黑犬風易 2025-1-31 00:20:52 去食完個飯翻到嚟發現好多留言一時間覆唔哂

:^(

先多謝咁多位巴絲留言同埋正評，講多聲新年快樂先

:^(

寫故嘅時候好隨心，所以好對唔住大家啲親戚叫法寫到錯哂，搞到大家睇得辛苦，呢度要同大家講聲唔好意思

:^(

:^(

之後會對翻清楚少少先出，同埋等我解釋翻清楚，等大家唔會睇到一頭煙先

:^(

黑犬風易 2025-1-31 00:23:57 好，多謝大家提醒，等我呢個姻親關係零知識嘅人有翻少少思考，而家解釋翻清楚少少人物關係

:^(

:^(

第一段提到：
「阿婆，即係你阿媽有糖尿㗎，點食啫？」
其實應該係「外母」。

另一個錯位，就係「六姨丈」，其實應該係「六舅父」。

之後會小心檢查，希望唔會影響太多大家嘅閱讀感受

:^(

geob 2025-1-31 00:27:30 未婚又點做到你姨丈? 舅父下?

黑犬風易 2025-1-31 00:28:54 多謝能登麻美子絲

:^(

:^(

好感動有人多謝分享故事，繼續鼓勵呢個連登禮貌運動

:^(

黑犬風易 2025-1-31 00:29:11 船梨精絲新年快樂

:^(

:^(

黑犬風易 2025-1-31 00:29:25 任我行巴

:^(

新年快樂

:^(

geob 2025-1-31 00:30:32 初時以為只係普通家嘈屋敝故仔, 仲諗住棄故, 原來有twist

:^(

駐連燈首席美軍 2025-1-31 00:40:31 婆婆做得好！

肥佬老細成日叫x 2025-1-31 00:50:10 lm
new年快樂

碼糕黃 2025-1-31 01:06:38

:^(

拮穿春袋 2025-1-31 01:08:19 推，開頭睇標題以為潮文，原來係連續故仔，但殺人個情節同那年盛夏我們綻放如花好似

喜歡你讓我下沉 2025-1-31 01:16:48 lm

經常被gay佬騷擾 2025-1-31 01:19:42 重睇啦，阿媽個阿媽嚟

阿簡 2025-1-31 01:23:14 「吓，果仁？好食咩？買呢個好過啦。」我老豆遞咗盒「樂家杏仁糖」俾我。

「你真係『0尊』㗎喎。阿婆，即係你阿媽有糖尿㗎，點食啫？」我一邊講，一邊將我盒果仁換走咗佢盒「樂家杏仁糖」，再推咗佢去俾錢。

:^(

黑犬風易 2025-1-31 01:24:06 唔洗爭, 因為係我打錯, 造成不便真係唔好意思

:^(

大家睇翻我置頂嘅修改就明哂

:^(

你呀媽個波罩你呀 2025-1-31 01:24:39 推

:^(

黑犬風易 2025-1-31 01:24:57

（100正評加更）

到底發生咗乜嘢事？

我相信唔止我，就算係我老豆老母同四姨媽都搞唔通到底發生緊咩事。

只不過而家通屋都係血，無得我哋唔面對現實。

六舅父真係死咗。

而阿婆真係好似無哂中風咁企翻起身，口齒伶俐。

「而家……係咪要報警啊？」四姨媽口都震哂咁問。

睇到四姨媽呢個騰雞樣，有一刻我真係想答佢：「你個仔咁叻，不如你問下佢吖。」

只不過，面對眼前呢個血流成河嘅畫面其實我都有啲怯，所以我決定都係唔好咁搶口住。

正當我仲未反應過嚟，阿婆就已經從輪椅度企咗起身。

「我想玩一個遊戲。」

阿婆離開輪椅，赤腳踩過六舅父嘅血慢慢走到去客廳中間嘅大圓餐枱坐低，然後木無表情咁慢慢吐出咗六個字：「123送禮勤。」

123送禮勤？

我望向老豆老母，睇嚟佢哋都唔係好明白係咩意思。

好彩，阿婆嘅說話原來未講完。

「一陣邊個入到嚟都好，我會睇佢哋到底送咩禮物俾我。只要送嘅嘢無心，我就要佢冚家爆頭。相反，送嘅嘢合我心意，佢呢一關就唔洗死。」

黑犬風易 2025-1-31 01:25:18 聽完呢一段嘢之後，我留意到兩件事。

嗱，講真，到底點解送錯禮物就會爆頭呢，我就已經唔打算理。

因為六舅父都係就咁無厘頭爆頭死咗，呢件已經係肯定嘅事實。

所以要喺呢一刻追究原因或者到底係啲咩令人個頭可以無啦啦好似初二煙花咁爆開，倒不如諗下可以點樣保住自己條命仔仲緊要。

而我真係留意到嘅第一件事，係婆婆嘅語氣。

婆婆從小照顧咗我咁耐，我都未聽過佢講粗口。

呢一刻佢講嘢咁豪邁，我都真係人生第一次見。

除咗把聲係婆婆之外，語氣真係令我十分陌生，唔通係因為送樂家杏仁糖呢單嘢實在令佢太嬲？嬲到連聲都變埋？

而另外一樣我留意到嘅嘢，就係佢頭先所講嘅內容。

「呢一關」。

呢一關，相信係指「123送禮勤」呢個遊戲。

咁但係既然佢咁講，唔通過咗一關，之後仲會有其他關卡？

我不期然望向有一半俾六舅父啲血噴到遮住咗嘅電視機，上面仲播緊「魷魚遊戲２」。

唔通，我而家都陷入咗一場咁樣嘅死亡遊戲？

「咯咯」。

係敲門聲。

我咃全屋嘅人不若而同咁望向門口。

阿簡 2025-1-31 01:26:10 小事嚟，不過我擔心佢視力多D

黑犬風易 2025-1-31 01:26:17 「阿媽，我同阿麗嚟咗喇。」

一把響亮嘅男人聲從門外傳出，我一聽就認出呢個係五舅父。

而認出五舅父嘅當然唔止我，仲有好大反應嘅四姨媽。

「阿生，千奇唔好入……」

四姨媽直接叫出五舅父真名，睇個勢係想出聲阻止佢入屋。

但係佢講到一半，唔知道係邊度突然有一舊年糕出現咗去佢個口度，令到四姨媽俾舊年糕黏住完全講唔到嘢。

我曾經聽過阿媽解釋點解四姨媽咁緊張五舅父。

想當年四姨媽同五舅父年紀只差兩歲，所以細細個就玩得最親近。

四姨媽讀書又叻，事業又有成，所以好多時喺生活上都會照顧五舅父。

甚至，後來五舅父搞婚外情、北上包咗個細佢廿年嘅肥女人（個名叫做何瑪莉，我同我阿爸習慣叫佢做河馬，因為佢真係好大份而且食量大，平時食團年飯一個人可以清咗一盤龍蝦伊麵。），最後都係靠四姨媽幫佢搞掂。

所以，五舅父喺呢個家族入面，我一直覺得佢係扮演緊一個中年巨嬰嘅角色，有屎就要四姨媽幫佢執。

說時遲那時快，因為四姨媽無辦法出聲提醒，五舅父同河馬已經打開咗門準備入嚟。

「嘩，呢度搞咩……？」五舅父一入門就見到六舅父爆咗頭留下嘅屍身同埋一地血。

佢仲未搞清楚咩事，我就見到佢同河馬兩個個身好似走咗上行人自動扶手電梯咁，身不由己吸咗去阿婆面前。

「嘩，阿媽，你今日個樣咁精神嘅，好嘢喎，好似連中風都好翻好多喎。」五舅父對環境入面所有奇怪嘅狀態保持一副依然喺狀況外嘅表情。

只見佢頂住個大肚腩輕鬆咁笑住拍一拍婆婆，然後就望向佢老婆。

河馬會意，即刻拎出一盒包好嘅禮物遞俾阿婆，再笑住同佢講：「嚟份奶末喺喎爹柒街買，巧溶，巧綿怪，嘻望奶奶梨中醫。」（歡迎自行翻譯）

一見到婆婆拎住咗份禮物，我內心心跳不期然咁加速。

到底五舅父同河馬送咗啲咩呢？

雖然我同五舅父就唔太親，但係我都好緊張，到底佢哋會唔會成為下一個爆頭嘅人呢？

（故事待續）

（每日一篇，200正評再加更）

黑犬風易 2025-1-31 01:29:54 新Year快樂肥佬巴

:^(

經常被gay佬騷擾 2025-1-31 01:39:24

我阿媽敲門叫咗一聲：「阿媽，新年快樂，我係阿英啊，我哋入嚟喇。」

講完，阿媽就拎出鎖匙開門。

「嘩，四家姐，搞咩播埋啲咁嘢俾阿媽睇啊？阿媽唔係鍾意睇TVB汪阿姐唱歌嘅咩？」我阿媽指住電視機入面玩緊「123木頭人」屍橫遍野嘅畫面。

:^(

經常被gay佬騷擾 2025-1-31 01:39:45 大家咁話啦

原味NACL 2025-1-31 01:46:22 LM

駐連燈首席美軍 2025-1-31 02:51:08 連何馬都出埋嚟

:^(

:^(