【天腦】《病港II》(81)
上一頁
第 35 頁
下一頁
槍打龜頭鳥
2024-12-13 12:14:52
大力輕推
Ads
Ad
森林大火鳥
2024-12-13 18:21:34
快
:^(
:^(
:^(
5知改乜名
2024-12-13 21:28:42
推
廢柴的雪人
2024-12-14 01:55:34
:^(
:^(
:^(
西野小春
2024-12-14 02:01:24
屌!好刺激幫佢做人型蜈蚣手術!
點解滿天上2話含住啖野都講到野
墨說
2024-12-14 02:52:54
「咁唔阻你哋討論小說。」王峯給出法庭傳票予滿天:「拎住,傳票。」
「查都唔洗查?」滿天收下傳票。
「最好快手等個官判,多數證據不足放你走,法庭判咗佢就唔可以再用其他方法告你,方便好多。」
「好,辛苦你咁早過嚟。」我取出一張美食券贈予王峯。
「咩嚟?」王峯凝視手上美食券。
「你去食下嘢又好,飲嘢都好。」
「我會去。」王峯搖動手上的美食券。
我發現當餐廳老闆可以用美食券當成現金用,這下子我不是窮光蛋了。
看著王峯背影遠去,我和滿天才討論下步。
我問多次滿天:「真係要活捉佢?」
「佢有你需要嘅病保團體情報,無壞。」
「收埋咩地方?」我回頭掃視自己的病獵學會,最多也就地牢比較隱蔽。
假如陳佩琪失蹤了,這種高級醫生肯定會引來倖存區大規模搜查。
加上現在陳佩琪警戒心加強,要下手都不容易且會招惹嫌疑。
因為這次事情生出事端,醫學院中午時候派人前來相約調解,滿天和陳佩琪兩人都得到醫學院中給院長周亮斌說明事情。
滿天到場的時候,陳佩琪已等待多時,身旁甚至帶著兩位律師。
「等你好耐。」陳佩琪雙手抱著,牢牢注視著滿天。
墨說
2024-12-14 02:53:04
「滿生請坐。」周亮斌示意坐下,分別望向兩人:「兩位,我知你哋當中存在住一啲誤會……」
「無誤會。」滿天截停話語。
「大家都係同行,無謂搞到事情太大驚動校方,我可唔可以喺你哋口中了解下發生咩事?」周亮斌充當中間人角色。
「琴日──」滿天和周佩琪異口同聲。
兩人一頓,止住話語。
周亮斌望向滿天:「不如滿生先?」
「佢邀請我去佢宿舍,然後佢喺我唔知情下,俾咗瓶落咗藥嘅飲料我,我飲咗啖發現唔對路打算離開,點知門柄裝有電流裝置,我一拉就就電到,然後俾佢用哥羅芳整暈,到我醒咗就喺密室,佢仲困住咗自己前妻喺裡面,話想幫我做變性手術,好彩係我走到出嚟。」滿天完整說出經過。
「哈哈哈哈,你講出嚟唔覺得好笑?如果我綁住咗你,你點會走到?根本係你自編自導自演。」陳佩琪眼神變得銳利,為自己澄清:「院長,琴日我真係邀請咗滿天去自己宿舍,打算會有一啲醫學上嘅合作,但係佢喺我間房見到我以前作為生理上女性嘅相之後,講嘢開始變得奇怪……例如不停話我好可愛,又開始伸手摸下我塊臉,我叫佢自重下,佢就除褲叫我幫佢口交,我唔肯,可能佢覺得受到冒犯,就罵我係死變性人。」
陳佩琪凝視著桌面,假裝著悲從中來:「只係依啲事情嘅話,我都唔會同你計較,但你……侮辱我前妻,為咗捏造事實不惜擺佢上檯,依件事我唔可以忍,我必須要指證你。」
周亮斌眉頭一皺,雙手交扣:「但事實上校方喺護理學院到,真係搵到個人。」
「醫學院檢驗到話係男人定女人?」陳佩琪反問。
「根據體徵應該係男人……」周亮斌看看手頭上文件。
「我前妻係女人。」
「變性一樣可以用陰蒂增大術同陰莖成形術構建陽具。」滿天駁斥。
「先唔講咁樣幫個女人變性要用幾多醫療資源,我點解要咁對前妻先?」
「因為佢唔再愛你。」
墨說
2024-12-14 02:53:14
「你講緊嘅嘢都係猜測。」陳佩琪的律師說。
「我老婆唔見咗幾年,唔代表可以俾你拎嚟做攻擊我嘅工具。」
滿天對周亮斌說:「佢前妻死咗但應該有抽取佢身體樣本?有冇得核對下。」
「無,我哋無大學居民嘅樣本。」周亮斌答。
「解剖屍體自然會見到佢生理結構。」滿天續說。
「驗屍官已經將佢火化咗。」
「咁快火化!?」滿天終於有點生氣。
「我都唔知點解佢會咁快火化咁有可疑嘅屍體,佢話自己可能工作上失誤,我暫時停咗佢職。」周亮斌深感認同。
「你唔覺得可疑?擺明有人同流合污。」滿天暗指是陳佩琪下的命令。
「我自己都覺得奇怪,但無理由人哋工作上嘅過錯,成為咗質疑我嘅證據。」陳佩琪說。
「間密室應該仲有其他證據,指紋、文件個類。」
「依啲都可以偽造。」陳佩琪的律師又出聲:「大學一向唔少討厭佩琪嘅人。」
「如果證據都無用,咁講咩都無用。」滿天攤手。
「我只需要你向我道歉,對所有勇敢做自己嘅人講對唔住!咁我就唔會再追究。」陳佩琪指著滿天說。
「荒謬。」
陳佩琪律師虛偽地抿笑:「我哋建議你接受佩琪嘅提議,因為走到法律上層面,拖幾年時間蝕底嘅只係自己。」
「咁係石油緊要,定係我嘅道歉緊要?」滿天使出威脅的絕技。
一談到石油周亮斌神情立馬緊繃起來:「咁會驚動到校董會唔係幾好……」
「你哋嘅人唔誠實,我哋好難長期合作。」滿天說。
「咁嘅話你自己一手導致疫苗計劃停止,唔好怪我哋。」陳佩琪說。
「兩位,唔好再針鋒相對落去!」周亮斌忍不住動氣:「今次事件有少少羅生門,不如都俾啲時間大家?」
「我怕我呢段時間生命會受到威脅。」陳佩琪豎起食指:「孫律師,幫我寫定一份不自殺聲明,我絕對唔會失蹤同自殺,如果發生上述事情……」
俗語有話不怕流氓,就怕流氓有文化。
今日,滿天充分體會到這句話的精粹。
和解沒有成事,雙方都僵持不下。
最大問是現在想對陳佩琪下手更難,畢竟不自殺聲明都出了。
滿天回到病獵協會跟我說出結果,我才打消用硬的念頭。
「捉佢唔到就引佢自願上釣。」我轉念一想。
「咩意思?」滿天想聽更多。
「聽你講,嗰個陳佩琪係鐘意靚仔?」
「係……」
「用美男計令自己自動現身。」
「你病獵學會到有型仔?」
「無,但成間大學點都會有一兩個。」
墨說
2024-12-14 02:53:24
補星期一文
:^(
墨說
2024-12-14 02:53:37
在大學不同圈子打混了一段時間的瑜小六介紹下,她推薦了幾個夜場勝地給我們,位於逸夫書院的學生宿舍。
當晚我和滿天就前往逸夫書院的地段,正如瑜小六所說那裡熱鬧得很,經士林一巷前往的路上,有不少盛裝打扮的男男女女同行,似乎都是想去找點樂子。
由於逸夫書院地理位置較自成一角,自自然然成為了每晚熱點,猶如校園版的
蘭桂坊。
未走入那些被改成夜場的學生宿舍前,經已隱約聽見裡面傳出的音樂,走入去後更能感受到澎湃的氛圍,大家忘情地跳舞,奪目的燈光在閃爍,短暫地能忘卻外面的現實。
每個樓層等於不同的夜場,有的只招待女性、有的只招待同性戀者、有的高檔場只招待神科生,總有個地方適合自己。
不知是天意還是巧合,我們正好碰見陳佩琪都有到來。
身材矮小的她身穿西裝,就像小孩子拿了爸爸的西裝去穿。
「你條女。」我輕輕觸撞滿天肩膀,示意她陳佩琪在那裡。
「咩?」滿天不明白。
「你見唔到陳佩琪喺嗰到?」
「咁暗你點睇到?」
我都忘記了常人沒有夜視能力,不能像我看得清晰。
「佢喺到唔出奇,睇佢係落藥慣犯。」滿天再說。
「我哋洗唔洗偽裝下?」我望向街邊的攤位。
那裡攤位有賣不同的派對用品,包括林林總總的變裝飾品,檔主應該是在外頭面收集回來。
我和滿天挑了一陣子,最後各自選了頂瑪利歐帽子。
我問檔主:「收唔收美食券?」我的手都準備給出了。
墨說
2024-12-14 02:53:47
「美你個頭。」檔主拒絕:「美元就收。」
「吓,可以兌換到食物……」
「你話係就係啊?無錢唔好浪費我時間。」
「我俾。」滿天代我付款。
「好,兩頂傻仔帽。」檔主左右拿出瑪利歐兄弟的帽子。
我和滿天都伸手向紅色帽子,看來我們想法相同。
「你鐘意紅帽?」我抓緊不放。
「係,我俾錢就我揀先。」
「但紅帽係主角戴。」
「……」
如是者,紅帽歸我,綠帽歸滿天。
說實話,除了看上去更憨厚之外,我不覺得帽子帶來了什麼偽裝成分。
我和滿天跟在陳佩琪後方,發現她並不是單獨前來,身旁依然跟著律師和保鑣。
陳佩琪第一個到的地方,是只招待男性的樓層。
樓層中有著多個房間屬私人廂房,但大部份人都是待在走廊上聊天、吃薯片和跳舞。
陳佩琪走入其中一間私人廂房,然後就有位只穿白內褲的舞男,走入去跳性感的舞姿給她觀賞。她左手不停往舞男身體撫摸,皮膚白晢的舞男做出抓襠舞步,每下郁動都非常大力。
等陳佩琪摸個夠、看個夠,她就起身離開私人廂房,向現場的人喊:「各位,今輪酒水我嘅!」
大家紛紛歡呼,一個個的多謝陳醫生,看來她是夜店名人常客。
Ads
墨說
2024-12-14 02:53:57
陳佩琪接著走落樓層,進入只招待女性的樓層。
「男女通吃……」我們無法進入該樓層。
「我唔得,你得。」滿天說。
「我點得?」
「你戴住面具,仲留長髮,好易俾人當係女。」
「邊會得。」
「試下無壞。」滿天推我一把。
駐守樓層的職員,指一指臉部:「請問可唔可除個面具睇睇?」
「呃,可以。」我把面具摘下。
「吓……先生,依層只招待女性。」
我急中生智:「邊個話我唔係女?」
「吓?」
「我生理上可能係男性,但心理上係女性。」
「我哋無咁嘅許可喎,而且你個樣點睇都係男人……」職員面有難色。
「事實上有啲女性係會有XY染色體,令外徵睇落似男人,但其實佢哋係女人。」滿天裝作路過搭話。
「……係咩?」
我指著滿天的白袍:「你睇佢著醫生袍就知佢係醫生,權威嘅說話你都唔信?你歧視性別!?」
「呃……」職員只好放行:「你入去啦……」
樓層中全是女性,只有我一個男性,感覺好特別。
逛著逛著竟然給我碰見到娃娃,她跟同科的女性朋友坐在沿牆而設的吧檯吃薯片。
可惜我不能打招呼,不然有機會暴露。
好巧不巧,陳佩琪居然主動跟娃娃打招呼:「嗨。」
「主任你都嚟玩啊?」娃娃禮貌地回應。
「係啊,你呢?」陳佩琪單臂靠著吧檯,距離很貼的詢問娃娃:「隔離個位係朋友仔?」
「係啊你唔認得佢?佢都係醫學院,小冰啊。」
「係喎。」陳佩琪裝作回想起來:「小冰向你賠罪,你兩個今晚埋單我嘅。」
「點好意思啊。」小冰喜形於色。
「小意思、小意思,話哂我都係主任級,請兩位學生飲下嘢有咩所謂?」不經不覺間,陳佩琪的手已放在娃娃的玉背上。
娃娃顯然覺得陳佩琪是女生,沒有為意其舉動。
中國好聲音
2024-12-14 03:06:20
:^(
:^(
傻豬黎既
2024-12-14 04:27:50
:^(
二寶糖
2024-12-14 06:35:45
「但紅帽係主角戴。」
講到咁滿天都費事同M爭,咁都講得出
:^(
:^(
:^(
廢柴的雪人
2024-12-14 07:22:37
:^(
:^(
:^(
毒撚頭很臭
2024-12-14 07:24:06
簽左聲明姐,病獵學會整場講座M滿天同大部分重要成員都坐哂係台上面,叫埋同醫學院長黃峰同埋一兩個董事會嘅黎聽做哂不在場證據,再搵黑鼠捉走陳佩琪
律師黎到就用返佢講個招偽造證據黎誣蔑病獵學會
:^(
施旻奇俠
2024-12-14 08:56:55
滿天同m一合作就好好睇
:^(
好有病港1 既感覺
西野小春
2024-12-14 09:36:50
我都想摸娃娃玉背
創造條件
2024-12-14 11:50:06
孖寶兄弟
:^(
宮崎由加
2024-12-14 12:36:34
墨巴寫lgbt劇情特別詳細特別有畫面
Ads
黑椒牛丸河
2024-12-14 12:39:25
:^(
:^(
宮崎由加
2024-12-14 12:39:50
佢得罪倖存區最大惡勢力都註定無運行
:^(
係差在點死
九龍塘天選之子
2024-12-14 13:50:37
又冇文 Fuck You!
槍打龜頭鳥
2024-12-14 18:25:26
推
上一頁
第 35 頁
下一頁