LIHKG 成人初學鋼琴,歡迎加入交流
dailuklan 2024-9-30 21:00:09 鋼琴好有機會同人合奏,所以一定要學下跟拍子機。
練熟咗都跟唔到,就要:
1. 斬件,一句句嚟夾,再串返埋。
2. 都唔得,就要分開左右手同拍子機夾,夾到再雙手練。

Ads

dailuklan 2024-9-30 21:10:59 其實你每個禮拜都想去上堂,或者上堂時間好快過,果個就已經係好老師。
求其 2024-9-30 21:31:22 咁我肯定而家呢個老師係,可能係我之前諗得太多,多謝指教
邊有錢呀 2024-9-30 23:17:13 而家多數係用電子琴定傳統琴
:^(

傳統琴太大舊 電子琴又驚彈落去個感覺唔同
:^(
求其 2024-9-30 23:56:26 師兄,傳統琴真係好feel好多,我一定揀傳統琴
ドヤコンガ 2024-10-1 01:56:04 初學就電子 肯定咗自己有興趣先再換傳統
信我 見太多 學一陣發覺唔啱嗰啲 電子琴易啲賣返走

對音色冇特定要求嘅話 Roland個手感已經好好

唔駛太擔心學壞手 都係嗰句 成年人有足夠嘅理解能力 行動力 分析力
普遍都係屋企用電子 上堂用傳統 即係好似拓海輪流用86同掃把佬跑秋名山咁 你係一定會對比到個分別出嚟
你個腦係知道有分別 就會識得去調整
暢飲滴露 2024-10-1 02:03:51 睇你喜好啦~
而家啲keyboard都做得好靚架啦
有啲人放工都10點仲去練琴唔怕比人屌臭咩
我啲成人學生都係買keyboard多
暢飲滴露 2024-10-1 02:05:47 同埋都好睇你係為興趣去學定要考級
個個學生我都係問呢句先
邊有錢呀 2024-10-1 02:34:30 想問吓有冇平價推薦?
:^(
:^(
邊有錢呀 2024-10-1 02:34:49 多謝
:^(
你答得好仔細
暢飲滴露 2024-10-1 02:40:25 我自己用緊Roland RD-88
大約一萬
初學既玩FP30都唔差,印象中好似6000蚊

Ads

影印機操作員 2024-10-1 03:34:42 Agree, 初學㩒音真係唔太需要追求乜野靚琴

到你真係有興趣,要追求音色個quality嘅時候就真係冇得唔換了

始終鋼琴機械結構先係直接反映你唔同touch嘅聲音
電子琴做得再真都冇得做到咁細緻
dailuklan 2024-10-1 09:41:28 香港教琴老師,資歷一般都冇問題。琴行個 D 仲有老細睇住,更加唔使擔心。
反而人夾人仲緊要。有 D 學生想先生迫緊 D ,有 D 唔比想人迫。老師要識得就。
我好欣賞有 D 老師,學生完全冇練琴,可以令佢好開心咁彈 45 分鐘,(可能仲多過佢一個禮拜屋企彈嘅時間加埋。) 上邊都有 CHing 講過,如果你冇練琴,老師就冇嘢可以教你,呢個肯定唔係好老師。
名師一般唔會同你執個 D 技術上嘅問題,你練好先嚟上堂。(李斯特: 我唔係幫人洗底褲架,要洗你屋企洗。 I don't do other people's linen. Wash your linen at home. )所以香港有 D 富貴人家,小朋友跟名師上堂,仲要另外請個 APA 嘅學生,日日陪佢練琴。
dailuklan 2024-10-1 09:56:09 如果你講嘅係數碼鋼琴,彈嘅分别應該就唔大。
電子琴就唔同,佢做唔到大細聲。姐話,你大力彈,細力彈,都係咁聲,只可以較定大細聲。初學可以頂住下,家庭條件好返 D ,可以换數碼琴。
電子琴 1000 都有,數碼鋼琴,最平都 3XXX。
真鋼琴梗係好,呢個人人都知。但香港你想擺個三角琴係屋企,你仲要起个地台隔音,發咗達先有得諗。
dailuklan 2024-10-1 10:01:38 最平係 YAMAHA P145B,3XXX,P-225 5XXX 。CASIO 4XXX。全部便携式,唔包腳架。擺邊度彈都得。彈完可以棟起,唔 nga 地方。
君子痴膠 2024-10-1 10:10:30 搵教琴老師通常係邊到搵比較好?
想跟老師學,但係市面太多完全唔知揀
:^(
dailuklan 2024-10-1 10:24:53 可以琴行學下先。
求其 2024-10-1 14:24:34 fb大把,唔同地區都有,師兄一齊加油,努力
求其 2024-10-1 14:32:02 fb都大把,free既都有,唔好買新,蝕得好勁
影印機操作員 2024-10-1 20:15:12 基本上撞手神,冇話琴行就一定差,Studio就一定好
:^(


教得好唔好就自己feel,咁大個人自己feel到學唔學到野,講到底都係人夾人
:^(


反而樓主你真心要諗諗你而家個老師係唔係真係啱自己,真心唔係開勁多歌就叫好老師
:^(


好老師識開歌開練習,都要識tune每個學生個進度
:^(

唔係個個都一練就上手,可以開幾廿樣野一齊做,個個都神童咩

我睇你啲留言你日練3粒鐘練到隻狗咁都仲要未練曬啲功課
:^(

講真日練三個鐘你係真係有料,我返琴行都冇偷到一日三粒鐘練琴咁撚痴線

我估計你而家個情況有幾個可能性:
1. 你可能太貪心,乜都想要快練起,所以你老師聽到你想要乜就乜都開比你,反正一個星期一堂,你自己諗6日點樣練起比佢聽

2. 你老師可能未能夠準確評估到你嘅能力,或者練習時間reach到啲乜野練習成果
:^(
根本就比得太多太雜,冇乜針對性咁比練習/歌你練,唔係話佢而家比嘅練習冇用,但未必係你呢一刻最需要建立嘅能力

3. 可能係你唔識練琴,又或者係你老師冇教你點練琴,所以你3個鐘嘅練琴時間係唔effective的
:^(


唔知你會唔會犯我教果啲小朋友嘅常犯錯誤啦,例如一彈錯就由頭彈過,永遠都唔抽彈錯果個「接駁位」出嚟練,一抽出嚟就話唔識睇,要前幾個bar開始/由頭開始etc.
又或者你太大段一齊練,所以練勁耐先練到少少野。我覺得要練得快其實係要每個分句練,甚至係一兩個bar為一組咁好,好似火車車卡咁練好一卡跟到拍子,再練另一卡,再連埋前後兩卡

所以你諗諗啦,咁大個人,教得好唔好,夾唔夾,自己知架啦
求其 2024-10-1 21:23:24 好多謝師兄咁語重心長咁解釋俾我聽,其實我唔明點為之學唔學到嘢,夾唔夾又係咩?呢個要請你指教吓🙏🏻

所以我之前都想請教吓,呢度啲師兄師姐,點為之一個好老師

其實我從來都冇要求過要練啲乜嘢,亦都有試過同老師講太多嘢練,練唔切,我開頭學琴嘅時候,都係諗住每日練一個鐘就OK,但係因為太多嘢要練,所以自己先不斷加時間落去,但係而家已經係極限啦,因為再練個人都已經集中唔到,到上堂覆琴覆得唔好,老師知道我盡咗力練琴,都唔會黑面黑得太緊要😂

師兄,你講得好好呀,關於針對性嗰方面,以我自己知道,自己睇譜慢,手指弱,個人唔識放鬆,淨係呢幾樣嘢,老師都冇乜幫我針對性去練,暫時呢三樣嘢,其實我都幾迫切要去練㗎,偏偏老師又冇乜點講,所以我多數都係上yt睇,跟住自己再試,

關於練琴果方面,老師又真係比較少講,除非見我兩堂都搞唔掂,咁就可能會叫我試吓第二啲方法咁囉,
而家練琴已經好過初頭好多,可能上得YouTube睇得多啲老師教點練琴,開頭真係日日三個鐘練hanon,練足一個禮拜都練唔好,時間又嘥咗,其他嘢又冇練到

不過都好多謝師兄講出我嘅問題,多謝晒你

Ads

Wanza 2024-10-1 21:33:24 好勤力
:^(
ドヤコンガ 2024-10-1 21:35:18 全職練琴
影印機操作員 2024-10-1 21:42:52 講點練我角度嚟講其實係老師責任嚟
:^(


你有某啲要求,講完出來但老師又冇幫你針對性解決,唔幫你解決又冇話你知點解佢會唔幫你解決你呢啲問題
:^(


然後你仲要eager到自己睇片學
:^(


不如你自己考慮下啦,我唔做打爛人飯碗嘅事
求其 2024-10-1 21:56:22 不過師兄,講開又講,老師實際上又真係好似冇乜解決過我啲問題,我係度諗,會唔會因為我係成人,唔係小朋友,所以應該自己去解決

其實呢個問題我都好想係度問架,其他成人學琴係咪都好似我咁,我叫呢啲做半自學😂