（青春／甜）《一個書生既Player故事》(5)
上一頁
第 7 頁
下一頁
習近平安鐘
2018-1-26 23:36:27
:^(
等
Ads
林書生
2018-1-27 00:55:47
文呢？
花小姐
2018-1-27 01:07:00
完事後，我同Hailey行返落南山買宵夜食。再返上Hall呢一個不長不短既路程，傾咗好多野。
傾下上次拍片既好笑野，又分享下遇過唔同既SP係點，係邊度識，試過最正係咩，同埋有無沉過船。
唔知係因為扑完野，定係覺得啱嘴形既關係，我難得好詳盡去分享當年同林敏兒、溫梓柔、阿婷仲有Candice既故事，令我痛苦既初戀、我既第一次、對性啟蒙既老師、大學第一個SP。
Hailey既SP比我更多，佢同我講，短短三年已經同多過三十個人扑野，不過都安全既。
第一個SP發生喺Hailey既中七，當時既EX話仲係對佢有感覺，想考完AL先至繼續一齊，中間只係撩佢扑野洩慾。
Hailey因為想返撻呢段感情，接受咗SP呢種關係。
到入咗大學先發現佢既EX根本無心同佢一齊，俾愛既人玩，亦都遇到其他Player格既男仔趙完鬆。
知道自己淫底既Hailey迎合自己心底既慾望，由一開始唔知咩野係SP、半推半就做咗人地SP、俾人呃蝦條趙完鬆、放縱自己被動地搵SP、主動撩人扑野，直到而家有男朋友都會偷食。。。
咁大既改變，都只係短短三年入面既事。
「我相信每個人出生都係性本善，佢地都係相信愛，想有一段幸福既關係。」我同Hailey講：「所以絕大部份做Player既人都係後天既事情改變咗佢地既價值觀。就好似我地，都係受過情傷先會咁做。」
「你會唔會後悔自己搵SP？」Hailey問我。
「無得話後唔後悔，的確佢為我人生帶來好多難忘特別既回憶。呢D回憶值唔值得去擁有，見仁見志。有得揀，我想同女朋友從一而終，我會希望我從來無有過SP。」我有感而發。現實我無得揀，但行動其實有，即使受情傷，都唔代表我就要搵SP。
「唉，有D野，真係返唔到轉頭。我已經無辨法發展一段健康既戀愛關係。我都唔想對男友唔住。只係，我覺得每個男人都唔可信。無論男朋友對我幾好，我都仲係信任唔到佢。我覺得佢地對我好係有目的，我地總有一日會分開，寧我負天下人，莫天下人負我。我對佢唔住先，就可以將分手時既傷害減到最低。」
「你想像中既愛情，就係你將會得到既愛情。」突然間大文豪上身。
「姐係點？」
「吸引力法則，你無聽過咩？你相信既事，將來就會發生係你身上。當你好努力去實現你既諗法，全宇宙都會幫助你去完成。」我解釋。
「你意思係？。。」
「搵得多SP既後遺症。我地唔相信自己可以得到一段美好既愛情，所以都唔會得到，我地一直拉緊自己既後腿，被大學呢個花花世界最陰暗既一面玩死。」
「都合理既。我會搵SP，就以己度人，覺得人地都會咁做。關係最重要既信任同忠誠都無，每一刻幸福都諗人地對自己好有咩目的，又或者幾時會被背叛，唔願意付出最真實既自己，咁點會幸福？」
「哈哈，好似講咗我地既問題。」我話：「所以我地應該專一，心無雜念，好好咁對另一半先可以得到幸福既救贖。」
「你呢D係咪叫。。能醫不自醫？」Hailey望住我一笑。
「嗯，我地一齊加油啦。」
「加咩油？」
「唔好搵SP。哈哈。」我講完自己都笑咗。
「啱啱好正，不如黎多Q？」Hailey話：「講笑。我考慮下。如果真係收山，就由你做我既鬧鐘，提我唔準搵SP。」
「大家咁話。」
一段深入既對話，令我同Hailey既關係親近咗唔少。
快樂不知時日過，話咁快，我同Hailey就行到返Hall。
夜半小粵曲
2018-1-27 01:43:09
推
:^(
譚仔食中辣
2018-1-27 04:07:12
yes!!!!!!!!!! 推推推推
:^(
:^(
:^(
騎牛上學
2018-1-27 05:22:11
呢個似乎係每朝屌醒Hailey既鬧鐘。。
沒有花
2018-1-27 23:13:43
:^(
習近平安鐘
2018-1-28 00:20:34
我諗真係好多大學生都係咁 已經返唔到轉頭
習近平安鐘
2018-1-28 01:33:06
發現個故已經追咗差唔多成年
巨鋒頭
2018-1-28 18:12:33
2018上半年完唔完到
Stephanie
2018-1-28 19:16:12
Stephanie 個故係16年12月10號出
希望書生個故18年12月10完到
:^(
Ads
林書生
2018-1-28 23:29:12
2118年
秋山駿
2018-1-28 23:37:13
衝鋒21咩
2秒可以講半個鐘咁
:^(
花小姐
2018-1-29 01:16:52
返到去，只得返Parsons一個喺房。
「今次到你請我食宵夜啦。」
「我唔明你講咩喎。」Parsons扮傻仔。
「我同Hailey喺出面都聽到晒啦。」
「幻覺黎姐，嚇我唔到既。」
「咪諗住走數呀，今次你請硬！等我過去同Felix、Wade講先！」講完，我就同Parsons推門過去格離房：「Parsons話請大家食宵夜喎。」
「。。。」零回應。
Felix同Wade分別坐喺自己張床，神態凝重，好似講緊正經野咁。
「你地講緊咩？個樣咁凝重既？」Parsons都感受到不尋常既氣。
「Felix佢女朋友。。。」Wade欲言又止，睇黎有大獲野發生。
「Janice漏咗部Macbook喺度，我用黎上Fb果陣見到有個男仔Inbox佢。。」
Felix show咗個Chatbox俾我，內容係聽日去邊度開房，入面係一堆香港酒店既Link。
「我諗咁樣唔會有咩誤會？」
「可能佢夾埋成堆朋友搞秘密Party呢。。」Parsons話。
「唔係啦，佢同我講聽日要去傾Project。下面仲話要帶多盒Dom去，傾Project傾到喺張床度？哈哈。。。」Felix話，照咁咁睇已經無欺騙自己既餘地。
「聽日去間酒店房等佢地捉佢姦！」Wade提議。
「有意義咩。。咪盞自己難睇。」我話。
「其實都無咩可以做到。。一係接受呢件事，一係分手。」我話。
「我好鐘意佢，唔想分手。我扮唔知算啦。」Felix話。
「咁又唔好，佢會得寸盡尺，你都會好辛苦。」Parsons評論。
「點解佢要搵第二個，你餵唔飽佢咩？」我問Felix想知道事情發生既原因。我諗起Hailey正話同我講既野。
「我同佢無搞過。」Felix語出驚人！我喺大學，好似除咗靜宜（我都係見佢個樣咁乖估。。可能都係假。。）之外，都未見過唔扑野既和尚。
「下！咁你咪和尚。」Wade反應勁大。
「你咪又係和尚。」我串一直都無女既Wade。
「點解呀？佢唔肯同你搞咩？」Parsons問。聽過有D人，想扮自己好守身如玉，唔肯同男朋友搞，但自己出面搵SP。
「佢有要求過。只係我覺得應該等到結婚先做。而家先至拍咗半年拖，太早啦。」喺咁淫亂既Hall，淫亂既社會，Felix呢個和尚真係塵世間既清泉，連女朋友魔鬼既誘惑都可以拒絕，高手高手。
以前既女仔比較矜持，主動權喺男仔度；現今社會既女仔好主動要求，睇下我遇過既女仔就知道，合眼緣既人撩下就可以扑野，無難度。
都感嘆，呢個年代，即使男仔想搵個處女都好難。
不過係咪處女對我黎講唔重要，重要既係我鐘唔鐘意佢。
「佢唔係處？」Parsons問。
「佢話佢係。」Felix回答。高手高手。
「咁我建議你打破你既底線，由你親自餵飽佢，再用你既愛感化佢，等佢良心發現唔好再搵SP。。。」我話：「如果佢有需要又滿足唔到，又真係幾慘既。你都係唔好同佢傾，免得打草驚蛇，佢再重犯更小心，你更難發現。」
「你唔想分手既話，睇定D先啦，唔好亂咁爆佢Seed。」我話。
「嗯。」Felix好似想喊咁，雙手托頭：「我好崩潰。」
我地三個拍拍Felix：「好兄弟，實撐你。」
「Janice個樣真係好乖，無諗過佢會咁對我。」
「講咗咁耐，我都未知你女友係咩樣。」Parsons話。因為Felix無乜點用IG，無Post女朋友既相上去，亦都無用合照做Icon，我都唔知佢女朋友係咩樣。
Felix喺手機搵咗張合照俾我地睇。
『。。。。。』
咁熟口面既！
我有無認錯人呢？
我即刻好緊張咁碌其他相去確認一下。
同記憶中既五官好相似，係記憶入面既樣子再大個少少咁。
佢扎咗個All back頭，笑容好甜，全身包到實既運動外套同埋長褲，拎住塊羽毛球拍，個樣真係超級爆乖，就係你見到會覺得佢一定係班上勁乖、會讀書、朋友唔多既果種女仔。
原來Felix個女朋友係林敏兒。
世界真係好細。
「 。。。」我呆咗唔識俾反應。
自從升咗中學，我同肥傑都無咩點同小學既人聯絡，包括王家欣。
我連林敏兒Facebook都無加到，所以咁多年佢既近況我係一無所知。
原來佢而家叫Janice。
原來佢入咗City，仲要讀係Law School。
話就話City好細，總有啲人你咁多年即使大家好活躍喺同一個校舍都撞唔到。
我對林敏兒已經無晒戀愛既感覺。
聽到佢過咗咁多年都仲死性不改，真係好失望。
聽Hailey或者Felix既女朋友，搵SP我覺得好平常，無乜特別，唔係你帽我，就我帽你，每日都發生緊嫁啦。又唔係我奶野，緊係覺得係一件小事。
但到咗主角係認識既林敏兒，整個感覺就唔同晒。
因為我都係動過真情既受害者之一。
我對林敏兒好反感。
死性不改。
就是Bitch。
「到我睇啦！」Wade一野搶咗我手上部電話：「個樣又真係幾乖。」
「所以我不嬲都話MK妹好～～起碼人地表裡係一樣。」Parsons話：「淫賤寫喺面上，無咁易俾乖女樣呃。」
「講起呢，聽Maisy講之前Stephanie落堂收花，以為佢同男友Sweet。點知無耐Ig就Delete晒同條仔啲相，應該分咗手。」
「真係？明明早排喺Common仲撞到佢話同男友煮野食。」我即刻打開耳仔既雷達，洗耳傾聽。
「可能已經係Old news～Who knows」Felix話。
「不如你去R下Stephanie 一齊玩，媾佢好過啦。一次不忠，百次不用。」Parsons同Felix講。
「R乜鬼呀，都話我唔想同Janice分手。」Felix成個人頹晒。
「咁多謝，留返俾我。Hehe」阿Wade露出偎鎖既笑容。
「唉。加油啦。」講完我拍一拍Felix既膊頭就返房。
我都無心情。
花小姐
2018-1-29 01:17:07
多謝你地呀
:^(
花小姐
2018-1-29 01:17:19
完到既!!!
小熊圍爐
2018-1-29 01:32:33
林敏兒出現了
:^(
秋山駿
2018-1-29 01:33:04
居然撞番林敏兒
:^(
但依然都係專比帽人戴既雞
:^(
秋山駿
2018-1-29 01:33:32
我對樓主有信心呀
應該年中之前完到既
:^(
果然邕丹
2018-1-29 01:38:07
竟然係林敏兒條八婆
第一次留名
由step個故追到而加 中間停過一陣冇追
:^(
之前一晚追返曬
:^(
跑跑薑餅人
2018-1-29 02:03:59
我記得ocamp之後書生係會同Janice扑嘢
:^(
:^(
:^(
Ads
猴只偷圖
2018-1-29 02:11:17
有扑到咩
:^(
好似得親密照
:^(
定係我記錯
:^(
習近平安鐘
2018-1-29 02:21:56
原來係舊相好
:^(
渴睡人的眼
2018-1-29 02:24:47
無諗過會咁樣撞返林敏兒 有啲爆
:^(
都幾想睇佢哋扑（如有）睇下書生點調教隻臭雞
:^(
杯圓子
2018-1-29 02:38:47
好似係！最後同Felix反面搞到Step同書生都無聯絡
:^(
上一頁
第 7 頁
下一頁