HomeLess 2017-1-5 19:55:28

無默媽幾時有文

:^(

已經冇哂個緊張感

:^(

下個星期希望快d啦

:^(

文呀

:^(

:^(

Arome 2017-1-5 19:59:00 留名

一個人食吉野家 2017-1-5 21:40:36 你意思係下星期先有文

:^(

你估我想架？ 2017-1-5 21:52:30 留名

蚹蛤蟈蜻 2017-1-5 21:57:23

你意思係下星期先有文

:^(

一星期一篇

:^(

:^(

:^(

我愛肥婆 2017-1-5 22:37:17 太耐冇文 每次都要睇番上面先記得講到邊

:^(

偉大渠道 2017-1-5 22:40:46 lm

我識條春 2017-1-5 22:42:05

:^(

:^(

第四條跑道 2017-1-5 22:48:46 留名

有心無默 2017-1-5 22:54:47 唉……去到呢刻，只可以寄望阿曉真係有辦法帶我哋返去。

「嗯，過咗去就唔好諗，」Kathy同意，再望向軒少嗰邊，「軒少……
頭先阿彤都係迫於無奈，你唔好記喺心喇。」

軒少聽完即刻望咗阿彤一眼，但阿彤就因為內疚逃避咗佢嘅視線。兩個人都冇作出回應。

「我諗阿飛都唔會想你哋關係搞到咁僵。」Kathy繼續講。

就喺下一刻，我聽到門外面傳嚟急速嘅腳步聲，即刻示意身邊幾個人提高警覺。
幾秒之後，有人喺門外面開聲：「安全喇，可以出嚟。」

係Lincoln，睇嚟阿曉搵佢幫手就係想叫佢做傳聲筒。

聞言，我哋戰戰競競咁行出雜物房，跟住Lincoln穿返出大堂，
喺最近嘅服務台旁邊遇返阿曉。

「有一條通道，」阿曉邊帶頭邊解釋，「原先係通去電機房同維修人員休息室，
只要一切順利我哋就可以由嗰條通道直通返去閘口。」

「一切順利……咁如果唔順利會點？」軒少問。

「首先我同伴只係引走咗班人，唔代表佢哋唔會意識到有唔妥返轉頭。」阿曉解釋，
「二來，嗰個位雖然叫做『中立區』，但唔化表佢哋會好歡迎外人。」

「中立區？」我問。

又出現一個冇辦法理解嘅新名字，我真係好想盡快擺脫呢一切。

「你哋好快就會明，總之入到去之後你哋唔好出聲，所有嘢等我應付。」

轉眼間，我哋再一次由大堂轉入另一條通道，但今次氣氛同上次好唔同。
除咗成條通道嘅燈都好昏暗，仲可以聞到好強烈嘅油煙味，夾雜住……同剛才行李大堂相似嘅血腥味。

「你哋聞唔聞到……」阿琪正想開聲……

「殊！」但馬上就俾阿曉打斷咗。

越行味道就越強烈，我相信唔只我，連其他人都開始感到唔妥，
唔通我哋正行入緊一個陷阱裡面？

丁丁屌穿牆 2017-1-5 23:10:25

:^(

:^(

:^(

:^(

⁶𓅓 2017-1-5 23:11:18

:^(

:^(

開畢了口 2017-1-5 23:31:52 人肉?生炒定清蒸

:^(

還要去過生活 2017-1-5 23:45:08 唔夠喉

有心無默 2017-1-5 23:50:17 「吖！」再轉多一個彎位之後，阿彤佢俾眼前嘅畫面嚇到嗌出聲，
我哋亦都忍唔住停低腳步。

呢刻，通道嘅牆邊一連釘咗三個「人」喺度。彷彿好似當年耶穌釘十字架咁，
三個人都係大字型貼喺牆，用大釘釘住兩邊手掌同小腿……三個都係恰埋眼，
臉上冇哂血色，因為血都已經喺流乾哂。原來陣血腥味就係喺佢哋身上傳出嚟。

「放心，佢哋已經死咗。」阿曉解釋。

坦白講，我並唔覺得咁樣係一件值得放心嘅事。

「佢哋本身係中立區嘅人嚟……但因為得罪咗班掠奪者所以俾佢哋殺死。」

「就係嗰班人將佢哋釘喺度？」阿琪難以置信咁問，「點解可以咁殘忍……」

「妳估錯喇，係中立區班人做。」阿曉回答，「佢哋釘自己人喺度係想警告班掠奪者唔好再亂嚟、
唔好再侵犯佢哋嘅領土，唔係佢哋一定會反抗到底。」

「吓？但咁樣做……好似……」

「好奇怪，冇錯。」阿曉搖搖頭，「如果我係班掠奪者，見到呢班人係咁自欺欺人，
我一定唔會驚。如果係想表示決心嘅話，就應該做更加有意義嘅行動，而唔係咁樣……」

「阿曉，如果我係你。就唔會喺有求於人嘅時候，仲喺人哋地頭講咁多無謂說話。」

突然有把女聲喺遠處傳嚟，起初仲因為現場太暗所以睇得唔清楚。
但慢慢就有兩個身影出現喺面前，帶頭嘅係一位年約四十嘅女人，若果年輕十幾年，
佢嘅美貌應該係幾驚為天人，但而家已經顯得花容失色。而佢身邊就有一位睇落好似護衛嘅壯男。

「白女士。」阿曉點點頭，「既然妳咁講，應該好清楚我嚟嘅目的喇？」

「你哋喺外面搞咁大動作，我當然知道。」白女士望向我哋呢邊，「你哋想借路嘛。」

「既然妳知道，就長話短說……」

「但問題就嚟喇。」白女士打斷佢，「如果我幫佢哋，對我哋中立區又有咩好處呢？
冇，唔單只冇好處，仲會再一次得罪嗰班掠奪者。」

「哦……」阿曉行前兩步，指向嗰三具屍體，「咁我唔明喇，乜你哋掛呢幾具屍體喺度，
唔係就係想證明俾其他人同埋你哋自己睇……你哋係有決心對抗嗰班掠奪者咩？」

白女士聽完之後微微一笑，臉上保持住一副高深莫測嘅表情，「你點講都好，
如果我哋係冇實質利益嘅話，我實在說服唔到其他人……」

有心無默 2017-1-5 23:51:02 「有，我當然係準備咗啲嘢俾你哋。」阿曉回應，「你哋一直都好想知道點解我會喺度。
如果妳願意放行，我就將我嘅秘密，仲有呢個地方嘅秘密話俾妳聽。」

聽到呢度，白女士嘅表情終於變了。佢雙眼微微睜大，
大概都估唔到阿曉會提出呢個「條件」。

「我點知你講嘅嘢可唔可信？」白女士問。

「絕對可信。」阿曉堅定咁講，「呢個地方係收埋咗一樣嘢，一樣好重要……」

「好。」白女士舉起手阻止佢講落去，「我就俾你哋過去，但你記住唔可以食言。」

「放心喇，我喺妳地頭，食言就同自殺冇分別。」

「我諗你應該知道點行，我就唔跟埋去喇。」白女士同佢旁邊嘅護衛退去牆邊，
等我哋可以行過去。「請。」

「跟我嚟，快。」阿曉催促道。

喺白女士身邊走過嘅時候，我感覺到佢係逐個逐個打量我哋。
但好快就轉入下個彎位，白女士亦都冇跟上嚟。

我哋繼續行，途中又見到好多陌生人，一係就沒精打采咁坐喺地上面，
一係就如同行屍走肉、漫無目的咁行嚟行去。當中幾乎係咩國藉都有（當然亞洲人居多）。
又經過一個油煙味特別重嘅地方，我聽到大門裡面傳嚟好多人嘅聲音，但我哋並冇行入去……

終於，再轉多幾個彎，行多幾條樓梯之後，我哋到達一個門前。
從透入嚟嘅光線判斷，打開門應該就會去到另一個大堂……

阿曉停低腳步，喺推開門之際突然轉身同我哋講：「我只可以送你哋嚟到呢度。
如無意外，你哋出去之後只要向左轉多個彎就會去到登機閘口。」

「你唔可以跟埋我哋上機？」Kathy問，「連埋你其他同伴，仲有……啱啱見到嘅其他人……」

「佢哋唔可以，如果得嘅話佢哋一早已經做咗，至於我……我仲有任務喺身，
亦都唔可以拋低同伴。而且仲應承咗白女士……啊，講真呢點其實又唔係好重要。」
阿曉無奈咁笑咗笑，「總之，我唔可以跟你哋走。我亦都冇時間同你哋交代返呢度到底發生緊咩事。
但喺走之前，我仲有段說話想同你哋幾個講……」

阿曉停咗一停，再繼續講落去：



「永遠記住一點──『Trust or fallen』……」

有心無默 2017-1-5 23:51:44 「……呢個地方，就係因為各人之間嘅『互不信任』所以搞成咁。好多人……
包括我唔少同伴都認為呢度已經冇得救。但我唔信，我仍然相信有希望，仍然相信有轉機。」

講到呢度，阿曉佢將門推開。因為已經喺漆黑嘅環境留得太耐
，所以一接觸到外面燈光，難免感到有啲殘眼。

「你哋一定要相信彼此，若果唔係……」



「……就算成功上返飛機，最後嘅目的地都會係呢度。」

(待續)


FB：
https://www.facebook.com/Echo.of.Heart

IG：
[url]https://instagram.com/echoofheart/
[/url]

孫中海 2017-1-6 00:17:07

「……呢個地方，就係因為各人之間嘅『互不信任』所以搞成咁。好多人……
包括我唔少同伴都認為呢度已經冇得救。但我唔信，我仍然相信有希望，仍然相信有轉機。」

講到呢度，阿曉佢將門推開。因為已經喺漆黑嘅環境留得太耐
，所以一接觸到外面燈光，難免感到有啲殘眼。

「你哋一定要相信彼此，若果唔係……」



「……就算成功上返飛機，最後嘅目的地都會係呢度。」

(待續)


FB：
https://www.facebook.com/Echo.of.Heart

IG：
[url]https://instagram.com/echoofheart/<br>
[/url]

巴打，我俾個建議你呀，不如你一日放少少咁，好過你加加埋埋一個先星期放三四篇。
如果你接受嘅話，會令到啲觀眾有多啲緊張感之餘，亦都可以保持個種期待嘅感覺

:^(

:^(

黑椒牛丸河 2017-1-6 00:19:25

:^(

袁冰冰_Elsa 2017-1-6 00:40:56 Trust or fallen

:^(

比比鳥烤雞 2017-1-6 00:41:41 Trust or fallen

:^(

花花公子🌸 2017-1-6 00:44:00 此回覆已被刪除

識條春咩你 2017-1-6 00:58:46 軒少同個阿彤已經唔信對方

:^(

謝拉美利拉斯 2017-1-6 01:02:14

:^(

:^(

:^(

夜羽大人的小惡魔 2017-1-6 01:11:57

突然有把女聲喺遠處傳嚟，起初仲因為現場太暗所以睇得唔清楚。
但慢慢就有兩個身影出現喺面前，帶頭嘅係一位年約四十嘅女人，若果年輕十幾年，
佢嘅美貌應該係幾驚為天人，但而家已經顯得花容失色。而佢身邊就有一位睇落好似護衛嘅壯男。

花容失色唔係形容驚咩?如果冇理解錯，用「已經」應該係指而家不及以前美貌，用風華不再會唔會好啲

:^(

利申 鳩up