第十章—巧遇mk妹

經過一日既輾轉反側，比肥婆折磨，我更加下定決心要努力讀書，智力upup，同女神坐同男神鬥志鬥力！

歸家既路途，又經過昔日第一次遇見mk妹既地方，mk妹又係個度煲煙

每扯一下，再呼出，煙霧瀰漫夾雜千絲萬縷既愁，並非清澀既少年所擁有，睇嚟mk妹既故事唔簡單

望左一陣，正想繼續行返屋企既時候

突然有一班五顏六色既宇智波斑頭走左出黎，目測係旺角兒女們

「我地都搵得你耐啦...牙儀，你以為打傷左我地啲姐妹咁易甩身咩？我地香城書院既人都唔係流料！」

喔...原來幫派戰爭，睇黎此地不宜久留，我都係先行一步撤退

正當我行左第一步時

［觸發突發事件—幫助牙儀，逃脫者每位人物好感-20，除左肥婆，成功幫助牙儀逃脫，則獲得獎勵，失敗無懲罰］

哇，屌你老味，系統你係咪全心玩鳩我，要我食死貓，完全係逼我去

mk最鐘意恰毒撚

:^(

，我走唔走到都成問題，隨時比mk打撚死

眼見越嚟越多人，咁落去莫講話幫牙儀變正常人...

牙儀分分鐘都可能要入深切

諗到呢度，我個腦都未郁，隻腳就郁左

係垃圾桶隔離，見到地表最強兵器，諗都無諗就拎左，跑左入後巷，將牙儀擋係後面

牙儀見到我都o左

「戀態佬...？」

回過神來，發現今次仆街了

我手拎住最強兵器摺櫈，手震震腳震震咁成條傻鳩企係度，就好似靚仔入左肥婆堆度如此危險

而家就毒撚入左mk竇

呢一刻我真係好撚驚，我...後悔了

「對唔住咁多位大佬，我係入嚟搞笑...唔係搞事，見大佬們氣氛咁緊張，咪當緩衝下囉...哈...哈...」

為左減少沖入黎搞串左個場既惡意，我突意放低手上既摺櫈

波風水門...啊唔係，香城學院Mk首領一手扯住左我件衫問我

「搞笑...？我睇你似搞事多啲！細蚊姐我而家跳撚制啊！你入嚟搞事？！」

再用隻手指指隻我

「細蚊姐我教訓人幾撚時到你理啊！想幫人？一係你報龜囉！」

我偷偷地望一望後面，發現牙儀已經無左人影，心知不妙，但大家已經將注意力放左係我度，忘記左牙儀

屌！死八婆！我幫你頂，你賣鳩我！

「報...報驚？」

「係啊！叫你報龜啊！」

我手震咁拎左部電話出黎，正想打既時候

突如其來既轟轟聲

原來mk妹無賣我，重揸左架電單車，大叫

「快撚啲上車啊變態佬！」

敵隊mk們都反應唔切，好彩毒撚平時打開機反應快

我用我畢生既力氣，吃盡奶力跑上車

牙儀即刻開行引擎走，我就坐係後面舉中指同mk們say bye bye

「我記撚住你！同我追！」

我即刻乖乖地收返隻中指

眼見慢慢遠離班mk

［恭喜玩家完成突發事件—幫助牙儀，獲得牙儀好感20及解除「變態佬」黑名單］

呼！真係禍兮福所依，福兮禍所伏！

但都未係鬆一口氣既時候，成班mk又追上嚟了，佢地都有電單車

遊戲果然遊戲，真係有啲唔貼地

「我要加速啦！捉實啦喎！攬住我條腰啦！」

眼見轉彎位，都心知牙儀要漂移了，諗都唔諗就大大力抱實

牙儀係腰好纖瘦，但攬住佢又覺得好有安全感...

而且傳來少女陣陣芬香，普通沖涼鹼味係呢個時候勝過任何一隻牌子既香水

我閉上眼睛，享受難得既時刻...

［牙儀好感度+10］

系統機械聲將我驚醒，再眨開眼之時已回復風平浪靜，並非高速行走

牙儀問我住邊，再車到我屋企樓下

不知不覺到左我屋企樓下

我不捨地鬆開攬住牙儀條纖腰既手，離開牙儀獨有既芳香

「唔該曬喎...之前重話你變態佬...sor！原來你咁撚有義氣，68817898有咩事call我！幫到一定幫！」

我秒速記底再set入手機，有左牙儀電話號碼日後對完任都有幫助

「重有啊！我支持你同你個班條肥閪嫁！加油！」牙儀身影便漸漸縮小

一聽到我同條死肥蟲

我就硬左

個拳頭

邊撚條仆街傳撚埋去其他班

:^(

我有睇嫁 但劇情可以快番少少

:^(

加油

出文太慢 唯有儲埋先一次過睇

:^(

重開左好似人氣高左 加油