Ads
Ads
首先法國想比利時拼入法國
英奧普俄梗係屌哂鬼啦fuck
跟住法國又諗計想同普魯士同英國瓜分比利時
奧地利同俄國又拍哂枱話唔得 :^(
咁點呢??
英國佬就諗咗條橋
德意志嘅諸侯利奧波德得喇啩
英王威廉四世個前姪女婿(夏洛特公主死於難產)
佢家姐又嫁咗畀英王威廉四世個細佬
打埋算盤都係親戚
佢又係德意志邦聯嘅諸侯,奧普冇嘢講啦
俄佬又忙住鎮壓波蘭革命
我同意埋佢娶法國公主,法國都會應承比佢做,搞掂 :^(
大家傾掂數就決定利奧波德做比利時國王
比利時人對呢個決定都冇咩反感
佢地諗只要唔係荷蘭人就得㗎喇
就咁樣利奧波德一世無啦啦做咗國王喇
:^(
利奧波德一世 (順帶一提,佢個死鬼前妻夏洛特公主本來係英國王位嘅第一順位
不過佢21歲生咗個死嘅男嬰後就羊水栓塞死埋 :^(
如果唔係咁個男嬰將來就會係英王
而唔會係維多利亞女王
咁到時維多利亞港呀,皇后大道呀嗰啲唔知會叫咩名呢 :^() :^(
Ads
呢個係比利時第二大城市安特衛普嘅特色手信
一隻右手掌形嘅朱古力,冇咩特別
安特衛普最出名嘅唔係佢
呢個城市最著名嘅係航運同華麗嘅市政建築
喺十九世紀佢係歐洲最主要嘅橡膠同象牙轉運港
嗰個時期嘅比利時喺佢嘅國王帶領下
由一個弱小嘅新國家
一躍成歐洲其中一個最自由,經濟最繁榮嘅地區
普及嘅投票權,自由嘅宗教政策
佢遺留咗好多美好嘅嘢畀比利時人
佢係比利時開國君主利奧波德一世個仔
利奧波德二世
網上關於佢嘅圖片有好多
好多高登仔都有睇過
好似呢張
(佢排第四)
同呢張
(喺剛果自由邦到過住自由自在生活嘅自由人)
........
黑人,右手,黑色朱古力右手...
巧合嚟㗎啫,嚇我唔到嘅
係嘅,真係冇乜直接關係
雖然傳說安特衛普(Antwerp)呢個名真係同拋棄手掌有關
(傳說古時有個巨人要過河嘅人畀過路錢
唔係就斬佢隻手落嚟
後來有個英雄殺咗個巨人
再斬番佢隻手掉落河
而家安特衛普市政廳前個噴水池銅像就係源於呢個神話)
喺十九世紀中至二十世紀初
建設呢個城市以至整個比利時嘅
的確某程度上同斷掌有關
一籮籮煙燻過嘅右掌
來自非洲中部嘅剛果自由邦
比利時利奧波德二世嘅私人領地
一個有半個歐洲咁大,滿佈各色各樣資源嘅地方
完完全全由佢控制
其他列強打生打死先攞到果少少殖民地
佢係點樣可以得到手嘅呢?