Ads
第二十八章—估你唔撚到
我決定行過去睇下,食下花生做花生友,但點知引起騷動既就係mk妹...
我即刻逼出人群,睇下到底發生咩事...
唔知點解我諗到mk妹出事,我個心好唔舒服,有啲煩燥不安,擔心佢...
我諗我應該係因為良心譴責,要個女仔頂先會擔心佢...
眼見訓導老師miss so一手拎住mk妹個袋,一手拎住肥婆件泳衣
身邊既花生友都議論紛紛
「咦...點解apple件泳衣係條死mk閪度既...」
「係囉...搞咁撚多野,有偷一出行出嚟認左佢啦...」
可能偷肥婆唔係男仔,並非大家心中所想係個男人,食唔到想食既花生,自然負皮佢
「莫嘉儀!點解apple件泳衣係你度嫁!」訓導老師miss so爆技屌鳩mk妹
但mk妹無出聲
「我問你野啊!莫嘉儀!應我啦!」
Miss so用手推左一下mk妹膊頭
「用錯事唔敢應人?不過你平時操行唔好咪算囉!估唔到人品都係咁!打交都算,而家重要學人偷野?!真係社會垃圾!你無得救嫁啦!」
Mk妹低下頭,重係無講野,但我見到佢緊握拳頭,重見到早已染上緋紅既耳仔
條八婆miss so又講「apple拎返你件泳衣啦!」比返件泳衣肥婆
「唔洗啦!我件泳衣都比條mk妹陣mk味整污穢曬!哈哈!」
臭閪apple!你啲肥膏整污穢mk妹個袋就真!
訓導主任將肥婆件泳衣塞返入mk妹個袋度
「唉!算!apple唔要,咁你自己拎去啦!反正我鬧垃圾,垃圾都聽唔入耳嫁啦,跟我落訓導室停課同寫悔過書啦!」
Mk妹咁就跟左訓導走,無望任何人,當中包括我
我細細叫佢個名「喂!牙儀!」
但佢都無擰轉頭望我,無理我,點解唔理我...?唔通嬲左我...?點解要幫我?
心中浮現一股莫名既焦躁不安,同時罪惡感與內疚感在心中彷如洪水決堤
我曾經有諗過行出嚟認左佢,大叫話「唔係牙儀偷嫁!係我偷!」
但......
我無勇氣,我恨自己既懦弱,恨自己無撚用
你係咪男人嚟嫁...陳嘉榮!要個女人幫你頂!
諗起mk妹因為保我而比人屌,因為我而比人話垃圾...
我緊握拳頭,暗暗許下諾言
我!陳嘉榮!唔會再要mk妹保護!下次一定係我保護mk妹!
一人做事一人當!唔會要mk妹幫我頂!
一場風波咁就完左,走前男神經過我隔離話「你下次就無咁好彩...」
但我個心而家完全諗緊mk妹,擔心佢比人屌到甩肺,擔心佢...唉!總之就係擔心佢!
之後我都專心唔到上堂,成個腦都係mk妹...擔心mk妹
我決定扮肚痛走一轉落去搵mk妹,睇下佢而家點
「老師我要爆石!」咁就走左
我落到去,偷偷地伸個頭望下訓導室點,見到間房得mk妹一個坐係度寫悔過書
同時mk妹都發現左我,我用隻手示意叫佢出嚟,本身以為佢唔理我
但點知就行左出嚟
唔知點解我有啲開心,有啲慶幸mk妹無嬲我...
「又點撚樣啊!毒撚!」
好彩重係呢啲串柒柒既口吻...
突然覺得比mk妹屌我話我毒撚,都係一種小確幸...
Ads
屌你12點? :^(
今次係我唔啱 出左去玩 :^(已經洗定個屎忽比大家屌 :^(聽日成日都唔太得閒 夜晚先出到 :^(我都知我超慢 但考完dse 5月開始會加速 :^( :^(
屌你12點? :^(
今次係我唔啱 出左去玩 :^(已經洗定個屎忽比大家屌 :^(聽日成日都唔太得閒 夜晚先出到 :^(我都知我超慢 但考完dse 5月開始會加速 :^( :^(
:^( :^( :^( :^( :^( :^(
Ads
太慢啦