【天腦】《病港II》(81)
上一頁
第 23 頁
下一頁
病獵王達尼B
2024-11-28 21:25:13
完美中二病獸麥霸
:^(
Ads
Ad
繼香光光豬
2024-11-28 21:55:11
但做咗病者都係要返工趕病窩
:^(
凋零綠
2024-11-28 22:35:28
:^(
墨說
2024-11-28 22:43:50
出咗
墨說
2024-11-29 00:34:55
「唔明,可以講人話?」
「或者並無察覺,但我哋之間再次對話,已經相隔咗一段時間。」
「一段時間?我無半秒停頓嘅感覺。」
「因為你感知唔到高維度嘅干預,佢哋甚至可以輕易決定我哋世界嘅走向。」
我消化掉首腦的話,始終難以認同:「……好難令人相信。」
「某部份真相如果得知咗係會陷入瘋狂。」
「我仲想問──」
首腦強行插入我的說話:「我已經解答得足夠多問題,係時候到我問你,人類。」
「你問。」
「病者,同人類真係無辦法共存?」
「有,直到病者唔再攻擊人類。」
「當真?」
「我唔可以確保一定會發生,但至少唔互相傷害,係兩個物種共存嘅根本。」
「人類同樣會互相傷害,同樣會共存。」
「因為我哋人類磨合咗上千年時間,彼此都了解彼此,但病者……可以稱得上係新物種,人類心存恐懼係正常。」
「明白。」
「但都有個別例子,我認識嘅部份病者,佢哋控制得住自己,甚至係貢獻人類。無人知聽日事,但現階段只可以維持現況……」
墨說
2024-11-29 00:35:06
我們的生活環境跟病者不同,注定無法共存下去。
「除非我哋之間有可以利用嘅價值。」首腦說出最正確的答案。
我們人類為了利益,可以忍受本應無法忍受的事,可以犧牲堅守的原則,可以變成自己最討厭的人。
我低頭淺笑:「你講得啱……依個先係人類間真正可以共存嘅原因,我哋需要互相利用同合作,去產生更龐大嘅利益,構成一整個社會。」
「就似今刻嘅我同你。」
「……」
「我哋可以共存?定係你心中早有決定,無論如何都要摧毀依到嘅一切。」
「我……唔到我一個決定,我會同其他人討論。」我霎時覺得這重大事情不是我一個人能決定。
「明白。」
「你真係對人類再無敵意?」
「我作為病者嘅肉體經已死去,依家任何事物都只會以中立角度看待。」
「嗯……」
「我哋之間嘅對話就到此為止。」
電子門給開啟,但感覺我……
會再回來。
我徐徐行出心智室,葉青茶很焦急想知道裡面的事:「點樣?有啲咩。」
「一場靈魂上嘅對話。」我會這麼形容。
「會長你睇落無任何打鬥痕跡。」馬爾斯打量我。
「我哋差唔多返去,等討論好會再決定依到嘅去留。」
我們原路折返,沒有遇到障礙。
一路行走的時候,我一路回想發現有很多問題都未問,越想越是想回去。
墨說
2024-11-29 00:35:22
單單是回到地表上,都花了大約半小時。
在外看守的朱朗峰和車正寅相安無事,只是有點悶罷了。
乘船回到倖存區時,我把所有事情整合好,再前去跟王達尼談談。
「又係無預約過嚟,喺防爆門下面搵到啲驚天消息?」王達尼給自己泡著咖啡。
「資訊量可以話係爆炸,你想我講好定壞先?」
王達尼神情疑惑:「……壞?」
「你需要辭去總統職務。」我直說。
「……」王達尼攪拌咖啡的匙子停頓:「原因?」
「當初詭人議會同你落契約嗰陣,有冇叫過你信奉天腦?」
「有講過類似嘅說話……」王達尼瞇著眼輕笑:「但我都無當係一回事。」
「咁都已經有潛在危險。」
「吓?唔明。」
緊接我花了十五分鐘時間,去跟王達尼解釋天腦的能力機制。
「即係我嘅存在會令天腦變得強大……」王達尼聽畢,整個人怔住。
「原理上就係咁,就算你堅持自己無相信,但有時人最叻嘅就係欺騙自己,我唔信耶穌唔信上帝,但喺某啲苦難情況,心裡面都不自覺會搵上佢哋。」
「嗯……我堅信自己鐘意女人。」王達尼一本正經的,慢慢抬頭望著我:「但其實只係未遇到一個令我愛上嘅男人。」
「……」他在搞笑嗎?
「哈哈哈哈,你居然唔笑喎。」
「仲有心情講笑,你真係天生嘅小丑。」
「……」王達尼的笑容一下子收歛起來。
我補充一句:「講笑。」
「好彩你識得補句講笑。」
我原本真的打算說笑嗎?其實我也不知。
王達尼咳一咳:「所以我真係要辭職?」
「為咗你好,為咗其他人好。」
「但我辭咗,好多計劃都唔知會唔會持續實行到落去,包括疫苗計劃,包括對病獵協會嘅資助。」
「你有冇信得過嘅人選?」很多政治家都會推舉自己的親信接捧。
「以前我最信寶拉,但依家唔容許……」王達尼頭靠椅墊上,思索著理想人選:「其他忠心嘅唔夠醒,醒嘅又唔夠忠心,諗落真係無乜接班人。」
「喀喀喀……」幾下清脆的敲門聲,愛紗推門進入。
她穿著淡藍色長款羊毛外套,展現出低調而高貴的品味,外套的布料在柔和光線中閃爍著細膩的光澤。
「M。」愛紗手捧茶盤,給我一杯熱茶:「茶?」
「唔該。」
「你呢,糖?」愛紗轉問王達尼。
「唔該唔該……」王達尼雙手遞出咖啡。
「咚」小方糖給掉入咖啡杯中。
我跟王達尼不自覺對望,心中似乎想著同一件事。
「你唔係想……」王達尼眼睛慢慢張大。
「佢或者可以?」
娘子糾纏
2024-11-29 01:54:45
仲諗住係(81)呢個章節直接完
跳去(82)添
天腦
2024-11-29 03:16:59
跳82啦
:^(
廢柴的雪人
2024-11-29 04:49:14
:^(
:^(
:^(
傻豬黎既
2024-11-29 06:33:24
:^(
Ads
立博賢
2024-11-29 07:22:50
出現了
:^(
創造條件
2024-11-29 11:11:04
病者本咪又係人
如何
2024-11-29 11:13:38
呢幾篇好正
:^(
麻宮順子
2024-11-29 12:26:27
https://www.youtube.com/watch?v=q5BKa4qXEX8
睇完條片,再睇返前期描寫行地鐵隧道過海嗰part
加埋BGM,勁有feel
:^(
椒鹽蝦米
2024-11-29 12:31:28
推
油尖旺金毛lin
2024-11-29 13:20:33
俾愛紗做囉 tony stark都俾間公司小辣椒睇
但愛紗係王達尼嘅人 俾佢做其實效果會唔會一樣
:^(
面具男
2024-11-30 00:42:12
反對病獵幹政,還政於民,港島合眾國一人一票選總統
:^(
:^(
廢柴的雪人
2024-11-30 02:38:00
:^(
:^(
:^(
5知改乜名
2024-11-30 02:46:50
推
墨說
2024-11-30 03:55:49
「佢?咪玩……」王達尼做出口型。
「忠心,聰明,不二人選。」我戴著面具關係,必須要發聲說話。
「你哋講緊咩?」愛紗好奇地扭頭。
「好嚴肅嘅事。」王達尼不正面回答。
愛紗愣了愣:「喔。」
我拉開面具,喝口茶解渴。
等愛紗離去,王達尼繼續說:「愛紗係好聰明能幹,但依個位好危險,我唔想佢……」
「明。」
「急唔急?我係咪要即刻辭職。」
「暫時天腦仲未有明顯影響,都可能只係我心多,但要盡快做一啲防護措施。」
「例如?」
「收集屏蔽物料整法拉第籠,仲有想你洗下腦。」
「洗腦?」王達尼以為自己聽錯。
「好似電腦中毒咁,直接洗機可以一了百了,我諗緊有冇方法可以令你洗腦。」
「但我意志好堅定嫁喎,洗腦恐怕對我無乜用。」
「如果港豬……唉。」以前他幫過艾匡洗腦,可惜他不在了。
「你同我定。」王達尼指著我,像個老闆:「我會每朝起身做十五分鐘冥想、訓前向上帝祈禱、每日抽三十分鐘讀講關於無神論嘅書,咁樣夠唔夠?」
「再講。」我更換另一個話題:「其實研究所下面仲有其他嘢,包括可控核聚變反應堆。」
「即係核電廠?」
Ads
墨說
2024-11-30 03:56:08
「好似兩樣嘢嚟,但核聚變肯定係好啲。」
「得我哋兩個低智識份子討論依啲科技似乎唔係太好。」
「低智?我至少都算係中上智識份子。」
「要同公子會討論?」
「你覺得?」給他們掌握這些科技智識不一定是好事。
王達尼眼光銳利,看穿我的想法:「你忌諱緊佢哋?我哋都共渡咁多難關,我都慢慢放低戒心。」
「原本我好信佢哋,但係港豬未死嘅事……令我覺得有啲唔敢信?」
「……」
「我唔知佢哋係咪知情,或者同緊港豬有乜嘢陰謀。」
「有冇都好佢哋都只不過係個人,想要社會同文明重建,一定需要依堆利益主義者。」
如是者,我們臨時召開合眾國最高管理委員會會議,安排專車接送他們到政府總部。
這段空檔我前去各個官方實驗室了解進度,首先是南丫島發現的兩隻聖母,它們釋出的氣體已檢查出來,證實是氘和氚,兩種燃料都是用在核聚變上。
如無意外地底下的核聚變反應堆,就是借由兩隻聖母供應燃料。
另外是樹鄉的研究,我有一段時間沒有探望三位科學家,本來預想不會有什麼突破性發現,沒料到是相反的情況。
負責培養真菌的胡康華,帶我到一個長方形的大缸前觀看結果。
缸內是由紅色和乳白色枝條構成的結構,類似於血管或樹根的形狀,樹根的分支由紅色漸變成乳白色的枝條,延伸至整個密封的缸中。
「依啲樹鄉嗰隻真菌生長出嚟?」我仔細盯著乳白的枝條部份,好像曾經與我身體連接的東西。
幾年前我失控變成鷹凶獸後,就是被這乳白的枝條管狀物體連接著肚臍,不斷地輸送營養和吸收掉黑色賢者的能力。
「係,我哋發現依啲真菌生成嘅根狀主要負責吸收物質同傳輸養分,佢哋會喺深層土壤下面好似蜘蛛網咁,擴散到鄰近植物周圍彼此連結,而真菌都會導致光合作用效率提升。」
「仲有冇?」
墨說
2024-11-30 03:56:18
戴牧博士拿出一堆腐爛植物給我觀看:「而當呢堆真菌結構腐爛,會形成好好嘅肥料令成個生態都有所得益。」
「缺點?總會有缺點。」
「缺點係變數太大,有時依種真菌感染會有機率出現變異,生長出不明嘅植物或者果實,當其他草食性動物或者人類食咗依類變異植物,會發生未知嘅後果,輕則可能中毒,重則……」戴牧博士拿起籠子,裡面有隻死掉的老鼠。
可是那老鼠不單單是死掉,其身上更佈滿樹葉枝椏植物。
這畫面令我想起樹鄉的「冬草夏蟲」,為了治療絕症的人類,變成永久活著的藥材。
莫非,就是吃了當中的變異植物?
「依個只係其中一個例子。」戴牧博士說。
「有成功例子?」
戴牧博士給我展示另一個籠子,裡面是隻披著長葉榕葉子的老鼠,牠仍然活動著。
這情況又令我想起自己初到港島時,看見一隻草藥豬,當時就覺得奇怪。
想不到固中的真相,我要幾年後的今天才得悉。
原來是真菌作祟。
「我哋都未可以肯定,因為真菌變異衍生出嚟嘅每種植物唔同。」
「依種真菌有名?」我問他們。
「未諗,但我覺得可以命名做Mutavascular Fungus。」戴牧博士即興創作。
「講中文唔該。」
「變異血脈菌。」
「嗯……都幾易記,下步呢?」
「我哋依家去緊樹鄉做實地考察同研究,榕桂昌已經去咗。」戴牧博士說。
「好鐘食泥嗰條友!?」沒我批准怎麼可以隨便離開。
「係,政府派咗人去保護佢,我諗應該問題唔大?」戴牧博士不說這一句可能沒有問題,說了就得按照墨菲定律的來。
可既然都去了,都由不得我著急。
「辛苦兩位。」我向他們致謝。
「我大學嗰到……」胡康華有什麼想跟我說。
「嗰棵樹?明,我好快會去。」我答應他。
「嗯……」胡康華擦著掌,有點放心不下。
陀蘭
2024-11-30 06:37:25
中上智識份子(自稱)
:^(
牧羊記
2024-11-30 07:23:52
中上知識份子(毅進水平)
上一頁
第 23 頁
下一頁