極速神驅 2024-10-24 18:45:32 53 歲的士司機涉於今年 2 月，在金巴利道近美麗華廣場，前往宋皇臺道傲雲峰時兜路，原否認兜路罪，周四（24 日）在九龍城裁判法院受審。被告盤問警員期間，提出警方的路線是對的，並表示「如果告我兜路，我認罪！」，但其後又指「我個心係唔認罪」。

被告於結案陳詞時，稱「事實上（係）行多咗幾公里路，但行得快過佢（警方測試路線）……我講咩都冇用，用路嚟壓死我，我一定係死……我選擇認罪！」最終確認改為認罪。

被告求情時稱「我都係一個好嘅的士司機，我唔會濫收車資，唔會夾硬兜路，兜路會唔好意思」，又引述的士司機朋友，指他「忠忠直直咁揸的士都要畀人告，你忠忠直直嚟做咩嘢？」暫委裁判官馬嘉忻終判被告罰款 800 元。

極速神驅 2024-10-24 18:46:00 被告曾遠輝（53 歲）原本表示不認罪，沒律師代表，親自行事。控方傳召涉案男乘客林瑋善及交通調查組警員鄭雅樂（音譯）作供，並曾播放被告的行車紀錄儀片段。

警員作供時確認，曾就本案準備兩張地圖，指警方是在今年 3 月 26 日試行駕駛路線。至盤問證人階段時，被告稱警方的路線正確，「如果告我兜路，我認罪！」 裁判官聞言解釋，被告現時為不認罪，有控方證人作供，一度下令休庭，讓被告想清楚。休庭後，被告稱「我都係唔認」 ，官遂要求被告續盤問證人。

被告則指「問咩都冇用」，指每次提問都被指與本案無關，「頭先咪問咗，用咗幾耐（行駛）時間，用呢條路一定死㗎！」官則著被告直接提問。

警員答不記得時間，指警方僅記錄距離。被告其後發言，指不解警方提控，「路我就死緊㗎啦，我認罪，點解啲阿 sir 唔同啲乘客溝通吓……上法庭曬晒大家啲時間，如果剩係呢條路，我就認罪……我認罪！」

極速神驅 2024-10-24 18:47:16 官遂下令重新答辯，主控讀出控罪後，被告即稱「唔好意思，你話我冇合理辯解，我有好多合理辯解！（控罪內容字眼包括「無合理辯解」）」官則向被告稱「你唔好向主控勞氣，佢都係做緊佢嘅嘢」，並再次詢問被告是否認罪。

被告稱「我個心係唔認罪！我想問 Madam 嘅嘢，你哋又話唔關案件事，頭先（行車）片段（內容）唔知點解唔係合理辯解，所以我冇嘢問！」警員最終完成作供。

官裁定案件表證成立後，問被告會否作供或傳證人。被告表示「我就算作供都冇用，始終你揸呢個地圖同我講嘢，我唔作供。」

官解釋程序，指聽取所有證供後，控辯雙方可在裁決前結案陳詞，問被告有何發言。被告說「我覺得警方揸住呢個地圖同我講嘢，我一定唔得……揸住地圖，任何司機都死梗！」

官問，被告的意思是否指，他當日駕駛的路線不是最短，但是最快。被告確認，又指當時乘客喝醉，駛至荔枝角大橋時，乘客才出聲指他兜路。

被告又稱他當時回應乘客「你覺得我兜路唔緊要，你覺得要畀幾多錢？」指自己錄口供時有提及，但警方沒有採納，認為屬於合理辯解。被告續說「按住呢條路一定死，所以我選擇認罪！」 官再次解釋程序，指被告現時不認罪受審，是由裁判官決定有罪與否。

被告繼續不斷發言，強調自己有合理辯解，官一度掩面。被告續說，收到傳票後受本案困擾，「我開始覺得點解要告我，執著條路冇考慮其他嘢，我入罪機會好微……但警方係行自己嗰條路，所以我一定死，唔想再煩落去」，又重申「警方處理方法非常之唔啱」。

官則稱，要清楚其答辯方向，著被告考慮清楚。被告說，「我唔識講嘢，講嚟講去都係講呢啲嘢，警方冇錯，錯嘅係我！」指自己「事實上行多咗幾公里路，但行得快過佢（警方）……我講咩都冇用，用路嚟壓死我，我一定係死，一陣又排上庭，又排上高院又盛……我選擇認罪！」被告又向法庭致歉，「真係唔好意思，耽誤咗你咁多時間。」

官稱，主控會讀出控罪詳情及案情，提醒被告毋須再發言。主控讀畢案情後，官問被告是否同意案情，被告稱「同意，因為我唔想再講。」主控又透露，被告有 3 次不小心駕駛紀錄。

官問及被告背景、有否求情說話。被告透露現 53 歲，月入 1.8 至 2.3 萬元。被告表示，「我都係一個好嘅的士司機，我唔會濫收車資，唔會夾硬兜路，兜路會唔好意思」，又引述其的士司機朋友，指他「忠忠直直咁揸的士都要畀人告，你忠忠直直嚟做咩嘢？」被告又指，曾在車上執拾乘客的物品，交到警署處理，甚至收到警署的表揚信。

官判刑時稱，考慮本案案情、被告背景，他審訊中途認罪，獲 20% 扣減，判被告罰款 1,000 元，認罪扣減後判罰 800 元。

極速神驅 2024-10-24 18:47:47 案情指，2024 年 2 月 14 日上午 1 時 44 分，乘客林瑋善與友人，於金巴利道近美麗華廣場外，登上被告曾遠輝駕駛的的士，先去元州商場，最後目的地為宋皇臺道傲雲峰，林無提供的士路線。

被告沿金巴利道、天文臺道、漆咸道南、公主道、太子道西、荔枝角道、東京街、元州街到達元州商場，然後林的友人先下車，林沒有印象到達元州商場的計程標顯示金額。之後被告從元州街繼續出發，前往傲雲峰，沿元州街、興華街、通州街、荔枝角大橋、加士居道天橋、東九龍走廊、宋皇臺道。

期間，林向被告指出有繞路問題，到達目的地後報警求助。計程錶顯示金額為 137.7 元，林付款後下車取得收據，顯示收費路程為 14.44 公里。

交通調查組警員接手本案，被告亦向警方提供行車過程片段。警員以警車量度事件中一條最直接而切實可行的路線前往目的地，即由起點從金巴利道開車，經天文臺道、漆咸道南、公主道、太子道西、荔枝角道、東京街、元州街到達元州商場外，路線長度是 5.6 公里，其後在元州街開車，經昌華街、長沙灣道、界限街、馬頭涌道、世運道、宋皇臺道停車，路線長度是5.5 公里。全程總長度是 11.1 公里，可見被告採用的路線比警方的路線長 3.34 公里。

控罪指，有人提出告發，指稱被告曾遠輝在 2024 年 2 月 14 日上午 1 時 44 分，於金巴利道近美麗華廣場，身為展示有登記號碼 WD7243 及接受租用駛往宋皇臺道傲雲峰之的士司機 ，無合理辯解而沒有採用最直接而切實可行的路綫駛往該目的地。

KCS12664/2024

把聲好甜勁溫柔 2024-10-24 18:47:51 睇黎我要再學下啲中文，點解我睇唔明的士狗講緊咩既，有冇人可以翻譯下

:^(

硬擦膠 2024-10-24 18:48:38

一加三等於四 2024-10-24 18:51:41 搵個當值律師都可能打得甩，係要on9到自己去做埋盤問

:^(

power_off 2024-10-24 18:54:57

ARX-7 2024-10-24 18:56:09 慘

政府應該加快Taxi現代化系統：
+電子錶
+GPS記錄路線
+顯示屏比乘客確認地點

司機開工就插卡，收工清錶電子埋數，政府計稅又方便

:^(

耐性與紀律 2024-10-24 18:56:43 法庭係用黎走程序 打法律罅
咁笨柒同班受training既人拗法例等死
官只會諗點樣快手結案交數收工
邊得閒可憐班下欄人

任天鼠 2024-10-24 18:57:44 兜路都忠忠直直？

:^(

:^(

:^(

:^(

:^(

鋤你塊大溪地 2024-10-24 18:57:57 尖沙咀去土瓜灣
有咩可能去左長沙灣都唔係兜路

黑人王 2024-10-24 18:59:34 同差佬條路爭3km
但有無講時間上爭幾多先

:^(

:^(

照計零晨差唔多兩點就唔伯塞車
係睇會唔會行啲高速黎渣快啲

:^(

如果時間上都慢啲既話咁可能真係特登兜左路

鋤你塊大溪地 2024-10-24 19:00:04 oh sorry
我on9
又真係好似無乜問題
唔覺得一定要行界限街

西門勝 2024-10-24 19:00:53 任何西北地方去銅鑼灣以東嘅地方
基本上西隧係快好多
但係同紅隧一定係走遠3 公里
😏😏😏 又學到新常識了

醉後GAY會 2024-10-24 19:01:25 單案嘅重點係比各位知道，司機兜路唔好忍啦，直接報警，入佢罪

肯特林 2024-10-24 19:01:39 唔係話幫的士佬
有時條路長d但少d燈位咪快d囉
我諗佢係咁既意思

鋤你塊大溪地 2024-10-24 19:02:05 行荔橋加士居道
少好多支燈喎

完全封鎖麻煩友 2024-10-24 19:02:30 驗吓眼先

:^(

:^(

DaV 2024-10-24 19:02:53 的士佬個point 就係時間最短，差佬個point就係距離最短

依家告你兜路，的士佬輸緊，除非時間差距大到可以無視呢3公里距離

鋤你塊大溪地 2024-10-24 19:02:56 對唔住
我認

熱菇誠 2024-10-24 19:03:10 兩站喎

:^(

跟差佬咁行 塞燈塞到傻閪

的士佬咁行停少好多盞燈喎

夜媽媽居撚然唔揀條快路渣渣淋返屋企

:^(

四萬哥 2024-10-24 19:03:47

無睇錯即係呢兩條？

又可能某啲鐘數行加橋係快啲，不過要同乘客講聲囉

鋤你塊大溪地 2024-10-24 19:04:08 司機仲要提出話收返平d

一丁加八蚊 2024-10-24 19:04:34 我以前自己揸多數都好似的士咁行
popo果條全程有燈

不過就係日頭同黃昏行唔會凌晨