人盡崔可夫 2024-11-18 23:59:39 似乎戰事發展同原時空差唔多

駐連燈首席美軍 2024-11-19 00:02:10 支持

:^(

:^(

駐連燈首席美軍 2024-11-19 00:24:39 其實都正常
實力咁懸殊，就算城門碉堡守到多幾日，都未必幫到啲咩
反而如果日本發現三個人來自未來，跟住問到中途島戰役結果，咁就大撚鑊

人盡崔可夫 2024-11-19 00:45:24 所以等到新年前後真係要諗辦法走，唔係嘅話好麻煩

平行世界植物 2024-11-19 00:49:54 留名

駐連燈首席美軍 2024-11-19 01:54:16 但係都唔知可以走去邊

巴黎魚 2024-11-20 15:44:45 想問問點解得老細一個人送野食俾戰俘嘅？ 肥仔就話驚越幫越忙啫，咁醫生呢？

男版連登仔 2024-11-20 17:01:34 因為佢係深夜偷入去，越多人嘅話越大機會賴嘢

巴黎魚 2024-11-20 17:12:52 I see, 咁我picture到個畫面， 老細提議偷偷地入去，肥仔又想跟風一齊去，點知俾醫生制止住，驚人多幫倒忙，老細就單拖去,順便搵Nelson

人類基本尊重 2024-11-20 23:12:59 說好的星期二😭等緊你啊😭

人盡崔可夫 2024-11-21 04:25:52 可能等多個零月等賴 sir 逃獄再一起走，跟 BAAG 做世界；不過咁就會同東江縱隊好多接觸...

男版連登仔 2024-11-21 13:13:46 星期一提早出咗

:^(

駐連燈首席美軍 2024-11-21 16:55:23 咁警告賴sir唔好太信共產黨，都可能係一個作用

呀~ 2024-11-22 06:14:02 佢哋最有價值嘅係身上面擁有嘅情報，有機會會一路俾人護送去印度，然後軟禁之下要佢哋將知道嘅所有嘢交代出嚟。

事關呢個可能扭轉日落帝國嘅國運

:^(

:^(

:^(

人盡崔可夫 2024-11-22 12:25:40 其實咁樣係最好，至少嚟緊幾年唔會有即時生命危險先

男版連登仔 2024-11-23 20:18:05 第17章
Nelson 將講呢幾日發生嘅事娓娓道來，Nelson 原本係義勇軍，呢場丈本身唔關佢事，不過因為離開道風山後太夜，加上交通不便，索性加入駐地英軍，點知轉眼就卷入左城門碉堡之戰。是日為1941年12月13日，城門碉堡被攻陷，醉酒灣防線失守，英軍撤退到九龍，比原定歷史堅持多四日。


城門碉堡中的印兵

原來，根據原本嘅歷史，日軍228聯隊抗命冒進，於12月9日偷襲城門碉堡，但係當今時空因為英軍早有準備，駐守嘅蘇格蘭營誘敵深入後再一舉反攻，英軍初戰大捷，日軍潰敗後撤退，一路荒山野領，唯一有人嘅地方係道風山，所以先有當日情景。

城門碉堡係日軍入侵後第一場大敗，不過根據日軍原定計劃，醉酒灣防線本身都需要大約一星期時間攻破，只不過係因為新界北部進展太順利先令日軍輕敵。但後來日軍確切執行作戰計劃，穩打穩扎，逐步推進。喺城門碉堡方面，調來山炮兵38聯隊增援。

另一方面，城門碉堡係成個醉酒灣防線嘅西翼，為咗切斷城門碉堡同其他部分嘅聯繫，猛攻喺中轉位置嘅九廣鐵路及大埔公路，再以及沿著新界西部的青山公路穿越荃灣及葵涌去到城門水塘山腳，反包圍城門碉堡上面嘅英軍。

喺日軍嘅重重包圍之下，城門碉堡好快就變成孤軍，成條醉酒灣防線俾人切割成東西兩部，東部畢架山，獅子山一帶嘅英軍曾經嘗試救，但邊境東部集結的另一支日軍部隊229聯隊亦係呢個時候經粉嶺及大埔南下，推進至醉酒灣防線中部及東部嘅前沿牽制英軍。

圖中綠線為主攻沙田及城門碉堡嘅228聯隊; 紫線為牽制英軍東翼嘅229聯隊

喺日軍嘅牽制之下，防線東翼嘅英軍自保不暇，曾經嘗試過三次突圍拯救，但係都失敗告終，死傷慘重。最終，英軍決定改為整頓防線，有序撤退，保留有生力量去到港島決戰。好彩嘅係，由於英軍早已做好撤退準備，加上城門碉堡成功分散咗日軍唔少兵力，令到大部份人順利到達到港島。

但係城門碉堡入邊嘅孤軍就冇咁好彩，參戰嘅幾乎全部都係新兵，喺第一日伏擊日軍大捷之後，全軍曾經天真咁以為日軍都不外如是，但估唔到嘅係，日軍撤退唔夠一日，就已經重整旗鼓再次進攻，日軍經驗豐富，唔怕死，又聰明，佢哋細細粒，走位靈活，就算係機槍堡入邊嘅人，往往都係啱啱見到日軍個人影，轉眼就已經沒入咗另一舊大石後邊，日軍好似總會喺四方八面，無聲無息咁樣滲透去你嘅面前，跟住無啦啦就會有一粒手榴彈入到去機槍堡入邊，「碰」嘅一聲，嘅機槍小隊仲未知發生咩事，就已經俾人炸到四分五裂。

駐守碉堡嘅士兵本來就唔多，但係日軍就好似無窮無盡咁樣，無論係日頭夜晚，永不止息地進攻，英軍第一日仲勉強維持兩班到，但係後來傷兵漸多，加上新兵喺炮火聲之下根本冇可能休息到，於是全軍上下都神經繃緊咁樣長期作戰。去到第二日，全軍上下疲態盡現，加上大埔公路已被切斷，兩日間，由大勝變成孤軍。有時日軍嘅進攻唔會好大規模，而係小隊形式滲透，跟住突然一個冷槍或者手榴單，令人神經緊張，防不勝防，好多人仲未見到日軍嘅人樣，就已經無啦啦比人射中。

等待進攻的日軍小隊

去到第三日，全軍上下已經筋疲力盡，加上知道救援無望，同日，遠在倫敦嘅陸軍部長向城門守軍發電報，鼓勵守軍堅持下去，等其他地方嘅英軍可以有時間撤退，期間，守軍曾經嘗試兩次突圍但係都失敗，最後，堅守咗三日之後彈盡糧絕，向日軍投降。

同原本嘅歷史相比，英軍堅持多三日，但係傷亡人數亦都同時多咗幾百人。

聽到呢度，老細有啲不知如何是好，望住前邊呢一大班斷手斷腳，飢寒交迫嘅傷兵，如果話佢哋三個有部份責任亦都不以為過，我不殺伯仁，伯仁由我而死，老細入邊唔知點解突然間響起呢一句。

<第17章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把

:^(

:^(

:^(

男版連登仔 2024-11-23 20:18:31

:^(

:^(

:^(

男版連登仔 2024-11-23 20:18:50

:^(

:^(

:^(

人盡崔可夫 2024-11-24 00:44:55 又咁講，東江縱隊同 BAAG 嘅合作好似冇乜受國共矛盾影響，情報搜集同埋救飛行員等等都唔多見有出蠱惑；終戰後仲好似有段時間幫詹遜確保香港市面局勢穩定，直至夏慤帶艦隊接收返香港。

男版連登仔 2024-11-25 23:03:11 第18章
老細望住前邊呢一大班斷手斷腳，飢寒交迫嘅傷兵，思考得入神，Nelson好似睇穿咗老細心裏諗法，安慰老細：「唔記得啦咩，我之前講過，呢個係我呢個時代嘅戰爭，而且你只係提供情報，決定嘅始終係我呢個年代嘅人，唔好唔記得，我個輩分仲高過你阿爺，所以你要相信你太爺嘅決定。」講完，又係豪邁嘅一笑。

「不如你去睇吓其他受傷嘅人，睇吓佢哋需要啲咩幫手好過啦。」

老細於是行過去受傷區，佢雖然一啲醫學常識都冇，但係見到嗰個斷手斷腳都知道大事不妙，佢先係去到之前同一架車受傷嘅印度兵，仔細一睇，個塊紗布似乎完全無郁過 ，同傷口黏結埋一齊，就算係冬天，都可以聞到一陣腐臭味。隔籬有個鬼佬，情況似乎更加嚴重，佢嘅小腿俾人炸咗半截，喺膝頭位用繃帶緊緊咁樣扎住，見到都覺得痛，仲有其他唔同程度嘅擦傷同埋槍傷，但已經無暇理會，就咁由得佢外露喺空氣中，受傷嘅人好多都有氣無力，係寒冬嘅地板之上不停顫抖。


係香港設備完善嘅急症室，呢啲個案都全部係大 case。而家就咁留喺度，基本上同等死冇分別，就算之前日軍傷亡慘重，但都起碼有機會被治理，但前面呢班人，老細完全不知如何是好，唯有將呢一切話俾醫生同埋牧師知，睇吓有冇方法可以幫吓佢哋。

好快，艾牧師就係得到日軍守衛同意之下，帶咗啲水去到探望俘虜，牧師始終係見過世面嘅人，青年時期曾經經歷第一次世界大戰，但係見到眼前呢個人間煉獄，再次將思緒拉去30年前。

當夜，艾牧師拎咗佢收藏喺床下底最靚個支 johnnie Walker （又係呢招）去到搵指揮官，原來今次嘅指揮官係若林東一，根據原本嘅歷史，係由佢率隊一舉攻破城門碉堡，被日本稱為軍神，但係而家呢個時空，雖然佢進攻失敗，但係臨危不亂，喺戰線凶險之中成功帶領部隊撤退到道風山休整，最後三日之後再次率隊一舉攻破英肝，雖然比原本歷史遲咗幾日，但係依然打得漂亮。

若林東一出生寒微，由大頭兵開始喺中國戰場憑戰功慢慢升職，同當時世界性嘅海軍相比，日本陸軍相對封閉，唔好話咁靚嘅洋酒，連洋鬼子都冇咩點見過，加上是日心情大好，於是願意同艾牧師把酒言歡。


若林東一

若林中尉本身對挪威呢個地方冇咩認識，亦無同牧師傾過計，所以對艾牧師頗感興趣。艾牧師一見到若林中尉，即刻憑多年傳教所習得嘅一番三寸不爛之舌，對大日本帝國大東亞共榮圈嘅偉大構想吹奏一番。

「你知唔知挪威同日本之間有乜嘢關係？」

「就係大家都係比海包圍嘅國家，係我細個嘅時候，就係住喺一條漁村隔離，我哋有啲村民去耕田，有啲村民去捉魚，係呢，你鄉下以前耕田定係竹魚㗎 ？」

1930 年代挪威

「我以前耕田嘅，不過條村都有好多人捉魚。」若林東一一聽到佢提起日本即刻感到興趣。

「仲有，你睇吓，我哋兩個國家都係長條形，同埋都係喺大國嘅北邊，你知唔知我哋以前好慘，成日都比其他嘅強國欺負，特別係英國，佢哋成日恃住自己海軍強大，過嚟啊偷曬我哋啲魚，所以我哋一路以嚟都好希望可以有強大嘅海軍，可以唔使再怕英國，有強大嘅陸軍，所以我哋可以保護自己。」

挪威地圖

「我哋挪威人做唔到，但係你哋日本做到，我知道歷史上中國同日本有好多爭拗，日本喺1000幾年你可以喺強迫之下真係唔容易，而家日本帝國強大之後，唔單止冇去欺壓其他人，更加幫其他被強國欺負嘅國家出頭，真係非常之偉大。」

「都唔係嘅，中國歷史上都有好多值得日本學習嘅地方。不過唔係而家嘅支那。」若林越聽越覺得舒服，面對一大堆彩虹屁，就算明知三分真七分假，但係都十分受落。

艾牧師不停強調挪威同日本一樣都睇呢班人唔順眼好耐，不停強調兩國友好關係（雖然兩者應該並無關係），日軍實乃係正義之師，不過本着耶穌基督濟世為懷嘅精神，日軍更要對敵人寬容，先至更加突顯日軍之仁義。加上道風山乃係彿門以及基督教清靜之地，相信日軍一定可以本着慈悲為懷嘅精神，允許佢哋照顧傷者，加上日軍喺呢幾日道風山眾人都到佢哋照顧周到，一路講，一路不停灌酒。

講到咁上下，就不忘來一句：「係呢，中尉你戰場上所向披靡，有冇諗過其實都係上帝嘅安排，你有冇興趣認識吓上帝呢？」就算係最緊要嘅關頭，牧師都不忘傳教。

三杯洋酒落肚， 加上被人拍咗成晚馬屁，中尉終於笑住咁樣應承：「信耶穌就免啦，但係你哋可以照顧返英軍傷兵，但係第一，你哋依然要以我哋日軍為先，第二，唔可以用我哋日軍嘅資源。講完，送咗艾牧師出去，自己返房休息。

得到日軍嘅批准，道風山所有人就算係半夜都即刻起身幫手，醫生呢個時候都唔能夠再隱藏身份，直接開工，負傷嘅士兵散落四處，打開燈一睇，大吃一驚。
<第18章完>
－－－－－－－－－－－
每星期逢二／六出兩篇，p牌仔推唔郁，希望大家見到幫推一下咁大把

:^(

:^(

:^(

男版連登仔 2024-11-25 23:03:58 當年應該唔得閒嘈住，同埋國共關係未必咁差

人盡崔可夫 2024-11-25 23:15:41 如果若林唔死嘅話，分分鐘好似淵田美津雄咁戰後改信基督教

:^(

駐連燈首席美軍 2024-11-26 00:52:53 牧師話術果然厲害

:^(

:^(

人盡崔可夫 2024-11-26 02:41:16 根本 AOE 僧侶嚟

:^(

PatrickChow 2024-11-27 21:13:43 希望各位可以支持下我嘅新故
[太空科幻,戰爭,可能有恐怖] 暫名：《太空海賊》 or 《太空戰記》
- 分享自 LIHKG 討論區
https://lih.kg/3829488