寡人笑撚左 2016-12-16 15:31:18 因為第一次開po既時候，無留意排面，寫到成pat野，係人都唔想睇，所以重開，執返靚佢，再寫埋個序，唔係人地都唔知我呢個故做乜春

:^(

寡人笑撚左 2016-12-16 15:40:33 序
成個故就係講一個毒撚穿越左入個戀愛養成世界，完成系統任務

例如拯救女配角/女主角，打敗男神同擺脫同肥婆終生定老既命運，扭轉原著命運

當然唔小得甜

:^(

====

新手任務—校園世界
進階任務—未諗 到時先算

:^(

可能係仙俠武俠娛樂圈黑手黨特攻未日呢類題材

主要想好快完一個故事，再穿越去另一個

點都好留名正皮我啦

:^(

寡人笑撚左 2016-12-16 15:47:16 大家好！我叫陳嘉榮，叫我阿榮得嫁啦！今年十七歲，正值青春年華血氣方剛既時期

:^(

不知不覺已經到左中學生涯最後一年，咁就中六啦，有人講過中學未拍過拖唔好話自己讀過中學，

如果真係咁，我就係一個無讀過中學既a0柒頭，自問唔係咩油頭毒撚

但緣份呢家野真係好難講，話之你吳彥祖咁靚仔，有時無緣就係無緣，有緣既話你柒過八兩金都有人要，中學生涯如果...可以拍一次拖就好......

當我萬念俱灰之時，經左一間遊戲碟鋪，間鋪平時都唔覺眼，見佢寫住清貨大平賣咪行左入去睇下，諗住睇下有無平野買返屋企玩下，但估唔到奇怪既事就咁樣發生.......

行入去睇左一陣，見無乜好玩既game諗住走，突然有個人捉住我個膊頭

「等陣啊後生仔！」

我轉頭望一望，原來係個阿婆

「拿！後生仔！咪話唔醒你！而家阿婆清左貨幾日，啲貨都清唔曬，見你青靚白淨，呢隻平比你100蚊！」

我望一望阿婆手上面個隻碟寫住「攻略女主遊戲世界」個價錢牌重要寫住500蚊，痴撚線！個名咁肉酸一睇就覺得唔好玩，重要賣到咁貴，真係狗也不屌！

我就老直氣壯咁同個阿婆講「嗱！阿婆！而家唔興hard sale嫁啦！就算sale都唔好拎啲垃圾game比我！」

我一手fing開佢隻手，點知佢重捉住我，本來諗住屌柒佢既時候

「後生仔！呢隻game真係抵玩！緊料唔係薯條！如果有咩唔滿意大不了聽日回水比你！」

我即刻無野講，唔係因為阿婆話回水比我，而係個一刻好似有啲野平息左我既怒火叫我收嗲，隻碟個個女仔隻眼好似將我成個靈魂抽左出黎，當我回過神來，已經比左錢個阿婆，行左出間鋪，手上輕飄飄既銀包同我沉重既心相反，呢刻我個心真係好撚痛......

我秒速返到屋企，打開部電腦，希望快啲玩隻game見到啲咩bug，唔滿意既位，等聽日都可以去返間鋪屌7個阿婆，叫佢回水！

果然薑還是老的辣，當我條撚準備，一開隻game，我就死撚左，屌！唔怪得個阿婆咁撚口響話回水啦！正臭閪！

:^(

無能人冇撚毛 2016-12-16 15:49:26 back

寡人笑撚左 2016-12-16 15:57:18 第二章—進入遊戲系統

「玩家1307數據取錄中....進入遊戲中....」

我睇住自己既靈魂慢慢咁抽離肉身，想衝返入去，但係唔成功，最後比電腦個mon吸左入去。

「玩家1307錄入成功，確定進入遊戲...嘟嘟嘟嘟嘟....」

「嘟你老母閪咩...嘈撚住曬...」

嘟嘟聲嘈醒左我，我慢慢咁打開隻眼，見到朦朧既少女身影，唔通呢度係天堂？天使姐姐？

「哈哈！真係笑死我，好心你咁大個人就唔好咁多幻想啦！毒撚！」

甜美既聲音但係講野串過馬撚，我再眨多幾次眼，畫面開始變得清晰，見到一個既少女企左係我身邊

「你...你你係邊個？呢度係邊度？」

少女紅唇齒白，兩頰染上淡淡既粉紅色，如瀑布一般墨黑色的長髮與冰肌玉骨既肌膚成一個極端既對比，美若天仙既外貌再身穿一身白衣裳，仙風道骨，同仙女下凡無異，正到我流口水，但呢個咪係隻game封面既其中一個女仔？

我再望一望周圍，四周白茫茫一片，好似入個異空間，淨係得我同個未知少女係度。

「嗱！毒撚，你首先抹一抺你滴口水先，第二呢度唔係天堂，呢度係遊戲系統空間！歡迎進入「攻略女主遊戲世界」！我係067系統！誠意為你導航！」

乜撚野垃圾遊戲世界啊...話時點解我會死左？

「傻鳩！你係開啟遊戲既時候由於情緒太激動所以猝死，你睇下你個樣！真係笑死我！」

嗰個女仔揮一揮手，白色既空間顯示左張相，我睇到生前自己反白眼流曬口水淫笑高潮樣咁坐左係電腦枱前面。

我索性擰轉頭唔睇，因為真係柒到唔敢睇。

「得啦得啦！你當幫幫忙熄左張相！」

「少年！其實你係萬中無一既幸運者，你係第108個玩家，我地都係聽到你唔想做毒撚呢個心願先幫下你。」

「其實你可唔可以唔好係咁毒撚毒撚毒撚咁叫我，毒撚都有尊嚴。」

真係聽到燥燥地，到底條女有意定無意咁強調我係毒撚。

個女仔微笑「好啊！毒撚」

真係比佢激撚到嘔血，唉！算鳩數！好男不與女鬥！

「話就話我係毒撚，但都唔係代表我想死嫁！我唔理！你快啲比返條命我，比我返去原本既世界！」


「毒撚，你既靈魂已經比我抽左出黎啦！話返去就返去咩！要重生要代價嫁！人無犧牲就咩都得不到，要得到，就要付出同等既代價。」

聽佢講到咁，我終於發現自己既處景，好似好大鑊咁，搞到我都開始有啲嚴肅

「咁我要付出咩代價？」

「完成曬系統安排既任務。」完成系統安排既任務...？

「咁姐係點啊？」

「白啲講句，咪話唔益你，而家我比兩條路你行，你一係就同我乖乖地做曬啲任務，完成曬所有任務你都重有生存機會，但唔做任務既後果就係比我抹殺靈魂，你既靈魂會從此消失，永不復生，同埋抹殺既過程好痛苦，痛到撕心裂肺，痛過比人切jj。」

少女冰冷嚴肅既語調令我都開始嚴肅看待呢個遊戲，不過...咁樣真係益緊我比緊兩條路我行？

「唉！你都講到咁，我有得唔做咩？」

「咁咪幾好，毒撚，不過其實做任務都有風險。」

「咁姐係點啊又？」

「任務失敗會比我抺殺。」

諗左一陣我又有一個疑問「你話我係第108個玩家，咁之前嗰啲人...」

「比我抹殺曬。」

我不禁倒抽一口氣，額頭冒出幾滴汗，睇黎已無退路，唔做又死，做又死，做左十七年毒撚，見到mk仔又縮，見到女神又縮，重想縮到幾時？

我知道今次我唔縮得！我下定決心，今次我搞唔到你班八婆，我陳嘉榮切jj煲湯派街坊！

「重有無啲咩問題啊毒撚？」話時話條女真係好撚串嘴，真心想拎牛皮膠紙封撚住佢個嘴叫佢收嗲啦八婆！

「毒撚，其實你心入面諗既野我可以係系統睇到，所以你小心啲講野，我驚我唔小心錯手抺殺左你。」佢笑面可掬咁講。

係惡勢力下，人......就係要屈服

「sorry大佬！」我90度鞠躬致歉。

佢理都無理，一腳伸左我入去個黑洞，係我比黑洞完全吸入既時候

聽到佢話「哎！本身諗住比你休息陣先出發，點知唔小心踢左你落去添！sorry啊...」

女人真係好記仇...正一臭八婆

寡人笑撚左 2016-12-16 15:58:45

back

萬分感激

:^(

跪玻璃多謝你

寡人笑撚左 2016-12-16 16:02:31 第三章—開始遊戲—校園世界

我一起身，發現我係自己間房，屌！原來發夢！

「發你老母閪咩！你而家穿越左去校園世界！跟住落嚟我多數都只會為你聲音導航，四周環境睇落同你原本世界一樣，但其實係唔一樣，不論人定係事，每一次做任我都會比個主線任，同埋有啲限時任務同支線，主線係一定要完成，重有支線同限時任務今次校園世界算簡單，下一個世界就唔係咁，今次主線係將一個mk妹變返正常人。」

Mk妹重有得變返正常人嫁咩...

［叮，溫馨提示，玩家可以詢問路人，距離玩家遲到重有30分鐘，請盡快完成任務］

第一個任務咁就開始，我用神一般既刷牙洗面換衫

「我可唔可以知道一啲主角同故事背景？」

「可以，但遊戲資料重整理緊，一陣就會輸入你個腦度，你既思想性格會同主角有小小融合，但都唔阻礙你完成任務。」

我即刻就出左門口，開始第一日係遊戲世界既生活

寡人笑撚左 2016-12-16 16:07:23 第四章—遇見女神同mk妹

出左門口，我低頭望一望我套校服，見到校章雞乸咁大隻字寫住「格物書院」，我先知我讀個間學校叫咩名

車到山前必有路船到橋頭自然直，知道左個學校名咁都易辦事。

［突發事件—我和她的相遇］

溫熱的風輕輕拂過耳畔，帶著份慵懶，夏日的光透過大榕樹葉子間的細縫，班班點點印在她當經過的水泥路上，我和她是在如此美好的早上相遇。

可能因為急速的腳步，兩頰染上緋紅色，長髮飄逸脫俗，眼見身穿款式相同既校園，我都忘記自己既任務，眼光光企係路邊睇住個少女離去。

［距離完成任務時間仍有十分鐘，請玩家把握時間］

唔小心比個女仔搞到走左神，唔通佢就係格物書院既女神？

［bingo！恭喜玩家估中遊戲人物角色！獲得「發現女神頭銜」］

「我想問啲頭銜有咩用？」

「無用」

「......」

屌！唔撚理！話之你有用定無用，反正發現左女神係邊個，應該搞掂女神就走得！

而家諗返起個時既我實在太天真啦......

我沿住女神行個條石屎路行，行行下經過後巷聞到陣煙味，聽到有把清翠既聲音係後巷中迴響...

「而家吹雞？但係我應承左我老母今日要返學喎...唔啦...下次先啦...」

好奇心有時真係會害死人，我伸個頭入去望一望...見到有個濃妝mk妹企左係垃圾桶隔離係度食煙

佢pat斜陰長到遮住左一隻眼，個頭有啲似宇治波斑，但係個樣都唔係好望得清

突然佢望左過黎「邊個！」

我就嚇到暈左，講笑

刺痛由腦部邁延至全身，腦海猶如被人撕開，撕心裂肺的痛令我倒下，大量記憶一下子湧入我腦海中

「喂！你無事啊嘛！」焦急萬分的聲音傳進我腦袋，我卻無法回應

因為......真係好撚痛啊屌你老母

［記憶進送完成，請玩家完成任務及品嚐遊戲既樂趣］

我沉重既身體突然一輕，比人抱左起身

呢刻我想講，可唔可以唔好行咁快，un到我好想嘔

:^(

寡人笑撚左 2016-12-16 16:16:00 第四章—回憶取錄

玩過無數galgame既我，從來都未試過如此on9狗血既劇本

呢度係一個校園小清新愛情故事，女神grace同男神mark既愛情故事

雖然我穿越過嚟，但好明顯無呢支歌仔唱，我唔係男神mark，我係成個故事入面連男配角都不如

:^(

故事入面我係一個愛慕grace既毒撚，屌又係毒撚...要我脫毒就咪比毒撚角色我啦

:^(

故事入面呢條毒撚都幾有錢，屋企人從商，有父幹含住金鎖匙出世既毒撚

但佢唔好好珍惜所擁有既野，三番四次做啲害男神mark既野，撕爛grace比mark封情信，陷害mark鐘意其他女仔個啲陰濕野

但故事入面每個角色之間都會有佢地既化學作用，而我既作用就係令mark同grace既關係更加好，當然惡人有惡報，我最後既結果都不得好死

最後同左同班個肥婆apple結婚

:^(

，為左救屋企既財政危機

條肥婆都係有錢女，所以先養到咁撚肥

:^(

回憶到呢度我好撚想嘔，因為我見到未來既我婚後同肥婆瘋狂做愛，死前個一日重要係因為肥婆想玩女上男下壓到我變肉醬義大利粉，係張床透唔到氣死左

而故事入面既女配角就係條mk妹，個mk妹係惡毒女配角，mk妹暗戀mark，可能因為太愛mark，見到grace同mark一齊左就懷恨在心，想拆散佢地，做啲害人精既事，例如叫班mk仔姦左grace，但最後都敵不過主角光環，比人收左皮，後來重做埋雞...

但係一個見義勇為既人，我唔覺得佢會做啲咁既事，係啲咁既人，因為就係條mk妹公主抱我返學

:^(

寡人笑撚左 2016-12-16 16:19:25 ［恭喜玩家準時完成限時任務！獲得地圖一幅！以後去邊都萬無一失］

撲鼻而來既藥水味將我從夢中驚醒，我一開眼，見到係後巷個條mk妹伏左係床邊訓，可能我起身動作太大，整醒左佢

佢打左個喊露「啊...你醒嗱...」，啱啱起身有啲凌亂既頭髮，半開合既眼眸，好似重未訓醒咁

低頭發現自己既口水跡，透人既紅霞由頸邁延至兩頰，用手遮住，但都逃唔過我既法眼

:^(

仔細咁睇，雖然mk妹無女神咁靚，並非傾國傾城，但都唔差，桃唇色淡而薄，再望落啲，因為修短左條校裙露出筆直光滑白皙既長腿，宛如凝脂，唔怪得啲mk妹成日著摟屌裙啦！

生前係腿膠既我都忍唔住吞左一啖口水，評級為s級靚腿，今次真係玩腿玩成晚都唔係問題

因為佢隻腿搞到我走左神

「望望望！望撚夠未啊死𡃁仔！食撚矇你啊？阿姐我對腿你望嫁咩？」

我抬起頭，我下面都抬起頭，我兩個頭都一齊望住佢，佢一手拍落我上面個頭，而非下面個頭，都算係不幸之中既大幸，好彩有張被遮住無比佢發現

「我問你望撚完未啊！」

可能因為原身係毒撚，加上我又係毒撚，搞到我既性格更加懦弱

「我...我望完啦......」我立即低頭，但唔包括我下面個頭會屈服低頭

「枉我重咁好心抱你返黎學校，不過你啱啱無啦啦暈低真係嚇撚死我，搞到我漏左包黑冰係嗰度，最衰都係你！哎屌！好撚黑仔！」佢比左個晦氣樣我

「sorry...」

「算！過左去就由佢！我牙儀係啲咁小氣既人咩！下次請我食返枝煙仔當補數！話時話你咁生面口既，你新黎嫁？」

哇...原身有無毒到咁，連同級同學都唔認得你

「唔係啊，我係度讀左好耐啦...我叫陳嘉榮。」

「噢...原來係同班同學...」

「叮叮叮叮...」校園鐘聲響起

「哇！點名時間到！我要走啦！一陣肥冼又屌，我會幫你同佢講你係醫療室，你休息下啦！走先！」

原來條mk妹叫牙儀...牙

:^(

牙你老母咩，mk妹平時打字用都算，而家講野都變成咁，睇黎已經中撚曬毒，我都要快手啲救佢脫離mk呢個苦海

見無乜野，我都返班房...

我係5A班，咁5A班係幾多樓？

:^(

寡人笑撚左 2016-12-16 16:20:52 好似無人睇 有啲後悔重開

:^(

正皮 留名 求下大家 有睇有追就留名

:^(

:^(

:^(

寡人笑撚左 2016-12-16 16:34:27 第五章—危機一

其實要認主角真係好容易，因為主角一出場通常都會自帶背景同BGM

而我呢啲毒撚緊係無啦

:^(

而家眼前見到呢一幕就係牙儀同mark相遇既時候

故事入面牙儀因為行得太急上班房，而mark係班長，要落黎拎點名簿，所以牙儀就係樓梯轉角位撞到mark

所謂轉角遇到愛，牙儀就係因為咁而墮入愛河，愛上左mark

Mark比人撞到個背景都重開曬花，粉紅色，重有BGM「shalala...」

講真，我係女都流曬水，濕到底褲都扭唔乾

明明比人撞到，mark重好溫柔咁問牙儀

「你無事啊嘛...？」

「屌...邊撚條粉......」牙儀正想開口屌柒人

望到mark，即刻皮爾修公主上身

「我...我無事」牙儀一面花痴呆左既樣

由此可見，牙儀已經比主角mark收復左，至於有無出曬水要checkcheck先知

企係隔離既我聽到［牙儀好感度+10+10+10....］望幾耐就加幾耐

當我化身花生魷，花生吃得正香之時

［提醒！！！請立即阻止！女配角墜入愛河！］

係喎！仆街！我有任務在身，唔係食花生既時候

聽到屌鳩我毒撚嗰條八婆仙女講野

「毒撚！咪話阿姐唔提你！你執行緊任務嫁！快啲阻止佢地啦！你唔記得條mk妹最後個結局搞到咁就係因為愛上不該愛上的人啦咩！係唔係想咁快game over啊！］

聽到呢度，條八婆仙女既說話將我驚醒，我秒速度計

啊！我諗到！

寡人笑撚左 2016-12-16 16:37:36 終於改撚曬

:^(

好撚攰 有人追po正皮留名繼續睇先再po

:^(

希望有人睇 有人理我 唔係排重新都無撚用 後悔出新po

:^(

伊高仙貝 2016-12-16 17:11:51 支持下你

:^(

寡人笑撚左 2016-12-16 17:27:20

支持下你

:^(

多謝你啊 有你支持我會努力

:^(

無能人冇撚毛 2016-12-16 18:41:10

:^(

伊高仙貝 2016-12-16 21:45:04 沉底幫你推一推

寡人笑撚左 2016-12-16 21:46:05 11點左右 開始post文 大家唔好追舊post追呢個啦

:^(

追呢個post啦 同埋跪玻璃求正皮留名支持下我

:^(

:^(

寡人笑撚左 2016-12-16 21:46:19

沉底幫你推一推

唔該你啊

:^(

灰王子 2016-12-16 22:25:11 算你啦

:^(

伊高仙貝 2016-12-16 22:25:57

沉底幫你推一推

唔該你啊

:^(

小事啦，我都係一個好需要支持嘅新作者

:^(

寡人笑撚左 2016-12-16 22:45:39

算你啦

:^(

多謝你既意見

:^(

寡人笑撚左 2016-12-16 23:07:33 條撚準備 打文lu

:^(

寡人笑撚左 2016-12-16 23:53:30 第六章—解決方案一—同男神搞基

人係緊急既時候，小宇宙就會爆發

雖然我係毒撚，但毒撚都係人，所以我要爆啦

眼見好感度不斷升，心急如焚既我做左一個決定

我跑過去Mark隔離，捉住佢隻手講「bb! 你琴晚太大力啦...搞到我今日係街暈低左！ 衰豬！」

身邊經過既人都竊竊私語，有啲淫笑，有啲恥笑，各有不同意味

雖然好感度上升既聲音停止左，同時我既世界都停止左，因為今鋪真係水洗都唔清，我唔知我呢個決定對與錯，但係唯一停止好感度既方法

無可否認，係好有用，但有利必有弊

唔好既地方就係...

［牙儀對毒撚好感度-20，同時列入黑名單—死變態基佬］

［牙議對mark好感度-10］

Your face,your fate，果然呢句說話無錯，毒撚搞基就變態佬，靚仔搞基都係靚仔，公平咩？

牙儀個樣呆撚左咁坐係度，成塊面寫住「唔撚係掛，唔係咁開心呀」

Mark都比我嚇親，正想開口「我同你都...」

Mark已經比我拖走左，留返牙儀係原地...

走左之後隱若聽到牙儀大叫「屌！好撚嘔！今日重要抱條死基閪返學！屌！」

我捉住mark隻手，以急速既腳步行走，行到一個我都唔知邊度又無乜人既地方

我鬆開左隻手，扭轉頭正想走既時候，男神捉住左我隻手

「我有話過我比你走咩？」

我當堂嚇到鳩縮，故事好似開始走緊去啲奇怪既方向......

寡人笑撚左 2016-12-16 23:58:15 好感表(毒撚陳嘉榮）

女神grace 0

Mk妹牙儀 -20

肥婆apple 20

好感表（男神mark）

女神grace 30

Mk妹牙儀 40

肥婆apple 20