秀田。武仁耕 2024-3-7 09:19:05 推

港女世一 2024-3-7 09:21:32 推

朕是皇上 2024-3-7 11:34:35 真！！！Kitty 又大波又靚仲要淫底肯玩，Kitty宇一

:^(

冇芒26 2024-3-7 11:46:20

:^(

John(去) 2024-3-7 12:34:33 呢個Kate都唔慌係咩好人

:^(

講感情傷感情 2024-3-7 17:01:44 佢的確唔係好人，只係好淫

:^(

駐連燈首席美軍 2024-3-7 23:18:14 最重要嘅係真係為咗熙哥而改變

葉開葉開 2024-3-8 15:07:22 雖然有啲潑冷水，但果陣Kitty其實本身都唔係一個好女仔黎，不過佢真係肯為熙熙去改變

葉開葉開 2024-3-8 15:07:40 珍

:^(

葉開葉開 2024-3-8 15:07:56 睇落去就知

:^(

葉開葉開 2024-3-8 15:08:25 露出狂

:^(

葉開葉開 2024-3-8 15:08:52 推山區巴

:^(

葉開葉開 2024-3-8 15:09:08 綠茶巴

:^(

葉開葉開 2024-3-8 15:10:00 六百七十一

補完習踏上歸家既路程，我又忍唔住諗起今日收工時候既情景。

真係估唔到Kate會一腳踏兩船，第二隻船仲要係隻咁唔起眼既傻仔。

老實講，今日之前，我真係以為Kate個人應該都真係恃住自己個樣靚（但唔知落咗妝之後係點）同身材好去釣下金龜。

而事實上佢最常出現個男朋友都真係個有錢仔，而佢平時身上著既衫同用既手袋，就算我係唔熟啲名牌既人，但我一睇都知唔係平價嘢，真係估唔到一啲普普通通既男仔佢都會睇得上眼，仲要背住個有錢仔偷食。

不過話雖如此，佢個人其實係幾外向，幾傾得計，雖然有時會電吓啲男同事叫佢哋幫佢手做吓嘢，但都唔算太過份。

啊屌，我係咪都應該要小心啲，唔好比佢睇中？

你哋問我好唔好奇Kate究竟係咩心態？

好奇架。

不過好奇還好奇，我不嬲都唔係果類八八卦卦既人，我唔會去尋根究底既。

去問佢？

咪嘞，之後都係再保持返多啲距離仲好啲。

＊

第二日食午餐既時候，我借啲藉口冇同另外果三條女食，自己一個去咗啲快餐店買外賣返office食算。

我做嘢果個區其實都唔易搵地方食飯，所以如果要唔撞到果三條女，最好既方法就係買外賣。

我返到屬於自己既角落坐低慢慢食，反正我呢啲實習生，唔好話其他同事，就算係直屬既所謂mentor，其實都唔會點理我哋。

美其名佢哋會分享啲經驗我哋，但實際上淨係會點我哋做嘢。

不過我冇乜所謂，反正我都係想自己份CV靚啲，都唔預期自己呢兩個月入面可以學到啲咩驚天地泣鬼神既職業技能。

「做咩今日唔同我哋食啊？」就響我食完嘢合埋雙眼休息既時候，Kate把聲突然響我背後響起。

「出面太逼，我想自己食，食完自己抖吓。」我答道。

不過我都唔係講大話，有時大家決定去果啲又細又窄既茶餐廳，坐得都唔舒服，等完位又要快快趣趣食完，之後仲要比啲阿姐趕你走。

我買外賣響office食完抖吓唔好？

Kate擔咗張凳坐咗響我隔離，單刀直入問：「唔關我事？」

「關妳咩事？」我反問。

「尋日收工見完我同第二個男仔之後你對我既態度都改變得幾明顯。」Kate笑住問：「咁係咪即係關我事？」

「唔關。」

我梗係死口唔認...但...乜我仲係咁鳩易就比人睇穿架咩？

「我既感覺唔會錯既，你同我係同一類人。」Kate笑瞇瞇咁對住我道。

「咩同一類人？」

「你想唔想知尋日響地鐵站果個男仔係我邊個？」Kate望住我問。

「唔想。」我簡單直接地回答。

「呵呵，你真係口不對心。」Kate笑道：「果個係我初戀男朋友...而家...都算係我既男朋友。」

「哦？」

「我哋尋日去咗開房。」Kate毫不避嫌咁講出口。

「妳男朋友唔知？」我問。

「梗係唔知喇！」

「妳個初戀呢？佢又知唔知妳而家有個有錢男朋友？」我問。

「佢就梗係知喇，呢個係我同佢一齊既條件，就係佢只能在暗，亦永遠唔駛諗會有朝一日可以上返正印既位置。」Kate講呢樣嘢既時候仲係笑瞇瞇咁。

「佢咁都肯？」

「點解唔肯？我會同佢上床，有佢著數添啊。」Kate理所當樣地答道。

呢個世界真係會有啲咁既人？

...

鄭穎琳當年對我咪咁囉。

「妳特登過黎就係同我講呢啲？」我問。

「係啊。」Kate仲係保持住果份笑意。

我唔明喎，點解要特別同我講？

但我係唔會問出口。

「想問點解我會同你咁坦白哩？」Kate笑住問。

嘩小姐，妳識讀心架？

「因為我知道你同我係同一類人，想試下同你玩吓。」Kate開門見山笑道：「本來我都唔想發展得咁快住，但既然尋日都比你見到，我都唔轉彎抹角。」

「玩？玩咩？」其實我係明知顧問。

Kate都冇答，只係笑住講：「你知既。」

老實講，Kate雖然係化妝化到好勁，但你話對於一個男人黎講吸唔吸引？

當然係吸引。

不過我諗起秋兒姐姐，收一收攝心神，道：「妳搞錯咗，我唔係果類人。」

Kate甜笑住望住我，然後笑道：「我唔覺得自己會feel錯，不過玩呢樣嘢，都要睇雙方意思既，你唔想我都唔會勉強你。」

講完之後，佢就好似一陣風咁行開咗，剩返我一個好似戇鳩鳩咁坐響位上面。

（待續）

葉開葉開 2024-3-8 15:12:55 舊PO爆PO會響今個weekend加更

:^(

arhing88 2024-3-8 15:58:49 Po 多幾篇都唔驅

:^(

:^(

:^(

秀田。武仁耕 2024-3-8 16:02:34 玩家特質雖然唔易抹甩，但無理由乜都都做過就咁易feel到

:^(

PanzerV 2024-3-8 16:19:41

:^(

秀田。武仁耕 2024-3-8 16:25:32 乜都無做過

駐連燈首席美軍 2024-3-8 16:27:32 就係改變嗰嘢寶貴

冇芒26 2024-3-8 17:14:33

:^(

山區兒童窩巴 2024-3-8 18:10:27 推返轉頭

:^(

即是咁 2024-3-8 18:16:30 再逆推山區巴

:^(

:^(

11315315 2024-3-8 23:58:54

:^(

駐連燈首席美軍 2024-3-9 00:57:48 我諗係好多蛛絲馬跡度估出嚟
例如多數見到靚女主動撩自己都完全不為所動嘅話，
就一係基嘅，一係真係非常有紀律，一係就玩慣玩熟
熙哥一睇就知唔係基，所以唔係2就3
而2嗰類人係極為少數，所以Kate咪直覺覺得佢係3，以為佢只係玩欲擒先縱嘅把戲