Ads
簡介基本古典文學概念：朝代
[center]
讀文科野心中必先有一時序
文科野特別講求傳承，尤其係中國古典
王國維講過：
凡一代有一代之文學：楚之騷、漢之賦、六代之駢語、唐之詩、宋之詞、元之曲，皆所謂一代之文學，而後世莫能繼焉者也。
一代有一代特別突出嘅文學體裁
但並唔係唐代得唐詩，宋代得宋詞
只係相對黎講無咁有獨特創新
又或者只係初始階段
例如唐傳奇到明清小說係一個發展階段
宋代亦都有宋詩等等
如何落實到閱讀古典文學其中一家之作？
以陶淵明為例
魏晉嘅陶淵明係必然受前人
先秦詩經漢代賦辭等等影響
除左歷史前人之影響
更要連結埋佢真實生活嘅時代
所以中國古典文學常用傳記批評法解讀文學
呢首咩日子寫？果陣發生咩事？咁呢首野同當時嘅關係係咩？
呢種方法係有優點，但同時亦係現代學者反思佢缺點嘅時候
因為咁會有好多勉強刻舟求劍嘅誤解
除左前史、當時時代
亦都可以觀察埋：後世之影響
至少唔會倒轉頭去話
陶淵明受李白、社甫影響
而能夠從陶淵明點樣開拓咩樣獨特嘅嘢
去影響到後來嘅文人
唐嘅李杜
宋嘅東坡
以至魯迅、梁啓超、王國維等等
正因為從後面去觀察，可以睇得到呢一家
陶淵明嘅獨特、重要嘅地方
讀中國古典文學
時間係一個重要、必要嘅概念
所以文科野先會咁強調咩咩史
因為文科野係離不開傳承嘅學術脈絡
Ads
Ads
(桃花源記，千古不衰)
前言
各位巴絲打好，又係我黎同大家吹吓水
之前我已經講過四個文學家
魏晉陶淵明嘅《桃花源記》
晚唐李商隱嘅「此情可待追憶，只是當時已惘然」
北宋蘇東坡嘅赤壁三部曲
南宋辛棄疾嘅「驀然回首，那人卻在，燈火闌珊處」
讀後不禁為古典文學嘅美而傾心
原本預計下星期要再開Post講另一個大詞人
但有巴打反映，上個辛棄疾Post已經1001咗
想繼續吹吹文學水，但又無一個浮得返上水嘅Post
有見及此，緊係要開返綜合Post吹吹水啦！
古典文學世界範圍好大，歡迎大家一齊吹吹水
既可以針對我講過嘅四位大文學家
又可以吹吹其他人，分享吓自己諗法
(文人成日叫雞你又知幾多？)
話雖如此，不過為免太過冷清
我都係會定期舊文重發
精選之前發過重要、經典嘅詩詞文分享
未睇過古典文學系列嘅，可以由此入門
睇過嘅巴絲打，比大家溫故知新
希望唔會悶親大家啦
唔知唔覺已經講咗差唔多十個月啦
巴絲打嘅支持，絕對有助我持續出文
一切發表嘅文章、分類、難易度
都可以因應興趣入去我地嘅Blog睇：
http://deliver90.blogspot.tw/
最好Like埋我地個Page啦：
https://www.facebook.com/%E5%BE%B7%E5%B0%BC%E6%80%9D%E5%8C%96-1410350102358414/
(東坡、王朝雲嘅愛情故事，千古動人)
歡迎大家正皮、留名，有助更新出文！
【古典文學】你不認識的陶淵明，永垂不朽的文學世界（已完）：
https://lihkg.com/thread/244538/page/1
【古典文學】此情可待成追憶，只是當時已惘然——李商隱（已完）：
https://lihkg.com/thread/245419/page/1
【宋詞趣談】小二，黎一碗東坡肉！！！(多圖餓撚勿入)（已完）：
https://lihkg.com/thread/249810/page/1
【古典文學】驀然回首，那人卻在，燈火闌珊處——詞中之龍辛稼軒（已完）：
https://lihkg.com/thread/341146/page/1
[古代思想入門（一）]黑暗儒家心法之荀子（已完）：
https://lihkg.com/thread/144278/page/1
【先秦法家】由Walking dead開始，進入韓非子嘅革命思想（已完）：
https://lihkg.com/thread/279664/page/1
【藝術賞析】集狂人、詩人、情人於一身 —— 梵谷Van Gogh：
https://lihkg.com/thread/246863/page/1
【日本俳句】小丸子，HUNTER×HUNTER，人中之龍：
https://lihkg.com/thread/314800/page/1