リメノイヌ 2024-4-5 07:06:33 無文？

:^(

墨說 2024-4-5 07:11:35 留意Ig廣播區

:^(

可可救傷隊 2024-4-5 07:11:50 今日無文

:^(

？ 平時習慣咗睇完先瞓
而家冇得睇瞓唔着㖭

:^(

:^(

墨說 2024-4-5 07:20:06 墨霸時區

:^(

毒撚頭很臭 2024-4-5 07:21:41 可唔可以post多次出黎？

:^(

我睇你ig好似無更新過咁，係咪同第一個post個ig唔同架？？

:^(

依循靈風 2024-4-5 07:38:41 佢ig 有podcast channel

PanzerV 2024-4-5 09:20:11

:^(

白色的雲 2024-4-5 12:41:59 理性，支持

:^(

之前一路冇加過更
突然間有人問幾時有得再加更，先至求其講話今個月內會補曬，然後繼續冇加更

去到上個禮拜有人問點解正皮數跌，我解釋話留意到而家加更係要有人質疑先加，唔係就搏大霧
跟住有人覆我個留言話體諒，墨巴先至留一句話因為佢體諒所以嗰日加一更
(即係加更係因為體諒而唔係正皮，咁不如改50體諒=1正皮？)

跟住再過幾日到你質疑佢開空頭支票，先至真係發力加更，加到而家補上po 800

即係以後要多人開始提出質疑先至會加更？

小心地下濕滑 2024-4-5 14:45:49 巴打走先 一陣比狗咬

獨無雙 2024-4-5 18:26:17 記得正評

:^(

弱水叁千只取一瓢 2024-4-5 19:52:48 加更咪加更
唔加咪唔加
我正評又唔係為加更

月球上的人（0） 2024-4-5 20:49:18 算喇
關咩事
根本就少咗人睇

:^(

咁長流失讀者係正常

:^(

碧水劍 2024-4-5 22:30:04 成日脫更先係問題 依家變左幾日先睇一次

:^(

噢嘉年華 2024-4-6 00:01:30 我印象中除咗滿天嘅大boss之外應該無病腦係幫人類，如果有嘅發明啲黑科技武器俾人類，好似首腦個鐳射炮咁，整啲類似高達嘅光束軍刀俾病獵已經好屈

:^(

墨說 2024-4-6 00:18:53 慶幸自己有跟過聶一凜學徒手攀岩，坐佛崖的山岩非常好攀。

未等我靠近，盤坐的病腦就率先以人類語言開腔：「施主，你好。」

「你係……」我猶豫半晌：「夕禪？」

夕禪轉身望來：「係你啊。」

「居然喺到遇到你。」應該說我不發現的話，都忘記了世上有夕禪的存在。

夕禪是港島合眾國的前身「夕鯨國」的領導人，作為人類時因為舊傷患問題，而自願感染病變成病腦。不如一般病腦充滿邪惡念頭，夕禪一心向佛，成為少數不多的善良病者，所以我放過了他。

「上次同你分別，估唔到隔幾年先再見到你。」我坐在岩石上。

「港島區嘅事情都塵埃落定？」

「……都塵歸塵，土歸土。」我沿著夕禪的視線望出海平線：「你每日就坐喺到？」

「嗯，你呢？」

「我放緊長假。記得你嗰陣話想做觀察者，靜靜觀察世界嘅變化，有冇觀察出咩嘢？」

「觀察到世上諸多嘅因果，唔同事情唔同抉擇帶嚟嘅變化。」

「你每日坐喺到點觀察到……」

眼前除了一片汪洋，什麼都沒有。

「應該話用心觀察到。」夕禪眼睛抬上天：「專注於坐禪，到你無比集中嘅時候，自然會連結到可以睇穿一切因果嘅心眼。」

「有冇例子？唔係好明。」

「你想唔想知假如自己當初無加入大本營會變成點？」

「……」

「你想唔想知假如西城薈戰勝咗臨時政府會變成點？」

「……」

「你想唔想知假如白鯨仲生存會變成點？」

墨說 2024-4-6 00:19:04 「白鯨你都知？」應該只有將軍澳本地居民聽聞過，現在奎斯都比白鯨出名。

「無論係過去、現在、定未來嘅事件，一切都可以觀察同窺視，仲可以窺探出唔同分支嘅可能性，只要你擁有靈性嘅鑰匙。」

「願聞其詳。」

接下半天，我聆聽了夕禪所說的各種「假如」……

聽完之後，我心裡不其然打了個冷顫。

因為故事內容普遍都非常黑暗和真實。

不禁令我思考著，如果自己過往真的走錯任何一步，可能真的會陷入萬劫不復中。

但說實話我不知夕禪是怎麼「觀察」出的，畢竟他風雨不改的盤坐此地，是不可能知我曾經發生的故事。

可是……夕禪卻準確的說了出來。

能做到這種程度，我只聯想到天腦。

於是我有個奇想，會不會是夕禪強大的精神修為，能讓他無損耗地連結到天腦之中，而所謂的觀察其實就是窺探天腦的思維，從而看見其腦中沙盤推演出的上千萬個事情不同的可能性？

時候不早，我抱著困惑和夕禪道別。

本來想來尋找寶藏，結果只聽了一堆故事。

其實我大可以用蘇維眼睛，以夜視模式繼續尋找寶藏，但一想到大腦神經正給他侵蝕著，我就沒那個意欲去使用，還是留在危急關頭才開眼吧。

墨說 2024-4-6 00:19:14 翌日，我如常來到清水灣郊野公園中，繼續尋找那個寶藏。

我翻山越嶺到東邊盡頭，發現一個名為綠蛋島的小島，其外形像隻綠色蛋黃的荷包蛋。

可能因為它的島形獨特，我有種直覺綠蛋島上可能存在著寶藏。

早上的水位不高，可以經沙堤直接走過去。

不得不讚腳下水質清澈，通透得像塊玻璃，可以看見底下的東西。

我在綠蛋島中心翻找著草叢，且看會否有寶藏，可惜什麼都沒有。

「真係哂我時間……」我開始懷疑自己想尋找寶藏的行為是有多傻。

我驗證了什麼叫三分鐘熱度，剛開始尋找寶藏可能會很興奮，但是找來找去都沒結果就是消磨心機。

「算，收工。」

我準備離開綠蛋島，不過見周圍水清如鏡，就索性脫光衣服下水洗澡。因為我茅湖山的日落小屋沒有接駁水管洗澡，用辛苦下山挑回來的水沖涼又浪費。

我整個人潛入水中，洗掉油脂和污跡。

由於水質相當乾淨，我特意潛到底下近距離觀賞珊瑚、貝殼、螺、海星、寄居蟹等生物，想到自己未吃早餐，碰巧眼前有兩條小丑魚游過，我便游過去打算捕捉來吃。

小丑魚似乎發現我的動靜，開始反方向逃跑，游至一片珊瑚底下。

窮追不捨的我發現小丑魚游到一個藏寶箱背後躲藏，心中暗嘲牠們的天真。

正當我要伸出魔爪捕捉牠們時，我大吃一驚發現自己眼前不就是藏寶箱嗎？

果然好人有好報，真的感謝小丑魚帶我找到寶藏。

我馬上把藏寶箱握起，將它搬上到水面搖一搖。

「比想像中輕。」我嘗試打開藏寶箱但給鎖住，而且我沒有鑰匙。

裡面究竟是什麼東西？

我想用最粗暴原始的方式打開，但箱子採用金屬製作，異常堅固。

算了，先帶回去再說。

沒想到找到藏寶箱只是第一步，鑰匙才是真正的關鍵。

我找了鎚子、髮夾、電鑽等方式，嘗試把藏寶箱弄開，但其堅固程度甚比夾萬，正常好方法難以打開。

為此，我特地去黑市買了把手槍。

對著鎖頭位置開槍，看看能否打穿它。

「呯」扣下扳機後，射出的子彈竟意外反彈到我腹部上。

「呀──」我跪下捂住腹部中槍的位置，肌肉痛得繃緊收縮。

要不是我有霸體，可能會死得很冤枉。

事到如今我只想到用炸藥，但炸藥會把裡面的東西都毀了，萬萬不能用。

我該怎麼打開才是？

有了……

找摩西回來。

槍打龜頭鳥 2024-4-6 00:19:47 sliver嘅狩獵營都有隻病腦喺度幫人類

リメノイヌ 2024-4-6 00:25:02 病港II: 搵野篇 正式開始

:^(

噢嘉年華 2024-4-6 00:41:01 多謝指正

:^(

太C 2024-4-6 02:26:00 What if 系列出現？

:^(

墨說 2024-4-6 06:38:54

:^(

搭車企入啲 2024-4-6 07:55:50 好耐之前海洋公園應該有隻病腦會派聖誕禮物

PanzerV 2024-4-6 08:56:22

:^(

馬神彈出彈入 2024-4-6 10:37:09 快啲加更

:^(

比我哋推爆po