墨說 2025-3-6 23:35:03 「有咩幫到你？」施紀明對著女子喊問。

女子嘴角漸漸上揚，露出一副猙獰的笑容，直覺告訴我她不是精神障礙者，就是跟天腦有關聯。

「睇下佢咩事！」施紀明呼叫大門保安。

米家保安雙手插腰，擋住女子面前：「你再唔離開，唔好怪我出手大力。」

女子依然不為所動，像尊雕像：「聖父等緊你。」目光朝我望來。

「乜嘢聖父？快啲走。」米家保安催促。

「你講嘅「聖父」係咩人。」我向她問。

「你想搵嘅人，伊聖言。」

「佢知我搵緊佢？」

「聖父都知。」

是天腦給予預視吧，不然怎會猜到我要前來拘捕。

「佢喺邊到。」

「由我帶你見佢，係聖父派我嚟。」

這麼順我的意思，反而令我覺得有詐。

但有個人帶路，總比在這片大得不知所謂的北部都會區尋人要好。

只是得設一點防，攜帶武器上陣。

「你喺到等我。」我叮囑女子，並轉問賈綽嵐：「我要把槍，俾到我？」

墨說 2025-3-6 23:35:13 「卜奇荒，留喺到睇住個女人。」賈綽嵐指示。

「你……命令我？」卜奇荒茫然地陰笑：「你係可以命令我？」

賈綽嵐不跟他多解釋，直接叫我：「過嚟。」

我們遠離卜奇荒，才鬆口談話。

「我覺得嗰條友搵緊機會殺我。」

「係，我都覺。」賈綽嵐說。

「佢都係獵手黨？」我不記得南征戰爭有這號人物。

「前獵手黨……喺你未嚟北區召集前，佢已經退出咗。」

「原來係名宿。」我橫望包圍住俱樂部的城牆：「點解依到搞到堡壘咁。」

「上次隻觸手特殊病者同你嘅入侵，令米生覺得太多人可以喺到自出自入，所以整咗幅牆圍住自己。」

「上次想殺我嗰個潘澤鎗，佢嘅死有冇令你麻煩？」賈綽嵐上次救我一命。

「無，依到唔當死人係一回事。」

賈綽嵐帶我到俱樂部的戶外吧檯，那裡有位穿著夏威夷花紋服裝的男人，留著一頭金髮，戴著熔巖色的太陽眼鏡，他正喝著清涼的酒精飲品，非常快活。

男人剛望見我，差點噴出口中的飲料，下意識擺出逃跑的姿勢。

沒錯，這傢伙是陳浩基。

不久前，被我痛打一番的人。

想不到他仍然在生。

「自己人。」賈綽嵐喊，叫停陳浩基。

「我要武器，佢係武器？」我說。

「佢轉咗嚟米家做嘢，有唔少嘢都由佢管緊，武器問佢拎就有。」賈綽嵐說。

「米生俾佢入嚟！？」陳浩基開腔。

墨說 2025-3-6 23:35:23 「係，佢嚟做其他嘢，同你無關，安排支槍俾佢。」

「要咩槍……」陳浩基不敢直視我。

「火力大，靈活性高。」

陳浩基思索一陣，起身走人：「喺到等我。」

不一會，陳浩基提著長型槍箱到來，把箱子放上吧檯打開，裡面安放著雷明登870泵動式散彈槍。

「末世前警署嘅靚貨，保養得宜。」陳浩基把散彈槍拿出，順便放下幾顆彈藥：「鳥彈，殺傷力大。」

我拿上散彈槍嘗試操作一番，包括上膛、裝填、瞄準等，看看手感好不好。

陳浩基被我打出陰影般，見我舉槍立刻蹲下來。

「今日我唔會搞你。」我對陳浩基說：「我仲要你幫手。」

雖然他上次每分每秒都想殺我，但想殺我的人多的是，我都見怪不怪。

「上、上次……我都係出於目的，先要對你落殺手，你明就好。」陳浩基畏怯地說。

「我要你揸車。」我續說。

「去邊……」蹲著的陳浩基抬頭望我。

「去見個人。」

「咩人？你帶埋槍去，我唔想加入你嘅混戰……」

「去見伊聖言。」賈綽嵐說給他知道。

「聖、聖父？」竟然陳浩基都喊他聖父。

「你好似識佢咁？」

「倖存區新興嘅宗教，「伊甸教」，喺農民到擴張得好快……」

「大家都叫佢聖父？」

「佢個名入面有個聖字，又自稱上帝嘅僕人、先知，大家咪叫佢聖父……」

「去準備嫁車。」我指示陳浩基。

數十分鐘後，陳浩基安排了一輛輕型貨車，我坐在副駕駛座位，陳浩基負責駕駛，其餘人等賈綽嵐、卜奇荒和光頭女子坐在貨櫃位。

「你要去殺佢？」陳浩基雙手緊握著方向盤。

「你淨係需要負責揸車。」我暗示他不要問來問去。

「你嘅聖父喺咩位置？」賈綽嵐問光頭女子。

「馬草壟，聖父會一直等你。」光頭女子答。

陳浩基腳踏油門，開始前往馬草壟。

我不時望向倒後鏡，可見光頭女子長期保持一副誇張的笑容，給人的感覺卻是皮笑肉不笑，很是詭異。

卜奇荒斜著打量光頭女子好一陣子，我以為他只是盡忠職守，結果開車不到幾分鐘，他便伸手去觸摸該名女子的身體。

「嘿……」卜奇荒發出下流的笑聲，神情越摸越痛快。

傻豬黎既 2025-3-7 00:32:45

:^(

廢柴的雪人 2025-3-7 01:55:07

:^(

:^(

:^(

面具男 2025-3-7 03:19:39 原來伊聖言就係聖父，但我都係懷疑呢個只係煙幕，真正嘅聖父應該係M 達尼 又或者港豬

:^(

:^(

PanzerV 2025-3-7 09:17:52

:^(

椒鹽蝦米 2025-3-7 10:27:44 推

施旻奇俠 2025-3-7 15:55:55 邊個係陳浩基

:^(

5知改乜名 2025-3-7 16:06:38 推

知道港豬不知道 2025-3-7 19:27:33 俾米田貢過完一楝(馮覓變病者搗亂果次)之後追查搞事嘅環保團體扯左條線去自然療法果個童生度，發現埋hi野止餓嘅公仔，然後到金毛出場射死童生，再追擊金毛去到佢地頭，打低完佢之後帶埋佢去米田貢地頭發現變左飛天獨角獸嘅貞德，最後叫佢殺埋米田貢個殺手廚師嘅陳浩基(金毛)

btw雖知佢係邊個，但要搵返邊個post邊part出場都真係有啲難度

:^(

未搵之前仲以為個情節喺病者共和國出場前後段

【海菲】《病港ＩＩ》（７９）
https://lih.kg/CzhuvQX
#803 回覆 - 分享自 LIHKG 討論區

紙皮哥哥 2025-3-7 21:40:54 原來已經半年前

:^(

廢柴的雪人 2025-3-7 22:39:58

:^(

:^(

:^(

啪啪啪啪啪啪啪啪 2025-3-8 00:37:11 其實墨巴喺點記得咁多角色？ 連讀者有時都睇到唔記得。

喺唔喺有張人物關係圖？

如果有想問吓幾大張？

墨說 2025-3-8 00:43:48 我係作者，所以我會記得清楚啲

:^(

你地睇用一兩秒，我諗到寫出嚟用成分鐘

:^(

墨說 2025-3-8 01:55:33 卜奇荒摸到一個程度，是幾乎要撕開光頭女子的上衣，但被我喝聲制止住。

「喂！」

「咩？」卜奇荒望過來。

「克制下你自己。」

「有咩問題？佢無講唔好……」卜奇荒瞪大著眼，眼球表面充斥著血絲：「我以前喺獵手黨嗰陣，姦一個女人，佢哋都要多謝返我轉頭！你個外人，唔好干涉我哋……」

說罷，卜奇荒摸得更用力，像要發洩怒火。

「停車。」我叫陳浩基。

「吓？」陳浩基扭頭望來。

「停車。」我加重語氣重覆一次。

陳浩基踏下煞制，讓輕型貨車停下來。

「落車。」我望著卜奇荒。

卜奇荒整個人僵住：「落咩車……」

「俾三秒時間你。」

「落咩車！我奉米生命令嚟睇住你！」卜奇荒大喊，飛沫大噴。

「你唔落車我一槍打死你。」我說。

「……」卜奇荒呆住。

「三、二……」

卜奇荒一腳踢開貨櫃門，咬著牙根下車。

墨說 2025-3-8 01:55:43 就當要陳浩基要再踩油門時，卜奇荒突然抽劍砍破後方的輪胎，導致洩氣。

陳浩基看著側鏡：「……佢斬爆咗條胎。」

我立即解下安全帶推門落車，雙手持著散彈槍走向車後。

只見卜奇荒站在車後猥瑣地笑著：「嘿，大家一齊落車。」

「呯！」

我二話不說，對著他轟上一槍。

卜奇荒立時向後飛彈數米，整副軀幹血肉模糊。

「啊……噫……」卜奇荒未有即時死去。

這槍除了是解決麻煩，也是測試散彈槍的威力。

見卜奇荒氣息未斷，我打算上前多補一槍，但瞄準時未有扣扳機，因為突然不想多浪費一顆子彈，於是舉腳對著他頭部一跺，徹底把他了結。

我最討厭北部都會區，這地方總是無形中迫我下殺手。

我敲敲車身：「落車，行過去。」車胎破了，只能走路。

「唉。」陳浩基下車。

賈綽嵐也領著光頭女子下車，不忘多瞧卜奇荒的屍體幾眼。」

我們只能徒步過去伊聖言所在的地方，那裡跟尋常的鄉郊農場沒什麼分別，聚集了不少的農民。

「點解會咁多人信佢哋。」陳浩基不禁唸唸碎。

「因為聖父為我哋做出好多神跡，令我哋變得更好。」光頭女子說。

「例如？」

「好多自然災害、生離死別、覺醒啟蒙，都係由佢主導。」

光頭女子將我們帶到最深入木材搭建的教堂，推開大門後裡面竟是一群同樣光頭的人士，而他們的最中間則站著伊聖言本人。

成功把我們帶來的光頭女子，回到自己的團體中。

墨說 2025-3-8 01:55:53 「你應該我為咩而嚟？」我開門見山。

「知，但我做緊正確嘅事。」伊聖言保持溫文的姿態。

「你傳播緊錯誤嘅信仰，你嘅信仰會釀成災難。」我相信自己阻止著一場大型災難發生。

「唔係，無佢嘅指引，人類最後先會走向滅亡，我見到，我都見到……」伊聖言走落台階：「人類會死於自我嘅毀滅中，我哋唔會再存在。但只要與主同行，我哋都可以榮升成意識共同體，世間上唔會再有痛苦，一齊完成偉大嘅使命。」

「乜嘢嘅偉大使命。」

「你唔明白比較好，因為真相都係痛苦，而我哋唔需要直面承受，佢會主導我哋，我哋需要付出微不足道嘅大腦嘅運算力就可以。」

「宗教果然都係咁……」我望著地面輕笑：「總係講啲虛無縹緲嘅事情，填補人內心嘅空虛。」

「或者你體驗下會比較好。」伊聖言凝視著我，突然雙眼翻白。

當下我的周圍出現幻影畫面，許多年後病獵協會振興，病者威脅減少和倖存區復興，病獵慢慢地成為社會的特權階級，街上不再歧視病獵的人，反而是崇拜。可後來病獵分成兩派，觸發無可避免的衝突，甚至將其他倖存區捲入戰火中。

另外，人類成功重建自給自足的體系模式，但又再陷入利益鬥爭的輪迴中，每個人都想追求得更多，使得戰爭加劇。

最後人類元氣大傷，那些末日後出生的後人類，不再擁有重新建立社會的機會，幻影到這裡就結束。

「有你喺到或者可以阻止一切發生，但你可以在位幾多年？再好嘅人最終都會老去、死去……」伊聖言說。

「萬一嗰啲畫面係錯？」我反問。

「唔會錯，主嘅預測，無一次係錯。」伊聖言攤開雙手：「如果我只係一個亂咁
噏嘅神棍，就唔會有咁多人信我，其他人唔係傻。」

「咁你可唔可以預測到，我跟住會知點做？」

「當然可以。」

「既然你都知，咁你只係喺到浪費時間。」

「有件事係好神奇，你身上存在住一個變數，個變數會不停令預視嘅畫面改變，我唔知係咩原因，但「未知」，總係令人心煩意亂。」

「你就預視唔到一個人類共同走向美好嘅結局？唔需要受任何人操控擺佈，都可以自主決定幸福同未來嘅結局。」我說。

「有就當然有……」伊聖言輕笑，隨即收起笑容：「但人類唔值。」

「……」

「我知，我居然唔係企喺自己同胞族群嗰邊。」伊聖言伸手向我：「依家就有個機會，俾我哋全人體集體飛昇，唔好錯失，我哋可以一齊活喺美好嘅伊甸園到。」

我拍一拍陳浩基的背：「過去捉佢過嚟。」

「吓？」陳浩基愕然。

「過去。」

「但、嗰啲人眼神唔係幾好……」陳浩基看著教堂中每個光頭信徒。

「我有槍，無人會傷到你。」

廢柴的雪人 2025-3-8 02:29:45

:^(

:^(

:^(

二寶糖 2025-3-8 03:02:15 呢章文戲好好睇

毒撚頭很臭 2025-3-8 06:14:47 我係後面手掩護你

:^(

傻豬黎既 2025-3-8 06:28:46

:^(

知道港豬不知道 2025-3-8 10:53:36 睇睇下竟然都開始有啲by伊聖賢(aka天腦)果套
西盛薈果一次就係血淋淋嘅好例子

:^(

同埋一路而黎的確有好多野都係靠m同王達尼為在位者先可以領導住同解決

:^(

btw伊聖賢講嘅變數唔知仲包唔包括天腦一開始話預料唔到嘅Dr.D呢

:^(

Que_Sera 2025-3-8 10:54:55 係咪準備周處除三害，一槍一個信徒？

:^(

施旻奇俠 2025-3-8 10:56:03 痴線巴打好勁

:^(

:^(

點可以記得