完美情郎 2018-7-3 21:41:52

:^(

千奴 2018-7-3 22:10:13 又係我啦

:^(

話說我地仍然滯留喺卡帕多奇亞，（女神）行山行到隻狗咁，我地就決定坐個熱氣球sweet sweet一吓。格咗一輪價之後，比一間自稱完全唔會收多錢嘅agent氹咗落搭

:^(

途中我地喺一間餐廳遇到一班旅行人，當中有以Freelance維生嘅巴西人，又有由荷蘭出發揚言要踩到中國而途經土耳其嘅Aruba人（嗰刻先知原來世上有個咁嘅國家，位於委內瑞拉東北面嗰堆火山島度，幾乎去邊都要搞簽證，去到邊都冇人識佢地個國家），後來佢地拎唔到中國簽證，踩過咗帕米爾高原之後就飛咗去東南亞，喺新加坡結束咗佢地嘅旅程。



對呢班來自五湖四海嘅怪人嚟講，三十幾甚至四十歲先至去流浪返一年半載，都唔係咩稀奇事。但生在香港，即使係去咗咁耐返到嚟嘅我，都冇辦法跳出框框，覺得呢個廿七歲好似偷返嚟咁，夢幻到好唔真實。

第二朝，我地天未光就已經出左去，睇人地準備幫我地起機。



亦都有少少茶水比我地。



但大家嘅心思都唔喺呢啲難飲嘅咖啡度

:^(

而係望住啲工作人員點樣扯起個輕氣球。



噴咗一輪火之後，沉睡嘅巨龍終於要甦醒了

:^(

成個熱氣球全盛時期可以坐廿人以上，但適逢淡季，我地一行只有五個遊客，比起幫手準備嘅工作人員仲要少

:^(

我同女神仲可以獨霸一個廂行嚟行去，後來聽人講返正常情況係好似搭港鐵咁迫埋一齊。



睇住咁多準備功夫先至起到飛，不禁覺得呢65歐羅係值回票價

:^(

陳奕迅死忠 2018-7-3 22:14:33 得罪講句 你呢個連載速度 都應該可以去幾次旅行了

:^(

:^(

千奴 2018-7-3 22:21:35






坐咗應該有粒幾鐘，唔捨得都要落返嚟。降落嘅時候，所有人係要踎低鳩縮埋喺嗰籃入面。啲工作人員仲嚇鳩我地話曾經試過有人唔聽指示，結果降落嘅時候因為個籃會搖，有條法國戊利成個fing咗出街死撚咗

:^(

點都好，總算係好順利又滿足咁試過坐一次熱氣球

:^(

千奴 2018-7-3 22:22:59 加速

:^(

:^(

完美情郎 2018-7-3 22:33:26 終於更新

:^(

機械人遊世界 2018-7-3 22:37:05 終於有新文喇

:^(

千奴 2018-7-3 23:37:47 喺土耳其嗰段日子可以話用追追趕趕嚟形容。

佢係我人生第一個踏足嘅伊斯蘭嘅國家，因為略有所聞有關土耳其嘅歷史，知道佢分別比代表基督教同伊斯蘭教最鼎盛時期嘅拜占庭同鄂圖曼帝國佔領過，所以一直對呢個神秘嘅地方抱有期待。但因為當時土耳其仍然係紅色外遊警示嘅地方之一，為怕家人擔心，都唔敢停留太耐，於是就用咗極短嘅時間快速攻略，希望第日有機會嘅時候先至再嚟慢慢細味多次

:^(

查返資料，土耳其嘅紅色外遊警示今日仍然冇變，各位巴絲打如果嚟緊打算去，記得評估一吓風險同問清楚保險嘅問題

:^(

（頭盔：世界咁大，最好就揀第二度啦

:^(

）

坐完熱氣球，我地繼續受永恆嘅問題困擾，就係好撚眼瞓

:^(

因為嗰朝三朝幾就起咗身嘅關係，但降落之後，間房又Check out咗，我地當日又買咗夜晚嘅巴士飛而冇Book卡帕多奇亞嘅住宿，於是我地就匿咗喺Hostel天台個Cafe到，瞓吓Hea吓咁等日落。



最近有個FD帶佢女友上北京道1號間唔知幾樓嘅餐廳到睇維港全景，一餐食咗一千幾百蚊，不禁令我諗起呢個下晝嘅好天氣。坐喺天台到望住世界級嘅地貌其實唔難。

終於等到夠鐘，喺土耳其每次都係坐Kâmil Koç公司嘅巴士。雖然唔係每個點同點都有巴士班次，但佢地嘅接駁轉乘服務每次都令我地好放心。



車窗外嘅靚靚日落

:^(

已經攰到點樣嘅環境都瞓得着嘅情況下，朝早醒返就到咗土耳其段嘅第二站，棉花堡。

完美情郎 2018-7-4 11:07:38

:^(

river ip 2018-7-4 15:06:34 終於返來啦

牛仔 2018-7-4 17:23:54

:^(

S^1 2018-7-5 00:20:12

:^(

:^(

千奴 2018-7-5 00:50:17 天未光晒就落車，我地其實未諗定當日嘅住宿問題。卡帕多奇亞嘅寧靜寫意令我地留得耐咗，唔經唔覺我地只係得返三日就已經要離開土耳其飛去伊朗，所以最理想嘅情況係喺棉花堡辛苦少少，唔作停留就坐夜巴去伊斯坦堡，留返兩日時間喺城市行吓又好休息又好。

之前上網睇遊記，見有人提及過棉花堡附近係有地方可以擺低背囊。喺旅程中途搵資料其實係幾痛苦嘅事，恃住出咗嚟近兩個月嘅旅人直覺，我就冇再深究要點樣做，諗住去到先算，點知中伏

:^(

離棉花堡最近嘅稍有規模嘅城市Denizli都要行成3粒鐘，一頭半個鐘腳程內嘅就只有一啲頹到不行嘅小鎮。司機喺一個最近嘅小鎮擺低咗我地之後就絕塵而去，留低無助嘅我地晨早企喺度生歐歐。

無論如何我都唔想孭住成30公斤嘢行成日，搵地方放低行李就成為我地嘅當務之急。我地搵到一啲Hostel，即使冇諗住留宿都膽粗粗咁問吓有冇可能比我地寄放一吓個大背囊。開心嘅係呢度啲人其實係唔會介意

:^(

咁擺還擺，佢都會借機會Sell吓佢地啲棉花堡一日團

:^(

自從去完蒙古，我地都再冇跟過旅行團，一係因為再冇去過啲地方係僻得過戈壁沙漠，唔跟團自己都去得到，二係因為唔想再中多次內蒙嗰啲伏

:^(

聽到Hostely叔叔落力咁推介佢啲團，我地都係默契十足咁拒絕。最後為咗比啲生意佢做，就叫佢幫我地Call巴士夜晚接我地去伊斯坦堡，比個機會佢抽吓佣

:^(

行咗半個鐘入到棉花堡入面，原來仲差少少時間先至開門。但門口啲售票姐姐一於好少理，賣完飛就比我地提早行入景點範圍

:^(

成個棉花堡都未有人，相入面前面嗰個係喺Hostel遇到嘅紐西蘭獨遊囡囡，後面嗰個係女神。最前面仲有隻唔知邊度嚟嘅為食狗。



入去嘅時候係要除鞋嘅。



但個地下係一岩一蠶嘅石灰岩，行起上嚟就好似行石春路咁

:^(

隻腳痛係咪姐係表示個腎好虧

:^(

完美情郎 2018-7-5 10:42:42

:^(

river ip 2018-7-5 14:22:47 留名支持

千奴 2018-7-5 22:39:06 坦白講唔算太鐘意棉花堡呢個地方。一嚟啲溫泉水其實早已乾晒，而家見到嘅都係人工加返上去；二嚟同前一日卡帕多奇亞嘅安靜比起嚟，呢度充斥住一車一車嘅旅行團，想靜少少望吓山景都唔得。連街邊擺到賣雪糕嘅哥哥，都會NIHAO NIHAO咁對住你笑。

穿過咗拮腳嘅石灰岩，嚟到棉花堡旁邊嘅希拉波利斯古城。

千奴 2018-7-5 22:39:56 禁撚錯咗 未打完

:^(

千奴 2018-7-5 22:53:19 印象中以前讀書都未聽過希拉波利斯呢個名。所以嚟到有種唔知做乜鳩嘅感覺

:^(

但某啲遺跡就令我聯想起細細個就聽過嘅巴特農神殿同希臘嗰啲哲學家辯論嘅廣場。後來查返先知，原來凡係叫得乜乜波利斯嗰啲，都係同希臘文化有關嘅古城，因為-POLIS喺希臘文入面正正就係城市嘅意思。於是我就提議不如伊朗之後我地就去希臘，Book埋機票，增加我地攞到伊朗簽證嘅機會。



鳩遊咗個古城半個下晝，就準備返歸。



吹住山風靜待黃昏嘅來臨

:^(

行石春路永遠都慢女神一段路

:^(

行到一半就睇到呢日最靚嘅風景。



點解我覺得好靚？因為係同妳一齊睇呀

:^(

完美情郎 2018-7-5 23:25:56

:^(

千奴 2018-7-5 23:33:13 多謝你不離不棄

:^(

韋黑碧 2018-7-6 03:50:43 Lm

MK瘋 2018-7-6 20:07:38 Ching ho ball

千奴 2018-7-7 00:34:48

連屌兩日夜巴，終於進入伊斯坦堡，集歷史、宗教、文化於一身嘅古都。



亦係旅程中第一個紅色外遊警示嘅地方

:^(

究竟出晒警告話危險嘅地方有幾危險？我地又會唔會就喺度遇到恐襲，抱撼一生？

千奴 2018-7-7 00:36:10 今晚好攰，仲有六個鐘起身返工

:^(

聽日一次過出到入伊朗

:^(

m42 2018-7-7 10:08:33 終於有新post ， 樓主加油

:^(