我和鄰居大姐姐的故事(24)
上一頁
第 6 頁
下一頁
碼糕黃
2024-8-1 16:52:28
:^(
Ads
Ad
工不應求
2024-8-1 17:31:12
留名睇又有有錢仔話可以送佢老母去外國醫但係條件要佢地分手
:^(
駐連燈首席美軍
2024-8-1 22:31:38
都未必
爆咪由佢爆
開冷氣打邊爐
2024-8-2 00:55:46
:^(
菊花精瘟膠囊
2024-8-2 08:33:56
真,窮人真係唔好病,慘過死
:^(
為左老母,秋兒唯有犧牲自己
葉開葉開
2024-8-2 14:36:04
七百四十二
響返屋企果一程巴士上面,秋兒姐姐淨係將佢個頭靠響我既膊頭上面,並冇乜點出聲,一雙憂鬱既眼睛望住窗外面既風景,不發一言。
我知佢既心情好差,而我可以做既都唔多,只能夠響佢身邊默默咁陪住佢,同埋響佢忍唔住流眼淚既時候遞張紙巾比佢抹眼淚。
終於巴士都到站,我拖住秋兒姐姐隻手,問︰「妳成晚都冇食過嘢,咁唔得架,不如我哋食啲嘢先吖。」
秋兒姐姐搖搖頭,道︰「我唔餓,我陪你食吖。」
我柔聲道︰「咁真係唔得架,妳都要食啲嘢,如果連妳都病埋,咁邊個去睇住Auntie啊?」
「你囉。」啊…我真係估唔到秋兒姐姐會咁答…
「呃…妳都講得啱,但妳都要食啲嘢架,如果妳真係冧埋既話,妳真係捨得我一個照顧兩個咩?況且妳唔食嘢我會擔心妳架。」我急忙勸道︰「再講,如果Auntie一醒返見到妳餓到皮包骨咁,咁就更加唔駛指意佢會將妳交比我。」
秋兒姐姐噗哧一笑,道︰「其實我都係想比你睇到我可以講下笑…放心喇,我冇事啊,所以你唔好咁擔心我喇。」
見到秋兒姐姐識笑返,我個心都放輕鬆返小小。
「嗯…妳喊苦喊忽咁,妳媽咪都唔會突然間醒返,咁不如將自己照顧好,等自己精神上同肉體上都有充份既力量去照顧Auntie仲好喇。」我道︰「妳笑一笑唔代表妳唔擔心Auntie,但精神上面繃緊咗咁耐,點都要有稍為放鬆既時候既。」
「知喇熙熙。」秋兒姐姐甜甜一笑︰「咁我而家笑返,好唔好?」
我當然點頭。
秋兒姐姐望住我,目光中露出依靠既目光,並冇出聲。
其實佢唔駛點講,我都估到佢心入面係覺得我真正大個仔喇。
佢以前都會講出黎,例如話覺得我真係已經長大咗之類,但呢一刻佢冇講出口,我反而真係感受到,秋兒姐姐響心入面真真正正當咗我係一個可以依靠既成熟男人。
我努力咗咁耐,我諗秋兒姐姐終於真真正正咁覺得我由一個小屁孩,兌變成一個真男人喇。
「咁妳就聽我話,一齊去食啲嘢先喇。」我柔聲道。
「咁…好喇。」秋兒姐姐點點頭,我就拖住佢行去響屋邨入面果間營業到好夜既茶餐廳。
我哋其實都唔多可以光明正大咁響屋邨入面拖住手行,因為我哋都好耐未試過響日光日白既時候同時出現響屋邨入面(更加唔好話拖住手出現),不過都係因為咁,所以我估住我哋同層果班三姑六婆應該都係未發現我哋拍緊拖。
我哋行咗入間茶餐廳度求其叫咗啲嘢食,秋兒姐姐打咗個電話比佢學校既人講咗幾句,話可能要請一、兩日假之後,就愁眉苦臉咁開始食嘢。
我望住佢,秋兒姐姐即刻意會到我咩意思,笑一笑道︰「我知架喇,我要打起精神黎吖嘛。」
「咁就乖喇。」我講完之後又拎咗部電話出黎,道︰「我都打個電話比上司請多一、兩日假陪妳吖。」
正當我想打電話既時候,秋兒姐姐伸手制止我,道︰「唔駛喇,我自己一個人搞得掂。」
「但妳…」我知道呢個時候,秋兒姐姐好需要有人陪,最好係可以同佢一齊響醫院隨時ready應付任何突發既事件。
「你唔係就黎要評估工作表現,睇下過唔過到試用期架咩?」秋兒姐姐柔聲道︰「你唔可以響呢個衝刺期請咁多假架,我驚影響到你。」
「話雖如此啫,但係我點可以響呢個時間掉低妳呢?」我皺眉答道。
秋兒姐姐係講得冇錯,但係我做呢份工主要都係為咗秋兒姐姐啫,如果為咗工作而掉低佢,咁樣會唔會有啲本末倒置?
「我明白你既心意。」秋兒姐姐感激地道︰「但如果你過唔到probation既話,之前我哋計劃既一切都會白費晒。咁樣就算媽咪醒返都好,我哋都好難要佢接受我哋既關係。」
…
其實…
我呢刻心目中係好感動。
秋兒姐姐寧願自己辛苦啲,都唔想影響我既工作表現。唔止咁,就算響林太入咗醫院既呢一刻,佢仲係有好好考慮到我哋既關係,仲係考慮緊點樣可以令到林太去接受我…
「熙熙,放心,我真係可以自己一個人處理架。」秋兒姐姐把聲好溫柔但語氣之中透住一股堅定︰「而且…我真係好需要你幫手既時候,我會打比你架喇,就好似今次咁。」
「咁…好喇。」既然秋兒姐姐都講到咁,我唔應承都唔得喇︰「不過妳應承我,有乜嘢事要幫手妳一定要出聲,唔可以一個人死撐啊。」
「知喇。」秋兒姐姐微微一笑,道︰「你估我係你咩。」
呃…我知佢係講緊大學year 1 Jonathan件事…
「而家…我都唔會架喇。」
「我知…」秋兒姐姐望住我既眼光好溫柔…
「咁…我哋快啲食埋啲嘢,然後返去休息下喇。」我道。
「嗯。」
(待續)
冇芒26
2024-8-2 15:42:12
:^(
菊花精瘟膠囊
2024-8-2 17:20:19
最似成熟男人係今集
不過最MAN係屌KITTY姐姐果時
:^(
睇操女教練
2024-8-2 19:01:40
集氣
:^(
林太快啲死
:^(
:^(
:^(
寧釆臣
2024-8-2 19:26:52
唔好! 老母死咗秋兒要守孝三年㗎…
菊花精瘟膠囊
2024-8-2 20:40:36
依家興末期結婚沖喜架
:^(
Ads
葉開葉開
2024-8-2 21:20:59
你班友
:^(
:^(
:^(
駐連燈首席美軍
2024-8-2 22:49:42
好難得咁成熟
碼糕黃
2024-8-3 01:25:59
:^(
綠茶綠茶
2024-8-3 16:19:11
Push
碼糕黃
2024-8-4 12:06:05
:^(
開冷氣打邊爐
2024-8-4 22:33:26
:^(
葉開葉開
2024-8-5 15:06:12
七百四十三
響茶餐廳醫好個肚之後,我都同秋兒姐姐一齊返屋企。
有幾耐我未試過咁樣送佢返屋企呢?
隨時真係有幾年喇。
估唔到再一次送佢返屋企竟然會係響呢種情形下…
我送到秋兒姐姐去到佢屋門口停低,望一望左右冇人行出黎,輕輕咁攬住秋兒姐姐,柔聲道:「到喇,妳早啲返去休息喇。」
雖然好唔捨得,但都係時候同秋兒姐姐分別...可以響同佢分別之前攬下佢我已經好高興。
「熙熙…你可唔可以…過黎陪我一陣…」秋兒姐姐響我心口度輕聲問。
!
係喎,今晚林太入咗醫院,秋兒姐姐屋企冇人架喎。
咁我梗係想陪多秋兒姐姐一陣喇。
「嗯,冇問題啊。」我點點頭。
「多謝你啊熙熙。」秋兒姐姐輕輕咁掙脫咗我,然後響個手袋仔入面拎出條鎖匙開門。
我望一望周圍冇人,然後就跟住秋兒姐姐尾入咗去。
秋兒姐姐關好門開咗廳燈,然後呆呆咁望住屋企,然後嘆咗口氣,道︰「尋晚放工之後媽咪仲響屋企等我返黎食飯,估唔到一日之後就入咗醫院深切治療部。」
見到秋兒姐姐咁,我個心都真係好唔舒服,我走埋去攬住佢,錫咗佢額頭一啖,道︰「妳休息下喇,我會陪住妳,妳想我陪到妳幾時就幾時。」
「嗯…咁我去沖個涼先…你坐下喇。」
「好,醫院多菌,妳換件衫沖個涼先休息都好。」我道。
「啊,熙熙你駛唔駛都返過去沖個涼先啊?」秋兒姐姐好似醒起啲嘢既表情問。
「唔駛啊,我響度陪妳喇,咁妳一沖完涼開門就可以見到我。」我溫柔地道。
「嗯。」秋兒姐姐冇特別講啲咩,淨係好溫柔好感激咁抬頭望咗我一眼,響我面頰錫咗一啖,之後就入咗房拎衫沖涼。
平時呢啲情況,我總會幻想廁所入面一絲不掛既秋兒姐姐係點樣沖涼,不過呢刻我真係冇乜呢個心情,只係呆呆咁望住廁所門口,成個腦都係一陣可以點安慰秋兒姐姐好。
唉,呢啲情況,其實我講咩都冇用,可能默默咁陪住秋兒姐姐已經係最好。
秋兒姐姐唔駛用咗唔係好耐時間就沖完涼,佢入房坐響床,然後拎起個風筒,向我問道︰「熙熙…你…可唔可以入黎陪我吹頭?」
「梗係可以喇。」我微微一笑,然後走埋去坐咗響佢隔離。
秋兒姐姐露出咗個安心既表情,然後拎起個風筒吹頭。
我響咁近既距離望住秋兒姐姐,見到佢一路吹頭一路微微咁皺住眉頭既樣,真係我見猶憐,忍唔住伸手將隻手搭咗響佢大脾上面,以示我對佢既支持。
響我輕輕撫摸秋兒姐姐大脾幾下既時候,佢向我報以溫柔一笑。
秋兒姐姐既頭髮長,所以佢都用咗唔少時間先吹乾個頭,響佢吹完頭熄風筒果一刻,成間屋突然變得好寂靜…
秋兒姐姐突然成個身挨咗埋黎,合埋咗雙眼,然後冇出聲。
我個鼻聞到秋兒姐姐沖完涼既髮香同體香,心中一蕩,下半身唔爭氣咁抬起頭黎…
啊,衰仔,呢個時候扯旗比秋兒姐姐發現點算啊?
唔知過咗幾耐,可能好耐,又可能只係好短時間,小熙熙都慢慢冷靜咗小小,而秋兒姐姐都慢慢咁睜開眼睛,聲音好溫柔但當中帶住一絲疲累地道︰「熙熙...今次好彩有你...」
我伸出隻手攬實秋兒姐姐膊頭,道:「係妳救返Auntie既,唔係妳察覺到有問題,我又點會無端端返黎先,係咪?」
「但都遲咗...」秋兒姐姐再一次自責地道:「如果我早啲...」
秋兒姐姐再咁諗落去真係沒完沒了,所以我打斷咗佢既說話:「都話妳已經做得好好,妳都要返工教書冇可能廿四小時mon實妳媽咪架嘛,如果妳唔係發覺得早,妳媽咪可能一早命都冇埋。」我為咗唔比秋兒姐姐亂諗亂講落去,於是又開玩笑咁講:「啊,係喎,睇黎我同救啲中風病人呢件事都幾有緣,之前救過個學生既嫲嫲,而家又救返妳媽咪。」
秋兒姐姐面上露出一個帶啲倦意既微笑:「你真係應變得好快,所以先救得返兩條生命咋,熙熙,你真係好犀利...多謝你。」
我失笑道:「多咩謝吖,我都係負責等啲救護黎救人咋嘛。」
「唔係,你真係反應得好快,好似上次咁,如果唔係你,個細路女一定會驚到不知所措。」秋兒姐姐道︰「今次都係你發覺到唔妥,然後再決定叫救護車…」
我擺擺手,道︰「自然反應黎架啫。」
秋兒姐姐微微一笑,再一次道謝︰「總之…多謝你。」
(待續)
11315315
2024-8-5 15:10:56
:^(
菊花精瘟膠囊
2024-8-5 17:45:16
要令秋兒放鬆心倩只有一個最直接嘅方法
:^(
:^(
:^(
駐連燈首席美軍
2024-8-5 23:04:50
最怕嗰啲責任無上限嘅人
Ads
冇芒26
2024-8-5 23:50:20
:^(
吉穿一葉
2024-8-7 03:23:21
200!
葉開葉開
2024-8-7 15:04:13
七百四十四
「哎呀,唔好再同我講多謝喇。」我道︰「我係妳男朋友黎架嘛,幫妳照顧好妳媽咪都係我既責任黎,妳唔好咩都咁客氣喇。」
秋兒姐姐就係咁,就算係我哋係姐弟既時候又好,後尾拍拖既時候親密咗啲都好,佢對於我為佢做既嘢,總係會充滿感激之情咁向我道謝,從來唔會當呢啲嘢係老馮應該做。
佢真係一個絕種好女仔黎架。
「傻熙熙,唔止呢樣啊…」秋兒姐姐更加放軟咗自己既身體,靠響我身上,道︰「今次有你陪住我…我感覺上自己都安心啲。」
「哦?」
「你知唔知…第一次發現媽咪有cancer既時候…同埋第二次媽咪cancer惡化暈咗入醫院既時候,我個心其實係幾咁慌張啊…」秋兒姐姐回憶返當時既感覺,續道︰「媽咪從來都未試過咁樣倒下…我亦都冇諗過媽咪會病到咁嚴重有生命危險…其實…果陣我好驚啊…」
我諗返起林太兩次入院既情況,一次係我O Camp完結當日發生得太突然,得秋兒姐姐自己一個去處理;而第二次林太入院既時候,就係year 1我住緊hall既時候,秋兒姐姐為咗唔想打擾我year sem 1既考試,所以自己頂硬上一個撐起晒林太第二次入院件事。之後我仲要因為Jonathan既魔鬼交易,而向秋兒姐姐提出分手…果陣時秋兒姐姐有幾難受、幾辛苦,真係可想而知…
「之前…陪唔到妳,Sorry啊。」我輕輕咁撫摸住秋兒姐姐條手臂,一邊比信心佢︰「今次我會響度陪住妳架喇。」
「嗯…」
我諗咗一諗,又重提︰「不如我都係請假陪住妳喇。」
秋兒姐姐搖搖頭,道︰「都話唔好,而家係你事業既搏殺時期,唔可以為咗我而隨便請假…今日…逼不得已你已經拎咗半日假,你就快工作評核,去決定你過唔過到probation,要比心機去做,知唔知?」
大家應該記得我同大部份部門既上司都有多多少少既過節,我成日都睇唔過眼佢哋啲壞習慣同不良風氣而同佢哋頂嘴,就算Albert(即係個言〇旭CEO)想保我,我都要交啲成績出黎,唔係只會令大家覺得CEO睇錯人。
而響臨到試用期最終既工作評核之前突然連續請幾日假,其實真係唔係一個聰明既主意。
要知道我哋公司既MT試用期唔係咁易過,聽同事講過,以前雖然有唔少MT係自己捱唔住而辭職既,但其實都有好多係工作表現唔達標而過唔到試用期既。
始終係未來既管理人員,我哋公司對MT既工作要求,比起對一般員工要高得多。
我有同秋兒姐姐講過呢啲嘢,所以佢都好明白呢一點。
不過我諗因為屋企人入咗醫院而請假,公司都會體諒我、啲睇我唔順眼既上司唔會利用呢啲嘢黎攻擊我啩?
我咁諗會唔會太天真?
「唉,但係...妳而家好需要人陪。妳自己都話,好彩今次有我陪住妳,妳都會安心啲。」我道。
秋兒姐姐微微一笑,錫咗我面頰一啖,再道︰「而家已經安心咗好多架喇,之後既嘢我知點做架喇,有經驗喇嘛。」
「唉...妳一個...真係搞得掂?」我唔放心咁問。
畢竟今次林太好似比起前兩次嚴重得多,啱啱先響鬼門關走咗一趟。
「我唔可以咁自私要你犧牲咁難先開始慢慢建立到既事業...」
我打斷秋兒姐姐道:「請幾日假邊算係犧牲啊?」
秋兒姐姐微笑地道︰「得架喇,我自己搞得掂,如果我真係撐唔落去既話,會打比你要陪我架喇。所以,你返工既時候要成日都開住個電話啊,知唔知?」
「咁好喇,妳記住啊,有咩事都要即刻打比我啊。」我道︰「而家我個阿頭Kevin都算幾好人,要問佢拎假應該唔算太難。」
其實係因為我唔太熟會計啲嘢,佢真係當我係黎實習,稍為複雜小小既嘢都唔會叫我做。
「嗯,我知架喇…」秋兒姐姐道︰「我好攰…想休息一陣…」
「妳攤下吖,我響度陪住妳。」我道。
秋兒姐姐爬咗上床,然後響床上面攤低…
我諗折騰咗成日,又要咁擔心林太,秋兒姐姐除咗肉體上既攰之外,精神上面都係辛苦既。
「妳好好咁休息下喇。」我仲係坐住響旁,不過就擰咗半個身,好溫柔咁輕撫秋兒姐姐既頭髮。
「熙熙…你可唔可以都陪我瞓一陣?」秋兒姐姐突然開口問。
(待續)
11315315
2024-8-7 15:52:18
:^(
上一頁
第 6 頁
下一頁