肥袋鼠 2018-2-26 16:20:18 lm

淋完衫 2018-2-26 16:23:44 隨心就得，只係唔係講宗教／外星人，其實都可以講。
或者邊到唔清晰唔明都可以講下，好多人仲快過我會答你。

一加三等於四 2018-2-26 16:31:40 之前明珠台都有節目講呢樣野

佢用一間房內平均分佈的磁球作比喻

如果完全平均的話，球與球之間有足夠的力保持平衡。但「唔知點解」有一兩個球唔存在，或者一個位有兩個球，平衡就會被打破，有一堆磁球會互相吸引撞埋一齊，有一堆會被扯散然後撞來撞去。

將呢間房發生既事放大N倍就係上面講既量子漲落，宇宙初期應該是平坦的，但因為有量子漲落令粒子分佈不均，拉扯之下就在宏觀形成絲狀結構。

而在絲狀結構中，一堆堆足夠重的粒子會各自形成星系，在星系中又有各自埋堆粒子形成恆星，恆星形成時的吸積盤又會誕生行星，行星形成殘留物質又會形成衛星或星環。

:^(

淋完衫 2018-2-26 21:41:52 講得清楚過我

:^(

:^(

:^(

巨龍探洞 2018-2-26 21:42:42 Strong post

周子瑜男友 2018-2-26 21:57:10 再留名

一加三等於四 2018-2-26 22:11:23 我只係覆述節目講既野

:^(

SUV 2018-2-26 23:35:41

:^(

雖然我相信量子力學，但真正的隨機，可以影響到咁大，有點難相信

OnePunchFox 2018-2-26 23:37:48 好鐘意你個名

OnePunchFox 2018-2-26 23:46:39 如果冇量子力學嘅隨機性，太陽係唔夠熱去引發核聚變，即係連我哋都唔會存在。影響真係好大。

攝灶男 2018-2-26 23:56:01 只可遠觀而不可褻"論"焉

:^(

SUV 2018-2-26 23:58:57 我都明呢part, 但因為果少少隨機，隨住時間放大，可以去到咁大規模的絲狀結構，有少少難相信

淋完衫 2018-2-27 10:32:18 138億年，你睇文字唔覺得係咩回事，但的確係一個好長嘅時間黎架。

:^(

淋完衫 2018-2-27 12:57:23

:^(

呢到有９張圖，而圖嘅左上方，z嘅數值愈大，代表係愈古老嘅宇宙。
呢個電腦模擬，就係黎自先前我地所講嘅宇宙學基礎模型。我地睇到，模擬宇宙嘅物質由均衡分佈變成絲狀。

:^(

宇宙學模型當然唔係吹出黎啦，係有一班好叻豬嘅科學家用嚴謹嘅數式推論出黎。
如果有興趣我再簡單同大家講下，程度同上面數式差唔多啦。有就留意講下啦，我單機好慘架

:^(

。

:^(

雖然我地基礎模型大致上可以重造一個絲狀結構嘅宇宙，但大家眼利都睇到絲狀都可以唔同嘅。
我地採用唔同嘅假設、參數，會推導出一個相近但又唔同嘅宇宙。

:^(

同理，調轉黎講，我地觀測到嘅宇宙結構，可以幫助我地研究返暗物質、暗能量，到底係咩黎、比例係點、之類。

:^(

而呢個方向嘅研究，幫助我地更多其他嘅參數，例如著名嘅Hubble Constant。
當中牽涉到一個好多人都聽過嘅議題，宇宙膨脹定收縮緊？呢個改變係加速定減速緊？

:^(

先前講過，星系可能係位於暗物質暈上。點得黎呢？其實都係黎自模擬，我地見到暗物質、氣體、溫度、金屬量嘅分佈變化，都係相似嘅。
所以我地都相信，物質同暗物質之間，係有著關連之處嘅。

:^(

研究大尺度宇宙，或者可以更貼近地模擬到星系嘅形成、演化。可以令我地欣賞宇宙嘅藝術，或對生命嘅起源都可能有更深認識。

淋完衫 2018-2-27 14:03:56

:^(

一加三等於四 2018-2-27 14:33:19

幫你講下呢幅圖啦

之前個post我都有講過類次topic，夠竟宇宙最後會點呢？

眾所周知，宇宙膨脹中，無容置疑，顯示為圖左方四線匯聚之處。

而當暗物質暗能量比例有不同的時候（注意我地而家唔知道有幾多暗物質暗能量），宇宙會有四個唔同結局。

第一個黃色，有大量暗物質。因引力過大，膨脹到一個點後會開始收縮回奇點。（有理論認為此膨脹-收縮循環乃宇宙常態，大霹靂乃上一個宇宙收縮反彈出來）

第二條綠色，有暗物質。宇宙是平坦的，膨脹到某個位，將永遠存在。

第三條藍色，暗物質不足，宇宙膨脹會加速，最後令宇宙中的能量達到熱力平衡，是為熱寂。

最後一條紅色，大量暗能量，宇宙超級膨脹，令星系之間距離愈來愈遠，最後甚至令粒子間的距離都遠到基本作用力都不存在，宇宙從此被撕裂成虛無。

夜子+ 2018-2-27 15:10:16 Cccc

我妻同學是我老婆 2018-2-27 15:24:17 大到理解唔到

:^(

fast 2018-2-27 16:05:54 大爆炸奇點，係邊個位置

地球人，對宇宙知識

係咪可信。。。

大爆炸是否真有奇事

淋完衫 2018-2-27 17:16:01

地球人，對宇宙知識
係咪可信。。。

唔知你係咪想問，我地嘅感知就係真實嘅全部？

兩點。
一、科學係「人人」都做到嘅，唔似「神秘學」咁只有「極少部份人」感受到。
係咪可信？唔敢話100%，但你研究得愈多，愈接近真實。
因為科學精神，幾勁嘅理論一錯左，就會被推翻。唔似宗教／超自然學說，死唔認錯

:^(

:^(

二、或者我地觀感真係影響左我地了解真實。但終有一日理智會引導我地去真理。
就算我地發現我地而家描述只係真理嘅１％，科學家都會繼續努力去用理智改進佢。
唔會好似「神秘學」咁，樣樣「證明唔到，你試過就明」。
反問一句，如果好似「神秘學」Ｄ人咁講，宇宙有「高等生命體」同佢地接觸。
點解「高等生命體」冇「高等科學家」教返佢地可證明嘅學識，淨係成日鳩吹？

一加三等於四 2018-2-27 18:14:32

大爆炸奇點，係邊個位置

大爆炸是否真有奇事

先答是否真有其事
我們已經可以由宇宙溫度變化、遠距離星系觀測等方法，倒推回去，計算到百幾億年前宇宙好細、溫度好高，能夠無限接近大爆炸之後一段非常短時間即宇宙誕生瞬間的事。但是在這之前，即大爆炸奇點是甚麼，或奇點之前是甚麼，現有訊息無從得知。

再講位置
因為大爆炸奇點就是宇宙本身，因此討論奇點在何處不成立。
即使假設宇宙是球體，也無法證明宇宙就是由該中心點開始膨脹。
更不用說宇宙根本不是球體了，甚至也不知道有沒有邊界。

延伸討論
既然沒有邊界，為何又知道宇宙大小？
要知道一個空間是否有邊界，和其是否有有限體積是沒關係的。
例如畫一個圓形的線，其長度有限但沒有盡頭。
又如一個球體，其表面積有限但也沒有盡頭。
宇宙又為何不可以有有限體積而沒有盡頭呢？

Zita 2018-2-28 04:46:56

反問一句，如果好似「神秘學」Ｄ人咁講，宇宙有「高等生命體」同佢地接觸。
點解「高等生命體」冇「高等科學家」教返佢地可證明嘅學識，淨係成日鳩吹？

我試下比另外一個角度樓主唸下，只係試下，因為我自己都証實唔到「神秘學Ｄ人」係啱，只係，我同樣証實唔到全部呢D人佢地都一定係錯。
（其實科學圈都係一樣，証實唔到錯，就會當啱咁行住先）

:^(

「高等生命體」或「高等科學家」 無教我地解決科學問題，有兩個可能，一就係如你所唸，從來無高等生命體接觸過我地、二就係有接觸但無教過我地科學方面既野。

至於你問點解唔教？好多原因都可以成立。
例如，佢地係高等過我地，但唔一定佢地既知識（包括科學）係包含到地球人嗰套。

從一個絕對客觀既角度，地球人只係一廂情願地，慣性用左人類既角度去審視一切。例如，無水或高過100度就無生物、數學係宇宙共通語言，「高等生命體」叫得高等就一定識晒我地嗰套，etc。。。
高級過我地，其實唔一定包含、識晒我地嗰套。

有無可能係，佢地根本就完全不能理解地球人嗰套 “獨有“ 思維模式下發展出黎既知識呢？
就算生存晌同一個物理規律，係咪就一定會用近似角度、進程，去理解同演繹物理呢？
會唔會佢地唔識1+1係幾多，但就識將石頭變金？

要教人其實仲有其他條件，例如，溝通。
舉個好膚淺既個比喻：我地高級過蟻，而且同蟻生存晌同一個物理規律下，我地係咪就一定可以理解蟻既知識世界、從而教導到蟻？

有人可能會話，只要有足夠時間同資源比我地去學習蟻語言（例如肢體語言什至音頻），終有一日我地會完全了解蟻並解決到溝通問題。

其實呢個又係另一例子說明，人類真係好慣性用自己既角度去審視所有野。

:^(

因為有可能，唔只語言不通，蟻既 “思維模式“ 都完全唔同人。
更什既係，蟻根本就無思維可言，只有本能？ 你點教？


「高等生命體」無教我地既另一個可能係，佢地真係識晒地球人嗰套，但佢選擇唔教、或幾時先教。
我知係好難入耳其實自己都反感呢套，但始終都係一個可能性，所以我又舉另一個好差既比喻：你唔會比個打火機隻人猿教佢用火，因為有可能會燒死佢自己、同埋成個森林、同埋你。

當然，佢地唔教、或選擇性教，仲有好多其他可能性，例如根本佢地就唔係善意既。。。

:^(

只要唔好下下用 “人類“ 既角度去理所當然咁唸，要搵個自己認可既答案唔難。

47 2018-2-28 05:22:07 麼牙

:^(