墨說 2025-3-13 02:16:30 要打破宿命

:^(

墨說 2025-3-13 02:18:28 個陣仲構思緊九龍，所以唔敢寫到太深入詳細住

墨說 2025-3-13 02:23:33 作為病港超大型倖存區，主要人流嘅交雜地，注定會有好多事發生

但如果一入到將軍澳區，就變成休閒模式咁

:^(

五條悟（凡夫） 2025-3-13 02:28:53 墨巴之前又話轉做朝早出文，咁快又去返墨霸市區

:^(

:^(

廢柴的雪人 2025-3-13 03:27:29

:^(

:^(

:^(

核動力牛馬 2025-3-13 03:59:02 我呢打算想寫一個喪屍類小說，但我唔知點開頭好

核動力牛馬 2025-3-13 03:59:54 但我寫咗個太空科幻嘅小說，但之後就唔知點寫落去，想問問你經驗或意見

墨說 2025-3-13 04:05:37 睇多啲相同類型，自己又有興趣嘅小說，你個腦慢慢就會識吸收參考佢哋寫法，依個進步得最快嘅方法

:^(

墨說 2025-3-13 04:05:58 「越嚟越臭。」劉吉手執肥皂，往伊聖言身上抹。

身體表面的污血抹掉後，是大面積的瘀傷，全是我拳頭所留下。

為更好的撇掉臭味，劉吉運用不同植物製作香水，噴灑到他身上好掩蓋氣味。

將伊聖言送往港島區前，我想更透徹了解他，所以打算會一會港豬。

第二天，我開著漁船前往病者第二共和國，即龍尾灘那裡。

伊聖言全日沒有說話，安然地接受我的擺弄。

來到龍尾灘，我關掉漁船的引擎，捉住伊聖言下船。

當我從沙灘走上停車場，即被眼前畫面所震撼。

本來空曠荒廢的燒烤場，竟變成一個小城鎮。

不同於竊屍賊那種利用廉價的鐵皮和木材搭建的病窩，是有著明確的建築設計美學，空間不會覺得雜亂無章，而是有規劃好，竊屍賊應該一輩子都學不來。

共和國內有間小酒吧，裡面傳出收音機的聲音，內容是雞冠的談話節目。

酒吧裡可能有人，我不加思索就推門入去。

裡面樓頂相當矮，跳一跳都可能碰到頭，空間不足十平方米，有張L型吧檯和數張高椅。

港豬坐在其中一張高椅抽雪茄，非常清閒。

我來個開場白：「設計得幾好。」帶著伊聖言一同坐上高椅。

港豬瞟了伊聖言一眼：「你朋友？」

「敵人。」

「要唔要試下？」港豬把雪茄遞向我：「我自己整。」

「臭味咁勁……」我只是盯著雪茄。

「用腐爛魚腸整係臭少少。」港豬抬頭抽一口後吐霧：「但好啱我胃口。」

墨說 2025-3-13 04:06:08 「講正經嘢，佢係天腦嘅核心信徒。」我說正事。

「想我催眠佢？」港豬猜到我心意。

「係，睇下挖唔挖到有用嘅情報。」

「俾天腦揀嘅核心信徒，意志力唔會差。」

「佢習慣將天腦演算出嚟嘅畫面畫出嚟。」

「咁馬克，你先出去唔好打擾我哋。」港豬打開收音機的卡槽，拿出某個卡式錄音帶放入。

卡式錄音帶播出令人放鬆的音樂，他先讓伊聖言放鬆警惕。

我關上門，自己找些事做。

共和國的最上層是個正方形的監視塔，陳智能在上面忙忙碌碌的走來走去。

我順著樓梯行上去，敲敲門進入監視塔。

「早晨。」

「早上好！」陳智能回應。

「一切順利？」

「順利，皮鈣正外出尋找同意共和國理念的病者。」

「市區？」

陳智能：「位於龍尾灘西面的香港教育大學，皮鈣在那裡發現不少高智慧病者存在，而且病腦數目較一般地區多。我自己亦準備前往發表演講，你要參與嗎？證明病者和人類可以共存。」它的桌子上滿是以病語寫成的演講稿，應該修改了很多遍。

「我？但我係人……」我一踏進去應該給五馬分屍。

墨說 2025-3-13 04:06:18 「基於安全的考量，你不親自出席確實比較好，但病者界思想是時候要受到衝擊。」陳智能拿出一部即影即有相機：「我可以展示我們的合照，證明存在病者和人類一起玩耍的地方。」

「你確定？我仇家唔剩係得人。」

「請你站在正確的位置上。」陳智能伸長手臂，握著相機生硬地調較拍攝方位。

看來自拍，它很不在行。

我一手取過相機，與陳智能各佔一半畫面拍攝下照片。

相片出來後，畫面慢慢地浮現。

「謝謝你的合作，你的貢獻可會為病者共和國帶來意想不到的效果！」陳智能稱讚。

陳智能說話的方式，仍然那麼像人工智能。

「嗰間教育大學，你有冇調查過？」我多口問陳智能。

「我曾前往當地拜訪，那裡的智慧病者提出了不少新穎的思想，並專門研究如何讓病者生活質素上升，研究交易貨幣應用黴菌石還是人類的身體部位，而且其他較大型的病窩，都有派出它們當中具智慧的病者前去學習。」

「喔……」瑜小六肯定對這些病者生態感好奇。

實在很難想像，病者演化出酷似我們人類的學習模式。

不過說到底，病者也只是由人類變成。

「你幾時去演講？」

「就在兩小時十七分三十三秒後。」

我很感激陳智能這樣做，但不寄望它會成功……

因為病者和人類能共處，我是不相信的。

等陳智能都離開後，我獨個遊玩共和國的娛樂設施，諸如擲飛鏢和桌球。

休憩區有許多隻卡式錄音帶，我逐隻逐隻放入播放機中聆聽，發現是陳智能自己錄製的病語歌曲，嗶哩吧啦的不知在唱什麼，而且沒有注入情感。

我無所事事地待著，最後還是找了張沙發躺下打盹。

我本應睡上一會，但我的耳朵無端聽見不速之客可疑的聲音。

我會說可疑，皆因我的耳朵聽見有人用很輕的步伐行走，悄悄潛入了病者共和國。

假如是光明正大，走路又可需鬼祟？

這腳步聲慢慢向著我走來，我不得已猛然睜眼，看看來者何人。

一張眼，某位頭髮乾燥的女生正手持露營刀，以很微很微的聲音接近著沙發上睡著的我。

對方身上沒紅點，不是病者。

是人類！？

「惠媚，落手。」女生身後的一位男性人類指示。

「佢係病者定人……」惠媚猶豫半分。

「喺到嘅點會係人，郁手！」

名叫惠媚的女生，舉起露營刀想要一刀了結我。

千鈞一髮，我伸手捉住她的手腕。

我暗暗出力，令她疼痛得鬆開手中的露營刀。

核動力牛馬 2025-3-13 04:37:58 墨說居然回應我

:^(

二寶糖 2025-3-13 04:48:34 文

:^(

傻豬黎既 2025-3-13 07:52:21

:^(

河馬大王彈彈下 2025-3-13 08:01:08

:^(

push

椒鹽蝦米 2025-3-13 08:10:09 推

椒鹽蝦米 2025-3-13 08:17:54 推

天腦 2025-3-13 11:09:18 M由最初推翻晒啲病者組織到而家成為其中一分子

范Hanni 2025-3-13 11:18:02 唔知九龍區病獵係點

:^(

知道港豬不知道 2025-3-13 12:03:11 囚徒困境

:^(

人類信任 病者信任 共存(信任果班)
人類背叛 病者信任 病者收皮(信任果班)
人類信任 病者背叛 人類收皮(信任果班)
人類背叛 病者背叛 現狀

以上只要滲左一滴背叛嘅人類/病者
就會造成信任果班人類/病者嘅傷害(好似而家兩個人類突襲入黎如果殺傷到陳智能咁)
然後剩低班唔信任嘅
同埋原本信任嘅可能變得更不信任

要兩者共存基本上同m咁諗一樣
無可能過無可能

:^(

油尖旺金毛lin 2025-3-13 17:35:52 陳智能同大boss一樣咁cute

:^(

有咁大願景 好驚佢最後都係失望收場

墨說 2025-3-13 20:46:48 「呀！」惠媚驚叫。

身後的男子睜大眼睛，感覺大事不妙，立即衝上前舉刀要砍落我身上。

我兩隻手扯住惠媚拉向自己，充當自己的人肉盾牌。

「救我呀俊哥！」惠媚呼喊。

俊哥無法落刀，轉為拉住惠媚，助她遠離我。

惠媚一邊驚慌大叫，一邊對我亂打亂拍，我鬆開一隻手握成拳頭，擊打她小腹上。

「嘩呀！」兩人向後仆倒。

「嗚啊啊……」惠媚按住小腹，疼痛不已。

俊哥迅速起身，跨過惠媚，直接對我揮刀斬擊。

我對俊哥一記側踢，他再次跌倒並壓在惠媚身上。

「走啊……」俊哥想要離開。

我早一步擋住出口，不讓他們離去。

「人類？」我說。

「啊……」路被堵住的俊哥定格，不敢再亂動：「係……」

「我都係。」我說。

「吓……人點會喺到。」俊哥似乎知曉，這裡是病者根據地。

「你無睇到門口個牌？依到係病者共和國，歡迎人類同病者居住嘅地方。」

「嗰、嗰啲只係病腦呃人嘅技倆……」俊哥不相信。

為了讓他們放下戒心，我摘下了鳥嘴面具。

他們見到我的人類輪廓後，緊張程度明顯降低了。

墨說 2025-3-13 20:46:59 「如你所講係病者嘅地頭，咁你哋嚟做咩？」我反問。

「……摧毀依到。」俊哥說。

「你哋……」我眼眉一挑：「有獵殺開病者？」

「無，但有病者喺到生活會影響我哋。」

「你哋住喺附近？」

俊哥思索幾秒後回答：「唔係。」

「唔係嘅話就對你無影響。」

俊哥找不到反駁的話，只好說：「人類殺病者天經地義！洗乜理係咪住喺隔離。」

那個惠媚的痛楚稍為舒緩，扶著俊哥的腿起身：「我哋會和平離開，如果你唔想我哋摧毀嘅話……」

「你哋邊個倖存區嚟，大學？」我再問。

「我哋係單獨外面住……」惠媚答。

「唔洗答佢啊。」俊哥小聲地暗罵。

我後退兩步，讓開出口：「出去。」

兩個人經過我行向出口，掠過我時候，他們身體肉眼可見的繃緊，應該生怕我突然發難。

我跟著他們身後，目送他們行出病者共和國。

「依到係有隻病腦，你同佢咩關係……」踏出共和國回到馬路上，俊哥禁不住問。

「我只可以向你保證，依到嘅病者唔會傷害人。」我攤開雙手：「如果佢會害人，咁我已經唔可以企喺到同你哋講嘢。」

「病腦好聰明……會有唔同手段方法呃人類入局，可能佢只係放長線釣大魚，等依到越嚟越多人就一次收割。」俊哥警惕性非常強。

墨說 2025-3-13 20:47:09 「你有唔相信嘅權利。」

俊哥點點頭，沒說什麼，帶著叫惠媚的女生離開。

天色差不多入夜時候，我再去共和國內的小酒吧尋找港豬，看看催眠的進度如何，只見伊聖言手持著鉛筆，眼睛無神地素描著。

伊聖言一口氣畫下幾幅素描肖像畫，畫工非常細膩，筆下的人物好像活著一樣。

事後，港豬拿著這幾幅素描肖像畫，告訴我畫中的人物是何許人。

「佢哋都係天腦嘅替身。」

替身是可以直接跟天腦交流，而且借用衪腦波能力的人。

「你催眠佢交代所有替身出嚟？」港豬握起其中一張素描畫：「最估唔到係佢。」

港豬手中拿著的素描畫，是艾匡。

「艾匡我一早知。」

「艾匡有你睇住都會信奉天腦？」

「艾匡每次喺危禁關頭，天腦都會俾決定性指示佢，令佢解決難關，所以內心已經無形中相信住佢。」

「天腦揀嘅對象某程度都帶住創傷，佢哋跟隨指引，係為咗唔再受到傷害，佢哋怕經歷同樣嘅事。」

「有冇畫上面依堆人嘅位置？」如果可以我想把他們揪出。

「要再催眠。」

「如果我都識似你咁催眠，就唔洗麻煩你咁耐，我剩係識拷問。」我苦笑。

「催眠唔係有把口就得，都要好多外在手段。」

「係咩？」

「嘿，我緊係唔會講你聽。」

「有冇咩食？」說起來，我整天沒吃東西。

「平時會有隻野貓喺上面訓，你去睇下。」港豬指著停車區的擋雨棚

「咁我都係捱陣餓。」我望向停車區，察覺異常：「咦？」

停車區上空冒著黑色的濃煙……

再行前點去看，會發現亮著火光，但正常不會有火光才是，因為病者根本不需要火和光。

什麼回事？

我好奇走向停車區，只見那裡冒著大火，火勢正漫延周圍，焚燒著整個共和國。

「火燭啊！」我向港豬喊。

為了更好觀察火勢情況，我跑出了共和國，當下發現火災並非自然，而是有人蓄意釀成。

今早我遇到的俊哥和惠媚兩名倖存者，他們都手持著火把，而且還帶著另外幾人一起縱火。

「係你哋……」

俊哥立刻退到同伴身邊：「係……係我，依到係病毒溫床！根本唔應該存在污染依到……」

「俊，就係你哋今日裡面撞到嗰個人類？」他的男性同伴掏出棍狀硬物。

「係，我估佢應該都癡咗線……先會幻想可以同病者住。」俊哥說。

說罷，他的同伴們都敵視著我。

「我今朝放過你兩個，但你哋仲好意思返嚟放火。」我只有失望。

「陣間俾病者喺到壯大咗，我哋仲洗喺到生活嘅！？」倖存者扔著枯葉和木材到火中助燃。

傻豬黎既 2025-3-13 22:28:03 用愛感化俊哥？

:^(