朱仔成 2016-12-25 12:38:59

:^(

樹紅 2016-12-25 13:07:34 留名

幽默感勉強唔黎 2016-12-25 14:39:40 樓主聖誕唔出po

:^(

達美安 2016-12-25 14:53:09 留名

Edelschwarz 2016-12-25 15:01:13 pish

緊張大師 2016-12-25 17:16:42 留名

Tsukemen 2016-12-25 19:32:26 留名支持

:^(

叫錯Miss做媽咪 2016-12-25 19:50:24 留名學野

:^(

叫錯Miss做媽咪 2016-12-25 19:50:38 留名

Wazza 2016-12-25 20:07:44 推

:^(

:^(

幽默感勉強唔黎 2016-12-25 20:08:29 毒撚聖誕無野睇

:^(

毒男 2016-12-25 21:41:30 支持

控捌控控控蕉衣 2016-12-25 22:01:19 留名

現實中沒有童話 2016-12-25 22:02:59 留名

雅各賓派 2016-12-25 23:19:24 第四章 羅馬城攻防戰

公元前509年。

帶領住Etruscian大軍由北面入侵既Porsena波塞那，來勢洶洶地要重奪屬於Tarquinius既王位，面臨大軍壓境，羅馬人放棄同Etruscian軍隊打野戰，改爲利用台伯河既天然屏障做防守。而負責守護跨越台伯河橋梁既，係一個叫Horatius賀雷修斯既勇士。



話説當波塞那帶領大軍迅速奪取羅馬Janiculum既高地既時候，羅馬軍隊仍然未準備好，擁有數量優勢既波塞那大軍好快就擊潰羅馬脆弱既防綫，見到自己既執政官Velarius同Lucretius都受傷被抬走，羅馬士兵好快就好似一群烏合之眾一般，紛紛棄械潰散。


波塞那圍城戰役

Horatius係呢個時候挺身而出，攔住潰退去台伯河橋頭既羅馬士兵。他強烈敦促羅馬軍隊毀掉木橋，不管用火也好，用鐵器也好，還是其它能夠找到的工具也好。同時他自告奮勇單槍匹馬，最大可能拖延伊特拉利亞軍隊的前進。他驕傲地站在橋頭，在身邊紛紛潰逃的士兵中間顯得格外矚目。劍盾在手，他準備好了在短兵相接中，以一人之力，抗萬人之擊。

[img]https://upload.wikimedia.org/wikipedia/commons/thumb/3/37/Le_Brun%2C_Charles_-_Horatius_Cocles_defending_the_Bridge_-_Google_Art_Project.jpg/1024px-Le_Brun%2C_Charles_-_Horatius_Cocles_defending_the_Bridge_-_Google_Art_Project.jpg/img]

其實當時守衛羅馬既好多都係臨時徵召既平民，所以抵擋唔住波塞那既大軍都情有可原，但見到Horatius如此勇武，兩個羅馬老兵Spurius Lartius同Titus Herminius忍唔住掉頭，留底同Horatius並肩作戰

雅各賓派 2016-12-25 23:25:32

他們幫助Horatius度過了最初幾分鐘最危險的時刻。但好快Horatius就叫他們快d走唔好理我。

Horatius幫羅馬爭取左唔少時間，而橋已經被差唔多完全破壞所以羅馬官兵都高叫Horatius快d回去河既對岸。

Horatius再一次獨自佇立在戰場上，用蔑視的目光勇敢面對Etruscian既騎兵，一個接一個挑戰他們，問他們敢不敢單挑，嘲笑他們是暴君的奴隸，自己沒有自由就算了，還來破壞其他人的自由。#adore

擁有人數優勢既Etruscian點會同你單挑，兄弟一齊上！。於是係一聲怒喊中Etruscian將長矛擲向膽敢單槍匹馬阻擋他們的Horatius。Horatius用盾牌攔截敵人的長矛，堅定地橫跨在木橋上，堅守陣地。

就係呢個時候，木橋斷左，波塞那大軍前進既步伐被阻斷，在最緊要關頭及時完成任務的羅馬士兵發出勝利的歡呼，而伊特拉利亞人只能目瞪口呆望住Horatius游過台伯河，回到另一邊準備迎接他的朋友們身邊。

為左回報Horatius既英勇奮戰，羅馬為他樹立左雕像，而且賦予他大面積既土地：只要他的的犁一天之內圈到的地方，都歸Horatius所有

雅各賓派 2016-12-25 23:36:03 强攻羅馬城失敗之後，波薩那改用圍城既方法， 希望逼羅馬人投降。Velarius就心生一計，希望引出部分既Etruscian部隊出來給予沉重既打擊。於是Velarius就特登係離波塞那大軍最遠既城門放一批牛出來，需知道圍城既軍隊本身都消耗唔少補給，圍城完全係一個鬥磨既階段。

見到這樣大既一群牛，成班好耐未食過肉既Etruscian即刻派兵出去劫掠。點知兩個執政官既軍隊已經埋伏係路上，被人包抄既Etruscian連逃跑既機會都無就被人殺到片甲不留。

即使遭遇左挫敗，波塞那仍然堅持繼續圍城。羅馬既食物已經食得差唔多，個個都知如此繼續落去，隨時羅馬城内都會爆發暴動，呢個都係波塞那既目的。於是一個年輕既貴族就話：比我出城，由我去暗殺波塞那，結束呢場戰爭，元老院批准左。呢個係羅馬版本既荊軻刺秦王。

雅各賓派 2016-12-25 23:47:06 於是Gaius Mucius就潛入左Etruscian既營地，但偏偏問題就來啦，究竟邊個先係波塞那呢？當日正好係士兵出糧既日子，國王身邊坐左好多秘書，Gaius分唔到邊個係國王，於是唯有博一鋪，一野插把刀落最似國王既人到。

啊！慘叫一聲之後，突然間成班侍衛冲出來包圍Gaius，原來Gaius好唔好彩，殺既係國王既秘書。比人抓左既Gaius，毫不畏懼地同波塞那講：我個名叫Gaius Mucius，我係來暗殺你既。我竟然有殺你的勇氣，就有犧牲既勇氣。呢個係我地羅馬人打仗既方式：一係成功，一係勇敢受難。要拿你條命既人唔止我一個，我後面仲有千千萬萬個羅馬人渴望得到我既光榮。你最好小心d：帶著武器的敵人將出現在你門口，每時每刻都準備拿你命，你最好做好準備。呢個就係我們對你既宣戰，你或者唔驚係戰場上同我們兩軍交戰，但我地既戰爭係只針對你一個人，而且是好似我這樣既刺客輪流上陣。”
　　
　　 波塞那狂怒中下令話，如果Gaius唔坦白交代他剛剛既暗殺計畫，就把他活活燒死。穆修斯高叫道，“比你看看追求榮譽的人對自己的身體是多麼輕賤。”他把右手伸入獻祭用既火中，仿佛毫無疼感似地讓自己的手在火中烤炙。波塞那被年輕人超人的忍耐力嚇呆左，跳起來命令衛兵把穆修斯從祭壇拉開。“走啦”，他說，“你對自己比對我仲狠，我應該祝福你既勇氣，但我既國家唔容許我這樣做。所以我作為一個可尊敬的對手，寬恕你，返還你的性命和自由。”
　
　
“既然你尊敬勇氣”，穆修斯為了國王的寬宏大量表達謝意說，“
剛才你用赤裸裸威脅從我口中得不到的東西，現在我用感激之心話你知。羅馬城裡有三百個好似我既勇士，都出身高貴，都發誓要以我這樣既方式拿你命。我只不係是抽到簽既第一個而已。其他人會一個接一個來的，直到幸運女神站到我們這一邊，讓我們殺死你。

雅各賓派 2016-12-26 00:03:16 見到Gaius Mucius既勇氣，波塞那王好快個心就有d協，就派人入羅馬城傾和平條件，波塞那既offer係：比Tarquinius重新執政，放棄由Veii占領既土地，交出人質換取波塞那軍隊和平撤離。羅馬拒絕左比Tarquinius坐正既要求，但其他都接受，實際上波塞那王只不過係比面走來避難既Tarquinius，對於羅馬行君主制定共和制，本身他係唔care。

不過有唔少歷史學家質疑Livy呢段歷史既可信性，他們無法相信波塞那居然會因爲刺殺而讓步。更大既可能，係羅馬頂唔住圍城，開城同波塞那投降。但波塞那放棄支持Tarquinius呢點可能就係真既，因爲波塞那寧願出現兩個執政官，都好過一個統一既國王，尤其是好戰既Tarquinius遲早會變成自己既威脅。

Gaius Mucius既舉動甚至乎得到埋女性既模仿。Cloelia係羅馬送到Etruscian做人質既處女，有一晚她帶領批人質避開守衛，游過台伯河翻翻去羅馬。


見到批人質（處女）走清光，波塞那自然大發雷霆，他派人去羅馬要求交出Cloelia，否則就當成破壞和平條約。Cloelia就話：我去！翻翻去Etrucian軍營既Cloelia不但無被懲罰，反而比波塞那嘉獎，波塞那仲比Cloelia挑選一批人質翻羅馬。含羞答答既處女Cloelia，唔敢簡高大英俊既美男子，就挑選左一批正太翻羅馬，費時他們變成戀童癖既發泄對象。


Cloelia翻到去又被當成英雄，比人立雕像放係via scara上面（相等於羅馬既主要街道）

雅各賓派 2016-12-26 00:24:33 波塞那撤退之後，就繼續去攻打Aricia。波塞那留底係軍營既大批財物，就被人當成戰利品拿去羅馬拍賣。後來羅馬公開拍賣既戰利品，就被稱爲波塞娜王之財，但Livy話呢個係名不乎實，因爲波塞那似乎係特登留底d物資來接濟被圍困多時既羅馬市民。

波塞那攻打Aricia既戰爭亦都進展得唔順利，來自希臘Cumae城邦既部隊連同拉丁同盟既軍隊，擊潰左波塞那既軍隊。班Etrucian未有死死地氣走翻羅馬要求接濟，羅馬收容呢批曾經既敵人，所以好多Etrucian都選擇留係羅馬，成爲羅馬既一份子。後來波塞那放棄左支持Tarquinius既復辟，仲將抓走既人質全部放翻羅馬，之前占領既土地都被全部歸還。

失去靠山既高傲王宜家已經有如喪家之犬，死死地氣去左投靠自己 女婿Octavius Mamilius。隨著羅馬後來同薩賓關係又再次緊張（搶左人地d女人，自然會遭到報復），Octavius就趁機聯合拉丁城邦，對抗日益壯大既羅馬。公元496年，拉丁聯盟同羅馬係Regillus湖爆發遭遇戰。



雙方勢均力敵，但王政支持者，由Tarquinius個仔組成既流亡羅馬軍團戰鬥得最勇敢，而且殺死左Valerius個細路。眼見長官被殺，大批羅馬軍隊潰散， 另一位Aulus Postumius Albus立即宣佈：所有逃走既羅馬人，殺無赦！好快羅馬人又調轉頭打翻拉丁部隊。最後羅馬軍隊反敗爲勝。



又被打敗既Tarquinius最後走佬去意大利海岸既希臘城邦Cumae度過餘生。

雅各賓派 2016-12-26 00:47:56 被打敗既拉丁城邦係公元前493年簽訂條約Foedus Cassianum，羅馬會再次領導拉丁軍事同盟，而羅馬將會同意平均瓜分同拉丁聯盟既戰利品，同建立拉丁-羅馬共同管理既殖民地。後來一個叫做Hernici
既部落又加入羅馬領導既軍事聯盟。隨著羅馬又再次統一拉丁世界，擁有强大軍事勢力既羅馬，又繼續向北面征討Etrucian部落。BC 396年，最强大既Etrucian城邦Veii落入羅馬手上，大量Etrucian成爲羅馬公民。

但羅馬既威脅不單是來自Etrucian，更加恐怖既戰鬥民族凱爾特人，正準備跨過阿爾卑斯山入侵意大利‘與此同時，羅馬雖然係共和制，但執政權仍然掌握係貴族手上，平民好多時都係被欺壓既一群。

隨住平民同貴族既矛盾不斷激化，公元前495年，平民拒絕羅馬既徵召，反而走去羅馬附近既聖山，同羅馬貴族對峙。


為左換取班平民入伍，羅馬就承諾建立一個叫護民官既職位，專門代表平民既利益，並可以透過否決元老院同執政官既決議來抗衡貴族。衹有平民先可以做護民官，而一旦護民官保護唔到平民既利益，平民可以殺死合法護民官。以後呢個護民官既職位將會對羅馬共和國既發展起好大影響。

於是班平民終於肯收手，加入翻羅馬軍隊去東征西討。但羅馬既深層次矛盾，仍然未隨著護民官既設立而得到解決。

下一集：羅馬焚城同十二銅表法

Hier 2016-12-26 01:12:47

:^(

:^(

:^(

:^(

錢姐喎苦愁 2016-12-26 01:14:53 高質 加番中文釋名方便嗎?

雅各賓派 2016-12-26 01:51:55

高質 加番中文釋名方便嗎?

中文譯名好橋口

ROCKSTAR 2016-12-26 08:52:54 留名