【仆街喇，我一覺起身變咗條女】《隻戇鳩妖精將我變咗做女仔》 (2)
上一頁
第 14 頁
下一頁
葉開葉開
2025-1-2 17:37:44
二百四十二
妍妍聽完呆咗一呆，佢唔係好反應到咩事咁。
於是我再講多次︰「我係話…我最鍾意果個…係妳啊。響陰間度，當死神帶緊我去閻王殿報到既時候，我一路諗緊既，就係妳既安危，有冇比莊耀揚佢哋…同埋諗緊以後都見妳唔到究竟點算好…」
「…」
我見妍妍唔出聲，驚妍婆好快會返到，於是又講多咗一句︰「真架，妳信我喇。」
妍妍冇出聲…
「妍妍，係真架…不如…不如…我哋響返埋一齊，好唔好？」我下定決心開口復合…
我知妍妍佢仲鍾意我，一定冇問題既。
點知妍妍嘆咗口氣，反問返我︰「但…而家唔係已經太遲喇咩？」
「吓？點解遲啊？」我急忙問。
唔係妍妍想話比我知，佢而家拍緊拖吓嘛？
「妳…妳果陣都冇用我個願望變返做男仔…咁…妳而家仲係女仔…我哋…我哋…仲點可以響埋一齊喎…」妍妍難過地道。
啊…
呢個係一個好問題，我好似冇諗過添…
我搔一搔頭，道︰「我諗…唔緊要既…而家唔係好興果啲乜鬼嘢LGBTQ+架咩？我哋咪當順應下個潮流，做個潮人囉…」
「我都唔係潮人…」
啊？
「妍妍…我知妳仲係鍾意我架，係咪？」我柔聲問。
妍妍冇答，但係有啲難過咁點點頭。
我唔知邊度黎既勇氣，將妍妍拉埋黎，再輕輕咁錫咗佢咀唇一啖，妍妍冇避開但都冇回應。
「我…我唔係同性戀…」妍妍低住頭道。
「我都唔係。」不過我懷疑自己係雙性戀…變咗女仔之後，我好似真係有種咁樣既感覺。
我極度懷疑係盧大仙改造我成性慾強既身體之後，連帶出現既副作用。
「唔係呢個問題…妳…妳比我考慮下…」妍妍托一托佢副眼鏡，繼續低頭道。
「仲要考慮咩呢？」我好想妍妍即刻應承我，所以我係咁催佢︰「我又鍾意妳，妳又鍾意我，咁仲唔可以響埋一齊？」
妍妍只係搖一搖頭，佢唔答。
「因為我係女仔？」我又問。
妍妍冇出聲，但等於係默認。
「妍妍，而家已經係二十一世紀，思想開放，性觀念前衛，唔好話男同男、女同女，連同貓貓狗狗、左手右手，甚至連枱枱凳凳都可以拍拖。」我一臉正經咁胡說八道。
妍妍微一抬頭，有啲迷茫咁望住我，問︰「係咁架咩？」
Good，佢口氣有啲鬆動，於是我繼續鳩UP︰「冇錯，小學既性教育都有教，乜妳間小學冇教妳架咩？」
其實係鬼有教，我響度鳩UP咋嘛。
妍妍搖搖頭，道︰「冇教。」
我拍拍妍妍既膊頭，微笑道︰「唔緊要，等我而家教妳。」
「哦。」妍妍又真係好單純咁答我。
「妳合埋雙眼先。」
「哦。」妍妍又真係好聽話咁合埋咗雙眼。
「妳唔好郁，好好咁感受下。」
「哦。」妍妍又真係郁都唔郁咁坐直咗個身。
真係個乖乖女。
我望住坐直咗個身，郁都唔郁既妍妍，唔知點解有種想撲上去㩒低佢既衝動。
不過我梗係冇咁做，咁樣會壞咗大事，所以我只係輕輕咁響佢咀唇上面印咗一印，然後問︰「舒唔舒服？」
妍妍合埋眼點點頭。
我笑道︰「其實妳可以擘大返雙眼喇。」
妍妍面上微微一紅，然後真係將眼打開。
「其實…如果妳冇啲乜嘢唔舒服既，不如…不如妳比個機會我吖，我想同返妳響一齊。」我用誠懇既語氣道。
「我…我…」妍妍依然係猶豫不決。
我忽然諗，妍妍猶豫其實係咪唔關性別事？而係因為我以前做得太多傷害佢既事，所以佢先會猶豫同唔同我一齊？
「妍妍，我…我知以前我對妳唔好，同妳一齊果陣又對妳愛理不理，嫌妳冇波又冇樣…但我知錯架喇，我死咗之後最掛住果個真係妳，我之後會好好對妳架…我…」
就響我響度深情表白緊之際，妍婆突然間推門而入，嚇咗我一嚇，亦都打斷咗我既說話，一時之間講唔到落去…
呢啲說話點可以響妍婆面前講呢…？
（待續）
Ads
駐連燈首席美軍
2025-1-3 00:21:49
好彩婆婆出咗嚟
無聲鈴鹿
2025-1-3 16:00:00
追到live
:^(
仆街仔死唔去又搞鳩妍妍
:^(
kenvawilter
2025-1-4 10:19:09
似乎將妍妍變做男人先會happy ending
狩獵夢的人
2025-1-6 01:29:56
推
:^(
葉開葉開
2025-1-7 15:31:28
夢巴
:^(
葉開葉開
2025-1-7 15:31:42
:^(
:^(
:^(
葉開葉開
2025-1-7 15:32:01
不過都仲有幾集就完
葉開葉開
2025-1-7 15:32:44
其實可能對妍妍黎講，同勉哥一齊，先係bad ending
:^(
:^(
:^(
葉開葉開
2025-1-7 15:34:05
二百四十三
「妍女，我哋走喇…噢，伯爺婆係咪打斷咗妳哋傾心事啊？」妍婆入到黎，就見到妍妍成個人筆直咁坐咗響我張床既床尾，而我仲拉實佢隻手…
啊，妍婆唔會聯想到LGBT既方向吖嘛…
佢知唔知乜嘢係LGBT...
「冇事啊婆婆，」妍妍仲係筆直咁坐咗響度︰「我哋走喇。」
「婆婆可以出多去一陣，等妳哋兩姐妹傾多陣。」妍婆講完真係頭也不回咁走返出去。
「呃…妍妍…」我長話短說︰「比次機會我吖，我今次一定一定會對妳好好架！」
「我…我…要走喇。」妍妍都係避而不答，然後向門外既婆婆道︰「婆婆，我走得喇。」
妍婆彈出彈入咁走返入黎，見到妍妍仲係筆直咁坐響我床尾，姿勢同佢走出房既時候完全冇變過，於是笑道︰「走咁妳要郁先得架。」
「啊，係，係。」妍妍好似而家先回過神來咁。
「妍妍…」我依依不捨咁望住妍妍…
「我聽日再黎探妳，好唔好？」妍妍見我咁望住佢，佢好似氹細路咁開口氹返我。
妍婆就響門口笑笑口咁等住妍妍…
「咁我講既事…」我見妍妍真係起身要走喇，要把握時間知道佢既答覆…
妍妍冇即時答我，而係嘆咗一啖氣，細聲道︰「妳可唔可以比小小時間我考慮下…」
嗯…至少妍妍既口氣好似鬆動咗啲…
我都唔可能響妍婆等緊佢走既時候逼佢答架，唯有點點頭，道︰「好…」
妍妍執埋小小嘢，就走出去同妍婆一齊行出房離開醫院…
…
話時話，其實妍婆會唔會睇得出我同妍妍之間有啲微妙既關係呢…？
希望唔好喇。
我坐咗響張床上面，百無聊賴咁望住床尾天花板部電視…
冇計，我部手機好似比啲警察執走咗當證物，都唔知幾時先可以拎得返，妍妍帶咗啲書黎比我，但我唔睇書架嘛…
好悶呀，雖則話有部私家電視睇其實響呢間醫院黎講已經算係超級好既待遇，但啲節目真係好鬼死悶…
不過只係過咗一陣，我突然聽到門口果面有人聲…
係醫生定護士巡房？
我擰轉頭一望，發覺竟然係神駒！
佢企定定響門口望住我，我又坐響床上面定睛咁望住佢…
唔知望咗幾耐…
神駒首先行入黎，佢表情有啲生硬，行埋我床邊坐低，問候我︰「妳…妳真係冇事？真係…復活咗？」
係神駒向盧大仙許既願救咗我，所以佢心知肚明其實發生咗咩事。
「係…」我感激地道︰「多謝你…我知係你許既願救咗我…」
「太好喇…太好喇…估唔到…我許既願竟然真係有效！佢真係妖精黎！」神駒既表情有啲激動同開心…
我點點頭，見到佢真係為咗我冇死而替我高興，其實我心入面都有啲甜…
「所以…妳真係阿勉…盧〇鵬佢冇呃我？」開心咗一陣之後︳神駒神色變得有啲啲複雜咁問。
我點點頭，道︰「我同你講既嘢都係真，你而家信我喇？」
神駒表情真係好複雜，佢呆咗一陣先道︰「妳復活咗，咁我唔信都唔得喇…」
我哋互相沉默咗一陣，都唔知講咩好…
盧大仙話神駒實際上係鍾意我，所以我死咗之後先會當佢都係失戀比個願望，咁而家佢知道咗其實我就係羅皓勉，實際上係男仔黎，咁佢對我既感情，又會產生咩變化呢…？
「所以…點解妳唔同我解釋清楚？」神駒先開口問。
「我有講過，但你唔信咋嘛。」
「我本來信，但後尾…後尾妳又唔係咁講，又做咗好多嘢，都唔似阿勉咁…同埋…當有另一個羅皓勉出現既時候，好難唔對妳起疑…」神駒又問。
「咁我變咗做女仔，變得唔似本來既阿勉都好正常啫…至於我後尾點解亂咁講…唉…你當我戇鳩喇。」
果陣我同冒牌羅皓勉對質既時候落入下風，張彥為咗「幫我」而亂咁作咗一堆騎呢既理由，我為咗要拗贏對面竟然附和，就係咁先開始咗無限個大話既開端…甚至真係許多個願，真正賦予自己一個「劉浮珊」既身份…
呢個就係點解我之後又冇咗件事，放棄咗說服神駒既原因。
我唔想佢當我係羅皓勉，而係女仔既劉浮珊。
我果陣真係以為自己最鍾意既係神駒，唔係妍妍，所以我先的埋心肝咩都唔諗，一心淨係諗住追神駒返黎…
「咁另一個羅皓勉呢？」神駒又問︰「佢點解會出現架？」
「盧〇鵬佢冇同你講咩？」我問。
神駒搖頭道︰「冇，佢淨係話我知，其實妳既真正身份係羅皓勉，而佢見我失戀可以幫我實現一個願望。」
（待續）
kenvawilter
2025-1-7 15:44:53
自己揀嘅無得後悔嘅
:^(
聽自己老母講當年 老豆有乜唔好，我只能回佢只怪你無眼光
Ads
牛尾海的眼淚
2025-1-7 17:23:59
咁完咗之後係咪會擺老師故上連登
:^(
駐連燈首席美軍
2025-1-8 01:01:58
妍妍唔好心軟呀
碼糕黃
2025-1-9 11:44:52
:^(
葉開葉開
2025-1-9 15:35:51
會擺，但未必係緊接住變女仔故
葉開葉開
2025-1-9 15:36:16
自己硬食返
:^(
葉開葉開
2025-1-9 15:36:30
妍妍心軟日常
葉開葉開
2025-1-9 15:37:01
二百四十四
「我後尾見多次妖精，佢講晒我想知既嘢比我聽。」我嘆咗口氣，道︰「果個羅皓勉就係妖精既傑作，你可以當佢係我既複製人。」
「複製人！？」神駒嚇咗一跳︰「咩料啊？」
「係Ginna唔見咗我既時候，妖精都當咗佢失戀，佢比咗個願望佢，Ginna許既願係搵返我出黎，但妖精唔會因為呢個願而直接破壞我許既願望，於是佢就諗咗條屎橋，變咗個複製既我出黎。」諗起真係把幾火，邊會有人諗個咁既解決方法出黎都有架！
「…」神駒都無語起黎，隔咗一陣，佢先再問︰「咁…妳同張彥…佢而家…而家佢去咗邊？」
「你都唔知佢響邊，咁我又點會知？」神駒真係問得莫名其妙。
「但妳果陣唔係同佢…我仲以為妳同佢…妳同佢…」神駒嘆咗口氣，道：「冇嘢喇。」
神駒以為我同張彥仲有聯絡？
大佬，張彥真係消失到無影無踪，學校都搵佢唔到，我又點會搵到？
「自從果次響公廁比佢…比佢咩之後，我都冇再見過佢…」我又趁機澄清︰「其實...果陣我同張彥都係冇嘢，唉，講起黎我都係受害者…」
神駒怒問︰「條仆街強姦咗妳！？」但突然又變得有啲疑惑︰「但…但果陣…妳唔係話妳係自願架咩？」
「我邊有咁講過啊！」我忙道︰「張彥叫你問我係咪自願，但我冇答咋嘛！」
「咁唔係同默認一樣咩？」神駒問︰「既然妳唔係自願，咁點解妳果陣唔同我解釋清楚？」
佢語氣之中帶有小小責怪既口氣。
如果唔係我啱啱復活，可能佢既語氣仲會再重小小。
畢竟我同神駒之間最大既裂痕，就係源自於呢一件事，如果件事本身當時可以解釋清楚但我冇咁做，其實神駒嬲都係一件好正常既事。
「唔…」我一時之間都唔知點解釋，因為你話我自願咩，我又唔係100%自願，但你話我係被逼，又好似唔算…
「係唔係自願有咁難答咩？」神駒問。
「嗯…情況有啲複雜…」我嘗試解釋︰「我呢啲叫被逼自願。」
我諗神駒聽到我咁講心入面應該係咁講粗口。
不過神駒只係嘆咗口氣，道︰「算喇，其實都唔重要喇，最緊要而家妳平安冇事。」
「我真係被逼自願架！」神駒以為我鳩UP，於是我又解釋︰「妖精佢有冇同你講過佢改造咗我既身體？」
神駒嚇咗一跳，問︰「改造妳既身體？」
我諗佢腦海入面可能浮現出果啲電影入面將啲人改造成機械人既畫面…
「唔係你想像果啲咁啊…」我忙道︰「妖精有冇同你講過點解我最後變咗做女仔？」
「咁又冇喎…」神駒道︰「佢淨係話咗劉浮珊即係羅皓勉咋喎。」
「唉，我會搞成咁，就係因為隻妖精戇鳩…」我無奈地道。
於是我就將盧大仙因為我口吃既關係，將我果個「想做吸引女仔既人」聽錯做「想做個吸引既女仔」呢件事講出黎，然後仲講埋我心目中「吸引女仔」其中一樣特徵就係性慾強、身體敏感，所以先咁容易控制唔到自己，同人發生性關係。
「…」神駒真係聽到無語。
「所以我所謂既被逼自願，咪就係咁解囉。」
「唉。」神駒嘆咗口氣，道︰「如果一早知道係咁，我就唔會咁對妳…我以為…妳真係呃緊我。」
「咁我係戇鳩。」我自嘲地道︰「唔理係變咗女仔之前定之後，我都係咁戇鳩。」
「不過唔緊要喇，最緊要係而家吖嘛！」神駒強打精神笑咗笑︰「果條仆街莊耀揚死鳩梗，今次人贓並獲，聽講佢會比人告謀殺，睇怕佢都有排都冇機會返出黎。」
「嗯。」
「妳知唔知我真係好後悔…妳出事果陣我冇好好咁睇住，搞到妳遭到毒手，所以…而家妳冇事，我真係好開心…」神駒露出個歉疚既表情︰「對唔住…」
啊…來了…
佢要向我剖白深情？
「我冇事啊…不過…多謝你…」如果佢再剖白落去，我應該點回應？
「放心喇，我今次會唔會再走架喇，我會留響妳身邊，照顧妳、睇住妳，同妳一齊再搵妖精，幫妳變返做真正既羅皓勉既！」神駒豪爽地道。
咦？
「但係，你唔係…」你唔係鍾意我架咩？定你想我變返男仔中途轉基？
「我哋係好兄弟黎架嘛，放心，我會幫妳再搵妖精出黎既。」
好兄弟…
神駒知道我係真正既羅皓勉之後，真係可以咁簡單就將我當返做好兄弟咩？
我自己就算肯定咗自己係鍾意妍妍多過神駒既，都唔肯定自己可以話放低神駒就放得低喇…
（待續）
kenvawilter
2025-1-9 17:32:05
打下友誼波少不了吧，反而妍妍都無棍子
:^(
kenvawilter
2025-1-9 17:32:53
反正
駐連燈首席美軍
2025-1-9 22:48:42
都話咗條姣婆見到仔就啱㗎啦
Ads
閃電撻生魚
2025-1-10 17:07:39
「咁我係戇鳩。」我自嘲地道︰「唔理係變咗女仔之前定之後，我都係咁戇鳩。」
成個故事講得最啱就係呢句 !
駐連燈首席美軍
2025-1-10 23:16:40
非常認同！
碼糕黃
2025-1-14 12:53:33
:^(
葉開葉開
2025-1-14 15:38:38
:^(
:^(
:^(
上一頁
第 14 頁
下一頁
妍妍聽完呆咗一呆，佢唔係好反應到咩事咁。
於是我再講多次︰「我係話…我最鍾意果個…係妳啊。響陰間度，當死神帶緊我去閻王殿報到既時候，我一路諗緊既，就係妳既安危，有冇比莊耀揚佢哋…同埋諗緊以後都見妳唔到究竟點算好…」
「…」
我見妍妍唔出聲，驚妍婆好快會返到，於是又講多咗一句︰「真架，妳信我喇。」
妍妍冇出聲…
「妍妍，係真架…不如…不如…我哋響返埋一齊，好唔好？」我下定決心開口復合…
我知妍妍佢仲鍾意我，一定冇問題既。
點知妍妍嘆咗口氣，反問返我︰「但…而家唔係已經太遲喇咩？」
「吓？點解遲啊？」我急忙問。
唔係妍妍想話比我知，佢而家拍緊拖吓嘛？
「妳…妳果陣都冇用我個願望變返做男仔…咁…妳而家仲係女仔…我哋…我哋…仲點可以響埋一齊喎…」妍妍難過地道。
啊…
呢個係一個好問題，我好似冇諗過添…
我搔一搔頭，道︰「我諗…唔緊要既…而家唔係好興果啲乜鬼嘢LGBTQ+架咩？我哋咪當順應下個潮流，做個潮人囉…」
「我都唔係潮人…」
啊？
「妍妍…我知妳仲係鍾意我架，係咪？」我柔聲問。
妍妍冇答，但係有啲難過咁點點頭。
我唔知邊度黎既勇氣，將妍妍拉埋黎，再輕輕咁錫咗佢咀唇一啖，妍妍冇避開但都冇回應。
「我…我唔係同性戀…」妍妍低住頭道。
「我都唔係。」不過我懷疑自己係雙性戀…變咗女仔之後，我好似真係有種咁樣既感覺。
我極度懷疑係盧大仙改造我成性慾強既身體之後，連帶出現既副作用。
「唔係呢個問題…妳…妳比我考慮下…」妍妍托一托佢副眼鏡，繼續低頭道。
「仲要考慮咩呢？」我好想妍妍即刻應承我，所以我係咁催佢︰「我又鍾意妳，妳又鍾意我，咁仲唔可以響埋一齊？」
妍妍只係搖一搖頭，佢唔答。
「因為我係女仔？」我又問。
妍妍冇出聲，但等於係默認。
「妍妍，而家已經係二十一世紀，思想開放，性觀念前衛，唔好話男同男、女同女，連同貓貓狗狗、左手右手，甚至連枱枱凳凳都可以拍拖。」我一臉正經咁胡說八道。
妍妍微一抬頭，有啲迷茫咁望住我，問︰「係咁架咩？」
Good，佢口氣有啲鬆動，於是我繼續鳩UP︰「冇錯，小學既性教育都有教，乜妳間小學冇教妳架咩？」
其實係鬼有教，我響度鳩UP咋嘛。
妍妍搖搖頭，道︰「冇教。」
我拍拍妍妍既膊頭，微笑道︰「唔緊要，等我而家教妳。」
「哦。」妍妍又真係好單純咁答我。
「妳合埋雙眼先。」
「哦。」妍妍又真係好聽話咁合埋咗雙眼。
「妳唔好郁，好好咁感受下。」
「哦。」妍妍又真係郁都唔郁咁坐直咗個身。
真係個乖乖女。
我望住坐直咗個身，郁都唔郁既妍妍，唔知點解有種想撲上去㩒低佢既衝動。
不過我梗係冇咁做，咁樣會壞咗大事，所以我只係輕輕咁響佢咀唇上面印咗一印，然後問︰「舒唔舒服？」
妍妍合埋眼點點頭。
我笑道︰「其實妳可以擘大返雙眼喇。」
妍妍面上微微一紅，然後真係將眼打開。
「其實…如果妳冇啲乜嘢唔舒服既，不如…不如妳比個機會我吖，我想同返妳響一齊。」我用誠懇既語氣道。
「我…我…」妍妍依然係猶豫不決。
我忽然諗，妍妍猶豫其實係咪唔關性別事？而係因為我以前做得太多傷害佢既事，所以佢先會猶豫同唔同我一齊？
「妍妍，我…我知以前我對妳唔好，同妳一齊果陣又對妳愛理不理，嫌妳冇波又冇樣…但我知錯架喇，我死咗之後最掛住果個真係妳，我之後會好好對妳架…我…」
就響我響度深情表白緊之際，妍婆突然間推門而入，嚇咗我一嚇，亦都打斷咗我既說話，一時之間講唔到落去…
呢啲說話點可以響妍婆面前講呢…？
（待續）