駐連燈首席美軍
睇嚟日本仔想捉走佢哋
:^(
:^(
Ads
男版連登仔
第15章
三人瞓咗一陣，老細懷抱入邊嘅豬仔又係一陣躁動，朦朧之中隱約見到一個黑色人形，當堂嚇到彈起身，嘈醒埋醫生同肥仔。原來係艾牧師。
艾牧師哄上前去，細細聲咁樣講：「日軍岩岩同鵝講，距哋常將道風山借溶做野賤醫院，我同佢哋講咗鵝係挪威人，唔係鷹國人，日軍同鵝講，只要鵝哋合作，都可以保證鵝哋嘅安全。」
「道風山箱邊油濕幾個信眾，佢哋有啲人跟咗鵝濕幾年，鵝要保證佢哋安全，鵝諗你明鵝嘅意思，不過咁講，日軍啱啱將成個聯隊撤走咗，玩佐一班新嘅人過嚟， 加上尋晚黑媽媽，佢哋應該認你唔到，如果你哋想走，呢度有一套平民嘅衫，同埋少少乾糧。」講完，就急急腳咁樣走咗。
在南京追隨艾牧師的信眾
老細攬住乳豬仔，叫佢唔好出聲，係門口條罅嗰度偷偷地望出去，日軍嘅行動真係快，尋晚佢哋瞓覺嘅時候仲係一片狼藉，但係而家已經打掃乾淨，日軍將成個道風山嘅枱凳全部搬晒出嚟做病床，喺報紙上隱約可以睇得出分咗做輕傷同埋重傷區，喺重傷區，有幾個包到木乃伊咁嘅士兵俾人露天放喺度，有幾個護士喺度來回照料，而家冬天，有陽光曬吓可能對佢哋仲好，至於尋日搬咗成晚嘅屍體，已經俾人清走晒。有幾個信眾喺度來回斟茶遞水，但係主要照顧嘅職責已經交返比日軍嘅護士。
日軍隨軍護士
老細同醫生傾咗一陣，都覺得現時嘅情況都係以不變應萬變比較好，加上三人實在太攰，就算要走，而家日光日白都走唔到，不如繼續瞓醒先算，突然，乳豬仔掙脫老細嘅懷抱，原來佢都要去廁所，不過，佢好醒咁樣都冇出門口，而係靜靜咁樣行去書房嘅角落屙咗一篤尿，整濕咗一堆聖經典籍，不過呢個時候都顧唔得咁多。唯一嘅問題係，原來野豬尿真係好臭，乳豬仔屙完尿之後就返返去老細嘅懷抱入邊，老細一臉嫌棄咁樣望住佢，但係乳豬仔冇理到，直接喺上邊擺好姿勢繼續瞓。至於肥仔，除咗艾牧師啱啱入嚟嗰陣醒咗一陣，但仲未講完嘢，就已經瞓得仲淋過乳豬頭。
唔知訓左幾耐，老細最先起身，原來已經係接近黃昏，喺門縫望出去，日軍嘅戰況似乎唔太好，只係過咗幾個鐘，但係似乎又換咗一批傷兵。
另外兩人都逐漸瞓醒，雖然人係精神咗，但係一起身各種生理需要又再次出晒嚟，肚餓猶自可，最難頂嘅係口乾舌燥，書房入邊完全冇水飲，更加麻煩嘅係，經過咗成晚，膀胱啲尿液已經逼到就嚟爆，仲有陣陣嘅便意，就算去到大時代，都改變唔到人係要屙屎呢個定律。
肥仔第一個頂唔順，死就死啦，推開少少門，趁冇咩人留意嘅時候衝咗去茅廁。40年代嘅茅廁絕對唔係而家咁樣嘅抽水馬桶，只係喺個簡陋嘅石屎屋仔上邊開個窿，最多加個門仔，不過尚算乾淨。
去完廁所出嚟，肥仔又走去廚房睇吓咩情況，道風山有唔同嘅日本兵行嚟行去，肥仔大搖大擺咁樣喺佢地面前行過，卻發現完全冇人留意佢，簡直當佢隱形一樣，肥仔心中暗喜，心諗:「估唔到最危險嘅地方先係最安全。」跟住就去咗廚房嗰邊，發現成個範圍已經比日軍嘅伙頭兵佔領咗，估唔到嘅係，入面有好多唔係日本人，反而似係日本請返嚟嘅華人勞工，聽佢哋口音，似乎都係廣東人，本身係道風山嘅人反而只係負責斬瓜切菜，斟茶遞水。
今日嘅伙食簡單，但其實又唔算差，廚房煮咗一大煲飯，跟住仲有味噌豆腐豬肉湯，仲有少少日式鹹菜，甚至仲有清酒。
戰時日軍伙食
見到出邊嘅情況大致安全，肥仔返去匯報比另外兩個人知，於是三個人再次出嚟，大搖大擺咁活動，始終要屈喺書房嗰度都唔係咁好受。
同尋日一大批暴躁嘅潰兵相比，今日嘅氣氛明顯平和好多，雖然依然佢聽到傷兵嘅呻吟聲，但係所有嘢都係有條不忟咁進行緊，包紮嘅包紮，煮飯嘅煮飯，好似又再次返返去初到到風山嗰種規律嘅生活，有時都不得不讚嘆軍隊嘅組織力，可以喺咁短時間之內整頓到有板有眼。
雖然而家睇嚟危險不大，不過始終係深入敵陣，於是三人簡單洗漱之後，喂埋乳豬仔，問廚房拎咗晚餐，就再次縮係書房入邊。
「喂，咁今晚即係走唔走啊？」肥仔問。
「就算我哋想走，可以去邊啫，係諗吓，我哋嚟咗個幾禮拜，幾乎每一兩日都轉一個地方，新界到九龍，九龍到港島，兜咗個圈又返返去原點，就算我哋逃離道風山，又係去返沙田，先不論而家沙田好大機會已經比日軍控制住，我哋離開咗呢度，就連個訓嘅地方都冇。」老細回答。
「但係我哋冇可能喺度呢成世㗎，我哋原本打算喺度避開戰爭，但係戰爭反而已經燒到上嚟，我哋咁樣算係避戰咩。」肥仔反問。
「其實老細講得有道理，你諗諗，我哋最終目的都係為咗唔好無啦啦死鬼咗，我哋喺呢個位，雖然的確未必有原本打算咁世外桃園，但係總好過返去前線，又或者去到佔領區。」
「留意番，我哋而家唔只喺佔領區，我哋根本就係軍營入邊。」肥仔苦笑。
「仲有個實際問題，我哋喺度有咩做啫？唔通我哋真係走去幫日本仔咩。」肥仔再補充。
「我哋呢個傷兵醫院啫，又唔係真係打仗，何況，難得可以深入內部，我哋盡量收集多啲情報都未嘗係好事。」醫生回應。
「又咁講，我地走左可以去邊姐，你答到我嘅話我即走。」醫生反問。
肥仔終於無聲出，最終三人決定，繼續留喺道風山靜觀其變。
<第15章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
三人瞓咗一陣，老細懷抱入邊嘅豬仔又係一陣躁動，朦朧之中隱約見到一個黑色人形，當堂嚇到彈起身，嘈醒埋醫生同肥仔。原來係艾牧師。
艾牧師哄上前去，細細聲咁樣講：「日軍岩岩同鵝講，距哋常將道風山借溶做野賤醫院，我同佢哋講咗鵝係挪威人，唔係鷹國人，日軍同鵝講，只要鵝哋合作，都可以保證鵝哋嘅安全。」
「道風山箱邊油濕幾個信眾，佢哋有啲人跟咗鵝濕幾年，鵝要保證佢哋安全，鵝諗你明鵝嘅意思，不過咁講，日軍啱啱將成個聯隊撤走咗，玩佐一班新嘅人過嚟， 加上尋晚黑媽媽，佢哋應該認你唔到，如果你哋想走，呢度有一套平民嘅衫，同埋少少乾糧。」講完，就急急腳咁樣走咗。
:^(
在南京追隨艾牧師的信眾
老細攬住乳豬仔，叫佢唔好出聲，係門口條罅嗰度偷偷地望出去，日軍嘅行動真係快，尋晚佢哋瞓覺嘅時候仲係一片狼藉，但係而家已經打掃乾淨，日軍將成個道風山嘅枱凳全部搬晒出嚟做病床，喺報紙上隱約可以睇得出分咗做輕傷同埋重傷區，喺重傷區，有幾個包到木乃伊咁嘅士兵俾人露天放喺度，有幾個護士喺度來回照料，而家冬天，有陽光曬吓可能對佢哋仲好，至於尋日搬咗成晚嘅屍體，已經俾人清走晒。有幾個信眾喺度來回斟茶遞水，但係主要照顧嘅職責已經交返比日軍嘅護士。
:^(
日軍隨軍護士
老細同醫生傾咗一陣，都覺得現時嘅情況都係以不變應萬變比較好，加上三人實在太攰，就算要走，而家日光日白都走唔到，不如繼續瞓醒先算，突然，乳豬仔掙脫老細嘅懷抱，原來佢都要去廁所，不過，佢好醒咁樣都冇出門口，而係靜靜咁樣行去書房嘅角落屙咗一篤尿，整濕咗一堆聖經典籍，不過呢個時候都顧唔得咁多。唯一嘅問題係，原來野豬尿真係好臭，乳豬仔屙完尿之後就返返去老細嘅懷抱入邊，老細一臉嫌棄咁樣望住佢，但係乳豬仔冇理到，直接喺上邊擺好姿勢繼續瞓。至於肥仔，除咗艾牧師啱啱入嚟嗰陣醒咗一陣，但仲未講完嘢，就已經瞓得仲淋過乳豬頭。
唔知訓左幾耐，老細最先起身，原來已經係接近黃昏，喺門縫望出去，日軍嘅戰況似乎唔太好，只係過咗幾個鐘，但係似乎又換咗一批傷兵。
另外兩人都逐漸瞓醒，雖然人係精神咗，但係一起身各種生理需要又再次出晒嚟，肚餓猶自可，最難頂嘅係口乾舌燥，書房入邊完全冇水飲，更加麻煩嘅係，經過咗成晚，膀胱啲尿液已經逼到就嚟爆，仲有陣陣嘅便意，就算去到大時代，都改變唔到人係要屙屎呢個定律。
肥仔第一個頂唔順，死就死啦，推開少少門，趁冇咩人留意嘅時候衝咗去茅廁。40年代嘅茅廁絕對唔係而家咁樣嘅抽水馬桶，只係喺個簡陋嘅石屎屋仔上邊開個窿，最多加個門仔，不過尚算乾淨。
去完廁所出嚟，肥仔又走去廚房睇吓咩情況，道風山有唔同嘅日本兵行嚟行去，肥仔大搖大擺咁樣喺佢地面前行過，卻發現完全冇人留意佢，簡直當佢隱形一樣，肥仔心中暗喜，心諗:「估唔到最危險嘅地方先係最安全。」跟住就去咗廚房嗰邊，發現成個範圍已經比日軍嘅伙頭兵佔領咗，估唔到嘅係，入面有好多唔係日本人，反而似係日本請返嚟嘅華人勞工，聽佢哋口音，似乎都係廣東人，本身係道風山嘅人反而只係負責斬瓜切菜，斟茶遞水。
今日嘅伙食簡單，但其實又唔算差，廚房煮咗一大煲飯，跟住仲有味噌豆腐豬肉湯，仲有少少日式鹹菜，甚至仲有清酒。
:^(
戰時日軍伙食
見到出邊嘅情況大致安全，肥仔返去匯報比另外兩個人知，於是三個人再次出嚟，大搖大擺咁活動，始終要屈喺書房嗰度都唔係咁好受。
同尋日一大批暴躁嘅潰兵相比，今日嘅氣氛明顯平和好多，雖然依然佢聽到傷兵嘅呻吟聲，但係所有嘢都係有條不忟咁進行緊，包紮嘅包紮，煮飯嘅煮飯，好似又再次返返去初到到風山嗰種規律嘅生活，有時都不得不讚嘆軍隊嘅組織力，可以喺咁短時間之內整頓到有板有眼。
雖然而家睇嚟危險不大，不過始終係深入敵陣，於是三人簡單洗漱之後，喂埋乳豬仔，問廚房拎咗晚餐，就再次縮係書房入邊。
「喂，咁今晚即係走唔走啊？」肥仔問。
「就算我哋想走，可以去邊啫，係諗吓，我哋嚟咗個幾禮拜，幾乎每一兩日都轉一個地方，新界到九龍，九龍到港島，兜咗個圈又返返去原點，就算我哋逃離道風山，又係去返沙田，先不論而家沙田好大機會已經比日軍控制住，我哋離開咗呢度，就連個訓嘅地方都冇。」老細回答。
「但係我哋冇可能喺度呢成世㗎，我哋原本打算喺度避開戰爭，但係戰爭反而已經燒到上嚟，我哋咁樣算係避戰咩。」肥仔反問。
「其實老細講得有道理，你諗諗，我哋最終目的都係為咗唔好無啦啦死鬼咗，我哋喺呢個位，雖然的確未必有原本打算咁世外桃園，但係總好過返去前線，又或者去到佔領區。」
「留意番，我哋而家唔只喺佔領區，我哋根本就係軍營入邊。」肥仔苦笑。
「仲有個實際問題，我哋喺度有咩做啫？唔通我哋真係走去幫日本仔咩。」肥仔再補充。
「我哋呢個傷兵醫院啫，又唔係真係打仗，何況，難得可以深入內部，我哋盡量收集多啲情報都未嘗係好事。」醫生回應。
「又咁講，我地走左可以去邊姐，你答到我嘅話我即走。」醫生反問。
肥仔終於無聲出，最終三人決定，繼續留喺道風山靜觀其變。
<第15章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
:^(
:^(
:^(
Ads
男版連登仔
第16章
戰報會說謊，但係戰線唔會，同樣道理亦都可以放喺醫院上邊。不知不覺，三人已經喺道風山上邊過咗兩日。日軍嘅狀況好似越嚟越好，由一開始嘅大面積潰敗，去到接下來幾日，雖然依然不停有受傷嘅傷兵，但係係佢哋嘅眼神之中可以睇得出相對從容，遠方城門水塘嘅炮聲間中響起，雙方打下停下，去到後來漸漸停歇。
去到下晝，遠處傳來一陣歡快嘅日文歌聲，有一大隊日軍列隊行入道風山，帶頭係一名年輕士兵，意氣風發咁樣拎住日本軍旗揮舞，後邊有近百個士兵列隊魚貫而入，雖然眾人身上污糟邋遢，有唔少都帶住傷，身上沾滿血污，但無論係趷吓趷吓嘅人，定係就算係喺擔架上日軍，依然滿臉笑容，一齊唱住歌。道風山上面嘅軍醫護士馬上衝出去迎接，
同日軍歡快嘅歌聲相比，隊伍後邊跟住一班都係滿身傷痕血污，但係就垂頭喪氣嘅英軍。
英軍戰俘
道風山眾眾喺門口排開，都唔知叫做迎接，定係哀悼，突然，有個三唔識七嘅日本兵喺後邊搭住肥仔同埋老細個膊頭，一路un住腳，一路左搖右擺，唱住聽唔明嘅歌，其他士兵見狀，都開始隨手攬住道風山眾人，示意佢哋拍手歡迎，連呀婆都唔放過。
道風山上面嘅人冇七老八十，都有五十六十 ，一班老婦老翁目無表情、強顏歡笑咁樣拍着手，口噏噏，日本軍隊就喺度自high。
呢個時候，原本黐住喺老細腳邊嘅野豬仔突然間衝上前去，跟住其中一個英軍包頭士兵，定眼一睇，原來係當日受傷嘅印度士兵，佢嘅手上面依然綁住繃帶，見到佢在生，但係就俾人俘虜左，都唔知應該開心定唔開心。個位印度士兵都見到佢哋幾個混喺日軍入邊，覺得好奇怪，三人喺隊伍入邊認真再搵，發現原來契老竇Nelson 都係入邊，但係其他人就搵極都搵唔到。
日軍可能今日心情特別好，對待呢班英軍戰俘，雖然間中都會笑笑口咁樣鬧佢哋兩句，踢佢哋一腳，但係都冇特別殘酷對待。日軍清空咗一間課室咁大嘅房，然後將近50個人塞入去。雖然坐住仲還好，但係瞓嘅話就幾乎要頭搭着腳咁樣先至勉強夠位，英軍俘虜個樣有氣無力，但都自行清空咗一半地方，等受傷嘅人可以平躺，剩低輕傷嘅人就迫埋一邊互相依偎。
是夜，過百人日軍大隊進駐道風山休息，加上俘虜接近200人，應該係道風山第一次塞住咁多人。日軍上下歡天喜地，載歌載舞，突然間多咗咁多人，道風山上面嘅信眾要幫人斟茶遞水，炒菜煮飯，忙到連飯都冇得食。
至於英軍俘虜，就幾乎被遺棄喺嗰個陰暗房間，冬天嘅地板特別凍，眾人衣衫襤褸，不過見此情形，都冇咩嘢可以做到。道風山上原本儲備嘅糧食呢幾日早已經消耗盡，而家用緊嘅全部都係日軍運上嚟嘅糧食，所以無得到日軍批准，大家都唔夠膽主動派飯，牧師曾經嘗試同日軍交涉，但係就被人完全無視，眾人只好偷雞拎少少水同埋食物比佢哋，但係猶如杯水車薪，
去到深夜時段，大部份日君都瞓咗覺，老細趁住夜色，去到囚禁俘虜嘅房間後窗，老細先輕輕打開窗，但係窗較一郁，已經成功吸引咗成間房入邊眾俘虜目光，老細跟住佢將身體打橫，雙手抱住窗邊，一隻腳踏上窗框，令一隻腳離地一跳，希望可以翻窗過去; 兩跳，仲係唔得，最後靠喺入邊英軍捉住佢嘅手腳，先至勉強成功將佢拉入間房度而不至於驚動出邊嘅守衛，望到老細如此笨拙，眾人都不敢嘆息：那裏來的豬隊友。
老細總算成功混入戰俘入邊，佢之前將成個廚房掉轉，先至勉強搵到兩塊光酥餅，當下分落去比眾人食，但係要幾十個人分兩塊餅，基本上同五餅二魚冇分別，加上眾人全日幾乎冇飲過水，望住手上個可憐嘅一小塊餅，都唔知食好定唔食好。
光酥餅
「大家食住少少嘢先，我轉頭再出去拎水入嚟俾大家。」老細嘗試安撫着眾人。
漆黑之中唔好話個樣，就連輪廓都唔係好睇得清楚，就算係同一間房入邊，老細都打聽咗一輪，先至成功搵到契老竇Nelson。兩人幾日之後再次相見，猶如生死再會，老細再一次好似小朋友咁樣將個頭塞埋去Nelson嘅心口度， Nelson 輕輕撫摸。呢個時候，老細靜靜雞塞咗個現代帶嚟僅餘嘅Energy Bar俾佢。Nelson冇即刻食，將佢keep住。
Nelson 將講呢幾日發生嘅事娓娓道來。
<第16章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
戰報會說謊，但係戰線唔會，同樣道理亦都可以放喺醫院上邊。不知不覺，三人已經喺道風山上邊過咗兩日。日軍嘅狀況好似越嚟越好，由一開始嘅大面積潰敗，去到接下來幾日，雖然依然不停有受傷嘅傷兵，但係係佢哋嘅眼神之中可以睇得出相對從容，遠方城門水塘嘅炮聲間中響起，雙方打下停下，去到後來漸漸停歇。
去到下晝，遠處傳來一陣歡快嘅日文歌聲，有一大隊日軍列隊行入道風山，帶頭係一名年輕士兵，意氣風發咁樣拎住日本軍旗揮舞，後邊有近百個士兵列隊魚貫而入，雖然眾人身上污糟邋遢，有唔少都帶住傷，身上沾滿血污，但無論係趷吓趷吓嘅人，定係就算係喺擔架上日軍，依然滿臉笑容，一齊唱住歌。道風山上面嘅軍醫護士馬上衝出去迎接，
同日軍歡快嘅歌聲相比，隊伍後邊跟住一班都係滿身傷痕血污，但係就垂頭喪氣嘅英軍。
:^(
英軍戰俘
道風山眾眾喺門口排開，都唔知叫做迎接，定係哀悼，突然，有個三唔識七嘅日本兵喺後邊搭住肥仔同埋老細個膊頭，一路un住腳，一路左搖右擺，唱住聽唔明嘅歌，其他士兵見狀，都開始隨手攬住道風山眾人，示意佢哋拍手歡迎，連呀婆都唔放過。
道風山上面嘅人冇七老八十，都有五十六十 ，一班老婦老翁目無表情、強顏歡笑咁樣拍着手，口噏噏，日本軍隊就喺度自high。
呢個時候，原本黐住喺老細腳邊嘅野豬仔突然間衝上前去，跟住其中一個英軍包頭士兵，定眼一睇，原來係當日受傷嘅印度士兵，佢嘅手上面依然綁住繃帶，見到佢在生，但係就俾人俘虜左，都唔知應該開心定唔開心。個位印度士兵都見到佢哋幾個混喺日軍入邊，覺得好奇怪，三人喺隊伍入邊認真再搵，發現原來契老竇Nelson 都係入邊，但係其他人就搵極都搵唔到。
日軍可能今日心情特別好，對待呢班英軍戰俘，雖然間中都會笑笑口咁樣鬧佢哋兩句，踢佢哋一腳，但係都冇特別殘酷對待。日軍清空咗一間課室咁大嘅房，然後將近50個人塞入去。雖然坐住仲還好，但係瞓嘅話就幾乎要頭搭着腳咁樣先至勉強夠位，英軍俘虜個樣有氣無力，但都自行清空咗一半地方，等受傷嘅人可以平躺，剩低輕傷嘅人就迫埋一邊互相依偎。
是夜，過百人日軍大隊進駐道風山休息，加上俘虜接近200人，應該係道風山第一次塞住咁多人。日軍上下歡天喜地，載歌載舞，突然間多咗咁多人，道風山上面嘅信眾要幫人斟茶遞水，炒菜煮飯，忙到連飯都冇得食。
至於英軍俘虜，就幾乎被遺棄喺嗰個陰暗房間，冬天嘅地板特別凍，眾人衣衫襤褸，不過見此情形，都冇咩嘢可以做到。道風山上原本儲備嘅糧食呢幾日早已經消耗盡，而家用緊嘅全部都係日軍運上嚟嘅糧食，所以無得到日軍批准，大家都唔夠膽主動派飯，牧師曾經嘗試同日軍交涉，但係就被人完全無視，眾人只好偷雞拎少少水同埋食物比佢哋，但係猶如杯水車薪，
去到深夜時段，大部份日君都瞓咗覺，老細趁住夜色，去到囚禁俘虜嘅房間後窗，老細先輕輕打開窗，但係窗較一郁，已經成功吸引咗成間房入邊眾俘虜目光，老細跟住佢將身體打橫，雙手抱住窗邊，一隻腳踏上窗框，令一隻腳離地一跳，希望可以翻窗過去; 兩跳，仲係唔得，最後靠喺入邊英軍捉住佢嘅手腳，先至勉強成功將佢拉入間房度而不至於驚動出邊嘅守衛，望到老細如此笨拙，眾人都不敢嘆息：那裏來的豬隊友。
老細總算成功混入戰俘入邊，佢之前將成個廚房掉轉，先至勉強搵到兩塊光酥餅，當下分落去比眾人食，但係要幾十個人分兩塊餅，基本上同五餅二魚冇分別，加上眾人全日幾乎冇飲過水，望住手上個可憐嘅一小塊餅，都唔知食好定唔食好。
:^(
光酥餅
「大家食住少少嘢先，我轉頭再出去拎水入嚟俾大家。」老細嘗試安撫着眾人。
漆黑之中唔好話個樣，就連輪廓都唔係好睇得清楚，就算係同一間房入邊，老細都打聽咗一輪，先至成功搵到契老竇Nelson。兩人幾日之後再次相見，猶如生死再會，老細再一次好似小朋友咁樣將個頭塞埋去Nelson嘅心口度， Nelson 輕輕撫摸。呢個時候，老細靜靜雞塞咗個現代帶嚟僅餘嘅Energy Bar俾佢。Nelson冇即刻食，將佢keep住。
Nelson 將講呢幾日發生嘅事娓娓道來。
<第16章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把
:^(
:^(
:^(
Ads