9:45am嘅大堂仍然好多人返工,雖然有6部lift但係都要等吓,入咗lift之後仲要迫一陣先返到38樓office。㗎lift好迫好多人,Thomas企响我前面擋住啲人,如果唔係佢擋一擋,我就又一次比人海淹沒咗。我哋出lift之後我好快咁衝入房換衫,畢竟我唔係好想其他人知道我噚晚冇返屋企。我換咗件白色恤衫,打住Thomas條銀灰色嘅人字紋呔加套灰色暗格西裝,開始今日嘅工作。我行出房門口叫秘書call team A 同team C 所有senior 已上嘅同事15分鐘之後響meeting room開會,佢笑一笑之後同我講「你今日好似有啲唔同咗喎,係咪有乜嘢好事發生咗?」我即刻啟動官腔模式回應「只係休息夠啫,對於主觀而冇跟據嘅論述我係唔會回應嘅。唔該幫我準備開會嘅document,關於年結同噚日Brennet con. call講過撥plan嘅update。」笑一笑點頭示意OK,再補充一句「你噚日out going之前Brendon放咗3個report响度,都係同年結有關,你睇吓如果冇問題就簽approval啦。」「Okay,開會之前我會睇完,比埋comment佢哋修正,之後麻煩你幫我比返佢哋。」
返咗嚟x2