【電磁波修改基因槍】《病港II》(8 4)
上一頁
第 4 頁
下一頁
哥斯拉丁文
2025-4-14 01:10:35
咁湯婆整武器嘅技術好大機會都係源自首腦
:^(
Ads
墨說
2025-4-14 04:23:51
「但係E8無變成病者材料,首腦反而當佢養子咁。」王達尼思索著當中故事。
育嬰區揭露了一個殘酷的秘密,以往被綁架過來的人類女性,會被胚胎植入再遭受感染變成病孕,被當成家畜般。
可人類對待母雞的方式,又何嘗不是一樣。
最後一個區域是基因工程區,那裡才是令王達尼真正大開眼戒的地方,裡面藏著超乎想像的秘密。這裡主要是將生物體改造成其他結構的實驗室,重點的改造對象自然是人類。
昏暗的走廊中,王達尼隱約聽見淒然的叫聲。
他不知是哪裡傳出,讓他很是害怕。
要不是有馬爾斯開路,他都不敢多逗留這區域內。
他用電燈映照不同的收容室,每個收容室面積約半個班房大。
裡面部份生物體早已死去,屍體停留在空間內腐爛發臭,幸而氣味傳不到出來。
「啊……救……救……」某個收容室中,發出含糊的說話聲音。
王達尼被聲音吸引過去,並發現說話的主人。
「呃。」王達尼被其外形震驚得啞口無言。
對方是一團臃腫的肉塊,像極了黏土,這肉塊皮膚增生誇張得擠滿收容室的每吋空間,填滿了每個空隙角落,貼著玻璃窗那面的肉長有眼睛和嘴巴,它被王達尼帶來的電燈光線刺激到,而合上了眼皮。
「你講嘢?」王達尼以另一隻手遮住電燈光源。
「我……係……我……」
墨說
2025-4-14 04:24:01
「你……係咪人?」
「殺殺殺……咗我……了結我……」
「點了結你……」王達尼就算想幫忙,都不知從何入手。
這團肉塊叫作「肉牆,是首腦為建築材料而設。人體經改造後留下微弱的神經核心,用於感知建築周圍的壓力變化,將人類活生生變成死物。
王達尼接著走向其他收容室,卻發現走廊有異樣。
一個人影倒吊在天花板上,口腔被強行大開成不合理的角度。他早已失去生命體徵,屍體因腐爛露出器官,只見腸道被拉長成細長的管狀結構,內部充滿振動器官,貌似可以將聲音放大上千倍。
「生物擴音器……」王達尼大概猜出改造他的意圖。
後來王達尼走到淒厲叫喊的傢伙那裡,根據終端機顯示,他叫作悲鳴者,為病者藝術獻身的存在。
他的神經系統被極度敏感化,哪怕是被一根羽毛觸碰到,都猶如遭受刀尖刺傷,地球的每一分壓力,都會引發他發狂大叫,而這種淒涼的慘叫聲,便成了病者最喜歡聆聽的音樂,宛如部人肉唱片機,無法死亡,只能持續哀嚎。
這些收容室內的生命,都曾是熟識的人類同胞,如今卻像怪物扭曲地活著。
當然,收容室亦有著較為合理的改造生命體,但都早已死在裡頭。
越是病態的生命,卻能存活得越長久。
世界也許就是荒誕的。
參觀到這裡,首腦曾經做過的暴行,經已全部揭曉。
再看下去,王達尼恐怕自己會有陰影。
「以前咁多人類俾佢當玩具咁改嚟改去,仲話同人類共存……」王達尼一臉茫然,雙手抹掉冒出的冷汗:「如果打贏天腦,俾佢拎到材料,整嗰把乜鬼修改基因電磁波武器仲得了……馬爾斯你點睇?」
墨說
2025-4-14 04:24:11
「嗰啲人體改造係未滅國前嘅首腦做,依家剩低部份腦組織嘅首腦思維同嗰個唔同,唔可以一口咬定現存首腦有陰謀。」
「所以你覺得佢係全心全意,想同人類和平發展?」
「我唔敢講到太實,但……至少可以互相利用,我哋都需要靠佢擊敗天腦,靠佢維持社會能源需求。」
「好似毒品咁。」王達尼搖搖頭,按住眼眉:「倖存區已經淺嚐咗核電能源帶嚟嘅好處,返唔到轉頭。」
「或者講俾會長聽,睇會長會有咩決定。」馬爾斯說。
「係……呢啲嘢交俾佢諗。」王達尼想把煩惱拋諸腦後。
不久後E8前來問王達尼取回門禁卡,王達尼如實交回去。
那些地方沒有科技玫寶,只有醜陋的生命。
「E8,你識咗首腦好耐?」
「一、一一一,嘎,段時間。」E8答。
「一段時間?你唔係好多年前就跟佢。」
「好……多年……前……不……叫久,人類和病者生命的……長度不一,你們的長,我們很短!」E8的意思是以病者無限的生命長度來說,區區幾年時間根本不叫長。
「……」
「人類……平均壽命,只、只有八十,末日……壽命減半,卑微的生命……可憐的生命……」
談話之間,小小威利拼命地做動作,暗示王達尼不要忘記約定。
王達尼早就留意到,但刻意不回望對方,打算毀約。
誰不知,小小威利居然懂得威脅,大叫E8:「E……伊八!喲……」
「噢!」E8很感驚喜般:「小小威利……你……終於……會叫,主人名字……但你為什麼說……說人類語言?」
「其……嗤其實……小丑牌嗤……」小小威利刻意用人類語言說給王達尼聽。
如果王達尼不解救它出去,它就會把小丑牌的事說出。
王達尼心想,這小傢伙果然夠狡猾。
加上小小威利似乎都身懷多項情報,解救他未尚不可。
「馬爾斯,有冇方法救到隻小矮人?」王達尼悄悄地問。
「總統閣下,你真係要咁做?」馬爾斯覺得不是個好主意。
「係。」王達尼繼續交頭接耳:「你幫幫手……佢係除咗E8,生活喺依個實驗室最耐嘅人。」
「你去E8後面,引佢擰個頭向後。」馬爾斯點頭。
「然後呢?」王達尼問後續。
「你只要咁做就得。」
王達尼走到E8的後方:「喂,大頭仔望下後面!」
「不……我……我……討厭……轉頭。」E8說。
「有味精湯喎。」
E8立刻把扭向後,看看王達尼所說的味精湯。
馬爾斯趁機出手,手上刺劍迅捷地刺擊困住小小威利的小籠子的鎖孔。
E8感覺到一息間的異動,馬上望回前方,然而馬爾斯姿勢經已收回,裝作成若無其事。
籠中的小小威利嘗試推開籠子,發現鎖孔給破壞了,它自由了!
白田宮澄詩
2025-4-14 05:23:01
達尼痴撚咗線啊
:^(
廢柴的雪人
2025-4-14 07:57:29
:^(
:^(
:^(
毒撚頭很臭
2025-4-14 09:51:46
洗乜同病者講呢啲信用
:^(
:^(
是咪傻撚左
知道港豬不知道
2025-4-14 09:52:29
達尼b好似愈搞愈大單野
:^(
就黎儲夠credit得罪呢度權力最大嘅人,有事又唔可以離開呢度
:^(
PanzerV
2025-4-14 10:16:18
:^(
二寶糖
2025-4-14 11:45:12
懷疑天腦其實落咗心理暗示,話晒佢都係重點關注對象,點會冇後手
連登達文西
2025-4-14 14:02:41
有冇人記得小小威利同e8第一次出現係幾時
:^(
想睇番佢地嘅介紹
Ads
豆沙包
2025-4-14 17:03:34
「嗰啲人體改造係未滅國前嘅首腦做,依家剩低部份腦組織嘅首腦思維同嗰個唔同,唔可以一口咬定現存首腦有陰謀。」
我都係咁諗,相信病者性本善
:^(
知道港豬不知道
2025-4-14 17:22:17
傳送門給你
:^(
【天腦】《病港II》(81)
https://lih.kg/DfMRCMX
#461 回覆 - 分享自 LIHKG 討論區
:^(
爬爬下見到comment有人提韓湘個名
:^(
幾時見得返
:^(
:^(
連登達文西
2025-4-14 17:28:34
感謝
:^(
毒來毒往
2025-4-14 17:57:56
:^(
:^(
:^(
:^(
錯配的色彩
2025-4-14 20:48:43
課金有
墨說
2025-4-14 22:18:54
小小威利輕輕打開籠子,悄然地跳落輪椅。
E8仍懵然不知地與王達尼談話,小小威利要跳落地面之際,馬爾斯精準地刺向它的落點,然後挑向自己用手擒拿住。
事成後馬爾斯先把小小威利帶走,稍後再與結束對話的王達尼在氧氣供應艙碰面。
小小威利被困在一個反轉的碗子中大叫大喊,沒想到才呼吸自由的空氣半秒,就被另一個人捉住。
「嘿,威利師兄。」王達尼揭開碗子,跟它打招呼。
「捉、捉我!?嗤嘎。」小小威利表情猙獰。
「唔洗驚!有嘢想問下你啫,問完你就真係自由。」王達尼伸手想拍它肩膀,但因為肩膀太小巧,改為用食指點一點。
「你要?喲問嘎……」
「你喺到應該都幾耐,我想問下你關於首腦同E8嘅事。」
「嗤噶……」
「首腦係個點樣嘅病者?」
「聰明……」
「我當然知佢聰明,講下佢其他方面,例如理想、喜好、性格、行為。」王達尼覺得那剩餘的大腦組織可能只是偽裝或計謀。
墨說
2025-4-14 22:19:04
「……喜好,改吆造人類。」小小威利坐下來,說出自己認識的首腦:「首戢……腦喜愛……改人……改……吆改成不同亞種……它認為……生命形式……只係原材料……可以重塑、改造、操縱吆。」
「E8?」王達尼續問。
「一個……嘎賤人類……帶嚟嘎……嘅賤種……」
「咩人類帶嚟,你有冇印象。」換馬爾斯追問。
「老、老女人嗤,佢對木鞋好嘈吵嘎……多銀髮……」
馬爾斯眼眉緊鎖:「真係湯婆。」
「湯婆?病獵協會嗰個人?」聽見馬爾斯的回應,王達尼一副愕然。
「頭先喺武器研發區見到嗰把阿修羅之槍藍圖,我以前就見過湯婆有一張,加埋木鞋同銀髮嘅形容,所以十居其九係佢……」
「佢同依個地下實驗室有關聯?」
「又或者係同首腦有關聯,佢立場一直以嚟……都幾唔明確。」馬爾斯越想越多端倪:「而且成日研發出超乎人類對科技理解嘅病者武器。」
「會唔會係人類內鬼?」
「值得調查下。」馬爾斯點頭。
「放……我……自……由……噶!」小小威利猛地跑跳到王達尼腳掌上,作勢要口咬:「否……嘎嘎則,感染嗤。」
「喂喂喂喂──」王達尼頓時嚇得單腳腿軟,急忙制止住小小威利衝動:「得!會放你走!」
小小威利兩隻眼睛盯緊馬爾斯,慎防它會零秒出手。
墨說
2025-4-14 22:19:14
王達尼不得已下,扶牆站起走出外面。
「嘎嘎嗉,吼咪嘎嗤。」小小威利說不明的病語。
「佢叫我唔准跟住。」馬爾斯翻譯。
「咁你唔好跟住……」現在王達尼情況猶如被槍口抵住。
一直走到離氧氣供應艙比較遠的地方,小小威利這才跳落地。
「以……後不相……見!喲人類。」小小威利逃跑,消失黑暗中。
一身冷汗的王達尼回到氧氣供應艙房間,他要立即躺進艙內呼吸氧氣:「馬爾斯。」
「係?總統閣下。」
「唔洗保護我住,你出去調查下湯婆嘅事,同埋將首腦嘅真面目講俾M聽,等佢衡量評估下,同埋睇下首腦會有咩解釋。」
「你自己一個喺到安全?」
「我唔會亂咁走,你去。」王達尼承諾。
「收到。」
在地下實驗室悶得發瘋的王達尼,竟然偶然發現了不為人知的秘密,有時候人生就是因禍得福。
畫面一轉,來到中文大學倖存區。
經過上百次的練習,羊角對於病者移植已爐火純青,可以以極高精度將血管縫合。
準備給更換大腦的聖子,被束縛安坐在手術床上。
我雙手不離冷凍箱,把箱子交到羊角手上。
「手術幾時開始?」我瞟聖子一眼。
「依家就開始,你出去等下。」
「慢慢嚟。」我拍拍羊角的肩。
我在手術室外等待著,這一等就是大半日,由朝早去到凌晨。
二十小時後。
手術室大門給推開,羊角行了出來:「手術完成。」
我奮然站起,走進手術室看看情況。
「順利?」
「無驚無險。」羊角說。
在我面前同樣是十多歲的聖子,只是它的身軀已換成別人使用。
「辛苦你,休息下先?」我對羊角說。
「我有分數。」
漫漫長夜裡,我和羊角守候在手術室,直至迎來早上的黎明,給順利移植的首腦終於醒來。
醒來不是指會說話、會張眼,而是腦部訊號活躍,代表意識已經上線。
因為神經系統並未連接,所以首腦現階段下未能有任何活動,但只要將它連接到腦波增幅器上,便可以透過精神領域來溝通。
不過將首腦運回去港島區前,首腦得留院觀察。
「記唔記得你對我同馬面嘅約定,馬克。」
「記得,我差你哋人情。」
「既然我哋都差唔多完成你需要我哋做嘅事,依家就到我哋講需要你做乜。」
「你講。」
「我哋想你唔好插手,港島領導人位置嘅事。」
「咩意思?」
「無記錯嚟緊王達尼會退落嚟?我哋想拎依個位。」
「但下任總統已經有人選。」
「你指佢老婆?」羊角發出輕蔑的笑意:「女人唔識統領倖存區。」
墨說
2025-4-14 22:19:32
加更 正評plz
:^(
墨說
2025-4-14 22:19:51
「我認識嘅愛紗,佢比王達尼仲可靠。」我說出自己觀點。
「我諗煮飯洗衫嚟講係幾可靠。」
「睇嚟你唔係幾鐘意女性。」
「總之對你嘅要求就講好咗,你唔好插手就得。」
「你哋公子會不停想拎完一個又一個倖存區,其實係想點?我好奇想知。」
「權力無人嫌多。」
「如果你哋想享樂,想榮華富貴,依家都做到。」
「我哋要成個社會,以我哋嘅方式去重建。」
「咁你哋方式係?」
「絕對理性嘅優生學。」
「又係你哋嗰套基因主義?如果真係跟你哋方式行,我出世嗰陣就已經俾人抹殺。」
「當你發現自己聰明到某個程度,就會覺得依家嘅社會蠢到無藥可救,你會肩負住一種要改變社會嘅使命,唔可以俾蠢人控制住個世界。」
「但你哋都唔一定係啱。」
「信我,我哋有套最佳嘅演算法。只要喺每個倖存區到完美執行,成個社會好快會變得高效率、低浪費。」
「董倫係咁教你哋?」
「我哋有衍生出少少,但都大同小異。」
「正確。」突然,手術室內多了第三個人的聲音。
Ads
墨說
2025-4-14 22:20:02
我猛地站起了身,羊角也退到牆角。
說話的聲音來源,正正來自病床上的首腦。
「你講嘢?」我盯著首腦。
「無可能……」羊角不敢相信:「明明神經系統無接駁到。」
「我利用腦波產生嘅電流直接刺激聲帶肌肉震動,從而產生聲音,完全繞過癱瘓嘅神經系統。」首腦解釋說話的原理。
「腦波可以產生嘅電流好微弱,而且唔可能咁準確……」羊角訝異。
首腦:「天腦腦波嘅電流可以直接令死人復活,我可以刺激聲帶說話並唔過分。」
「頭先你講「正確」,係咩意思?」我說回剛剛的事。
「我認同嗰位人類嘅言論,當你智慧高到某個程度,自然會肩負住改變社會嘅責任。」
羊角稍稍放下警戒:「你都認同優生學?」
「可惜優生學依然建立於人類形態上,人體始終有住根本性缺乏。實際上人類更應該執行適應性基因改造,實行後人類進化,改造成如同病者無需氧氣以及食物嘅高效生命體。」
「哈。」羊角發出不太真心的笑聲:「好似講得太遠。」
首腦:「生物進化速度太緩慢,過程中生命要蒙受太大量痛苦。」
數天後,馬爾斯驀地前來大學,告訴我些地下實驗室發現的事。
總括來說,馬爾斯和王達尼從那些遺留下來的殘忍實驗中,了解到首腦是個酷愛改造人類的病者,視人類為工具、材料和微生物,當然不排除現在的首腦對人類有所改觀,但我有必要清楚它犯下過此等反人類罪行。
而且首腦可能想借用我們的手,拿到天腦作為研發武器的材料。
「特登咁遠過嚟辛苦你。」
「仲有件事未講,係關於湯婆。」馬爾斯表情變得凝重。
「湯婆?佢又搞咗咩事。」
墨說
2025-4-14 22:20:12
「我哋懷疑佢同首腦有某啲關係。」
「……」
「我發現實驗室有張病者武器藍圖,同佢其中一張武器藍圖相同,又發現E8好可能係佢帶去實驗室下面。」
「你點知咁多?」
「嗰隻侏儒特殊病者講出嚟,武器藍圖就我自己發現,所有嘢都同湯婆吻合……其實本身佢研發到病者武器已經唔好真實。」
「你先監視住湯婆,我遲啲會直接問佢。」
「明白。」
跟馬爾斯短暫交流後,我返回首腦面前。
如果它真的是假裝中立和平友好,來獲取我們的信任,那麼真的很可怕。
要不是王達尼的貪婪心作祟揭發到那麼多事情,可能我真的被蒙在鼓裡。
「首腦。」我呼叫它。
「繼續。」首腦像說著腹語,嘴不動但能發聲。
「天腦死咗之後,你有咩打算?」我試探性地問。
「重建與共存,我明白你嘅懷疑。」首腦彷彿洞悉到我的心思:「不如反問你,人類最大威脅被消滅後,你會點樣處理對待我。」
「我會將你放返喺實驗室,我哋仲需要核能源。」
首腦:「人類需要我嘅核能源,依樣係自然需求,我明白你意思,我唔介意成為你哋嘅工具,只要協議係公平。謹記我嘅能源只係見面禮,智慧先係最大嘅資源。」
「人類社會接唔接受到有病者倖存區共存,都係個未知之數。」我可以預計到會有大量市民反對。
「有時候只要大家都變成彼此眼中嘅怪物,世上就唔會再存在怪物。」
「聽你之前同羊角傾嘅,你主張改造人類?」
「人類依種生物並唔完美,更似粗糙嘅原材料,需要持續打磨。」
「你會唔會改造人類?如果有機會。」
「要和平共處就唔可以做出令你哋人類厭惡嘅事情,你放心。」
傻豬黎既
2025-4-14 22:59:21
:^(
:^(
:^(
:^(
:^(
打搞伯母
2025-4-14 23:12:14
支持
:^(
:^(
:^(
:^(
上一頁
第 4 頁
下一頁