[足球/穿越]重來一次的足球人生（9）準備出書！

史提夫陳 2024-6-10 01:29:56

:^(

在足球界總是流傳著一個定律：一名球員的位置及其戰術重要性是從他出生開始就已經被注定的。

已二十八歲的蕭智堯曾被大學教練評價為無法擔任戰術核心的齒輪型球員，平平無奇的足球人生隨著年齡增長已注定不可能再有任何成就。

懊悔莫及的他在與童年好友聚會時談起一直以來想成為足球員的夢想，戲言即使要短上二十年命也想重來一次。

酒醉後一覺醒來，蕭智堯發現回到了自己十二歲的時候，而他眼下的優勢是可以二十八歲的頭腦與技術，從中一開始重新書寫自己的足球人生……

Post 1：https://lihkg.com/thread/2293220/page/1
Post 2：https://lihkg.com/thread/2361314/page/1
Post 3：https://lihkg.com/thread/2494381/page/1
Post 4：https://lihkg.com/thread/2679491/page/1
Post 5：https://lihkg.com/thread/2863062/page/1
Post 6：https://lihkg.com/thread/3139632/page/1
Post 7：https://lihkg.com/thread/3325137/page/1
Post 8：https://lihkg.com/thread/3561415/page/1

Penana重溫Link
如果想重溫or新追得舒服啲嘅話可以上去睇（未必同步更新）
又或者係鍾意本作嘅亦可以入去撐下場撳下Like或者打賞贊助下小弟，萬分感激
https://www.penana.com/story/71329/%E9%87%8D%E4%BE%86%E4%B8%80%E6%AC%A1%E7%9A%84%E8%B6%B3%E7%90%83%E4%BA%BA%E7%94%9F/toc

史提夫陳 2024-6-10 01:30:32

:^(

世一LW拉舒福特 2024-6-10 01:32:56 New post有冇文！！

史提夫陳 2024-6-10 01:34:53 四十、

「范國勇起腳俾呢邊韋特莊臣出腳擋到……穩陣啲直接大腳解圍。」

「呢幾分鐘依然係越南隊掌握主動，不過港隊亦都有少少攻勢嘅，要睇下有無辦法喺轉守為攻呢部分做得再好啲，令蕭智堯可以多啲拎波發動攻勢。」

在這數分鐘內，杜德才幾乎確定了一件事。

蕭智堯並非頻繁回撤，這似乎由他自由判斷，但只要余仁海在一個人防守情況下持球，且位置比他更後，便必定會撤後策應，來為這名左翼製造空間。

之所以沒有馬上改變安排，一是因為目前蕭智堯仍未能在假九位置上製造威脅，二是他相信對方教練會留有後手。

而且場面上，依然是越南佔據優勢。

史提夫陳 2024-6-10 01:40:29 「阮文康壓過咗柏真奴，再分到嚟中間，劉萬勝直接起腳遠射，嘩非常接近啊呢一腳，伍宏威好彩反應夠快，飛得切將個波撲出底線。」

「越南隊再一次獲得角球，目前雙方嘅射門次數係10比3，角球次數係5比0，始終港隊呢邊都係好難限制到阮文康。」

「咁無辦法，因為阮文康都係踢緊英超球隊水晶宮嘅主力，而且而家都係一個當打嘅年齡。」

「呢邊角球開短，越南近呢兩次角球都係無斬出嚟，可能係意識到高空波無乜優勢，所以想用返擅長嘅地面攻勢嚟進攻。」

杜德才看向在K角位埋伏的港隊球員，以及在前方等待的余仁海，已知道之後若港隊發動反擊，整個過程應該會跟剛才差不多，主要還是看他與蕭智堯之間的配合和發揮。

越南從右路殺入禁區，欲倒三角短傳至門前不果，被港隊大腳解圍到另一邊，他們打算憑角球發動反擊的打算也暫時落空。

「雖然而家場面上我哋佔優，但佢哋反擊可能一次就中……」助教有點擔心地說道。「就算對方可能係引我哋轉陣……」

「唔急，場面佔優唔調動，無必要擾亂球隊節奏。」杜德才搖了搖頭。「個陳召禧係引緊我哋又好，真係博緊又好，即管睇下邊隊把握到機會先。」

史提夫陳 2024-6-10 01:46:20 頂最尾兩句唔小心撳咗斜體

:^(

史提夫陳 2024-6-10 01:47:17 由於港隊只有一名防守中場，還是年輕的司徒俊緯。雖然他攻防的判斷以及位置感都十分準確，但相對缺乏覆蓋能力，只要對手突破中前場，便能輕易地在中路製造出人數優勢。

十六歲的男性，身體仍在成長階段，就算不說速度與力量，體能也未到達巔峰。若他不懂得如何控制體力，那半場結束前便可能要退下火線。

「咁落去，司徒會好快乾塘，條中路又Overload緊咁。」李浪一輕皺著眉說道。「呢個責任對佢嚟講會唔會都係大咗少少？」

「會，」陳召禧毫不猶豫地點頭說道。「但要咁踢嘅話，都只可以用呢個辦法－提議擺蕭智堯踢假九嘅都係你。」

「係，但……」李浪一有點沒好氣地搔了搔額頭。「唔知佢仲頂到幾耐。」

「足球呢個運動就係咁，教練可以做嘅嘢係好有限。」

史提夫陳 2024-6-10 01:51:04 相對於很多同位置的中場而言，司徒俊緯顯得十分寡言。

他甚少提場、指揮或鼓勵隊友，以前仍在踢英理時，即使擔任球隊指揮官，也只是在傳球時開聲指示隊友下一步該怎麼做，憑此來掌控比賽，但也僅此而已，這還是在教練的要求之下才勉強為之。

「我覺得你喺場上面，可以多啲開聱同隊友溝通，畀佢哋知道你諗緊咩。」

那天從畢架山下山，走在沒有任何電燈的路上，司徒俊緯與孫敬學打開手提電話的電筒，前方還有幾名二十來歲的年輕人，笑聲之中能看到他們的手電筒的燈光如飛蛾般揮舞，但他們兩人只是靜靜地走著，也很安份地照射著眼前的路面，幾乎每一兩分鐘才會有很簡單的對答。

司徒俊緯聞言，有點意外地看了他一眼，雖然孫敬學的臉沒入在夜色之中，卻彷彿清晰可見。

「嗯，我會試下。」

史提夫陳 2024-6-10 01:55:37 「會鬼咩你，得個講字。」孫敬學隨即笑道，兩人簡短的對話在林間很快便消失，沒有任何回音。外面是入夜後的九龍市區，不時傳來車輛在高速路上馳聘的響聲。

「要一個好似我咁靜嘅人講多啲嘢，同要好似老魚同紙鵅呢啲咁多嘢講嘅人靜少少一樣咁難。」

「所以你希望以後都一直喺球場上孤軍奮戰？」

「我一直都覺得，如果大家都係有心成為高水平嘅球員，咁彼此應該都會有共識，包括我自己同更強嘅球員一齊踢嘅時候，都無要求過佢哋教我點樣去踢。」司徒俊緯說著，確認眼前是一條頗平坦的直路後，便朝外面的夜色看去。

「所以如果你嘅隊友實力比較差，或者足球智慧唔夠，就無資格同你或者其他隊友合作？」

孫敬學這句反問，讓司徒俊緯陷入沉默無從回答，似乎是他不曾想過的思考角度。

……

史提夫陳 2024-6-10 02:01:22 「柏真奴傳……哎呀呢球畀得有啲……阮文康快蕭智堯一步拎到，直接推過蕭智堯，喺中路推進反擊！」

司徒俊緯仍站在三閘線附近，他快速地左右掃視了一眼，由於左右閘都剛好插上未及回防，身後只有兩名中堅，所以此刻其實是一次三打四的劣勢，而自己正是第一道防線。

球場內的主場球迷隨即傳來如排山倒海般的吶喊聲，兩名中堅似乎在互相溝通，但司徒沒有細聽，只是在快速思考該如何化解今次危機。

他突然想起了與孫敬學的對話。

略慢一步的蕭智堯雖然明知不可能跟上，但仍從後方拼命地追趕著阮文康，遠處是臉上略帶不滿的余仁海，感覺還帶點不耐煩。

我的職責，應該是安全地將皮球交到他們身上，幫助球隊贏波，不論用任何方法。

想到這裡，司徒俊緯先迎上去，在一個安全的距離下嘗試限制阮文康的推進速度，同時向左後方伸出手掌，示意後面的韋特莊臣不要急於上前，雖然左邊正有兩名對方球員逼近。

「睇佢分向邊一邊，烽哥你再決定補唔補位！中間我會拖住佢！」

羅俊烽微微瞪大雙眼，並很低聲地應允，但當然司徒俊緯不會聽到。他在數秒後才留意到，這名只有十六歲的後輩，在這短時間內便用了最合理及直接的方式來與他們兩人溝通，包括不諳粵語的韋特莊臣。

而且羅俊烽還發現：這好像是……這場比賽、不，包括之前隊內訓練，第一次聽到他在比賽中開口說話。
___________________________________________________

米奇魯尾 2024-6-10 02:58:41 返到香港有新po

:^(

支離事業 2024-6-10 05:14:40

:^(

司徒

Toruk.Makto 2024-6-10 05:44:22

:^(

展斌舟 2024-6-10 05:50:18 文

:^(

我係金智秀老公 2024-6-10 07:51:26

:^(

史提夫陳 2024-6-10 08:38:26 係巴打都記得幾清楚

:^(

不過我有寫學界嗰陣係因為教練要求
其實鼓勵都有日本嗰場完場佢都諗住鼓勵大家的
但我想寫佢係比較少咁做亦比較少講嘢<-呢一點大家應該都係差唔多印象？

改名很難 2024-6-10 09:25:36 第一次開口說話，明明係講緊司徒想進步踢得更好，連性格都去改變試吓指揮

但由前面睇落嚟，個感覺就係：司徒覺得兩件中堅能力太低，球商又差，要開口提場

:^(

你呀媽個波罩你呀 2024-6-10 10:20:57

:^(

史提夫陳 2024-6-10 10:34:03 咁睇嚟我失策咗

:^(

你呀媽個波罩你呀 2024-6-10 10:43:16

:^(

史提夫陳 2024-6-10 10:43:54 呢一點係無錯嘅

:^(

Toruk.Makto 2024-6-10 11:36:50 因為你第一話寫得太精彩

:^(

間唔中都會返睇

:^(

中二m 2024-6-10 17:08:45 新po正評

:^(

史提夫陳 2024-6-10 17:14:21 好似都有幾多人講過最鍾意第一場
但我自己覺得第一場好多嘢都比較粗糙

:^(

想知大家其實係點諗（純粹想了解下）

循環的夜(Gavi) 2024-6-10 18:05:52 push