Ads
Ads
1805年12月2日，兩軍喺波希米亞相遇，展開奧斯特里茲戰役（Battle of Austerlitz）。由於依場戰役入面，神羅皇帝法蘭西斯二世（Franz II）、俄國沙皇亞歷山大一世（Alexandar I）同法皇拿破崙一世（Napolean I）都親臨戰場，所以依場大戰又名「三皇會戰」。俄羅斯神羅聯軍85400人來勢洶洶，主動進攻法軍67000人。之前拿破崙都係逐點擊破，從未試過喺一場戰役入面面對兩個大國，各由皇帝親率既大軍，唔知佢對今次戰役有乜睇法呢？
「朕唔係針對奧地利，」
拿破崙攞出佢既軍刀。
「朕係話在座各位，」
向著前方敵軍軍旗一指。
「都係垃圾。」
畢竟拿破崙唔係依個故事既主角，小弟就唔講場仗點打啦。總之戰後法軍損失9000人，而對面聯軍就有成36000人傷亡，依場仗係拿破崙軍事生涯既巔峰之作，亦係神羅歷史既低谷。
奧斯特里茲戰役中的拿破崙
點解咁講？因為之後奧地利被逼同法國簽訂普雷斯堡和約（Peace of Pressburg），奧地利失去唔少領土之餘，仲要准許拿破崙成立萊恩邦聯（Rheinbund）。依個萊恩邦聯涵括除咗奧地利同普魯士之外大部份既神羅諸侯，以拿破崙本人為邦聯既保護者，講白啲就係拿破崙既傀儡。神羅喺依個時候形同虛設，搞到法蘭西斯二世都唔好意思再做落去啦，於是喺1806年8月6日宣佈退位。
萊因邦聯
神羅皇帝法蘭西斯二世
咁即係華夏人曾經興盛，但係支那人? :^(
情況有啲唔同
因為普遍認為華夏人即係而家支那人
如果當年蒙古完全滅絕華夏人
咁個情況就變咗埃及人咁樣
埃及人無滅絕
係蛔化
同埋10分1埃及人係基督徒
基督教議式都係用埃及語
普魯士禁衛軍於法國大使館前示威
備受國民愛戴的路易絲王后
之但係腓特烈。威廉好快就發現，拿破崙之後改變主意，諗住將俾法軍佔領既漢諾威歸還英國，作為英法和約既條件。點解係歸還呢？原來當時既英國王室其實係嚟自漢諾威家族，所以英國同漢諾威係處於共主邦聯（Personal Union），由同一個君主統治。
講返普魯士，腓特烈。威廉個心當然係拿住拿住啦。更令人激氣既係，拿破崙喺佢個萊恩聯邦入面，將成員國符騰堡（Württemberg）同巴伐利亞升為王國，即刻搞到王國依個名唔馨香。另外，拿破崙仲喺德國地頭，處決咗一個德國民族主義者，依件事成為壓喺駱駝背上既最後一條稻草，腓特烈。威廉終於要爆發啦，拉埋俄羅斯同薩克森，無視法軍仲喺德意志境內，普魯士邊境附近既狀況，毅然向法國宣戰，同時英國故態復萌，加入戰場，展開第四次反法同盟戰爭。
普魯士軍隊由腓特烈．威廉坐陣，荷亨洛恩親王（Frederick of Hohenlohe），老將布卓爾元帥（Gebhard Leberecht von Blücher）、同之前出過場既費迪南親王做統帥，普軍迅速西進，諗住先發制人。拿破崙一見普魯士向佢宣戰，心諗：同朕鬥？未死過呀？！即刻帶住佢支大陸軍（Grande Armée），向東進發，兩軍展開耶拿-奧爾斯塔特會戰（Battle of Jena-Auerstedt）。