【休養生息】《病港II》(76)
上一頁
第 33 頁
下一頁
牧羊記
2024-4-6 11:51:33
之前仲話好似唔知邊個禮拜內會補埋另外3篇what if
:^(
Ads
墨說
2024-4-6 13:32:47
「不過摩西唔知去咗邊。」我得尋思另一個方法。
啊,鯨牙大劍。
為了不知藏著什麼的寶箱,我重回到港島區上。
一場來到我不會那麼冷血,不去探望病獵協會的各位。
闊別多月,風景人物都沒什麼變化。
我未加入病獵協會的時候,一樣可以維持運作,我走了都不會有所改變。
跟瑪希談起病獵協會的事,主要都離不開財務問題。
「仲頂到幾耐?」
「我諗兩個月。」瑪希輕咬唇,難以啟齒:「之後可能要中斷部份病獵嘅治療。」
「有冇用我嘅名義向王達尼借錢?」
「佢好多錢投資咗落「王達尼號」到,準備掠空成個南丫島發電廠,無多餘資金借俾我哋……何況佢都幫咗好多。」
「估唔到煩完病者國度問題,依家反而俾醫療開支負債問題煩。」
「至少……我哋仲有得煩下,病者國度唔清除,以後可能就再無機會煩惱。」瑪希所言甚是。
「睇下我有冇辦法幫到你哋。」我拍拍帶來的藏寶島。
「咩嚟?」
「我都想知入面係咩嚟,係喺海底執到。」
「你應該唔係旨望裡面會有金條啊?」
「有金條當然好,鑽石都唔拘。」
瑪希伸手挪動藏寶箱:「唔係幾重,直頭好輕,好似得空氣。」
「畫藏寶圖嗰條友唔會咁大整蠱呱。」
「你打唔開唔到?」
「我今日就係特登嚟拎鯨牙大劍開。」我捧起藏寶箱,轉身離開:「有結果我再同你講。」
墨說
2024-4-6 13:32:57
病獵教堂。
我徑直走入教堂,長椅上坐著寥寥數名病獵。
我將掛在牆上的鯨牙大劍拿下,並把藏寶箱放好地上,雙手握著大劍向下一揮。
「咚」藏寶箱未有裂開。
我手起刀落,繼續多砍幾下。
「咚、咚、咚、咚、咚、咚、啷──」
藏寶箱給砍開了。
我把鯨牙大劍掛回牆上,彎身打開地上裂開的藏寶箱。
一枚硬幣。
硬幣上印有中文大學的校徽圖案,材質是較為稀有的鉑金。
除此之外,並無特別。
「搵生搵死就係得個爛鬼硬幣?」我得承認非常失望。
我唏噓嘆口氣,帶著鉑金硬幣去找瑪希。
「裡面係依樣嘢。」我把鉑金硬幣拋給瑪希。
瑪希伸手一捉接住硬幣,攤開掌心凝視:「我印象中,香港官方係無印過依種硬幣。」
「可能係收藏幣之類嘅嘢?中大俾遊客買嘅紀念品。」我猜測。
「紀念品唔會特登用鉑金整。」瑪希仔細檢視著鉑金硬幣正反面:「肯定有某種意義,先會用咁珍貴嘅材料去整。」
「可以有咩意義?」
「咁你要問下製造佢嘅人。」瑪希把鉑金硬幣拋回給我。
為了清楚一塊鉑金硬幣背後的來源,特意遠赴中文大學值得嗎?
我不知,但我正乘著船前往。
我當然不是傻子,不會拿著鉑金硬幣周圍問人是什麼來頭,
墨說
2024-4-6 13:33:07
我主要採用旁敲側擊的方式,去問大學的市民。
「阻你少少時間,我想問下大學有冇發行過官方硬幣?」、「你有冇聽過中大鉑金硬幣?」、「中大有冇出過特別值錢,或者有珍藏價值嘅硬幣?」
大家普遍都答我不清楚,不知道。
我唯有轉去鄭裕彤樓的工商管理學院,問問商科人會否比較清楚。
我找了位職位看上去比較高階的問,他是經濟學系主任──宋經緯。
「鉑金硬幣……」宋經緯眼光變得慎重,表情有點繃緊:「馬克先生,你可唔可以形容下個圖案。」
「中大校徽。」
「所以你手上有塊咁嘅中大鉑金硬幣?」
「唔係我有,只係我見到。」
「邊到見到?」
「你未答我問題。」
「哦……其實,嗰塊係中大絕版嘅珍藏紀念幣。」
「嗯?」
「舊陣時中大管治團隊唔夠錢洗,所以就限量發行咗鉑金硬幣俾人買,每塊都值成一萬蚊,哈哈哈哈,依家過咗咁多年,我諗都升值幾倍,可能值成六、七萬。」宋經緯用港幣的價值告訴我。
「喔……」
「如果馬克先生你手上有,又對收藏硬幣無咩興趣,可以拎出嚟賣喎,我有個朋友專收藏開硬幣,佢可以出高價同你買。」
「我手上無,有我再同你講。」
「好啊,記住搵我。」
走出工商管理學院後,我才掏出暗藏口袋的硬幣:「紀念幣……」
價值幾萬的話不算多,也不算少。
用得著特地製作藏寶圖,再埋到偏遠的孤島海底下嗎,何況那個藏寶箱很堅固,所以我對宋經緯的說法有所保留。
既然來到中文大學,就得探望正讀醫的娃娃。
娃娃正在香港中文大學醫院實習,剛好是工商管理學院的鄰旁。
等她下課後,我直接站在門口等候。
「娃娃。」我喊她。
本來跟朋友聊著天的娃娃立即衝上來:「老師!」
「我特登嚟探你。」
「真係嫁?點解嘅!」
「因為我昆你,只係順便嚟探你。」
「唓,都好。」
「你阿哥公仔佢……」
「我都唔知佢喺邊。」娃娃收起笑容。
關於公仔的事,其實我早從艾匡口中得知。
他變成了癌咒騎士。
一種由多重原發性癌症引致的病變。
起因是公仔當初注射了超級血清,來防止癌王的吞噬。
結果超級血清不停地分裂出細胞,造成癌細胞不停擴散,令公仔渾身患癌。
傻豬黎既
2024-4-6 13:48:59
遲文一推
曼有引力
2024-4-6 13:51:14
下午有文
依循靈風
2024-4-6 14:26:36
最後好似得一篇白鯨
:^(
九龍塘天選之子
2024-4-6 14:46:29
14皇子 墨巴既14一定有古怪
:^(
M唯一在意係咪韓B
:^(
11315315
2024-4-6 14:48:16
永遠支持墨巴
工業用革命酒精
2024-4-6 16:45:40
粒幣應該係中大權力之證
:^(
:^(
花家スナイプ大我
2024-4-6 17:38:25
算唔算植入式廣告?
:^(
Ads
痴撚線讀撚(復活)
2024-4-6 17:44:36
「我特登嚟探你。」
「真係嫁?點解嘅!」
「因為我昆你,只係順便嚟探你。」
你好仆街
:^(
:^(
於心有鬼
2024-4-6 18:59:52
傳說病港所有資金問題
只要有水中魚出現就可以得到解決
:^(
西野小春
2024-4-6 19:24:05
一早知都無動於衷去尋寶揾金幣
:^(
癌佬已成condom
PanzerV
2024-4-6 19:40:20
:^(
連登達文西
2024-4-6 20:59:46
m同瑪希有冇唸過如果病者果度清除咗,咁港島區就唔會再有病者,咁病獵協會就唔會再有客,冇客咁病獵協會好快就可以直接執粒
:^(
墨說
2024-4-6 22:36:02
世上再唔需要病獵個陣,係佢哋嘅榮幸
:^(
墨說
2024-4-6 23:44:13
根據艾匡的說法,癌咒騎士不單只有一位。
對於他們動機暫時未明,畢竟當時在病者國度中,要不是公仔及時現身,恐怕我早給首腦的死光燒穿身體。
現時唯一的情報,是癌咒騎士需要攝取生命維生。
就像癌王。
「癌咒騎士團」的事,被病獵協會列為機密。
到底是敵是友,仍要時間查證。
「你下晝有冇節目?」我問娃娃。
「原本會同朋友打橋牌,不過唔去都得。」
「唔阻你,你同朋友玩。」
「真係?你一個嚟大學做咩。」
「調查少少事。」
「吓。」娃娃臉色一變:「又有病者嗰啲啊?」
「查緊呢塊幣嘅價值。」我掏出鉑金硬幣給娃娃看,反正是自己人。
「要唔要我幫你問下朋友?」
「好,有咩消息搵我,但唔好同人講,我有呢塊幣喺手。」
「收到你。」
與娃娃分別後我轉往蝦蝦蝦餐廳,富林比比親自為我做份螃蟹套餐,讓我飽餐一頓。
等到我用膳完畢,富林比比帶著整個餐廳的員工,一字排開站在我面前。
「老闆!」富林比比九十度躬身:「請問你滿唔滿意依一餐?」
「好好食。」我點點頭。
「非常感謝你!」
應該我感謝他才是,世上居然有人願意做免費勞工。
富林比比雖然在我旗下做大廚,但其實我並未付他一分一毫。
墨說
2024-4-6 23:44:23
「我會再嚟。」我行出蝦蝦蝦餐廳。
大學多的是娛樂節目,可以看音樂劇、話劇、各類運動比賽,反正我時間不怎麼急趕,便打算去逛一逛。
可自我行出餐廳開始,就察覺到有人正跟蹤我。
為查明對方來意,我刻意使用反跟蹤技術,擺脫他的跟蹤。
兩三下功夫,我就不見了蹤影。
戴鴨子帽的不明人發現跟掉我後,顯得有些懊惱,轉往別的地方行,現在換我跟蹤他。
跟了一會,他最終走入伍何曼原樓,並開門走入其中一個單位,該單位門牌寫著「陳李張偵探社」。
偵探社?為什麼要調查我。
或者直接走入去問個清楚最好。
我打開偵探社大門,剛才的鴨子帽男即刻變得驚慌失措,彷彿意料不到。
「做咩跟蹤我?」
「吓……係咪誤會。」
「我只會問多次。」
「你冷靜啲,你係咪認錯人?」
「呯」我直接送他腹部一拳。
「嗚呀!」對方立即痛跪地上。
同樣身在偵探社的另外兩名男子,馬上站起來指著我:「喂喂喂你想點啊。」
我伸出巴掌打向想拉住我的人,掌聲清脆響亮。
第二個我則伸腳把他踹倒,沒花費太多氣力。
我轉身走到門口前,卻不是要離開,而是把門鎖上。
「咔噠」
「你哋唔講清楚嘅話唔洗走。」我拿起一張摺椅,揮落其中一人背部。
「啪!」
墨說
2024-4-6 23:44:33
「哇呀!」
「救、救命啊──」鴨子帽偵探想去打開窗口求救。
我伸手拉住他肩膀,單手將他扯回來,接著把他的頭按下,塞入塑膠垃圾桶中。
「啊!」被踹了一腳的人拿起釘書機對我揮打,猶如雞蛋擲高牆。
我一手將釘書機奪去,再反手揮打其顎骨。
「嗚……」
三人被打得落花流水,事情原委也好快說出。
原來他們被一位經濟學系主任僱用來調查我,調查用意很明顯,就是鉑金硬幣。
這樣證明了,鉑金硬幣確實不簡單。
應該不是收藏幣,而是有著更巨大的價值。
「嗰個宋經緯仲喺工商管理學院?」我問。
「我哋唔知……」
我親自去找他好了。
我再度前往工商管理院,宋經緯所在的辦公室前。
哪怕是準備下班的女秘書,不停地阻止我進入,我依舊橫行無阻地前行。
一推開門,宋經緯彷彿知道什麼事,愕然變成微笑。
「宋主任,佢拉唔住……」女秘書說。
「得,你出去,我同佢傾。」宋經緯吩咐。
房間餘下我們兩人,宋經緯續說:「睇嚟間偵探社幾無職業道德,爆咗我出嚟。」
「你肯講真話未?」
「如果你手頭上真係有嗰塊幣嘅話,就當我請求你,交佢出嚟。」宋經緯突然走到我面前下跪。
「你跪咩……」
「我求你,交佢出嚟……我誠心跪你。」
「你堂堂都係個經濟學系主任,讀咁多書,為咗少少錢向我下跪?」
「嗰塊硬幣係關乎好多人嘅利害,關乎成個倖存區穩定……」宋經緯頭也貼著地:「所以我懇求你,如果真係喺你手,或者你有任何硬幣消息,請你交俾我哋……」
「你一日唔講出佢嘅價值,我一日都衡量唔到任何事情。」
「塊硬幣真正嘅價值……」宋經緯抬上頭,凝望著我:「值一億。」
我愣住幾秒:「一億?」
「因為佢嘅面值,無花無假值成一億。」宋經緯托一托眼鏡,說出多年前的事:「喺大學成立倖存區頭幾年,大學決策為咗令交易制度潤滑啲,發行咗大學貨幣。」
「但依家唔係用緊智能卡?」
「你聽埋我講……」
「校長每年都會做預算,決定用幾多錢同用喺邊,如果想用嘅錢超出預算就要經校董會討論,先可以借錢。但末日好多突發嘅事情要用到錢,李縱馬未就任前,成間大學就有九個校董,佢哋對借錢睇法成日意見相左……如果要經校董會討論完批出筆錢,到時可能一開始嘅小問題都演變成大問題。」
「繼續。」我盡力理解。
「所以校方又推行咗新政策,容許大學喺一定嘅債務額度裡面自由借錢,唔洗再經校董會討論,等於俾大學開咗張信用卡,到期還錢就得,唔洗再走流程浪費解決問題嘅黃金時間,而呢張信用卡嘅額度就係「債務上限」。」
「如果學校不斷提高「債務上限」,咪即係等同無限借錢?」
墨說
2024-4-6 23:44:43
補200正評
:^(
Ads
MorningCall英雄
2024-4-7 00:05:25
推 見到呢堆econ 嘢有啲復雜
:^(
油治及興
2024-4-7 03:14:32
想問吓清水灣公園位置個問號係咪喺文入面仲未提過
PanzerV
2024-4-7 07:31:21
:^(
廢柴的雪人
2024-4-7 08:47:21
:^(
:^(
:^(
上一頁
第 33 頁
下一頁