[一年長途遊記]直到世界盡頭

千奴 2017-10-15 12:25:08 一年前某日，我問女朋友，你最想同我去邊度旅行？任你揀一個地方，我帶你去。當時我以為就算唔係講日韓台，最多都只係瑞士冰島等歐洲國家。冇諗過你沉吟半晌，慢慢吐出咗兩隻字：南極。

我真係諗都冇諗過呢世人會去呢度。

但諗深一層，去旅行，就係越冇諗過去嘅地方先越值得去，係咪？上網搵咗啲資料，又數一數呢幾年返儲落嘅積蓄，發覺都唔係冇可能，就算唔夠錢坐破冰船，都應該夠我去到南美洲。傳說中去到阿根廷最南嘅城市烏斯懷亞，有機會有平船飛，不如就去嗰度望一望。最初都係隨口問吓係咪真係想去，但你竟然真係話好。

:^(

冇理由男人老狗問完又自己縮沙。

:^(

洗濕咗個頭唯有去啦。

:^(

就係咁，我遞咗人生第一封辭職信，買咗人生第一張單程機票。由香港出發，經內蒙古、蒙古、俄羅斯、東歐，再飛到古巴，經過半年，終於踏足南美洲。去唔去到南極？我唔知。但我可以肯定呢一年會係一個一生無悔嘅旅程。

:^(

旅行路線如下：
香港－內蒙古－蒙古－俄羅斯－愛沙尼亞－拉脫維亞－立陶宛－波蘭－烏克蘭－土耳其－伊朗－希臘－保加利亞－羅馬利亞－塞爾維亞－波黑－克羅地亞－斯洛文尼亞－意大利－瑞士－法國－盧森堡－德國－古巴－墨西哥－伯利茲－哥倫比亞－厄瓜多爾（旅程進行中）

全個旅程其實冇特定路線，總之大方向就係一路向西。最初諗過要去約旦以色列，結果冇去；反而冇喺計劃之內嘅伊朗就中途心血來潮去咗。我地冇刻意堅持要用陸路，冇特別推崇亦唔介意窮游，一切隨心。旅行同生活一樣，講到尾最緊要過得開心。

:^(

利申第一次寫遊記，如果有巴絲睇會寫到尾，如果冇人睇就爛咗尾都冇人知。

:^(

唔識影相，啲圖核突睇得辛苦嘅麻煩屌細力啲。

:^(

陳大文醫生 2017-10-15 12:27:02 Lm

南極我結婚前都想去

千奴 2017-10-15 12:38:16 第一站揀咗去內蒙古，全因想坐西伯利亞鐵路入歐。好多人會有北京開始一路坐上去，但因為我地兩個之前都去過北京，所以想試吓去啲未去過嘅地方，令個旅程一開始就刺激少少，於是起點就定咗做北少少嘅呼和浩特。

喺香港機場就飛得多，去深圳飛就第一次。因為懶得轉機，所以焗住坐海南航空由深圳飛入去。穿過咗水貨客木人巷，搭咗個幾鐘地鐵之後，終於到咗深圳嘅寶安機場。

:^(

除咗周圍都係簡體字，同埋有陣濃烈嘅內地氣色之內，其實係幾有規模。

:^(

搭國內機唔駛過海關，寄完行李冇乜野做就坐喺度等上機。

:^(

等嘅時候覺得好夢幻，有種唔敢相信旅程已經開始咗嘅感覺，同時又有少少不安，會諗埋啲無謂野，例如班機會唔會無啦啦取消咗，然後我個旅程未出發就結束？女朋友屋企人又會唔會突然北上要返個囡？諗諗下又等等下，就到咗登機時間。

每天孤獨多一些 2017-10-15 12:45:04 此回覆已被刪除

千奴 2017-10-15 12:53:15 上蒼保佑，班機都正正常常，連常見嘅delay都冇出現，貶下眼就到咗內蒙古。

:^(

就係呢廿幾公斤行李，陪住我地過嚟緊嘅春夏秋冬啦。

始終係第一日，旅行一年流流長，想有個順利少少嘅好開始，所以一落機都冇乜考慮就搭的士去預先訂好嘅住宿了。開左車先發覺個司機唔識講普通話，淨係識個蒙古語。

:^(

諗住喺祖國嘅教育下，應該全民都會識講幾句，點知原來冇野係必然。好彩一早download定百度地圖，照住個GPS揸都總算去到。

:^(

落車已經天黑。

:^(

轉入後巷就到咗呢間安達客棧。點解會book佢？因為佢係hostelworld入面唯一一間住宿。

:^(

因為預計都會喺度留幾日，又見佢都幾多外國客住，所以一口氣就擺低咗三晚錢，廢事之後冇位要周圍搵住宿。

:^(

間野入面靚過門口。

:^(

安頓好之後，擺低個袋，就出去覓食。

或者第一日嘅心理壓力比較大，又或者已經唔係十八廿二，淨係坐程飛機乜都未做都覺得好攰。冇乜精力去搵啲咩特色野食，就咁喺安達附近隨便食。間舖頭叫「十秒到過橋米線」，啱晒餓到乜都唔想諗嘅我地，睇吓你係咪十秒到先。

:^(

等咗超過十秒，終於有得食。

:^(

淨係食啲配料同醬都飽。

返到房，喺十度左右嘅溫度下沖凍水涼，忽然覺得又凍又攰。我竟然有啲迷惘，究竟我係咪可以完成呢次旅程，直到世界盡頭？

千奴 2017-10-15 12:56:41

Lm

南極我結婚前都想去

預祝你結婚＋去南極成功

:^(

千奴 2017-10-15 13:01:36

預算洗幾錢？

主要駛費都係南極船飛，暫時睇資料都係六七千美金起跳，希望去到烏斯懷亞有神蹟出現

:^(

其他地方拉勻大約三百蚊一日，已經過得幾舒服

:^(

其實我很粗 2017-10-15 13:18:35 留名

無限射波 2017-10-15 13:20:08 我信你唔會爛尾嘅！加油

:^(

單車匹馬 2017-10-15 13:24:24 LM

權竹 2017-10-15 13:26:11 留名支持

奶奶奶 2017-10-15 13:28:25 留名

陳朗賢 2017-10-15 13:36:27 洗唔洗搞咩申根簽證果d?

寧靜的聲音 2017-10-15 13:39:51 必須留名

:^(

芋圓好好吃 2017-10-15 13:39:59 留名

浪漫達Cocky 2017-10-15 13:59:30 加油~我後生D OR有錢都想咁做

:^(

童顏蘇施2 2017-10-15 14:44:24 做咩星期日有幾多世界級既旅遊POST

:^(

留名

:^(

平凡少女1 2017-10-15 14:52:10 LM

好想去旅行 2017-10-15 14:57:08 巴打覺得墨西哥、伯利茲、哥倫比五治安如何？同埋當地人有友善嗎？

:^(

機械人遊世界 2017-10-15 16:05:53 巴打加油

:^(

你之後會經過既幾個國家，即係秘魯、玻利維亞、智利、阿根廷甚至巴西我都去過下，有咩需要幫手，例如住宿、景點推介即管出聲

:^(

羊兒007 2017-10-15 16:56:31

巴打覺得墨西哥、伯利茲、哥倫比五治安如何？同埋當地人有友善嗎？
:^(

belize 首都
治安麻麻地入夜唔好一支公行
但主要出島玩浮潛o個d地方冇咩問題

ps: 伯利茲d 士多
好多香港人/廣東台山人
有咩事搵佢地幫手就得同聲同氣
係有鴻福堂同加多寶賣架dllm

墨西哥人 very fucking nice
普通遊客去既地方治安唔會太差
當然冇亞洲國家咁好但唔使太怕

columbia 我未去過就唔知了
不過聽親評價都好好

反而係樓主而家去到既呃瓜
我成日都聽到有backpacker比人搶劫rofl

小清新沒有穿白襪 2017-10-15 16:58:43 加油！留名支持

MasterYoda 2017-10-15 17:02:01 lm

屯門(獨立)冇牛 2017-10-15 17:03:23 lm

:^(

Andres.Iniesta 2017-10-15 17:03:39 LM

:^(