上官紫琴 2016-12-15 13:34:45 今次又係聖誕前就完到既短篇？

:^(

Radiohead 2016-12-15 15:36:44 lm

Radiohead 2016-12-15 15:40:21

今次又係聖誕前就完到既短篇？

:^(

有冇人記得上年幾時先完到

:^(

Radiohead 2016-12-15 15:41:02

留名！

:^(

居然真係重煉...以前係高登我有睇你嘅故架
我明明記得舊故到上一代聖誕老人有比願望姬仔架

:^(

仲有阿詩好似係聖誕老人個女同埋主角係喺單車隧道撞到老人同埋阿詩完全唔知男主同佢阿爸係聖誕老人

喂你地

:^(

:^(

:^(

個陣睇好似有DBug

:^(

感覺上舊果個好睇啲

:^(

百屌成才 2016-12-15 19:14:23

留名！

:^(

居然真係重煉...以前係高登我有睇你嘅故架
我明明記得舊故到上一代聖誕老人有比願望姬仔架

:^(

仲有阿詩好似係聖誕老人個女同埋主角係喺單車隧道撞到老人同埋阿詩完全唔知男主同佢阿爸係聖誕老人

喂你地

:^(

:^(

:^(

個陣睇好似有DBug

:^(

感覺上舊果個好睇啲

:^(

你地

:^(

:^(

劇透正仆街

:^(

:^(

:^(

秋爺 2016-12-15 19:54:01 最尾santa已經變左老臨

鏡海輪迴 2016-12-15 23:01:17

最尾santa已經變左老臨

最尾連阿詩都係老臨

:^(

刻心痛楚 2016-12-15 23:12:51 留名

木鎷紫柃 2016-12-16 01:08:25 第三章

「小姐你要既B餐凍檸茶！」茶記呀姨走過來隨手放低左碗沙嗲牛麵。

「好耶！」莉芙流晒口氣咁講。「我唔客氣喇，多謝Santa！」

說罷莉芙就大口大口咁食起野上黎。

「請你食姐都唔洗咁猴擒架麻，慢慢食啦。」我苦笑了一下。

***

從屋企一直黎到呢度既時間裡面，我已經在莉芙身上把基本資料打聽得七七八八。

首先因為阿伯好早之前已經準備好晒今年既禮物，所以係我暈撚左個晚莉芙佢就自己一個送晒D禮物出去，完成左今年既工作。

換言之我要做既野就只係得番一樣------就係幫手準備下年需要派的聖誕禮物。

之但係問題就黎喇。

事關我以前睇過段片，係講用科學方法解釋「聖誕老人派禮物」呢件事合唔合邏輯。

而我仲好記得條片最後得出左一個總結 : 如果成件事係真既話，咁係12月24號個晚就會有87噸既物體以1040公里的速度飛過地球上空造成「音爆」，然後摧毀地球上所有物質。

……好似係。

木鎷紫柃 2016-12-16 01:09:02 「你都傻既，我由出世開始做呢份工都做左十八年啦，又唔見地球發生第三次衝擊！」在路上莉芙取笑我道。

「咁…….咁我又唔知你地平時點做野，用科學D既方法去諗都好理所當然姐！」我反駁道。

「總之你只要相信一切都係歸於魔法就得架喇！」莉芙裝作拍拍心口。「就好似我無啦啦出現係你張床上面呢件事咁，其實你只要相信呢d係魔法造成既話，咁一切就會變得正常架喇！！！」

「你又好似講得好岩喎！」我點頭認同道。「咁樣去諗既話，一切都變得好正常！」

......

正常條春呀！自欺欺人咋掛！！！

***

茶餐廳。

「……」我望住自己個個快要乾塘的銀包，再抬起頭來望向眼前的收銀姨姨。

「er……」收銀呀姨督完計數機之後口都震埋。「等我計多次先。」

「唔洗啦呀姨，你講啦我ok架。」我講呢句既時候側視了一下旁邊的莉芙，還有佢身後枱上面個幢沙嗲麵碗。

於是呀姨一臉同情咁望住我講 : 「呀仔……盛惠260蚊。」

……

救命呀！呢一年我要點捱落去呀！！！

步出茶餐廳之後。

「多謝Santa <3 ！」莉芙伸一伸脷。「我今次真係趕得濟無帶銀包，下次請番你食野啊！」

「唔洗啦，哈……哈哈……」我強顏歡笑道。

然之後莉芙就同我交換左電話號碼。

「搞掂喇！」莉芙將自己部電機哄係我臉前。

只見佢將我聯絡人個名set左做「Santa 」。

此時莉芙的聲音把我拉了回來。

「好啦！」莉芙笑了笑。「咁我番去先喇，遲下再搵你呀！」

「番去？」我問。「係呢其實你住邊架？」

「我都係住觀塘之麻！」莉芙回答說。

然後我再追問下去 : 「觀塘邊到？」

莉芙似乎無預到我會繼續問落去，所以頓時窒了一下。

而睇到佢呢個表情之後我先發覺自己好似問多左，搞到成個件事好似我想溝佢咁。

於是乎我連忙解釋 : 「無呀我只係隨口問下架咋哈哈！唔好放係心上面！」

「唔緊要啦，哈哈哈！」莉芙變番平時的樣子。「係咁啦，byebye Santa！」

說罷佢就頭也不回咁別我而去。

望住佢逐漸變得模糊的背影，我不禁心裡在想 : 莉芙佢……好似有d心事咁既。

「不過算啦，等到我地再熟d既時候再問佢啦。」

最熟悉的陌生人 2016-12-16 01:13:32 好似睇過

幾時星期二呀 2016-12-16 01:28:50 此回覆已被刪除

木鎷紫柃 2016-12-16 02:00:29 別過莉芙之後，我就來到學校附近那間平日打兼職的西餐廳上班。

「姬仔？！」

甫踏進門口，一把老練既肥毒聲已立即從內傳出來。

唔洗問呀貴，佢就係我既老死「肥佬」。

如果你要我形容佢既話……

嗯，梳中分既呀bob。

「喂hi肥 (我有時會叫佢單字，讀音係『誹』)。」我徐徐走向他。

肥佬一臉難以置信我竟然會番黎 : 「仲以為你琴晚會因為掛住打聖誕副本搞到今日唔知醒添！」

「我都想打啊唉，但發生左太多事喇。」我一言難盡道。

「哈哈，睇怕都唔方係好事啦！」肥佬訕笑道。「發生咩事姐，講黎聽下！」

由於一黎我都唔知由邊到開始同肥佬講起好，二黎我不嬲都怕麻煩，所以經過一輪思考之後，我都係決定多一事不如少一事。

「咪就係我琴晚食完個外賣乾炒牛河之後急性急屎，搞到痾足成晚無得打機囉！」我說道。

「我都估到架喇！」肥佬已經變成恥笑我。「睇怕你都唔會好運到話咩無啦啦識左條女仲要上埋床所以無時間打機個D架啦，哈哈哈！」

……

我吞了一下口水 : 「……咪就係囉！又點會咁精彩先得架，哈哈哈！」

就係呢個時候，身後突然冒出了一個死矮仔的人影。

一襲金色的比比鳥頭，配上完全唔合襯的偽文青眼鏡，再加上個把死人煙剷口------無錯，佢就係我地既MK經理。

木鎷紫柃 2016-12-16 02:00:46 「喂，你地傾完未姐，見唔見到好多人客係到等緊落單？」MK經理鳩噏道。

無花無假，佢真係係到9UP，事關一眼望晒成間餐廳得個小貓三四隻。

「撚有人咩……」我說話都未到一半，肥佬就立即掩住我個口。

「OKOK，我地依家去做呀下！」肥佬回應MK經理道。

「知就最好啦。」MK經理說罷瀟灑別過頭離去。

「屌，做乜要禁住我姐！」我扯開肥佬隻肉手。「條友擺明琴晚扑唔到女搞到今日要死死地氣番工，條氣唔鋸所以搵我地祭旗啦！」

「算啦，呢D少少氣咪食左佢囉！」肥佬安撫我道。「你知啦，好難有地方係任我地想番就番，即日出糧，仲要時薪唔低架麻！」

佢繼續講 : 「如果我地兩個無左呢份工，真係搵鬼養我地咩。」

係到提番先，因為我父母係賭徒黎，而肥佬父母就淨係寵愛佢家裡個個讀書出色的哥哥，所以得出的結果就係我同肥佬自中四可以出黎做野開始，就已經自食其力，自己賺自己洗。

「咁你又岩既……」我忍住了氣。「唉算！豪俾狗！」

「咁咪岩囉！」肥佬加把口說。「拿，一於一陣lunch既時候係佢碗飯到加多幾滴tabasco報番仇！」

「何止幾滴呀，幾樽添啦屌！」我笑說。

「哈哈，好！」

時間一轉，就到左夜晚收工。

「byebye肥。」我說罷就與肥佬在餐廳門外分別。

咁係因為我同肥佬居住的地方就好似一條直線咁，一左一右然後以學校+餐廳為中點。

走到屋企樓下的時候，我抬頭發現家裡竟然著了燈。

「唔通係呀爸呀媽過完大海番黎？」我心想。

於是乎我加快步伐走回家。

「咔嚓。」我打開了家門。

裡面只係著左燈，一個人都無。

「hello？」我除左對鞋閂好門之後，在家裡巡視道。

然後，就俾我發現到自己的房門給半掩打開了，裡面還透出燈光。

於是乎我來到房門前，直接把門推開。

「……」

我站在門前，凝視著自己房裡面那張換成了粉紅色碎花紋的單人床。

徐徐朝地板望去，一大堆原本屬於我床上的東西就好像垃圾般被人積棄在一角。

不過說到最礙眼的，還是這個在床上的身影。

「我真係好想知道……」我抓狂說。

「點解你又會出現係我間屋裡面架！！！」

莉芙撓腳坐在床上莞爾一笑 : 「嘻嘻 <3 。」

木鎷紫柃 2016-12-16 02:25:06 ***

「離家出走？！」我驚訝道。

「嗯嗯。」莉芙雙手擁著枕頭說道。

「雖然我呀爸呀媽成日都會出去賭，一去就兩三日都唔番歸姐……」我躊躇道。「之但係如果俾佢地番到黎見到我帶左個女仔入屋同居既話，真係唔知點收科……」

「Santa。」莉芙聽罷扁住嘴咁同我講。「你唔會諗住趕我走架可？」

哼！你以為用咁可愛既表情就可以哄到我咩！

我依家就同你講！！！

......好啦，你贏。

「唉……只係俾你訓一晚架咋！」我說。「聽日好走喇！」

「知道！」莉芙衷心的笑了一下。「所以話Santa真係好好人架姐！」

我苦笑著並且喃喃自語道 : 「我幾耐未試過俾人讚『好人』呢……哈哈……」

不過講起上黎，做慣「事不關己會長」又成日嫌麻煩既我……點解會一次又一次改變自己的一貫作風架呢？

安頓好莉芙同我既野之後已經時候唔早，於是乎我徐徐在自己的睡床隔離打好地鋪，準備訓覺。

而床上的莉芙，早已經進入了夢鄉。

「唉，攰死我！」我攤左落去地鋪上面，想直接盖被倒頭大睡。

然而此刻我的內心卻不斷注意著身旁的莉芙，搞到我輾轉反側完全訓唔著。

終於搞左一大輪，我都係忍唔住偷偷地坐左起身，望向身旁的莉芙。

只見莉芙正側睡得甜美，雙手類似祈禱的動作般放在嘴前 ; 配合著一呼一吸有規律的起伏，實在教人心跳瞬間加速。

……喂咪住先我係到做緊咩啊！！！

「屌！成個色狼咁！」我狠狠捏了自己的大腿一下。「嘩痛痛痛……」

「我已經有阿詩架喇，仲點可以亂黎！！！」

我說罷隨即滾回去地鋪裡將被蓋著整個人。

「不過……」我喃喃自語。「莉芙咁睇落……又真係幾正。」

……

屌，訓覺啦柒頭！

於寓娛汝乳 2016-12-16 04:00:49 紫柃巴

:^(

舊人留名、好鍾意睇你嘅故、支持支持
希望再有流星少女feel 嘅故、好感動好正

:^(

威士忌新手 2016-12-16 05:58:10 留名

:^(

:^(

:^(

不過可唔可以多口問句點解要重煉既

:^(

幾時星期二呀 2016-12-16 07:54:35 此回覆已被刪除

木鎷紫柃 2016-12-16 14:26:00

留名

:^(

:^(

:^(

不過可唔可以多口問句點解要重煉既

:^(

因為以前個故太垃圾 過唔到自己個關

:^(

基斯馬田 2016-12-16 14:54:27

:^(

:^(

:^(

游樂兒 2016-12-16 15:02:51 阿詩就係莉芙

:^(

冬ot少田 2016-12-17 02:21:13 唔怪得同上年個個有唔同 原來係重煉

:^(

股乳誘暈 2016-12-17 02:37:35 留���

木鎷紫柃 2016-12-17 03:02:10 ***

「一二三，紅綠燈，過馬路……要小心！」

一個晚上，公園裡數個孩童的身影。

「今次仲捉你唔到！到你做數個個！」

「又係我做啊？！」我沮喪地說。「唉做黎做去都係我，我唔玩住喇！」

旁邊那些臨時拼湊的玩伴聽罷異口同聲「車」了一下，然後很快便找到人替了我的位置。

於是乎退出了遊戲的我，徐徐走到附近的長凳上休息。

就在這時候，旁邊一對母子吸引了我的目光。

「呀仔你快D過黎抹完汗先再玩啦，如果唔係一陣間又濕又凍咁好容易病架！」母親說罷一手把兒子拉了過來，另一隻手則拿著手巾替兒子抹走頭上的汗珠。

「唔該媽咪！」兒子微笑道。

我看罷故作嘔心的自言自語道 : 「車，有媽咪陪你好叻咩！」

誰知事情還沒有完結，這時候一個男人緩緩走到母子的身邊。

「喂行得喇，餐廳個邊book左位唔可以遲！」男子一臉溫柔望著母子。

「好耶！有得食火雞！！！」兒子高興地說。「多謝爸爸！」

「好喇好喇，我地行lu！」父親一手抱起兒子，再拖著母親的手。

於是乎三個溫馨的身影就在我面前漸漸遠去，留下眼前空空如也的長木凳。

「哼！好叻咩！」我心裡一陣苦澀。「我呀爸呀媽夠有俾錢我囉，我夠可以去食大餐……去拮一串魚蛋囉！」

「唔係，拮兩串都得！！！」

寒風把我吹得抖了數個顫，所以我也只好站了起來轉身準備歸家。

然而就在此刻，不遠處一個身影使我站了在原地看著她------

一個在溫馨的人群裡，沒精打采的小女孩。

***

「起身喇Santa！！！」

突如其來的聲音把我嚇得雙眼瞪大。

「咩事咩事！」我左右張望道。「係咪地震？搵窿捐喇喂！」

此時一把逗趣的女聲從旁傳來 : 「你訓覺訓到傻左？」

於是乎我朝聲音的方向將頭拎轉過去------頂，原來係莉芙。

「莉芙？」我頭腦仍然未能正常運作過來。「你做咩係到既？」

「睇黎你真係要訓多陣喎。」莉芙取笑我道。「訓醒未啊，傻佬！」

望著眼前穿著睡衣，頭髮微亂，一臉剛醒來嬌羞可愛的莉芙，我才猛然回想起昨日的事。

我腼腆的解釋道 : 「可能係因岩先發緊夢，所以個腦load唔切，哈哈……」

……我究竟係係到怕咩醜呀屌！！！

伊甸園 2016-12-17 04:30:29 仆街睇左你故咁耐 先發現你個名原來係讀木馬指令

:^(

:^(

:^(

仲等我一直覺得你個名好正

:^(