因為一盒樂家杏仁糖,中咗風嘅婆婆同全家開年
上一頁
第 23 頁
下一頁
你呀媽個波罩你呀
2025-2-15 11:31:53
二舅父最想應該係每單位淨1個 咁就可以後面1v1
Ads
冼剩龍種(窿尻)
2025-2-15 14:56:45
去到最後二舅父應該會犧牲埋屋企人條命但輸咗
可樂之光2.0
2025-2-15 19:41:54
Lm
黑犬風易
2025-2-15 23:59:24
多謝大家熱烈討論
:^(
:^(
跟住落嚟會轉直路入最後幾集ending
:^(
今日去完朋友婚禮做兄弟精神有點不振,寫咗但唔太滿意,所以我決定都係抖抖,聽日一次過出兩日份量俾大家追
:^(
歡迎俾多11個正評,等我一次過順手加埋個更又得
:^(
:^(
全糖甜心~
2025-2-16 00:04:14
等你
:^(
唔好靠我
2025-2-16 15:15:03
樓主,夠1100 啦!
:^(
黑犬風易
2025-2-16 16:32:34
大癲
:^(
:^(
:^(
今晚加更見
:^(
:^(
八俣遠呂智
2025-2-16 16:41:37
期待
焦焦糖
2025-2-16 17:44:24
等你
:^(
:^(
:^(
:^(
黑犬風易
2025-2-17 00:14:00
(1100正評加更+15/2 補更)
捫心自問,第一下,我係非常肯定咁覺得唔應該幫佢。
因為從第二關入面二舅父嘅表現嚟睇,佢絕對係一個機心算盡嘅人。
好有可能,佢而家呢啲無助都係扮出嚟,目的就係引我哋落搭。
但係望住二舅父六神無主嘅表情,我內心有少少動搖。
確實,因為二舅父喺眾多親戚之中算係低調嘅一個,我向來同佢都唔多熟。
但係,諗起平時都會同我吹幾句水嘅表姐,仲有諗到「親戚」呢兩個字,我又覺得,我好似有義務應該要救佢。
而且再者,如果二舅父死咗,咁就等於少咗一個人合作去記嘢。
咁就可能增加我同大舅父記錯嘢嘅機會。
所以結論嚟講,在公在私,似乎救二舅父呢件事都係事在必行嘅。
但係……咪住。
死,掛住諗到底幫唔幫二舅父,我個腦竟然亂咗。
事關我其實事前背咗個口訣,幫自己盡力記住眼前六至八格咁樣。
但係經過轉咗幾下,同埋頭先喺度分析利弊之後,我發現自己個腦有少少Lost咗。
黑犬風易
2025-2-17 00:14:16
二舅父依然充滿期望咁等緊我、望實我。
面對佢嘅眼神,我反而變得更加緊張,個腦進入咗一片空白嘅狀態。
「健仔,你幫下我啦。」二舅父失去咗佢兩個回合以來嘅冷靜,連把聲都有少少發抖。
「我想幫㗎,但係,我頭先有少少分心,而家亂咗……」俾二舅父咁樣一問,我嘅內心更加焦急。
「唔好擔心。」二舅父嘅聲音反而變得冷靜,「唔緊要,唔好因為我而打亂你本身記住嘅嘢。我可以搏一搏嘅。」
搏?我好想阻止二舅父,因為搏輸咗係會死人嘅。
但係,我而家根本就無能為力去幫佢,咁我有咩資格去阻止佢呢?
二舅父望實眼前嗰一格,回望咗身後家人一眼,深呼吸咗一口氣,然後對住年盒講:「呢格係……有。」
婆婆今次二話不說,慢慢伸出手將呢一格打開咗。
我同大舅父都好緊張,而我喺心入面都祈求希望二舅父可以就咁樣大步𨈇過。
結果。
好彩,入面真係有嘢。
我、大舅父同二舅父一齊鬆咗一口氣。
「好彩無事啊!唉,二細佬,今次係阿哥唔好,我大意。」大舅父用力拍一拍自己心口。
Ads
黑犬風易
2025-2-17 00:15:38
「對唔住啊二舅父,我應該要幫到你。」喺二舅父開出「有」之後,我個腦都終於同現場連結翻,我都記翻起起碼我本身記住最基本嗰四格係啲咩。
「傻啦。而家一隊人,我哋齊上齊落,唔好講呢啲,個遊戲仲未完㗎。」二舅父臉上亦都重現佢平和冷靜嘅微笑。
「係!一家人,拆掂佢!」大舅父爽朗咁拍枱笑一笑,好似完全從死亡遊戲嘅陰影走咗出嚟。
而我因為輩份無搭嘴,不過心入面都好感激二舅父無怪我哋差啲累到佢。
按照目前呢個狀態,我哋應該就可以好好合作落去,實行二舅父頭先所講嘅「守和長命戰略」。
果然,跟住落嚟幾個回合,我哋開始慢慢發展出合作嘅默契。
首先大家玩定咗,開始有信心,所以記實咗自己嗰四格之後,基本上傳咩都唔會出錯。
然後無論傳幾多格、順時針定逆時針,我哋都會數住本身係邊個負責記實嘅人。
一搵出咗,我哋就會立即互通消息,幫大家答中問題。
「呢個係『有』,我記得!」
「中啊,Give me five啦!」
「呢個我負責㗎,『無』!」
「掂啊,細佬好嘢!」
「健仔,好記性!」
「一家人,無得輸!」
呢個方法成功維持三個回合,大家一直都相安無事。
而且,氣氛仲要好好添。
黑犬風易
2025-2-17 00:16:09
而喺玩咗兩回合之後,二舅父提出咗一個更加穩陣嘅建議。
「其實呢個遊戲仲可以簡單啲,我哋試下維持『向右邊傳四格』呢個做法。咁大家就等於係只係傳住同一格嘅嘢,根本唔用腦都玩到。」
「好方法啊!我由細到大都話你最醒㗎啦!」
大舅父立即同意,而對於呢個咁方便嘅方法,我都搵唔到理由拒絕。
於是,我哋又開始呢個新方法嘅實驗。
即使玩到第五回合,婆婆話要增加難度,就係要倒轉我哋嘅答題順序,由本身我>大舅父>二舅父,改為相反嘅二舅父>大舅父>我,但係我哋嘅合作依然順利。
今次勁喇,我哋一玩就成功玩咗十個回合。
一直,去到第十一個回合。
場內狀態,係到二舅父轉去俾大舅父估。
只見二舅父嘅手輕輕扶住年盒底慢慢轉動,然後停喺大舅父面前,一如之前十個回合,輕鬆咁講咗一句:「係呢格喇,估啦。」
望到二舅父呢個動作,大舅父都好自然咁準備開口回答答案。
畢竟,我哋已經重覆同一個答案好多個回合。
但係,可能因為我心內一直對二舅父有所防備,所以其實我有留意佢嘅動作。
而今次,我的確發現咗一啲嘢。
「等陣。」我叫停咗大舅父,「二舅父好似轉多咗一格。」
黑犬風易
2025-2-17 00:16:30
「係?」大舅父一臉茫然,好似完全無留意咁。
只不過要知道,差一格,好有可能就會答錯。
尤其是我哋因為十個回合以嚟都係重複同一個答案,亦都「坐定粒六」覺得可以輕鬆合作就過關,變相我哋對其他格數嘅記憶都所剩無幾。
「我有轉多咗一格咩?應該係三格無錯喎。」二舅父睇落亦都似乎唔太肯定。
只不過因為我有一直望實佢隻手,所以我知道佢肯定係轉多咗一格。
我開始有少少懷疑,呢個會唔會係二舅父嘅陰謀呢?
唔通佢就係想襯我哋降低防範之後,靜靜雞轉多格嚟陰人?
無論係點都好,問題嚟喇,到底而家大舅父面前呢一格係咩呢?
大舅父一時間十五十六,連佢自己都搞唔清到底呢一格係「有」定係「無」。
而更大問題係,因為已經轉咗十個回合,我已經連本身呢一格係邊個負責記都無咩印象。
所以,對於大舅父嘅處境可以話係愛莫能助。
「你快啲轉翻啱,重新再揀過啦。」大舅父緊張咁講。
「揀咗,就無得再轉。」婆婆喺旁邊無感情聲線變化咁講。
「吓,咁點搞啊?喂,細佬,你最有計,你幫幫手。」大舅父望住二舅父,露出求救眼神。
「嗯……今次我都唔肯定自己係咪轉錯,不過如果係,我都有責任嘅。」二舅父乾咳一聲,望住大舅父,「咁吖,如果你答啱一條問題,我就幫你。」
「答乜Q問題啊?快啲手啦。」大舅父唔耐煩咁講。
「所以謂人皆有不忍人之心者,今人乍見孺子將入於井。 —非所以內交於孺子之父母也,非所以要譽於鄉黨朋友也,非惡其聲而然也。由是觀之……」二舅父好似一部機器一樣讀出以上嘅句子,然後佢望向大舅父,發出一聲冷笑,「請問呢段文章,之後嗰一句係咩啊?」
我見到二舅父嘅表情,感覺到同頭先大家和諧合作嘅氣氛完全唔同哂,
而佢所讀嘅嘢,我一聽就知道係文言文,而且感覺好熟悉,但一時間又講唔出邊度聽過。
黑犬風易
2025-2-17 00:17:06
「你知我中三都讀唔成,我鬼識背書啊?你擺我恰我識得字少啫。」大舅父拍枱企咗起身。
「咁我話你知啦。下一句係『無惻隱之心,非人也。』」二舅父眼鏡上嘅反光一閃,「對於你呢啲惻隱之心都無、連人都唔係嘅垃圾,你覺得我值得幫你咩?」
二舅父嘅語氣雖然冷靜,但係講出嚟嘅說話,震撼度比起就咁大叫出嚟更加犀利。
我見到大舅父成塊面充哂血谷到成個關公咁,好明顯佢已經嬲到震哂。
「仆街你唔係話合作嘅咩?」大舅父對住二舅父咆哮一句。
「合作?你同我?由細到大,呢間屋入面有邊個係會同我合作㗎?你而家臨死先話想同我合作?你講笑咋嘛?你係大哥,大哥喎,你咁大,我呢啲做細嘅,邊有資格同你合作啊?」二舅父句句有骨,再唔似平日見到佢嘅謙謙君子風度。
「你…你…你…!」大舅父指住二舅父,激到一句話都講唔出。
二舅父一手捉住咗大舅父隻手指,雙眼瞪大充滿自信咁望向我同大舅父:「從你哋話要合作嘅一刻開始,你哋兩家人,就已經注定今日大年初一肯定會
冚、家、剷
。」
(未完待續)
機動武鬥
2025-2-17 00:17:07
live
黑犬風易
2025-2-17 00:19:04
大家好,講下加更安排先~
我份人好均真,始終大家真係好努力正評俾like,點都要寫足俾大家
今晚加更同出緊,係1100加更同埋琴晚補翻嘅一更
:^(
至於今晚呢一更,會順延到聽日中午出俾大家睇
:^(
所以聽日下晝同夜晚都會有文睇
:^(
:^(
當然,想睇更快更多,繼續歡迎呢度正評或者penana幫手打破加更任務
:^(
黑犬風易
2025-2-17 00:19:21
下個加更目標:
1200正評
Penana 加更目標:
500 likes
Penana連載link:
https://www.penana.com/story/173167
最後留低埋樓主IG,大家有興趣可以去嗰邊催迫樓主加更,仲有得睇埋其他故事相關嘅嘢,IG限定㗎
:^(
IG : windblowssilently
https://www.instagram.com/windblowssilently/
默颺讀者交流TG group
(快啲入嚟討論劇情同掌握故事更新消息!):
https://t.me/+jD_eY63Yb5I0MmQ1
只記錄在我心瓣
2025-2-17 00:44:14
二舅父係咪都鬼上身咗
:^(
:^(
八俣遠呂智
2025-2-17 06:16:44
二舅父係始作俑者
米奇魯尾
2025-2-17 10:21:52
二舅父
:^(
Ads
掟仔落地圖
2025-2-17 11:55:42
二舅父未必係始作俑者 但一定係搞屎棍
:^(
相信大交合
2025-2-17 12:52:45
中午了,樓主?
Butt基Dick深
2025-2-17 12:53:55
下午了
樓主呢
愛我請留訂
2025-2-17 13:25:23
食住飯等,lunch 就黎完喇
上一頁
第 23 頁
下一頁