駐連燈首席美軍 2025-2-18 07:40:38 所以懷疑佢係想報復父母

さゆり 2025-2-18 07:43:57 現家要全部人冚家剷

:^(

駐連燈首席美軍 2025-2-18 07:46:23 就係因為冚家剷會令婆婆最痛苦，咁咪成功報復

九十幾歲仲未去 2025-2-18 09:30:20 會唔會二舅夫，留咗一手~
可能用香口膠痴住盤底，去記位~

相信大交合 2025-2-18 11:09:34 Push

放空小朋友 2025-2-18 11:35:11 Push

操曹 2025-2-18 17:13:39 主角都係癲嘅

:^(

:^(

邊際靚仔 2025-2-18 20:31:08 Live咗

黑犬風易 2025-2-18 23:16:19 多謝所有巴打絲打幫推

:^(

因為Penana嗰邊達到加更目標，所以今晚會有加更～
俾多少少時間我，努力寫作中

:^(

《古文觀止》 2025-2-18 23:19:01

:^(

加油

駐連燈首席美軍 2025-2-18 23:23:37 加油

:^(

:^(

奇雲迪迪尼 2025-2-18 23:38:00 Push

碼糕黃 2025-2-18 23:40:30

:^(

黑犬風易 2025-2-19 00:36:38

（Penana 500 likes 加更＋正常更新）

我唔否定，雖然呢一回合我係負責出題，但係其實我一樣都係咁緊張。

因為雖然話而家呢個方法可以剋制二舅父嘅記性，但同樣地其實亦都令到我自己記唔翻到底邊一格打邊一格。

換言之，係一個攬炒純靠運氣嘅做法。

咁亦都即係話，如果呢一局二舅父可以靠到運氣過關，我所做嘅嘢就等待徒勞無功，分分鐘仲會自食其果。

只見二舅父笑住咁望住我，從枱底下伸出左手托住年盒，用手指公輕輕摸住個盒蓋，慢慢抬高頭望住我：「健仔，我欣賞你，咁嘅方法都俾你諗到。不過，好可惜，你對住嘅係我。」

二舅父咁講係咩意思？

我一時間猜唔透，唯有保持冷靜咁望實佢。

「你以為我係靠記憶力取勝？咁你就錯喇。唔怕話你知，我之所以咁有信心可以贏，係因為我有一個特異功能：捽牌。」

捽牌？

我腦入面不期然咁自動響起「賭神」嘅主題曲，「登櫈登～登登櫈鄧～」。

咪住先，捽牌係好勁，但係捽牌又同呢個遊戲有咩關係呢？

似乎係見到我一臉疑惑，二舅父就笑住講：「我根本唔需要記，只要捽下個盒面，就已經可以知道盒入面放咗啲咩。」

黑犬風易 2025-2-19 00:36:53 「收皮啦，捽盒面都叫做特異功能？呢個世界邊有啲咁無謂嘅特異功能㗎！你咁講啊，我有條鼻毛長到可以撩牙夠可以係特異功能啦，係咪勁過你先！仲好環保添啊！」大舅父怒吼一聲。

我呆咗咁望一望大舅父，俾佢呢個特異功能嚇咗一嚇。

相信佢呢個程度嘅環保，連林超英都自愧不如。

「信不信由你，不過，我可以好肯定咁話俾你哋聽，」二舅父臉上掛住一絲自信嘅笑容，「呢一格，係『無嘢』嘅。」

「答案係無嘢，好，而家開估……」婆婆伸出手，慢慢打開二舅父眼前嗰一格。

當盒蓋一打開，我感受到自己個心飄過一陣涼意。

今次大獲了。

因為，我見到個格入面，真係乜都無。

二舅父，真係講中咗。

我唔知佢係咪真係有特異功能，我淨係知，佢今次答啱咗。

咁即係話，而家危險嘅形勢，落入咗我呢一邊。

不過比起我，更貼近危險嘅人，係大舅父。

因為而家輪到二舅父準備出題俾大舅父。

頭先大舅母已經爆頭死咗，如果今次大舅父再錯，佢就會爆頭出局。

只見二舅父輕輕鬆鬆收起左手落枱底，求其用右手一撥，年盒即刻好似風車咁轉。

然後二舅父用右手㩒停年盒，語氣輕鬆咁講：「就呢格啦。」

黑犬風易 2025-2-19 00:37:12 大舅父望住年盒，再有啲可憐咁望向我講：「健仔，大舅母死咗，我本身都生無可戀。唉，只怪我搞唔死個反骨仔。明明全家對佢咁好，佢就要憎哂全家，正一食碗面反碗底，狗咬呂洞賓！」

「你哋嗰啲所謂對我好，哈，根本就係折磨。咁多年嚟，咪就係得我低聲下氣理下阿爸同阿媽，但係啊，佢哋一句多謝都無，完全覺得當年佢哋供書教學就叫對我好，然後而家服侍翻佢哋就係應份。痴線，以為懶係用個『愛』字出發就叫對我好啊？佢哋有冇問我想要咩啊？」二舅父似係喃喃自語，但係聲量又俾所有人聽到，「我本來以為，我唯有等佢哋死嗰日，先可以唔洗再扮孝子。點知，哈，居然俾我等到今日。」

「你真係痴線㗎！明明阿爸阿媽最錫係你，你真係唔識感恩圖報。好，人善天不欺，就等我過埋呢關之後收你皮！」大舅父望住自己眼前呢格，大喝一聲，「呢格係『無』！」

婆婆聽到，咩都無講，慢慢伸手打開大舅父眼前呢一格。

三粒瓜子，安靜咁出現喺盒內。

「大哥！」我老母再忍唔住，失聲叫咗出嚟，撲上去攬住咗大舅父。

「好，起碼死之前，呢度，有你真係當我係……」

爆。

大舅父最後嘅笑容撐爆咗個口，直至成個頭都爆開哂。

鮮血放射式咁樣從射到成個廳都係。

「多謝你……多謝你當年咁辛苦落地盤搵錢，請我食壽司……但係我大個咗咁耐……一直都仲未請你食翻一餐壽司……」我老母抱實大舅父條屍，喊到收唔到聲。

「妹，唔洗喊，好快到你。」二舅父對住我老母講完，然後就望實咗我，「而家，無咗大舅父，就到我同你一對一喇。咁即係話，唔係你死，就係我亡。」

我當然知道。

所以當我要準備轉動年盒嘅時候，我感受到自己隻手喺度震。

假如二舅父真係有咩特異功能，我仲點可能夠佢玩呢？

但係，世界邊有可能有特異功能呢？

好有可能，佢頭先只係扮哂蟹，嚇一嚇我哋，然後好彩過關。

一定係咁！話哂過關機會係50/50，其實就同小霞擲硬幣俾鯉魚龍嘅道理一樣，我都試過連續玩五局，每次都係擲中反面啦。

運氣嘅話，真係好難講。

黑犬風易 2025-2-19 00:37:30 諗到二舅父頭先可能只係運氣取勝，我即刻幫自己收歛心神，專心對付二舅父。

呢個時候，我都望到二舅父身後嘅二舅母同表姐。

佢兩個，明顯無我老豆老母咁緊張。

二舅母面無表情，只係好似行屍走肉咁樣坐喺度，好似成場遊戲都與佢無關；

表姐仲過份，佢居然伸出咗隻中指喺度啜手指。

WTF，佢仲要雙眼望實咗我，眼神極為挑釁。

呢個世界到底發生緊咩事？

我知！呢個肯定係表姐同二舅父夾埋嘅激將法，目的就係令我分心。

諗到呢度，我即刻拎開頭唔敢再望向表姐，以免俾佢奇怪嘅舉動導致我分心。

我伸手放上年盒，只能祈求上天幫幫我，將二舅父嘅家人擊敗一個。

於是，我張開雙眼，用力咁樣轉動年盒。

年盒，就好似命運之輪一樣，向住未知嘅結果轉動。

我無刻意暫停佢，因為我想上天幫我作出一個安排。

年盒，慢慢停咗落嚟。

二舅父望住呢一格，表情依然冷靜如常。

佢照舊伸出左手，輕輕用四指托住年盒，然後用手指公撫摸盒面。

黑犬風易 2025-2-19 00:37:47 我睇住佢嘅動作，非常用心觀察佢嘅細微反應，想知道佢到底係點樣裝神弄鬼。

我其中一個諗到嘅係，佢會唔會係透過呢個動作，去聽年盒入面好微細嘅聲音呢？

因為佢隻手都有四隻手指攝咗落年盒底，好有可能會造成年盒傾斜，咁就可能可以令到有嘢嘅格仔發出聲音，令佢知道答案。

但係我好快已經否定咗自己呢個諗法。

好簡單，一來我見到佢隻手嘅動作未至於令年盒傾斜啦；

二來，如果真係傾斜有聲，其實都有可能係其他格入面嘅嘢所發出嘅聲，分分鐘反而會誤導自己，所以無可能係靠聲。

我亦都諗過，佢隻手指公係咁喺度摸，會唔會係年盒上面其實有一啲我唔為意嘅痕跡可以俾佢作為線索呢？

但係，其實年盒表面相當平滑，呢一點一眼就已經可以睇到，所以呢個方法亦都無可能。

我一時間未諗通二舅父到底做緊咩手腳。

當然，亦都有可能佢只係喺度扮哂嘢，其實最後都係靠運。

一切，都要等佢答出答案之後先知。

二舅父摸緊盒嘅手指公突然停咗。

同時，一絲笑容出現喺佢臉上。

我感覺到一陣寒意已經籠罩住我個心。

「我知道答案啦。答案係……」二舅父慢慢吐出咗一個字：「有。」

婆婆聽完，就將呢一格嘅蓋打開。

我見到，一粒開心果出現咗喺呢一格。

換言之，二舅父啱咗。

黑犬風易 2025-2-19 00:38:43 我個大腦好似停止咗輸血咁。

呢種感覺，就算係我收到DSE成績表發現不似如期，又或者盛裝出席大學Christmas Ball先發現成場都係男人嘅時候都未曾有過。

因為我好清楚，跟住落嚟，我必須好有機會要面對一個殘酷嘅事實。

老豆、老母，其中一個將會因為我嘅失誤爆頭死。

「仔，唔好諗太多，專心玩埋先，你贏到㗎。」老豆拍一拍我膊頭，俾啲信心我。

呢句說話，好似係我出世咁耐以嚟，老豆第一次咁認真去鼓勵我。

老豆份人，平時唔多講嘢，講親就係啲無咩營養嘅笑話，所以你話要去到鼓勵我呢，好似就真係未曾試過。

可惜嘅係，呢一刻嘅我，根本承受唔到佢嘅鼓勵。

「我……真係做唔到啊，對唔住，你哋唔應該揀我代表我哋屋企。」

我好無力咁望住老豆老母，突然覺得自己好似去翻細個嗰種無知同埋天真，好想咩都唔理，即刻縮翻去老豆老母身後面。

呢種感覺，好耐都無試過有。

自從中四五之後，我已經覺得自己係個大人。

同朋友出街，每次俾老母打嚟問幾點翻屋企，我都覺得好樣衰，翻到屋企就會同佢嘈一餐，話佢知：「我咁大個人，你可唔可以唔好成日打電話嚟落我面，俾啲friend見到好樣衰㗎。」

又或者當我讀大學爭取要住Hall嘅時候，我都係同老豆開哂火講：「你哋唔好咁封閉啦，咩住得近就唔洗住hall啫？個個讀大學都要住hall㗎啦，我咁大個人，你哋咪管我啦！我唔想日日對住你哋囉，你哋好煩啊！我嘅人生，我自己負責翻，唔該你哋咪再管住哂！」

原來，去到呢一刻，我先發現，我依然係一個咩都唔識嘅細路。

我以為自己大個，以為自己可以管理一切，以為我可以為人生負責。

但原來心底，我依然係嗰個未成長、希望老豆老母可以幫我補底嘅細路。

一隻手搭咗上我膊頭。

係一隻充滿血嘅手。

「仔，阿爸阿媽揀得你，我哋就對你有信心。你大個仔啦，信自己，你做到嘅。」老母好溫柔咁樣為我送上支持，令我忍唔住眼都濕哂。

「係啊，唔好怯，怯你就會輸一世。我哋都未怯，你唔好怯啊。」老豆捉住我老母隻手，同時亦都捉埋我隻手，好老土咁將三隻手疊埋哂一齊，「一條心，支持你。」

「嗯。」我肯定咁樣點一點頭，深呼吸一口氣，望翻住枱上嘅年盒。

「好啦，做完愛回家啲感人劇情啦？作者本身話寫到初十五，而家廿五都嚟緊啦，你哋再講咁多嘢，個故完唔到㗎喇。想要感人，等我送你一家團聚咪得囉。」二舅父一邊笑住，一邊快手將個年盒轉動。

轉、轉、轉。

停。

年盒喺我面前慢慢停低。

我唔敢望向我身後嘅父母。

但係我知道，我跟住落嚟講嘅一個字，將會決定佢哋其中一個嘅生死。

（未完待續）

黑犬風易 2025-2-19 00:39:13 下個加更目標：1200正評
Penana 加更目標：1000 likes
Penana連載link：https://www.penana.com/story/173167

最後留低埋樓主IG，大家有興趣可以去嗰邊催迫樓主加更，仲有得睇埋其他故事相關嘅嘢，IG限定㗎

:^(

IG : windblowssilently
https://www.instagram.com/windblowssilently/

默颺讀者交流TG group（快啲入嚟討論劇情同掌握故事更新消息！）：https://t.me/+jD_eY63Yb5I0MmQ1

可樂之光2.0 2025-2-19 00:47:48 仲有幾耐完

:^(

駐連燈首席美軍 2025-2-19 00:51:57 唔通係靠觀察個盒嘅傾斜程度嚟估？

阿簡 2025-2-19 01:00:33 仲未諗到佢點出術

毛姨姨都愛著你 2025-2-19 01:34:12 死嘅人好似每一個都講唔完佢哋嘅遺言咁

釣魚翁 2025-2-19 03:31:19 應該係盒底有嘢
表姐都畀咗提示留意手指公以外嘅手指

可能係較早前黐咗嘢
亦可能N年前已經貪玩整落
又或者個全盒設計下面就係刻咗嘢