《我一個唔留神,撞死左聖誕老人?!》【斬掉重煉版本】
上一頁
第 7 頁
下一頁
木鎷紫柃
2016-12-27 22:34:33
「呼赫……呼赫……」
無止境咁跑左五分鐘之後,我黎到聯合醫院附近住宅區的一個公園稍事休息。
「我係咪傻架!」我坐在長凳上自挖苦道。「觀塘咁Q大,邊有人會用跑呢個方式去搵人……」
「仲有明明講好左自己心裡面已經有阿詩架啦麻!!!」我繼而吐糟道 : 「做咩依家又要走去搵莉芙先得架!!!」
「唉,算啦都係,無啦啦咁上心做咩姐。」我說。
休息左一陣間,條氣都差唔多順番晒,於是乎我就諗住離開公園番歸。
企左起身之後,我環顧了一下周遭的事物,卻突然有一種似曾相識的感覺湧上心頭。
「呢到……」我猜度著。「我係咪以前黎過?」
雖然眼前的一花一草一樹一物都彷彿曾經出現在我的腦海裡,但事實係呢個地方我由細到大都無點黎過,所以又點會存在住回憶呢。
「哈哈。」我無奈地笑了一下。「走啦都係。」
說罷我便徐徐起步回家。
「岩先已經食左咁多野,點解你依家仲可以食得落野架!」
一把甜美的女聲從不遠處傳來。
抬頭望去,兩個少女的身影正從街上緩緩轉彎走進公園。
「下,都食唔飽!」
另一個手中拿著雞蛋仔的女生鼓起腮子道。
我望著兩位女生,只懂發呆的站在原地。
唔……唔撚係掛……
數秒之後,兩位女生終於也來到了我面前,並且注意到我的存在。
「哎?!」那個口中咬著雞蛋仔,星眸齒皓的少女,立即站住了步伐並且大叫了出來 ;
「哎?!」旁邊那位氣質秀雅,雙眼裡透出一絲絲冷艷的女生亦同樣發出了驚訝的聲音。
「Santa?!」
「姬仔?!」
我望住呢兩個女仔,只能嘴巴顫抖地說話。
「Hello。」我完全不能夠置信。「又會咁岩撞到你……地既。」
「莉芙、阿詩。」
Ads
小毒毒
2016-12-28 11:01:05
推推推
:^(
出多d
幾時星期二呀
2016-12-28 11:07:35
此回覆已被刪除
心盈
2016-12-28 11:09:45
流明再悅
小天使糖糖
2016-12-28 11:28:16
睇過舊個篇
:^(
白子丫昆
2016-12-28 14:49:58
記得之前睇晒呢個故,個陣睇係好亂,唔係好明。今次見到巴打你重作,希望你可以寫到篇更好既故事出黎
:^(
你既故我睇晒架la,唔好令我失望
擺啦擺啦嘛仲唔擺
2016-12-28 18:25:28
有意向睇你作番原本個天使故(最原本)
擺啦擺啦嘛仲唔擺
2016-12-28 18:25:47
嗰陣等咗你幾個月
:^(
大愛萬寶路姐
2016-12-28 21:30:58
等你好耐啦
0406
2016-12-29 01:00:26
文呢
怪盜GayDuck
2016-12-29 02:04:08
有追開你d故 加油寫呀樓主
流星少女真係好感動
:^(
:^(
:^(
Ads
股乳誘暈
2016-12-29 02:38:10
輕輕一推
木鎷紫柃
2016-12-29 11:03:35
半晌冷場之後,莉芙率先開聲。
「點解你會係到既Santa?」莉芙雙眼眨了下問道。
「欵……」我吞吞吐吐的回答說 : 「無啊,我咁岩黎到呢度坐低休息左陣,然後話想番屋企姐就見到你------」
我望了一眼旁邊的阿詩,隨即重新注視在莉芙身上。
「你------地喇。」
「哈,咁都幾橋喎!」莉芙笑說。
此時阿詩亦終於開口。
佢側望著莉芙道 : 「乜你識姬仔架咩?」
……呢個問題應該係我問先岩啦下話!!!
有咩可能你地兩個竟然會係識得先得架!!!
「係呀,早幾日識相處過一排。」莉芙眼仔碌碌咁講。
「嗯……」阿詩向我投以一個懷疑的目光,再重新望向莉芙。「點解無聽你講過既?」
呢個視線就好似一枝暗箭咁射係我背上。
喂喂喂我乜都無對莉芙做過架,所以唔洗咁樣望住我喎……嗚嗚……
「咁我都有自己既朋友架麻。」莉芙的語氣開始帶點認真。
阿詩反駁道 : 「咁萬一你識左d壞人點算?」
「嚓」一聲,又一枝暗箭。
我無奈地揮著手 : 「喂……其實我仲係到架……哈哈……」
「識壞人咪識壞人囉!」莉芙頑抗道。「我大個架喇,唔係仲要下下聽你講架,家姐!」
「我都係為你好咋!」阿詩顯得有點激動。
「我淨係覺得你管住我姐!」莉芙說罷啪左粒雞蛋仔。
「一家人無隔夜仇既!」我試著和解她們。「所以話家姐同細妹……」
「欵。」
我發出震撼性的聲音 : 「睇住呀!」
呀唔係。
「下!!!」我驚訝的大叫了出來。「家姐細妹?!!」
天啊……你係咪玩我呀……
木鎷紫柃
2016-12-29 11:03:48
今天仲有的
:^(
益友全面進場
2016-12-29 12:29:42
留名
:^(
幾時星期二呀
2016-12-29 18:03:53
此回覆已被刪除
小毒毒
2016-12-29 22:12:26
推 等文
:^(
木鎷紫柃
2016-12-29 23:32:09
我、莉芙、阿詩,順序咁坐左係長凳上面。
「咳咳。」我試著弄清楚心裡面一個個的疑問。「即係話……莉芙同阿詩你地兩個真係親姊妹?」
聽罷佢地兩個同時點頭回應我。
「唔係掛……」我抓著頭。
阿詩全名係王艾詩,咁即係話莉芙都係呢個「王」字,全名王莉芙……
頂……點解我會無諗過呢個問題架呢?
啊唔係。
應該係話------邊有人會估到成件事係咁樣發展落去架姐!!!
而且我明明記得當初莉仲問我「阿詩」係邊個黎架……
就係我沉思之際,阿詩出聲把我拉回現實。
「諗咩諗到個樣咁惆悵?」阿詩帶點疑惑道。「乜好奇怪咩?」
「喔無呀無呀!」我灑手拎頭道 : 「只係無估到係咁姐,哈……哈哈……」
「古古怪怪咁。」阿詩半信半疑的暫且認同著。「好啦,你問完既話就到我問喇喎。」
「欵?」我瞪了瞪眼。
阿詩將視線橫掃了我和莉芙徐徐道 : 「你同我阿妹係點識架?仲有,點解佢會叫你做Santa既?」
阿詩問完之後,我一時之間真係唔知點俾答覆佢。
鬼咩,唔通要我直接同阿詩講,因為我真係聖誕老人所以我叫做Santa,仲有就係因為莉芙無啦啦出現係我張床上面,所以我同你呀妹就咁識左咁樣咩。
係呢個模稜兩可的情況下,我只好靜靜雞咁望向莉芙。
只見莉芙扮托腮咁遮住自己個樣唔俾阿詩睇到,然後對住我做左個「唔好同佢講呀!」的表情。
「哎……有喇!」我惟有求其講個大話出黎。「話說早幾日教會要我扮聖誕老人去傳福音,咁我地成班人行到去公園既時候就撞到你呀妹,於是乎我就除低左塊面d裝扮同佢吹左兩句水咁囉!」
哈哈,我真係配服自己既魯芬急轉彎!
木鎷紫柃
2016-12-29 23:32:24
「係真唔係啊……」阿詩依舊係不相信我的說話。
「係真架家姐!」莉芙亦幫口道。「你唔信我地既話咁就無計啦!」
「家姐唔係唔信你,只係怕你俾人呃姐。」阿詩望了我一眼。「事關你平時都唔太中意識街外人既,但就同姬仔佢好似幾熟絡咁。」
喂喂阿詩小姐……我係你面前架……你咁講野好hurt我架……嗚啊……
「總之就係咁啦!」莉芙鼓起了腮子。
「好啦好啦,我信你啦。」阿詩似乎都無晒莉芙辦法。
莉芙見阿詩投了降,隨即打蛇隨棍上。
「我呢想同Santa傾多陣計先番去。」莉芙說。「你番去幫阿姨準備先啦。」
阿詩似乎無估到呢著,於是乎驚訝了一下,但很快又冷靜了下來。
「好啦。」阿詩說罷直接站了起來望著我們。「咁我走先喇,你傾一陣好番黎。」
「byebye。」我有點不知所措的對著阿詩說。
阿詩無回答我,只有唔係幾友善咁瞄左我一眼,然後就別過身子離開了公園。
於是乎依家就只得番我同埋莉芙。
……
「呀!!!」我大叫左出黎,喊到隻狗咁講 : 「mola mola……要俾阿詩討厭喇……」
唉……點解d野會發生得咁突然都有架!!!
係我苦惱左一段時間之後,隔離的莉芙才徐徐開口道。
「你之前口中講個個『阿詩』,就係我家姐?」莉芙說。
「梗係啦,唔通仲有邊個。」我頹到仆街咁講。
「嗯……」莉芙雙手按著長凳,雙腿則微微做著自由式的動作。「咁即係話……你中意我家姐?」
我被呢句突如其來的說話嚇得坐直了身子。
「下?!」我雙眼瞪眼說道。「邊……邊有D咁既事!」
「哈哈,你唔洗講大話啦!」莉芙望住我說。「我咁聰明,點會睇唔出!」
望著莉芙的眼神,唔知點解我總係覺得比起平時既有d說不出的分別。
不過……我又講唔出個差異係邊。
算。
被莉芙明刀明槍咁講左個事實出黎之後,我都只好死死地氣點頭認左佢。
「嘩,原來世界真係咁細架喎~~~」莉芙仲要踩多我一腳挖苦道。
「唉咩都好啦,反正依家都無所謂喇。」我講。
莉芙見狀,頓時一臉可憐咁講 : 「sorry啊Santa……係我錯喇……」
「……咁又唔洗咁既。」我發現自己語氣可能重左少少,於是乎安慰莉芙道。「我覺得自己仲有幾會既!」
「咁即係你唔怪我?!」莉芙雙眼bling bling咁望住我講。
望住一個美少女咁樣講,就算佢係炸左個地球呀都嬲唔落啦。
「係呀。」我故作沒好氣道。
「好耶!」莉芙伸一伸脷,然後繼續道 : 「不過咁喎,雖然你同家姐睇落好似係識咁,而且你仲要中意佢添,但點解從頭先個情況黎睇……你地好似好陌生咁既?家姐佢仲要好唔信你,係咁俾說話你聽喎。」
莉芙既呢句說話,就猶如重槌咁將我直接k.o.打到個稀巴爛。
我沉默左一陣之後,先至重新開口說話。
「的而且確因為我地又有過一次既交接,所以阿詩佢知道我個名,不過我同阿詩既關係始終……」我嘆了一口氣道。「都仲係好似我同劉德華之間既關係咁。」
「下。」莉芙呆若木雞咁望住我。
我徐徐解釋道 : 「我既意思即係話------」
「我好熟佢,但佢唔識我囉。」
木鎷紫柃
2016-12-29 23:33:46
之後就到「姬仔視角過去篇」,但我唔知幾時起到稿,因為聽日後日我入左長洲
:^(
我聽朝會盡打既,大家等下
幾時星期二呀
2016-12-29 23:47:10
此回覆已被刪除
Ads
SingleBoy
2016-12-30 00:47:53
此回覆已被刪除
小毒毒
2016-12-30 15:36:41
:^(
木鎷紫柃
2016-12-30 18:18:10
Tmr 補文
一射不可收拾
2016-12-30 20:58:30
留名支持下先
上一頁
第 7 頁
下一頁
無止境咁跑左五分鐘之後,我黎到聯合醫院附近住宅區的一個公園稍事休息。
「我係咪傻架!」我坐在長凳上自挖苦道。「觀塘咁Q大,邊有人會用跑呢個方式去搵人……」
「仲有明明講好左自己心裡面已經有阿詩架啦麻!!!」我繼而吐糟道 : 「做咩依家又要走去搵莉芙先得架!!!」
「唉,算啦都係,無啦啦咁上心做咩姐。」我說。
休息左一陣間,條氣都差唔多順番晒,於是乎我就諗住離開公園番歸。
企左起身之後,我環顧了一下周遭的事物,卻突然有一種似曾相識的感覺湧上心頭。
「呢到……」我猜度著。「我係咪以前黎過?」
雖然眼前的一花一草一樹一物都彷彿曾經出現在我的腦海裡,但事實係呢個地方我由細到大都無點黎過,所以又點會存在住回憶呢。
「哈哈。」我無奈地笑了一下。「走啦都係。」
說罷我便徐徐起步回家。
「岩先已經食左咁多野,點解你依家仲可以食得落野架!」
一把甜美的女聲從不遠處傳來。
抬頭望去,兩個少女的身影正從街上緩緩轉彎走進公園。
「下,都食唔飽!」
另一個手中拿著雞蛋仔的女生鼓起腮子道。
我望著兩位女生,只懂發呆的站在原地。
唔……唔撚係掛……
數秒之後,兩位女生終於也來到了我面前,並且注意到我的存在。
「哎?!」那個口中咬著雞蛋仔,星眸齒皓的少女,立即站住了步伐並且大叫了出來 ;
「哎?!」旁邊那位氣質秀雅,雙眼裡透出一絲絲冷艷的女生亦同樣發出了驚訝的聲音。
「Santa?!」
「姬仔?!」
我望住呢兩個女仔,只能嘴巴顫抖地說話。
「Hello。」我完全不能夠置信。「又會咁岩撞到你……地既。」
「莉芙、阿詩。」