是時候自戴手扣
讀HKU應該聽過Lindsay Ride
Ads
男版連登仔
正解
:^(
:^(
男版連登仔
佢地透過天氣同日落時間知道係冬天，又係41年前，城門碉堡戰前無耐先起，所以唯一可能係城門碉堡起好 & 41年12月9日之前嘅某一個冬天，不過呢個推論無寫出黎係有D令人confused, 如果有機會再寫會改返
Ads
男版連登仔
（更正，上文提到Doctor Lindsay Tasman Ride 花名應為 Doc Ride, 而唔係 Doctor Lin
第五章 義勇軍
「咁啱嘅，我都係醫生喎。」醫生見到同行，興奮咁答。
「oh, 咁你喺邊間醫學院畢業㗎 ？點解我未見過你嘅。」Doc Ride反問句。
「我係Chinese university 畢業㗎。」醫生用英文口快快咁講，但係轉眼就已經發現問題所在，當年根本未有中大。
「原來係咁！」Doc Ride 回應，但係又冇咩特別驚訝，醫生轉念一諗，就諗到佢應該係將Chinese university 理解做喺中國嘅大學。不過咁樣都好，起碼唔需要再解釋自己嘅來歷。
艾牧師， Doc Ride，同埋三人坐埋一齊，牧師將佢所知道嘅情報話咗俾Doc Ride 知，但係就隱去咗佢哋未來人嘅身份，淨係表示佢係係可靠嘅朋友，牧師嚟香港之前，喺中國各地深耕數十年，有可靠嘅朋友提供情報亦也不足為奇。但如此一來，牧師等於將自己嘅名譽壓註喺三人身上。聽到呢度，三人好心感激。
「你哋講嘅情報同我哋所知道嘅吻合，據我所知，日軍近日開始喺深圳集結，雖然唔知道確實幾時開始攻擊，但係如果如你所講喺幾日之內進軍都不足為奇，香港防務方面，我可以嘗試幫手聯絡駐軍司令，請佢哋多加注意。但坦白講，我軍呢段時間都喺戒備狀態，再次提醒幫助未必太大。至於你所講嘅珍珠港同埋馬來亞戰局，實在太過遙遠，我會嘗試向上轉達，但係佢哋一定會問起情報來源，我唯有可以講嘅就係出自艾牧師你身上。但係係咪真係可以說服到軍部，再層層上報去到盟軍司令部，就唔係我可以控制嘅嘢啦。」言下之意，就算三人提供嘅情報合理，但無憑無據，只能盡力而為，聽從天意。
「哎呀，早知我哋琴日寄信寄埋去新加坡。」肥仔一拍大脾，突然諗到。
「算吧啦，而家距離戰只有幾日，根本冇可能寄到過去。」陳總回應「事到如今，只能夠聽從天意。」
幾人又傾咗一下義勇軍嘅近況，三人方才得知。原來Doc Ride 係一戰老兵，嚟到香港做港大教授，同時以平民身份參加民兵，義勇軍入邊大部份都係好似佢一樣嘅旅港歐人，又或者本地嘅歐亞混血兒，真正嘅華人反而唔多，就算有，大部份都係書院入邊嘅公子哥兒。
三人英文雖然有口音，但係頗為流利， Doc Ride 又隨機問咗少少醫生醫學知識，雖然醫生身處世代同現今相距70年，但係二戰期間現代醫學已經奠基，常用藥亦都大同小異，加上醫生頗為熟書， Doc Ride 對佢頗為欣賞。
「既然你哋有如此重要情報，不如加入我地義勇軍救傷隊，我見你三個人身體壯健，而且中英文流利，而且我相信可以得到牧師信任嘅，一定係嗰種翹楚，正正係我哋需要嘅人才。」Doc ride 一頂頂高帽笠係三個人身上，今次真係想拒絕都唔得。
三個人擰轉身，用廣東話交談：「喂，我係嚟發達個喎，我要過嚟二戰時期已經夠慘，點解無啦啦會去咗打仗㗎。」陳總問。
「正所謂生於亂世，有種責任，可能呢個就係上帝而家俾我哋嘅任務呢。」肥仔雖然心入邊有啲驚，但係都有啲興奮，始終打仗呢啲咁刺激嘅事，唔係個個可以有機會經歷。
「何況我哋都係去救傷隊啫，又唔係叫你拎支槍，你咁肥，人哋都唔夠膽將支槍交俾你啦。何況，我哋留喺呢個道風山上邊都冇嘢好做，唔通就咁坐三年咩。」醫生表示同意。
「喂，鵝都識聽講東話個喎，鵝啱啱聽到上帝講耶，佢叫你哋去啦，而且離哋喺山上邊食嘢唔做嘢，做嘢打爛嘢，不如你哋都係去參軍吧啦，上帝會保佑你㗎。」艾牧師喺度搭訕，三人啤咗佢一眼。
決定從軍之後，三人開始收拾細軟，雖然其實都只係現代帶過嚟嘅兩件衫。牧師喺度同Doc ride 飲住Johnny Walker 相談甚歡，但言談之中睇得出佢哋略顯唏噓，畢竟大家都知道幾日之後就係世界大戰，今日一別，唔知幾時可以再見。雖然二人都曾經歷一戰，但和平30年，大時代再來，各自唏噓不已。
離別時，牧師向每人倒左一大杯威士忌，相思一笑，一飲而盡。今生今世，有緣再會。
[url]https://www.youtube.com/watch?v=to1xT93IlUI&t=8s/url]
離別後，Doc ride 先將三人放低喺義勇軍喺醉酒灣防線嘅駐扎處，再獨自開車前往英軍司令部。
義勇軍救傷部大家都對三人嘅來歷頗有興趣，果然，入邊大部份都係白人，少數歐亞混血兒，好似佢哋三人嘅純種華人反而係異數。佢哋作咗個故仔，話自己係艾牧師喺中國嘅信眾，幾經艱辛終於轉落嚟香港，希望在英軍一臂之力，幸而，大家都頗為有善，加上大敵當前，人人士氣高昂，新人去到，好快就融入咗隊伍。醫生雖然做過急症室，但始終香港外傷個案比較少，於是即場接受戰地醫療培訓，學識好多外科處理方法，至於肥仔同埋陳總，就學習簡單嘅急救同埋包紮技巧，以及搬搬抬抬，運送傷員，俗稱打雜。
去到夜晚，doc ride 終於沙塵滾滾咁樣返嚟，但係個樣睇落嬲爆爆，bang 一聲關上車門之後，一言不發返去自己間房。眾人面面相覷，唔知發生咩事。
（第五章完）
:^(
第五章 義勇軍
「咁啱嘅，我都係醫生喎。」醫生見到同行，興奮咁答。
「oh, 咁你喺邊間醫學院畢業㗎 ？點解我未見過你嘅。」Doc Ride反問句。
「我係Chinese university 畢業㗎。」醫生用英文口快快咁講，但係轉眼就已經發現問題所在，當年根本未有中大。
「原來係咁！」Doc Ride 回應，但係又冇咩特別驚訝，醫生轉念一諗，就諗到佢應該係將Chinese university 理解做喺中國嘅大學。不過咁樣都好，起碼唔需要再解釋自己嘅來歷。
艾牧師， Doc Ride，同埋三人坐埋一齊，牧師將佢所知道嘅情報話咗俾Doc Ride 知，但係就隱去咗佢哋未來人嘅身份，淨係表示佢係係可靠嘅朋友，牧師嚟香港之前，喺中國各地深耕數十年，有可靠嘅朋友提供情報亦也不足為奇。但如此一來，牧師等於將自己嘅名譽壓註喺三人身上。聽到呢度，三人好心感激。
「你哋講嘅情報同我哋所知道嘅吻合，據我所知，日軍近日開始喺深圳集結，雖然唔知道確實幾時開始攻擊，但係如果如你所講喺幾日之內進軍都不足為奇，香港防務方面，我可以嘗試幫手聯絡駐軍司令，請佢哋多加注意。但坦白講，我軍呢段時間都喺戒備狀態，再次提醒幫助未必太大。至於你所講嘅珍珠港同埋馬來亞戰局，實在太過遙遠，我會嘗試向上轉達，但係佢哋一定會問起情報來源，我唯有可以講嘅就係出自艾牧師你身上。但係係咪真係可以說服到軍部，再層層上報去到盟軍司令部，就唔係我可以控制嘅嘢啦。」言下之意，就算三人提供嘅情報合理，但無憑無據，只能盡力而為，聽從天意。
:^(
「哎呀，早知我哋琴日寄信寄埋去新加坡。」肥仔一拍大脾，突然諗到。
「算吧啦，而家距離戰只有幾日，根本冇可能寄到過去。」陳總回應「事到如今，只能夠聽從天意。」
幾人又傾咗一下義勇軍嘅近況，三人方才得知。原來Doc Ride 係一戰老兵，嚟到香港做港大教授，同時以平民身份參加民兵，義勇軍入邊大部份都係好似佢一樣嘅旅港歐人，又或者本地嘅歐亞混血兒，真正嘅華人反而唔多，就算有，大部份都係書院入邊嘅公子哥兒。
三人英文雖然有口音，但係頗為流利， Doc Ride 又隨機問咗少少醫生醫學知識，雖然醫生身處世代同現今相距70年，但係二戰期間現代醫學已經奠基，常用藥亦都大同小異，加上醫生頗為熟書， Doc Ride 對佢頗為欣賞。
:^(
「既然你哋有如此重要情報，不如加入我地義勇軍救傷隊，我見你三個人身體壯健，而且中英文流利，而且我相信可以得到牧師信任嘅，一定係嗰種翹楚，正正係我哋需要嘅人才。」Doc ride 一頂頂高帽笠係三個人身上，今次真係想拒絕都唔得。
三個人擰轉身，用廣東話交談：「喂，我係嚟發達個喎，我要過嚟二戰時期已經夠慘，點解無啦啦會去咗打仗㗎。」陳總問。
「正所謂生於亂世，有種責任，可能呢個就係上帝而家俾我哋嘅任務呢。」肥仔雖然心入邊有啲驚，但係都有啲興奮，始終打仗呢啲咁刺激嘅事，唔係個個可以有機會經歷。
「何況我哋都係去救傷隊啫，又唔係叫你拎支槍，你咁肥，人哋都唔夠膽將支槍交俾你啦。何況，我哋留喺呢個道風山上邊都冇嘢好做，唔通就咁坐三年咩。」醫生表示同意。
「喂，鵝都識聽講東話個喎，鵝啱啱聽到上帝講耶，佢叫你哋去啦，而且離哋喺山上邊食嘢唔做嘢，做嘢打爛嘢，不如你哋都係去參軍吧啦，上帝會保佑你㗎。」艾牧師喺度搭訕，三人啤咗佢一眼。
決定從軍之後，三人開始收拾細軟，雖然其實都只係現代帶過嚟嘅兩件衫。牧師喺度同Doc ride 飲住Johnny Walker 相談甚歡，但言談之中睇得出佢哋略顯唏噓，畢竟大家都知道幾日之後就係世界大戰，今日一別，唔知幾時可以再見。雖然二人都曾經歷一戰，但和平30年，大時代再來，各自唏噓不已。
離別時，牧師向每人倒左一大杯威士忌，相思一笑，一飲而盡。今生今世，有緣再會。
[url]https://www.youtube.com/watch?v=to1xT93IlUI&t=8s/url]
離別後，Doc ride 先將三人放低喺義勇軍喺醉酒灣防線嘅駐扎處，再獨自開車前往英軍司令部。
義勇軍救傷部大家都對三人嘅來歷頗有興趣，果然，入邊大部份都係白人，少數歐亞混血兒，好似佢哋三人嘅純種華人反而係異數。佢哋作咗個故仔，話自己係艾牧師喺中國嘅信眾，幾經艱辛終於轉落嚟香港，希望在英軍一臂之力，幸而，大家都頗為有善，加上大敵當前，人人士氣高昂，新人去到，好快就融入咗隊伍。醫生雖然做過急症室，但始終香港外傷個案比較少，於是即場接受戰地醫療培訓，學識好多外科處理方法，至於肥仔同埋陳總，就學習簡單嘅急救同埋包紮技巧，以及搬搬抬抬，運送傷員，俗稱打雜。
去到夜晚，doc ride 終於沙塵滾滾咁樣返嚟，但係個樣睇落嬲爆爆，bang 一聲關上車門之後，一言不發返去自己間房。眾人面面相覷，唔知發生咩事。
（第五章完）
Ads