『呃...但真係...冇喎...』我都係俾眼前從未食過嘅食物迷住咗...

你話眼前嘅食物算唔算罕有？

有啲算嘅...但有啲又唔太算...

只係...平時Jeff一定唔會嗌囉...

平時Jeff都只會嗌返平時食開嘅嘢...

呢啲算唔算係...比較？

點解要拎嚟比較？

「咁你有興趣嘅話，記得搵我做經理人喎！」

「係吖～Marco佢真係好掂㗎～搵佢就冇衰～」

『哦哦...好好...』

「咁到時我哋就可以一齊做嘢喇～」

「係咯～等我幫你哋安排多啲合作機會～」

『好好...到時先...到時先...』

上回講到去到目的地泊好架車～
LB同Joanne都戴返頂帽～唔好俾人認到～
LB都會帶Joanne行啲小路～
然後就嚟到一間高級日本餐廳～仲要入埋VIP房～
Marco就未嚟到～LB就點咗嘢食先～
所有嘢都係LB想食嘅～其實都冇問過Joanne意見～
不過LB咁識食，信佢都冇死嘅～
Marco都嚟到喇～話冇錢換車～要換多啲明星先掂～又問起Joanne有冇興趣～
Joanne對啲嘢食有興趣啲～全部都好有新鮮感～唔似同Jeff咁～次次都食差唔多嘅嘢～
邊食邊傾公事～都係講吓嚟緊有合作吖～又講吓想做星就搵Marco喇～
到走嗰陣，LB車埋Joanne～
但唔係返屋企喎～係上山睇夜景～
LB仲同Joanne講係講真！佢冇男朋友就對佢有興趣！
就喺就快要接吻，Joanne食咗誠實豆沙包咁話自己有男朋友！
LB有啲尷咁Say Sorry～送返Joanne返屋企～
返到屋企，Joanne仲係驚魂未定！
呢個時候Jeff打俾Joanne喎！
嚇死人咩？
唔好理咁多！聽咗電話先：『喂～食完飯喇？』
「係吖...你呢？返咗屋企？」
『係吖～啱啱返到咋嘛～點吖？食飯食成點吖？』
「冇～咪又係咁～啲親戚都唔多理我嘅～」
『咁咪仲好～唔使應酬啲親戚～』
「都係嘅～咁你呢？訪問成點吖？」
『冇吖～都係咁囉～同肥蠔仲有雨夢拍囉～都見唔到紅仔頭...』
「睇嚟佢仲要休息喎...」
『都係啦...不過都幾好玩嘅～肥蠔真人真係好肥～雨夢真人應該好啱你～』
同Jeff講返今日做訪問啲嘢～當然就冇提過LB話如果Joanne冇男朋友就對佢有興趣啦！
叫人點講吖？佢真係講真㗎喎！
Joanne而家成個腦都仲係喺山上...LB捉實佢隻手...越貼越埋...佢塊面...佢對眼...眼中嘅Joanne...
嗚呀！搞到Joanne好似...點解會...心如馬撞咁㗎？！
TO BE CONTINUED
跟住既劇情發展又會係點呢？