kenvawilter 2025-2-12 18:38:49 就由KATE姐姐帶你去一次啦

:^(

Kuroda 2025-2-12 18:52:09 安排返一次去日本出trip

:^(

kenvawilter 2025-2-12 20:34:49 為左第時帶秋兒去日本玩，真係要搵個熟人帶帶路

:^(

駐連燈首席美軍 2025-2-12 22:51:33 然後又偷食

:^(

:^(

毒撚一生愛一人 2025-2-13 01:08:02 有啲似張無忌咁
最尾鍾意有情趣既趙敏

開冷氣打邊爐 2025-2-13 01:48:29 跟住秋兒最尾黑化

:^(

:^(

廢柴的雪人 2025-2-13 05:22:04

:^(

:^(

:^(

PanzerV 2025-2-13 07:21:00

:^(

冇芒26 2025-2-13 23:30:52

:^(

葉開葉開 2025-2-14 15:36:55 其實我覺得似第二版天龍八部入面段譽多啲
唔多唔少，秋兒都只係熙熙心入面營造出黎咁聖女，自己亦因為咁有少少當佢神咁拜

:^(

雖然冇段譽咁痴漢，但多多少少係鍾意自己心入面營造既形象多啲

葉開葉開 2025-2-14 15:37:51 八百二十八

Kate呢個人有時真係會令人估佢唔到。

例如我今次食飯同佢呻完冇得同秋兒姐姐去旅行、冇得去外國影結婚相，佢應咗幾句，聽我呻咗幾下，就開始自己吹噓咗自己去旅行去玩既時候係幾開心幾過癮。

…

佢最初既時候，仲好似一副想關心我有咩煩惱咁，估唔到轉過頭就變咗自己響度曬命…

「你係咪想我葡萄妳？」我打斷咗Kate，然後反白眼咁問佢。

「嘻嘻，我想同你分享下自己去旅行既樂趣啫。」Kate嬌笑道︰「點啊？聽完我既sharing之後有冇開心返啲啊？」

「冇啊，聽撚完之後仲想去添啊。」

「等我講多啲你聽多啲咪當去咗囉。」Kate笑嘻嘻道。

「唉，是撚旦喇。」我都冇佢咁撚好氣…

Kate繼續開心share，又順手響電話入面係咁摷返佢旅行果陣啲相比我睇。

其實我本身個人對去唔去旅行並冇咩特別感覺，但如果係同秋兒姐姐去既話又唔同啊，我同佢去長州玩都可以玩到樂而忘返，更加唔好話如果我哋去到外國旅行應該會係幾咁開心。

我諗起果陣同Kitty姐姐去長州日扑夜扑，仲要玩埋野外露出，當佢係隻狗咁玩真係爽，不過如果同秋兒姐姐去旅行，就梗係冇得咁玩喇。

可以玩到咁癲既，我諗得Kitty姐姐、大表姐，同埋眼前既Kate…

*

「熙熙，你好攰咁啊，駛唔駛恰一陣？」秋兒姐姐憐惜地問。

我哋啱啱響Studio化完妝，換埋婚紗同禮服，而家坐咗響架預早book定既細van仔，向緊第一個目的地赤柱出發。

冇錯，今日係七月尾既一個星期日，我哋就係響今日影Pre Wedding。

「唔攰唔攰，我一早就期待緊今日，就算再攰都值得。」我咁講好似有啲矛盾…

「嗯，趁仲未到，不如你合埋眼抖下喇。」秋兒姐姐溫柔地道︰「你呢排個樣都好似好攰咁，係咪做department head既工作壓力太多啊？」

我笑一笑，合埋眼，道︰「冇事，我handle得到。」

乜我最近響秋兒姐姐既眼中，個樣真係咁攰咩？

工作壓力其實係有，咁始終我咁後生就上到經理位，一定有好多人唔服同留難我，而且而家正值Albert改革公司，遇到既阻力一定唔少。

但我係咪因為呢樣嘢先精神緊張？

我覺得唔係。

原因…

係因為Kate。

我講明先，我絕對唔係鍾意佢（微妙既感覺唔係鍾意啊！），我因為佢而精神緊張係有原因既。

雖然我把口就話唔撚柒驚，但你試下有條閃卡片比人揸住響手，就算果條友話好鍾意自己所以唔會流出黎害我，之後又用自己既閃卡黎同我交換，但你話我心一面一啲都唔擔心就假既。

就算係我份人咁撚寸都一樣。

唉，要怪就怪自己控制唔到自己碌鳩喇。

我合埋雙眼，秋兒姐姐以為我休息緊都冇嘈我，但實際上我唔係休息，而係響度諗緊我咁樣對秋兒姐姐，究竟係咪公平呢？

真係越諗越有罪惡感、越諗越內疚…

不過唔可以比呢啲感覺打跨…

而家最好既應對方法，就係好好咁對待秋兒姐姐，同埋將件事有咁埋收咁埋，千其唔可以比秋兒姐姐知道。

就好似Kitty姐姐、Jessica，大學時期既Cathy、芯芯事件咁，等佢哋埋藏響歷史既洪流喇。

善意既謊言，有時真係必須既…

為咗我同秋兒姐姐既幸福，就等我成世都呃住佢喇。

我合埋雙眼感受住架車係咁um，唔經唔覺已經到達咗目的地。

今日係星期日，赤柱當然好多遊人，要就住佢哋去影相其實都唔係件易事，而且七月夏日正盛，今日又天朗氣清，我甚至覺得有啲辛苦。

不過秋兒姐姐露出黎既笑容就好幸福、好甜蜜。

其實…我仲有冇資格去守護呢個笑容呢？

都唔係講有冇資格了，係我必須去做。

秋兒姐姐咁開心，我都打起精神，努力去配合攝影師既要求，擺出各種唔同既Pose，由赤柱美利樓影到去卜公碼頭，咁就影咗一個上晝。

由於著住婚紗行動唔方便既關係，所以我扶秋兒姐姐上van仔既時候，我關心咁問佢︰「妳攰唔攰啊？」

「唔攰啊。」秋兒姐姐上到座位坐好，然後微笑道︰「覺唔覺得我哋既對白調轉咗啊？」

啊，係喎，啱啱秋兒姐姐都有問我工作上攰唔攰，所以今次呢句對白係調返轉由我講喎。

我搔搔頭，道︰「咁…我見今日天氣咁熱，啱啱又咁曬，佢哋又要求多多，我驚妳辛苦吖嘛。」

「佢哋要求多多係希望出黎既效果好啫，辛苦小小又有乜所謂？」秋兒姐姐笑得更甜，道︰「不過放心喇，我真係一啲都唔攰啊，況且同你一齊影Pre Wedding，係我其中一個夢想黎，就算真係辛苦都值得喇。」

秋兒姐姐…佢露出黎既笑容真係好甜蜜…

「而且，你而家咁關心我，我覺得自己係全世界最幸福既小女人黎架喇。」秋兒姐姐既笑容除咗甜蜜，仲添加埋一種幸福感…

嗯…

希望呢種幸福，可以直到去永遠就好喇。

（待續）

P.Lahm 2025-2-14 16:13:05 有文小推

唔上連登 2025-2-14 18:48:27 快啲砌鑊淫kate啦

Kuroda 2025-2-14 18:54:33 追到呢個位，都係比較期待大麻熙幾時同淫kate再砌過
同秋兒啲情節真係好悶

駐連燈首席美軍 2025-2-14 23:17:09 我期待熙哥穿煲多啲
見佢啲觀念咁撚扭曲真係好想佢接受下試煉

PanzerV 2025-2-15 07:34:39

:^(

開冷氣打邊爐 2025-2-15 18:12:49

:^(

綠茶綠茶 2025-2-16 16:02:40 Push

啫喱 2025-2-17 12:31:09 推

秀田。武仁耕 2025-2-17 13:24:22 其實睇左咁耐有一個位我真係不吐不快，一齊左之後就唔應該再「秋兒姐姐、秋兒姐姐」，我唔知係咪計字數所以每次講秋兒都要加「姐姐」兩個字咁會count多啲，但一路睇落去真係好odd.... 姊弟戀都好，一齊左就唔會再「姐」架喇

:^(

kenvawilter 2025-2-17 13:34:17 熙哥講過話仲叫姐姐怪怪地，不過叫開懶得改

第時結婚當眾叫姐姐就笑死人

:^(

葉開葉開 2025-2-17 15:52:12 其實係叫慣咗，習慣成自然

:^(

葉開葉開 2025-2-17 15:52:34 綠茶巴

:^(

葉開葉開 2025-2-17 15:53:41 八百二十九

我哋由朝影到夜，由香港影到九龍新界，我自己都覺得有啲攰，但見到秋兒姐姐一路上露出既果種幸福笑容，我就覺得好值得。

雖然係有啲啲遺憾冇得去外國影結婚相，但秋兒姐姐開心滿足就夠了。

有時呢…我真係好憎我自己，點解要收埋咁多會傷害秋兒姐姐既秘密？

點解我果陣會做出呢啲事？

我真係唔敢想像，萬一有其中一件事穿咗煲既話，秋兒姐姐會點…

唉…

死人都唔可以比呢件事發生啊…

*

返到Studio落咗妝同換返自己衫之後，攝影師同我哋講︰「辛苦晒喇余生同埋準余太，我哋執好啲相之後會通知你哋黎睇相架喇！」

比人叫做準余太，秋兒姐姐心情大好，佢微笑有禮咁回禮︰「都辛苦你哋執相喇。」

「放心喇，你哋人靚景又靚，出黎既效果一定好好既！」攝影師既年輕女助手賣晒口乖咁讚我哋。

其實我懷疑佢對個個客都係咁講。

「係你哋影得好啫。」秋兒姐姐都微笑住答︰「我好期待出黎既Pre Wedding會係咩效果。」

我等佢哋吹完幾句水之後就拖住秋兒姐姐一齊行樓梯落樓走人。

「妳唔好話比我聽話唔攰啊？」一走出Studio所在既工廈，我就笑住同秋兒姐姐講。

我都攰啊，唔好話妳。

「少少喇。」秋兒姐姐笑道︰「不過我好開心，為咗呢一刻我不知等咗幾耐啊。」

「嗯，我都係。」我答。

唉，其實諗起我背後既所作所為，我都真係影得有啲於心有愧。

我本來想帶秋兒姐姐食餐好既，但秋兒姐姐話擔心林太，所以都係想早啲返屋企。

雖然林太有看護睇，但秋兒姐姐都係冇自己照顧既時候咁放心。

「咁我哋搭的士返去喇，好唔好？」我柔聲問。

「唔好喇，好貴架。」秋兒姐姐婉拒。

即使我哋兩個夾埋黎都搵唔少錢，但佢依然係一個慳家既好女仔。

不過我真係想對秋兒姐姐好啲，所以響我堅持既情況下，秋兒姐姐最後都係妥協。

我哋住港島，而影樓就係響九龍，車程大約半個鐘。

上到的士，最初我同秋兒姐姐仲有傾有講既，但係傾傾下，返去既路程上面仲要遇上塞車，秋兒姐姐就慢慢挨住我膊頭瞓著咗…

都係既，雖然響Van仔上面有休息，但係秋兒姐姐並冇瞓過覺，佢好似響成程都好開心、好期待咁，係有叫我休息，但自己反而就冇乜點抖，所以而家開始攰都好正常。

我透過車窗外面透入黎既街燈燈光，映照住望向秋兒姐姐既俏臉。

呢張臉同平時秋兒姐姐既臉好唔同。

平時秋兒姐姐只係素顏上陣，就算返工都只係淡妝，今日為咗影Pre Wedding，影樓搵既化妝師同佢化咗個好襯佢既妝，既唔會好似Kate咁有種人造出黎既俗氣感覺，亦可以好好咁襯托出佢既美貌。

而我哋走既時候，化妝師雖然有輕輕咁幫秋兒姐姐落妝，但其實都係落咗表面果浸，而家我近距離咁望，啲妝容其實都仲響度。

好靚，同平時既秋兒姐姐唔同，係另一種風韻既秋兒姐姐。

…

不知不覺，我望住佢望到入晒神…

我真係唔想冇咗呢個女朋友、未婚妻…

唉。

我心入面既心情，真係夠晒複雜…

結果呢程車去到落車之前，我都係痴痴呆呆咁望住秋兒姐姐，可能司機都奇怪我係咪真係咁痴情，要兩眼不移咁望住個未來老婆望到落車。

而直至差唔多返到屋企樓下果陣，秋兒姐姐先至醒。

「唔…我竟然瞓到差唔多落車…」秋兒姐姐坐直個人，伸一伸懶腰。

聖女伸懶腰既動作都好靚。

「唔緊要，妳攰就抖下，今日辛苦妳。」見到秋兒姐姐可以一覺瞓到屋企樓下，雖然因為性格守財既關係，我比錢司機時係有少少肉赤，但我覺得揀選搭的士返屋企係正確既決定。

「我哋去食嘢？」我問。

既然都返到屋企樓下，食埋少少嘢先上返去都OK吖。

不過秋兒姐姐就話︰「不如我哋買外賣返上去食？我想返屋企睇下媽咪。」

「嗯，冇問題啊。」我咀上面梗係話冇所謂，但其實可以既話梗係想二人世界食下飯喇。

畢竟今日兩個人影完Pre Wedding，都想繼續延續個甜蜜氣氛落去，不過我都知道秋兒姐姐係好孝順既，所以為咗遷就佢，我唔想都唔可以Say No喇。

我話過要對佢好，就係要順下佢意，只要佢開心就好。

唉，不過佢咁孝順…睇黎唔好話Pre Wedding去唔到外國影，就連結婚之後去唔去到渡蜜月，都仲係未知之數…

（待續）

蕭惹漸 2025-2-17 16:22:43 其實熙仔有無覺得好撚悶 灰姑娘都有得玩到12點 佢同秋兒出親去未天黑就趕返屋企

:^(