻的聲音再度柔聲播出：
「各位，第三輪投票準備開始。今次有三種用具俾大家揀，有心水就快啲落手喇！」
看來他們已經不介意被園外的人聽到，除了在手機直播，連現場的喇叭都播出「活動直播」了。
「介紹番啦，」天韻說。「今日第三場表演主角係鈴木翔先生，一名日本男性。」
===待續===
睇完麻煩留個正評 & comment，
你嘅小小鼓勵係我寫落去最大嘅動力
當然share埋等我呢個故唔好沉底~
請Follow
👇fb: 橘子綠茶
https://www.facebook.com/greenizmstory/
👇ig: greenizmstory
https://www.instagram.com/greenizmstory/
想最快知道有故事更新，
記得Follow同喺我fb首頁禁"搶先看/See First"
另外，fb裡面嘅相薄有齊晒我嘅其他故
神探福爾摩b
2018-7-25 15:16:50
堆
:^(
神探福爾摩b
2018-7-25 15:17:01
推
:^(
抹香綠茶
2018-7-25 17:30:15
一篇唔夠喉
:^(
:^(
食牛黃解毒啦
2018-7-25 18:51:44
推
一堆肉
2018-7-25 20:14:57
終於開始摸到個遊戲規則
:^(
抹香綠茶
2018-7-25 21:45:37
加速
:^(
:^(
橘子綠茶
2018-7-25 22:45:41
首先你睇得出，
最尾果d新聞同facebook status都係鬼屋為咁掩人耳目，
令外間以為佢哋死於意外而非他殺啦？
咁facebook status一樣，Victoria係綺淇，鬼屋想令人以為佢同細佬行山盪失路/遇到意外而失蹤咗……
DC_
2018-7-25 22:53:06
o...我仲奢想佢未死添
所以奇怪佢點解咁打
橘子綠茶
2018-7-26 12:52:36
拿拿拿，我無講過佢死咗呀
:^(
Ads
橘子綠茶
2018-7-26 13:02:14
下次應該夠250會出2篇喇
:^(
橘子綠茶
2018-7-26 21:38:22
好似係，但係……
:^(
:^(
許文彪
2018-7-26 22:09:12
工廠故跟隊入黎
:^(
橘子綠茶
2018-7-27 09:02:45
睇咗鬼屋首部曲未先，呢個係二部曲嚟
:^(
許文彪
2018-7-27 10:51:00
睇左一半 仲睇緊
:^(
阿飛正傳
2018-7-27 11:29:14
夠左啦
:^(
快d出
:^(
橘子綠茶
2018-7-27 23:19:14
你都可以影響劇情
以下有個投票，喺度/去facebbok投票都得：
主角Cole佢哋嚟到鬼屋區，
當然會捉佢哋入鬼屋體驗吓啦，
話我知，你最想睇佢哋入邊種鬼屋？
:^(
橘子綠茶
2018-7-28 17:45:24
:^(
:^(
今晚出文
:^(
:^(
連出2回
:^(
:^(
記得空肚服用
:^(
阿飛正傳
2018-7-28 18:23:50
:^(
:^(
:^(
:^(
平澤唯
2018-7-28 22:08:44
此回覆已被刪除
Ads
橘子綠茶
2018-7-28 22:14:39
聽說過日本的恐怖樂園嗎
14 午餐時間
:^(
我們五人逃出樂園、找到巡邏隊求救、以為終於可以擺脫殺人魔之際，竟然被他們弄暈。
醒來時，我們再次被丟到樂園入的鬼屋區。
而爛口佬翔……經已被抓走了，成為天韻口中的「第三場表演主角」……
＊＊＊
第一回連結：
https://bit.ly/2K72axE
警告：
本小說含血腥、暴力、色情描述，未滿十八歲請勿閱讀。
本小說不鼓吹任何暴力/虐待行為，切勿模仿。
＊＊＊
「你哋睇，果邊有班人！」彩香站在𥦬邊指向樓下。
在我們身處建築物的不遠處，有一個小小的空地，圍在空地外放了不少椅子。
幾名黑衣人把輪椅推到空地中央，然後將輪椅上的鎖扣好，好讓輪椅固定在地上。
特別的是，輪椅上那人的狀況。
不用說，輪椅上是正陷入昏迷的翔，他全身衣服被脫光，只穿一條四角褲，手腳被綁在輪椅子上。
黑衣人動作期間，攝影師和穿便服的面具人紛紛從不同角落集中過來，坐到空地外的椅子上。
接下來會發生甚麼事，大家已經作最壞打算。
「一定係樂園啲人通知佢哋所謂嘅表演場地係果邊，所以班面具人先識去果度。」Octivia說。
我喃喃道：「究竟翔做錯咗咩嘢……」
里奈說：「果陣一去到動物園區，天韻講咗幾樣嘢……呀！佢叫我哋唔好離開樂園！」
「但除咗翔，我哋個個都出咗樂園㗎？！」
「以順序嚟講，佢第一個搶住落去㗎！」
「仲有……」里奈說。「天韻話過唔可以傷害貴賓。翔喺海洋館門口殺咗個面具人……」
Octivia忙道：「點講都好，依家俾人捉起果個係翔，睇怕都無得救，我哋不如諗吓自己點走出去先啦！」
「點可以淨係顧自己㗎！」里奈說。「翔咁近我哋，而且班西裝友同天韻又未到，可以趁依家行動！」
這次我不得不站在Octivia的立場：「里奈，唔通你睇唔出咩？佢哋設個『表演場地』喺附近，就係特登俾我哋睇住呀！」
他們一定做了保安措施以防我們救人。
彩香彷徨說：「咁救又唔係，唔救又唔係。」
Octivia堅決道：「唔使諗，翔已經無得救喇。正如我講，我哋要諗點樣保護自已先，佢哋搞完翔之後，好快就到我哋。」
里奈想反駁，但我打斷說：「我哋嘅位置已經曝光咗，首先要去第二度，等佢哋難啲搵到我哋先，去到再討論吓點走。」
結果，我們四人移去更近「表演場地」的建築物裡。會挑這裡，一來因為里奈不斷游說，二來是附近太多面具人，再在外面徘徊會加快被發現的機會，而且裡面有部電視機亮著了，可以看得更清楚「表演」。
畫面中央正是剛到達空地的天韻的大特寫，她依然戴住半罩面具和兔女郎打扮，手上捧著的白碟正冒著煙，婀娜多姿地走到翔旁邊站定。
鏡頭由頭掃落腳，Deep V的兔女郎裝露出天韻的深溝、泳衣型展示她那有肉大腿。雖然她不高挑，但整體身型比例相當好……不不不，我到底在想甚麼。
「各位，」她嘴角上揚，笑容相當邪惡。「時間差唔多十二點喇，午餐時間已到，樂園呢邊係好守時嘅，喺約定好嘅時間當然要做嘢啦。」
她揚揚手上的白碟：「呢度為大家準備咗一份精選午餐，有興趣嘅同工作人員講聲啦。」
上到二樓的我們，除了電視也可透過窗看到樓下觀眾的反應，雖然他們沒有說話，但他們不禁抬頭揚手，似乎想聞聞天韻手上的食物香味。她手上到底是甚麼？
她瞄一眼翔，見他還未醒來，就捧著白碟走到人群當中擾攘，攝影師緊追身後拍她。
她單手高舉白碟，另一隻手輕撫經過的面具人的臉或肩膀風騷地介紹：「我哋特意選用咗釀威士忌嘅木桶木屑嚟燻烤，你哋聞吓，係咪有浸炭香味之餘，多咗浸威士忌香味呢？」
「我淨係聞到好香嘅肉味咋喎！」有人道。我還以為觀眾會儘量避免被人識穿身份而不說話，或許是現場氣氛使他興奮起來。
鏡頭終於拍到天韻白碟上的食物，是一件煎牛扒，旁邊有些馬鈴薯和青菜作伴碟。
我吞吞口水，長時間的精神緊繃使我餓極了。
想起中學時期第一次花大錢吃牛扒，那時去一間類似花元餐廳，已能吃到津津有味了。
如果能夠活著出去，一定要好好吃一頓高級牛扒——我默默振作起來。
「梗係啦！哈哈，」天韻把碟上牛扒遞到客人面前，妖魅地笑了笑。「而且我哋提供最嫩滑嘅部份：大肶肉呀，呢忽係油脂分佈最平均，包保比和牛更加入口即溶呀！」
怎麼愈聽愈不妥……
「用Jasper烤爐嚟焗，可以將肉汁鎖起，」她雙眼射出危險的氣息。「所以先可以焗到Juicy又無血水嘅
三成熟人扒，當然你想食五成熟都得啦！」
聽到這裡，我腦袋頓時停止運作。
「Aw！」Octivia一臉厭惡。「果塊係人肉？！佢哋食人肉？！」
不止我們覺得嘔心，有幾個坐在天韻旁的客人也別開了臉，看來殺人狂中也有不同喜好。
有人拍拍我，里奈說：「Cole，你唔好暈低呀。」
估計我面如鐵青的呆滯樣讓她很擔心，我拍拍自己雙頰清醒一下。
彩香後知後覺問：「天韻手上唔係牛扒嚟嘅咩？！」
這時天韻已經回到翔身邊，把碟子放在桌上，拿起刀叉以切牛扒的手勢處理面前的三成熟人、人扒……
鏡頭近鏡播出切出來的肉塊，中間未熟透的肉看起來倒跟牛扒有點相似……天呀，我想我以後對吃牛扒有陰影了！
天韻二話不說，率先把肉塊放入口中細味品嚐！
「其實係咪假㗎！」里奈忿忿道。「點會有人食得落㗎！」
「現實係，」我不得不指出，「Deep web入面有唔少網站係分享食人肉經驗……」
「唔！講漏咗最重要一樣！」天韻突然丟掉刀叉，大力拍打自己頭部，似在生氣自己善忘。「人肉要好食除咗揀大肶肉，最重要一點，就係要夠新鮮！今日提供嘅精選午餐——」
彷彿預計到天韻接下來會說的話，彩香雙眼失神地自言自語：「我唔想知……唔好講…唔好……」
「就係久美子小姐！」天韻高舉雙手，客人們紛紛拍掌。
腦海難以自控地回想久美子被活生生肢解的過程，她雙腿被老鼠和鴨子面具人砍下後，確實被迅速帶走了……
反胃的感覺再次襲來……
隆重介紹食物和價錢後，大概有一半客人點了人肉，另一半人則選了正常的食物例如魚扒等，不少人叫了看來不便宜的紅酒來佐餐。
派餐完畢後，黑衣人拿來一盤有冰塊的水，當頭倒在仍在暈厥的翔頭頂，使他瞬間清醒過來。
「各位唔好淨係顧住食啦！」站在空地中央天韻不屑地說：「大家一路享用美食之餘，亦要睇接落嚟嘅表演㗎！唔好白廢我一片心機！」
(目前生還者：Cole、美女里奈、鬼妹Octivia、日本妹彩香、爛口佬翔)
===待續===
各位注意：第15同16回有
血腥警告
:^(
:^(
:^(
如果覺得之前好核突，咁下一回更加嘔心
唔想睇可以直接跳過，睇第16回最尾果句啦
溫馨提示：之後兩回記得空肚服用
:^(
依家出埋15回
:^(
橘子綠茶
2018-7-28 22:30:41
聽說過日本的恐怖樂園嗎
15 駭人殘殺
今回有血腥警告!!!
而且仲核突過上次，唔想睇的話請直接跳過
:^(
:^(
午飯時間來到，樂園竟然開售燻烤人、人扒！而且是久美子的大腿肉！
她被變態佬虐殺的一幕、那臨死前發出的慘叫聲，仍在我耳邊響徹不止。
然而，樂園沒有讓我們喘一口氣的空間，翔被弄醒一刻，變態天韻宣告第三場表演正式開始！
＊＊＊
第一回連結：
https://bit.ly/2K72axE
警告：
本小說含血腥、暴力、色情描述，未滿十八歲請勿閱讀。
本小說不鼓吹任何暴力/虐待行為，切勿模仿。
＊＊＊
「各位唔好淨係顧住食啦！」站在空地中央天韻不屑地說：「大家一路享用美食之餘，亦要睇接落嚟嘅表演㗎！唔好白廢我一片心機！」
她的心機？意思是她負責構思接下來的虐殺方式？不，是今日所有的虐殺？！
鬼妹Octivia緊握拳頭：「原來係呢個癲婆諗出嚟嘅！可以嘅話一定要對付佢先！」
「我哋自己都顧唔掂呀，」彩香說。「仲諗咩報仇呀！」
這時，空地上出現了幾個我們之前未見過的人物，他們一身藍色打扮、頭戴類似浴帽、口罩、透明科學眼鏡和手套，推住兩、三架工具車徐徐來到翔身旁。
——打扮恍如替病人做手術的醫生一樣。
爛口佬的手腳奮力掙扎，破口大罵在場人士：「屌你老母！我哋頭先報晒警喇，你班仆街好快撚啲放我走！」
觀眾席卻在咀嚼「美食」之餘吃吃笑了起來，好像他剛說了個笑話、好像他們眼裡，死前求饒或大罵都是一種娛樂。
「果把咩嚟？」彩香湊近窗口問。
醫生從工具車選出電動鬚刨，另一名醫生則用輪椅上的皮帶，勒緊翔的脖子以防他的頭部動來動去，影響他們下一輪動作。
他們要替翔……剃光頭？！
「咩料呀……？」我們幾個不明所以。
「喂！」翔無法亂動。「屌！做乜撚呀！」
天韻忽然乖乖坐到空地上的椅子，看來想從觀眾席的角度欣賞醫生們接下來的所謂表演。
果然有古怪。醫生仔細地剃光翔的頭髮後，用幾支針筒注射了些甚麼在他頭皮不同位置上。但翔仍保持清醒。
「仆街！我以後點見人呀！」雖然嘴硬，但他已經意識到即將會有恐怖的事發生在自己身上，身體不住打顫。
醫生們默契地互相配合，有人拿消毒液塗抹翔光禿禿的頭皮、有人把氧氣口罩戴到翔臉上、有人替工具消毒、有人把電線拖得遠遠替工具充電……翔的角度看不見他們正準備甚麼工具，我不曉得這是好事還是壞事。
但我們卻猜到接下來會發生甚麼事。
鏡頭裡的工具車上，排滿了反射出冷光的尖銳手術刀、手術鉗、電鑽、小電鋸等嚇人的東西！
應該是首席醫生吧，他繞到翔的正後方，率先將手術刀刺入翔的額頭！
「呀呀呀呀呀呀呀呀！」翔閉緊雙眼大叫！氧氣口罩都擋不住他的慘叫聲。
醫生卻絲毫不受影響，下刀利落地劃過翔整個額頭！血液徐徐沿刀痕浸出，直接留落他的臉頰。
天韻倏地彈起來，環視一圈圍在空地外的觀眾，比一比翔他們：「頭先麻醉師打咗小小麻醉藥，我哋嘅表演者不至於痛到暈低，重點係佢仍會有感覺，明唔明？」她舉起食指和姆指、形成"C"字。「麻醉藥嘅份量要預到啱啱好，唔好俾佢訓著、有感覺之餘，又唔可以太小。」
「痴線㗎！？」Octivia驚嘆。
彩香再次陷入絕望：「佢哋一定為今日準備咗好耐……咁有組織性、咁有計劃，我哋實死無生啦！」
里奈在啜泣。而我雖然知道翔一定沒救、我承認明知等一下的場面會相當嘔心，但還是想知道他們想幹甚麼。
這時醫生已經打橫在翔的頭皮上劃了一圈，翔已經面無血色、叫到聲音沙啞了。
換了鉗子後，醫生開始下一輪動作。他在翔的後頸處用鉗子鉗住被切了的皮膚，然後慢慢地拉起鉗子！
他想把翔的頭皮扯起！
噁————！
「嗚呀呀呀呀呀呀呀！」翔痛得雙眼和口鼻都不禁流出分泌物，整張臉皺成一團！
輪椅下有液體流出，他失禁了！
頭皮的一角被扯起後，醫生放下鉗子，改用雙手拿住頭皮、再小心翼翼地繼續翻開頭皮！
如果說醫生生怕弄痛翔才小心翼翼，倒不如說他怕弄爛頭皮！
畫面極度血淋淋又嘔心，鏡頭大特寫上全是血絲和血肉模糊、不同深淺的血紅色形成一幕幕的血腥畫面，加上翔痛得再也發不出尖叫那嗚咽聲，讓我整個人冒著冷汗卻又全身發燙。
好像發高燒一樣，又像腸胃不適，令我又熱又想嘔！明明自朝早以來都未進食過。
里奈雙手捂住耳朵、蹲在一旁；彩香、Octivia跟我一樣仍硬著頭皮目擊，想到「硬著頭皮」四字想吐的感覺又自肚子湧上喉際，我連忙用手蓋住嘴巴。
醫生已經把整塊軟癱癱的頭皮翻起，我留意他途中故意不扯爛頭皮、以使它脫離可憐的翔的頭部時，仍能保持一整塊完整頭皮……我不想猜度樂園又想拿它幹甚麼……
只是，比頭皮更恐怖的，是翔現在的頭部！
醫生下刀深得恰到好處，翔頭頂現在沒了頭髮、沒了頭皮，整個頭骨清楚可見！
該死的頭骨！
沾有血液的白骨就這樣「出現」在他的頭頂上，可是額頭下：他臉上的皮膚和五官仍是完好無缺，組成一個相當詭異的場面。
很不真實。
由純子的屍體開始，事情發展的走勢愈來愈脫離現實，這裡的人彷彿凌駕於常人的思考和同情心、所做的事徹底喪失人性……
聽到我這麼說，Octivia反倒如此認為：「或者我哋、人類本身就有殘忍變態呢一面，只係平日生活加上法律令大家只可以做『正常人』。一有機會，例如入咗呢度，可以做盡呢啲失心瘋嘅事而唔使承受後果，人類就會盡情展現佢變態嘅一面……」
望住眼前這慘不忍睹的翔，我無法接話。
當然不是我同意Octivia的話，至少我不是這樣。只是，人類內心確實擁有「變態」，差在於程度多少而已。
「對我嚟講，」里奈打破各人的沉思，開口發言。「咩人性本惡、本善，我唔會研究得咁仔細，我淨係想救到一個得一個。喺依家我哋人數少嘅形勢嚟講已經輸晒，如果再唔團結互相幫忙，我哋最後只會少吓一個、少吓一個，最後全部都……」
她沒說下去的字，大家立即意會：死。
彩香卻吐糟：「原來你係咁諗，唔怪得之前咁麻煩成日話要救救救……」
「里奈講得啱！」我幫口。「不過我覺得救人要喺能力範圍內……好似呢一刻……翔已經咁樣，其實都已經……無得救喇。」
空地上的醫生放下工具時，翔的身體突然起了變化！
他整個身體突然劇烈地震抖起來、口吐出白沬，像是電影中鬼上身的反應，不過大家都知道，他正癲癇發作抽搐中！
幾名醫生立即忙碌起來，有人按住他、有人又注射些甚麼，連那班冷血無情的觀眾們都擔心起來，不自覺發出驚呼和探頭張望。
「大家坐番低先，」天韻走到空地攤開雙手控制現場，但她的話讓我再次失望！「我哋唔會咁輕易俾佢死㗎，仲有排要玩㗎！」
該死！那班仆街不是擔心他，純粹是怕他太快死沒得「玩」！
也太癲了吧！？
天韻忽然把手指放在嘴上作了「咮」的動作、上身向前傾悄聲說：「我、未、玩、夠。」
===待續===
下回繼續有
血腥警告
:^(
:^(
而且仲核突過今集，
唔想睇的話請直接跳過，
淨係睇最尾果句
:^(
下回星期三出！
連登正評加更暫時停止，
呢排綠茶進度慢咗
:^(
不過希望各位繼續俾正評/留言以示支持
:^(
nahaha
2018-7-28 22:45:05
:^(
:^(
:^(
沉默的殺機食人腦？？！！
:^(
:^(
:^(
阿飛正傳
2018-7-29 00:56:25
好想嘔
:^(
上一頁
第 11 頁
下一頁