痴線婆 2018-2-21 09:05:22

雖然多了陣咖哩味，但少咗陣亞視味

:^(

睇到都覺好笑 樓主文筆

:^(

一馬 2018-2-21 11:25:05 真係好似陳展鵬

:^(

印度人之中佢其實都算靚仔

好好睇，求樓主多D update

:^(

背包浪子 2018-2-21 15:03:04 「Hey friend, what's your name?」又係熟悉嘅對話，已經唔知係第幾次聽到了，我繼續向前行。
「I'm not cheating, I like to make friends with you.」所有騙子都會話自己唔係騙子，越強調自己唔係騙子嘅通常都係騙子，我繼續向前行。
「I'm a university student, I can show you Udiapur.」喂你個樣點睇都唔似學生wor！不過唔知點解見佢咁死纏爛打，又激起我好奇心好想睇下佢玩咩。我同佢講我今日剛到，要去咗guest house check-in先，之後我地交換咗whatsapp，佢叫Shasha，佢叫我settle down之後就可以搵佢。原來印度呢邊都係流行whatsapp，我先後認識咗幾個印度人都係用whatspp黎交流。

\

返到guest house check-in完，馬上沖返個熱水涼，然後喺張床唔覺意訓著咗，一扎醒就已經係三點半。睇一睇個電話見到Shasha傳咗好多個messages俾我，唔知係咪驚我會走咗佬咁。
〝Hi friend how are you?〞
〝You fresh up?〞
〝Where are you?〞
〝You can come my place to eat my uncle"
〝restaurant〞
〝Best food and view in town〞
〝Closed to you〞
睇黎我真係好攰，俾佢炸咗咁多野都唔醒。我同佢講我訓咗陣，而家要出去搵野食，不過我唔想去佢uncle度食，我想食一間我喺trip advisor見到評價好高嘅café。佢係咁同我講唔好食，話佢uncle好食d，但我冇理到佢，睇住google map行咗去間café。我order咗個薯仔做嘅薄餅同一杯士多啤梨lassi，點知食食下Shasha無啦啦黎咗搵我。



「Hey bro, you are here.」廢話我咪同咗你講我黎呢度食囉！
「Oh bro, is this iPhone X? My brother has one too.」然後經過咗2日相機我唔覺得佢真係有brother，應該係吹水多，而且我去咗印度兩星期只係見過一個印度人用iphone X，而且嗰個係一個醫生。佢仲要即刻拎我部電話影咗張相post上我個ig story...
「Hey bro you finished? Let's go to my uncle's place.」喂你咪見我岩岩食飽囉，仲去你uncle度做乜春。
「Bro I tell you my uncle place has the best view.」OKOK，我實在頂唔順，我決定跟佢去睇下‥

背包浪子 2018-2-21 15:03:49 多謝多謝

:^(

會努力update

背包浪子 2018-2-21 15:04:40

有d 眼濕濕

要睇埋個幾幅圖上面d字

:^(

背包浪子 2018-2-21 15:05:28

送副太陽眼鏡畀佢啦

:^(

佢真係想拎走我副超

:^(

怪獸與她們的產地 2018-2-21 15:34:06

朱千雪前男友 2018-2-21 15:35:05

:^(

:^(

:^(

銀河妖精 2018-2-21 15:54:33

:^(

:^(

:^(

一馬 2018-2-21 16:33:28 eat my uncle

:^(

條友都幾恐怖特登上黎餐廳捕你

:^(

抽乍 2018-2-21 17:01:48 留名睇中伏

:^(

調理農務臭花鞋 2018-2-21 18:20:30 此回覆已被刪除

背包浪子 2018-2-21 18:24:15



五點半，太陽開始落山，夕陽映照下嘅Udaipur顯得更加靚。原來Shasha所講嘅Uncle’s place係一間guest house樓上嘅rooftop restaurant，我估應該係帶到客上去有commission收個種，我即係昅一昅個menu，好在都算係正常收費。我同佢講我岩岩食完野，所以飲杯咖啡就ok。









一邊睇住日落，一邊聽Shasha講佢嘅故事。佢話自己同女朋友分咗手幾個月，不過上個月剛剛識咗個日本妹，然後嗰晚佢地飲酒飲到醉醉地，佢送個女仔返guest house嗰陣就發生咗關係，佢話個日本妹好lum佢，而佢亦有當正佢係女朋友咁，話下年要去日本搵佢。講真，印度人講嘅野，我覺得有三成真已經算好多，可能食女嗰part係真嘅，至於其他我都係聽下就算，不過睇得出印度人真係好鍾意講性呢個話題，成日傾傾下計佢地就會講咗去性經驗上。







天黑後先發現原來今日係Bluemoon，亦即係超級月亮，Shasha就帶咗我去一個再高d嘅地方，可以清楚咁睇到成個月亮。人地話外國嘅月亮特別圓，其實都係岩架，喺香港呢個石屎森林，周圍都係高樓大廈包住晒，唔好話睇到天上嘅月亮，淨係搵個唔俾對面樓望到自己嘅單位可能就已經好難‥印度雖然窮，但起碼佢地都仲可以擁有到滿天星星。

傾咗成兩個鐘，我話我差唔多要走啦，然後佢叫我等陣，我見過走左過去同嗰個稱為uncle嘅人傾咗幾句，之後佢uncle望一望我，就向我走埋黎，死啦！佢地係咪打算唔俾我走呀？我捉實枱面隻叉，有d咩事都可以拎黎自衛。

「Hey, Shasha told me that you have a nice camera, can you take me a picture?」然後佢笑笑口咁指下我部相機。「Oh, sure.」我幫佢影咗張相send俾佢，臨走嗰陣佢仲俾咗個8折我添。



我覺得Shasha嘅本質都係個好人黎嘅，佢仲話聽日放假可以車我去d遠d嘅景點玩。我話等我聽朝起身再聯絡佢啦，而我只係想出去行下，影下呢個城市咁靚嘅夜景。

金城友 2018-2-21 19:00:51 遇到shasha呢類人真係唔知信唔信好
遇過幾次又信過幾次之後，我都係傾向唔信
不過都係睇地方

:^(

:^(

:^(

上下一齊摷 2018-2-21 19:12:15 有時遇到啲太熱情既人 就算佢係好人都會周身唔聚財

:^(

:^(

:^(

但過左好耐回想返 又會覺得都唔錯 好特別

ゆいゆい 2018-2-21 19:13:14 咁煩既條友

:^(

:^(

日日都痾屎 2018-2-21 20:28:53

:^(

背包浪子 2018-2-21 22:57:59 係呀
不過我就傾向想相信人多d

背包浪子 2018-2-21 22:58:43 係
會好似有被害妄想症咁諗佢會幾時露出馬腳

:^(

:^(

背包浪子 2018-2-21 22:58:58 其實ok 既
都nice 既

ゆいゆい 2018-2-21 23:35:58 一起身見到咁多msg

仲會走佢搵你

好痴漢feel

:^(

係乜野造成佢地咁想識朋友, 你又唔係女

金城友 2018-2-21 23:54:40 呢種半信半疑既狀態好阻礙交流
但係試過信任印度佬又真係易中伏

馬鈴薯學士 2018-2-22 02:34:51 一路睇好似自己都有份去咁

:^(

察德理泰琛 2018-2-22 14:34:28 此回覆已被刪除

背包浪子 2018-2-22 17:28:56 魔鬼同我講，Shasha一定想搵你笨，只係等緊幾時出手姐，要時刻保持警覺唔好落搭！另一邊箱，天使遊說緊我人同人之間係講個信字，唔好郁d就去懷疑其他人，可能人地都係想同你做個朋友姐。我承認，我自己係有d精神緊張嘅，不過我都係偏向聽天使嘅說話，就係佢真係扼我，我又有幾多野俾佢扼丫講真。






外觀上的確幾有氣派既

第二日朝早，我冇搵Shasha住，自己行去睇咗guest house附近個City Palace先。尋晚喺對岸影夜景嗰陣已經覺得好靚，所以點都要入去打返個轉。City Palace有差唔多400年歷史，而由於佢位於Lake Pichola東岸嘅高處，所以佢另一個亮點就係可以由高處俯瞰成個Udaipur嘅景色。好記得當時入去個陣有幾個印度叔叔嬸嬸旅行團，佢地比起大陸d大媽更瘋狂，睇到咩都要篤下望下影下，我就覺得佢地反而俾博物館入面d死物更加有趣啦！










居高臨下，只見一片白色小屋，唔講真係以為自己去左第二個國家，唔怪得呢度叫White City..



當我行得差唔多想走個陣，Shasha就text場我，我成日懷疑佢到底係咪偷偷跟住我，點解d時間可以咁鬼準。佢話佢同個朋友係ghat度hae緊，叫我過去join佢地，咁我見又冇乜野做，所以就去會一會佢地。點知我一去到就俾Shasha拉咗出去跳舞，唔知係咪平時笑得多d大媽跳廣場舞，估唔到我自己都有俾印度人捉出去跳印度廣場舞嘅一日，不過身處異地周圍人又唔多，我d面皮都學晒印度人越來越厚，所以又跳得幾開心嘅。




廣場外好多呢d市集










佢地跳，又拉埋我去跳

:^(

:^(