[live 遊記] 巴爾幹半島點解係歐洲火藥庫？

游水石斑 2024-6-20 21:48:21 係呀呢個係塞爾維亞民族旗
所以塞族共和國都係用呢枝旗
有國徽既就係塞爾維亞國旗

聖上駕崩 2024-6-20 22:51:15 仲以為係俄佬旗

:^(

自膠了

:^(

游水石斑 2024-6-20 23:02:03 其實好似，我嚟到都以為係賽俄友好標誌

:^(

係之後問導遊先知

厭世旅人 2024-6-21 05:18:42 巴打如果聽日仍然喺貝爾格萊德，可以幫襯下呢間南斯拉夫主題餐廳
Kafana SFRJ Кафана СФРЈ
https://maps.app.goo.gl/UfGvv84opTmR1EAP8
純粹食環境多過野食

:^(

游水石斑 2024-6-21 05:29:50 我聽日走了

:^(

等我 save 低先
呢幾日都食咗幾間 Kafana

:^(

游水石斑 2024-6-21 07:23:33 Day 19 貝爾格勒

尋日講過塞爾維亞，今日講下貝爾格勒 Belgrade 呢個地方。

貝爾格勒係塞爾維亞首都，位處兩條大河交匯之處，傳統都係兵家必爭之地。

由羅馬人開始喺度起城堡開始，貝爾格勒咁耐以嚟經歷過大大小小百幾場戰役。

咁多年嚟，貝爾格勒試過被攻陷，被火燒，被屠城，被夷為平地；但因為位置險要，所以一直都有人嚟爭奪據守。

直到而家，貝爾格勒大部分建築都係得一二百年歷史，而且風格多變，由早期既西式建築，到共產時期既野獸派水泥建築，到現代既高樓大廈都有。

:^(

羅馬人最早喺貝爾格勒河邊起咗白色既城堡，所以本地人就將呢個地方叫做白城 Beo-Grad

:^(

薩瓦河 Sava river 同多瑙河 Danube river 交匯之處

:^(

跨過薩瓦河，就係新城區，嗰度有好多共產主義建築。喺河邊可以見到新發展既高樓大廈

:^(

貝爾格勒城堡展覽既武器

:^(

路邊既貝爾格勒市徽，可以見到白色城堡底下既鮮血，同埋象徵和平既藍色天空

游水石斑 2024-6-21 07:25:31 不過撇除過去既苦難，其實貝爾格勒又係一個生活幾豐富既城市。

呢度治安幾好，市容幾整齊，周圍都有公園超市 cafe，夜生活都好豐富，本地人仲興喺餐廳裡面現場奏樂，好有氣氛。

就好似本地團導遊所講，只要和平無戰爭，市民自然就會去創造自己既生活，搵到其中樂趣，只要和平無戰爭……

:^(

大街上面既西式建築

:^(

市中心好出名既莫斯科酒店，採用新藝術風格 Art Nouveau 建造。導遊話呢個建築好靚，我就覺得有啲恐怖

:^(

Above us only sky……

:^(

夜晚嚟到波西米亞區食飯，當地人隨住現場奏樂翩翩起舞，好有興致

我心諗... 2024-6-21 07:43:36 ok

聖上駕崩 2024-6-21 10:31:18 睇DW一篇有關塞狗國報導如此描述
//貝爾格萊德是歐洲最後一批既沒有污水處理廠，也沒有地鐵的大城市中的一座//
冇地鐵唔出奇但堂堂大國 (自詡) 首都竟然冇污水處理

:^(

咁啲河水咪

:^(

https://www.dw.com/zh-hant/%E7%BF%92%E5%A4%A7%E5%93%A5%E4%BE%86%E4%BA%86%E5%A1%9E%E7%88%BE%E7%B6%AD%E4%BA%9E%E7%82%BA%E4%BD%95%E9%A0%BB%E7%B9%81%E5%90%91%E4%B8%AD%E5%9C%8B%E9%80%81%E7%A7%8B%E6%B3%A2/a-69015223

聖上駕崩 2024-6-21 10:45:04 個導遊講得太簡單
成個前南斯拉夫地區雖然戰爭已停止二三十年但戰爭遺害 (心理上精神上) 可以蔓延幾代失去親友嘅苦仇恨等…

呢單嘢係前日嘅事
(唔同意東方報形容為「搞事」呢份報嘅報風不敢恭維

:^(

)

:^(

https://hk.on.cc/hk/bkn/cnt/sport/20240620/mobile/bkn-20240620165717074-0620_00882_001.html

游水石斑 2024-6-22 04:53:00 都係
好多事情平時就無咩野，有起事嚟就新仇舊恨一齊計

:^(

游水石斑 2024-6-22 07:56:23 Day 20 塞爾維亞印象

今日離開貝爾格勒去薩拉熱窩。

唔知係咪因為國旗相近，塞爾維亞人比我既印象同俄羅斯人有啲似，都係大大份，平時都幾輕鬆容易相處，但係去到某啲位就可能會觸動到佢地既神經。

不過我暫時去幾個巴爾幹國家，塞爾維亞人係對我最友善既。

唔知係我敏感定點，之前喺希臘，喺羅馬尼亞，我都會覺得當地人對歐美白種人態度會好啲。

唯有嚟到塞爾維亞，呢度既後生仔行行下會同我 high five，又會有老人家攞住本護照同我講佢以前去中國既經歷。

:^(

回望貝爾格勒

:^(

途中經過既小鎮，應該屬於塞族共和國

游水石斑 2024-6-22 07:58:06 薩拉熱窩
穿過邊境，巴士轉過角落，視野豁然開朗，我先知原來薩拉熱窩唔單止有河，仲係一座山城。

喺民宿安頓好，食完飯喺河邊行下。

我聽住《薩拉熱窩的羅密歐與茱麗葉》，抬頭望上山，山上面既小屋，就好似點點繁星……

:^(

遠眺薩拉熱窩

:^(

波士尼亞傳統菜色，喺用肉碎、米飯塞入蔬菜裡面

:^(

河邊望去山裡面既小屋

:^(

夜晚既拉丁橋，亦係第一次世界大戰既起源

聖上駕崩 2024-6-22 11:26:35 習主席上個月先訪問完可能掀起一輪中國熱

:^(

聖上駕崩 2024-6-22 11:39:10 行過上冬季奧運場附近嘅山頭
同埋上另一邊嘅小山望返落嚟就諗到點解打仗咁易被圍城

傳統菜冇食過但睇落唔錯

:^(

當時住Apartment 夜晚自己煮嘢
但食咗「巴爾幹pizza」同埋飲cockta

:^(

冇咗你仲點射喎 2024-6-22 18:09:10 大停電有冇影響？

https://news.ltn.com.tw/amp/news/world/breakingnews/4713116

geob 2024-6-22 19:22:48 去到bosnia 你都會見到呢張srpska 旗

游水石斑 2024-6-23 04:26:06 佛羅倫斯都係喺山谷裡面，又係好容易比人包圍

:^(

我有飲 cockta 呀，橙味唔錯，原味就

:^(

游水石斑 2024-6-23 04:26:32 暫時好似無咩影響
市面都係著嗮燈

:^(

游水石斑 2024-6-23 04:27:05 喺賽族共和國裡面就會見到

:^(

游水石斑 2024-6-23 07:07:30 Day 21 大戰源頭

前幾日由塞爾維亞既角度了解巴爾幹半島點解係歐洲火藥庫。

今次就嚟到世界大戰既源頭薩拉熱窩，由波士尼亞既角度理解呢段歷史。

故事都係要由鄂圖曼帝國開始講起。

薩拉熱窩係鄂圖曼喺巴爾幹半島既重要根據地，有唔少人喺度交易、定居。

但係十九世紀鄂圖曼開始衰退，隔離塞爾維亞喺俄羅斯扶持下獨立建國，而波士尼亞地區就比奧匈帝國乘機吞併。

喺奧匈治下薩拉熱窩係個好現代化既城市，有排污系統，有電力，甚至有歐洲第一架電車。

:^(

一朝早食個“波士尼亞”早餐，其實即係土耳其早餐

:^(

土耳其風格既市集；今程去過既城市，好多喺幾百年前都係呢個樣，只係從鄂圖曼獨立之後改頭換面，唯有薩拉熱窩保留原本面貌

:^(

鄂圖曼建造既木製噴泉，喺幾百年前仲係烏煙瘴氣既歐洲相當先進

:^(

舊城區亦可飲到“波士尼亞”咖啡（土耳其咖啡），同埋食之前喺希臘好鐘意食既開心果千層酥 Baklava

游水石斑 2024-6-23 07:10:17 不過俄羅斯同奧地利都係陸權帝國，兩者都對權力真空既巴爾幹半島虎視眈眈。

終於平衡喺薩拉熱窩被打破-- 有個叫 Princip 既塞爾維亞人槍殺咗嚟視察既奧匈王子。

奧匈向塞爾維亞宣戰，俄羅斯為咗保護塞爾維亞迎戰，德國係奧匈既同盟向俄羅斯宣戰……

一個個歐洲國家就係咁陸續捲入呢個旋渦入面，掀起第一次世界大戰。

其實我到而家都唔係好明點解 Princip 要殺奧匈王子，唔通佢覺得咁樣做會有阻嚇作用？

不過可能佢地喺嗰個時刻已經覺得好絕望，諗唔到仲有咩方法可以阻止奧匈繼續擴張。

不過一輪大戰之後結果的確如佢所願-- 一戰之後，奧匈、鄂圖曼、甚至俄羅斯帝國先後解體。

塞爾維亞雖然喺戰爭中死咗四分一人口，但戰後成立南斯拉夫王國，將塞爾維亞人既領土推進到波士尼亞、克羅地亞。

:^(

1910年既奧匈帝國地圖，可見波士尼亞對奧匈填補腹地好重要

:^(

薩拉熱窩文化分界線，向東係土耳其舊城區，向西就係奧匈時代起既歐洲建築

:^(

奧匈起既市政大廈，特登想營造伊斯蘭風格

:^(

Princip 槍殺奧匈王子既拉丁橋

游水石斑 2024-6-23 07:12:23 不過二十年後，第二次世界大戰爆發，南斯拉夫再度分裂，直至之後被共產主義統一為止。

而 Princip 既身份，亦由罪犯變成烈士，再由烈士變番恐怖分子。

但係薩拉熱窩既故事仲未完結，聽日繼續。

:^(

薩拉熱窩有纜車，都上到幾高；一開始可以睇到城市全貌，之後連市容都開始模糊

:^(

另一座山頭既日落

聖上駕崩 2024-6-23 09:32:15 原味=有氣涼茶

:^(

佛羅倫斯都可以行上小山鳥瞰嗎? 遲啲會去

:^(

聖上駕崩 2024-6-23 09:44:42 呢個市集有塊牌原來係土耳其畀錢修建嘅 (唔少地方都顯示波土友好)
亦有唔少土耳其遊客

細國要搵靠山而土耳其 (埃爾多安) 亦想做穆斯林世界大佬一拍即合

:^(

超市都有獨立包裝土耳其咖啡賣飲過唔係幾啱口味都係飲返三合一算了

:^(