爛GAG的煩惱 2016-12-12 22:03:30 小弟第一次寫故 文筆唔係太順
有咩好同唔好都唔該大家話我知 希望可以寫得更好

:^(

希望各位喜歡

:^(

紙言同步出故：
https://www.shikoto.com/article/72012/%5B%E5%88%BA%E5%AE%A2%E4%BF%A1%E6%A2%9D%5D%5B%E9%95%B7%E7%AF%87%E6%95%85%5D-%E6%9E%9C%E6%99%9A%E7%8E%A9%E5%AE%8C%E5%88%BA%E5%AE%A2%E4%BF%A1%E6%A2%9D%EF%BC%8C%E5%AE%B6%E5%A7%90%E5%90%8C%E6%88%91%E8%AC%9B%E2%80%A6%E2%80%A6.html

爛GAG的煩惱 2016-12-12 22:03:57 「咁樣噤就係信仰之躍……嘩，咁高跳落去一啲事都冇，呢隻Game都幾唔真實……」

整個深夜我就一直再玩我剛買回來新一部的《刺客信條》。

「痴孖筋﹗8點咖嗱﹗早知唔玩到咁晚早啲訓啦。家姐我出門口喇﹗」

比我大10個月的家姐和我一樣讀中六同一班，她從未遲到過，這個時候當然已經出門口，甚至到達了課室。

現在，我要10分鐘內換好衫，出門口，等車，由旺角搭車到黃大仙，還要走大概5分鐘的路。
今天可以不遲到嗎﹖我不是保特，不了。


既然都預計了會遲到，不如吃個早餐，慢慢返學吧。

暴風雨前夕一定特別平靜，一踏進學校門口，訓導主任李Sir以經典拿著鐵間尺的姿勢叫著我的名字：

「又係你啊，林隼升﹗第幾次啊﹖係咪想我再扣你操行分﹖就黎負分咖喇喎。」

「阿Sir，下次唔會啦，唔好扣我五十分啊。」

還未答完我就已經以電光石火的速度跑上課室，幸好我跟他已經一早打好關係，所以很多事情多數都會從輕發落。



「下次下次，下次我比個官你做啊﹗」

8點34分，已經開始上堂，當我一打開課室門，第一句聽到的是「今日突擊背默」。
唔撚係呱! 這時候表情就像隻含著樹葉的樹熊一樣。莫講話我沒有溫習好，我連背甚麼都不知道，唯有一面無奈地走回自己的坐位。這時Miss Kam把我叫醒了：
「喂喂喂，林同學，遲到入黎要講咩野野啊﹖仲有你遲左一步，頭先要背嘅題目已經擦走晒喇。睇你下次仲遲唔遲到! 」

「對 唔 住 M i s s K a m，對 唔 住 各 位 同 學。」

我把聲線拖到好似小麗老母般的，一來想盡量拖延一點時間，二來覺得自己好孤獨，身邊的同學都好似在恥笑我。終於明白什麼叫四面楚歌。



雖然拿出了默書要用的紙和筆，但除了名字，我一個字都寫不出來。本身已經睡眠不足，又毫無頭緒，不如小睡片刻……
可是，眨了一下眼之後，整個視線變成了負片效果，而黑板上亦出現了被消失的背默題目。

「又話擦走左……」

「噓﹗」

坐在我旁邊的家姐好像看得出我有點古怪，而她也是知道發生了什麼事的。既然知道了題目，雖然還大概落後其他同學一兩段，我只好盡量默好。
最後交卷了，Miss Kam收卷後，雖然她臉上沒有任何表情，但我知道因為她的眼鏡早已掉在地上。

小息……

「喂﹗阿隼，你又打通宵機咩﹖定通宵飛機。」

「打機咋，撚知會玩到咁夜咩。」



「話時話點解你冇題目都寫到咁多野，你係咪鳩寫咖﹖」

「我識讀心咖，你信唔信啊…」

這時候，家姐把我拉開，她跟我走到課室門外。

「做咩啊家姐? 」

「頭先你係咪睇到Miss Kam擦走左果啲字啊﹖」

「係啊，你點知咖﹖唔通你都睇到﹖」

「睇到有幾出奇姐，不過我唔知點講好，今晚返到屋企話你知。」



這個林賢菲，永遠都神神秘秘，可是今次顯得特別認真。
家姐是我唯一的親人，從少，爸爸媽媽早已不在世。一直以來，都是靠我們大伯父大伯娘照顧，可是他們在一個月前遇到車禍亦過身了。那年剛剛18歲，我們承繼了大伯父大伯娘的遺產，可以繼續在我們的家裡居住。

放學回家，家姐一臉嚴肅，在沙發上跟我說：「好喇細佬，本來諗住遲啲有咩事先同你講，不過宜家講定今日發生嘅事比你知都好嘅。」

「是咁的，其實你今日睇到黑板嘅字係已經擦走左，但係你有鷹眼視覺呢種能力，所以先會睇到呢類隱藏左嘅野。至於點解你會有，好明顯，你係一個刺客、我、老豆、阿媽，甚至大伯父、大伯娘都係。」

「吓﹖係咪Prank黎咖，我琴晚先岩岩玩緊隻《刺客信條》Game，你宜家就話我係刺客﹖」

「家姐講真咖﹗你睇到果樣野就會明，不過我唔知擺左去邊。」

「冇嘅話，你話我係亞古獸都得咖啦。」我質疑。

「屌你，我會唔會搵呢啲黎講笑啊﹗唉，冇你嘅事喇，收皮啦你。」家姐帶點怒氣地說。



由於我已經超過24小時沒有睡過教，還未有空回想今天的事就不到一秒已經睡得半死。

但當我再睜開眼時，我竟然身處於國際金融中心二期的頂樓。

意緊形鬆 2016-12-12 22:20:17 留名

爆裂神掌 2016-12-12 22:20:52 留名

漒水灌菊花 2016-12-12 22:21:29 不留名

爛GAG的煩惱 2016-12-12 22:23:15

不留名

點解不留名啊

:^(

漒水灌菊花 2016-12-12 22:24:33

不留名

點解不留名啊

:^(

好想玩

:^(

:^(

怪盜GayDuck 2016-12-12 22:26:59 留名 加油唔好爛尾

爛GAG的煩惱 2016-12-12 22:29:04

不留名

點解不留名啊

:^(

好想玩

:^(

:^(

+1

:^(

自己部電腦唔夠勁玩

:^(

爛GAG的煩惱 2016-12-12 22:29:20

留名 加油唔好爛尾

多謝

:^(

遊雲 2016-12-12 22:30:24 家姐大10個月咁少？
唔係親生架

:^(

遊雲 2016-12-12 22:34:07 睇故又要駁故：
鷹眼阿爸，伯父，家姐，主角有都正常
阿媽同伯娘都有，到底近親聯婚定可以練返來？

爛GAG的煩惱 2016-12-12 22:36:52

家姐大10個月咁少？
唔係親生架

:^(

佢係大伯大伯娘個女 咁堂家姐都係叫家姐

:^(

激光弩 2016-12-12 22:37:27 一鍵留名

爛GAG的煩惱 2016-12-12 22:38:58

睇故又要駁故：
鷹眼阿爸，伯父，家姐，主角有都正常
阿媽同伯娘都有，到底近親聯婚定可以練返來？

咁如果阿媽同伯娘都係刺客後代咪會有

:^(

我黎緊會寫好少少咖喇

:^(

大波肥仔 2016-12-12 22:58:33 留名睇由國金跳落下面堆草冇事

Cirilla 2016-12-13 02:29:30

留名睇由國金跳落下面堆草冇事

:^(

:^(

迷途小鳩羊 2016-12-13 03:32:57 留名

老鼠夾 2016-12-13 03:52:42 留名

櫻桃汝頭子 2016-12-13 08:57:55 正評是我留的

:^(

漒水灌菊花 2016-12-13 11:56:15

家姐大10個月咁少？
唔係親生架

:^(

技術上嚟講，如果家姐一出世就搞，然後細佬早產，又無話唔得嘅

同我講車胎係架車 2016-12-13 12:01:38 四字留名

:^(

:^(

爛GAG的煩惱 2016-12-13 12:16:10 第1章:

但當我再睜開眼時，我竟然身處於國際金融中心二期的頂樓。

「喂，DSE都未考就諗定跳樓，發埋晒啲咁嘅夢，醒啦大哥。」絕對跟昨夜玩了整晚通宵有直接關係。
這時候，一直站在我旁邊的家姐打了我一巴掌。

啊﹗

痛啊……臉上痛得發燙的感覺證明我沒有發夢，而是我真的在IFC的頂樓﹗

「我唔係發緊夢咩﹖家姐啊，點解你喺度咖﹖你點秤我上嚟咖﹖好地地黎呢度做乜啊﹖」我用了一連串的問題來掩釋我心中的驚訝。

「妖，好嘈啊你，唔好講咁多。
同 我 跳 落 去 。」家姐帶著邪惡的臉容說。

「好發唔發發啲咁嘅夢，你係咪痴撚線咖，點跳……」話未說完，家姐就把我推下去。

聽說發夢見到自己跳樓身亡，如果死了的話，生活會幸福，死不了就會有不祥之兆。所以最好我到了地面就化成厲鬼，向家姐報仇。

現在的感覺就好像《大時代》中被鄭少秋推下去一模一樣。目前已經跌到大廈的一半有多，我完全不知所措，既無助，又驚慌。經過其中一層還好像看見劉青雲在辦工室裡望著我。

地面的東西越變越大越清晰，意味著我離生活幸福越來越近了。可是，突然間，時間停住了，整個世界就好像被金黃色的電路版包圍著。我第一個反應是，數碼世界﹖難道我真的是亞古獸……

「歡迎體驗刺客之旅，林隼升，你係刺客兄弟會嘅成員。」迷之聲。

「呃，你好……你係邊個? 宜家發生緊咩事? 」我半好奇半疑惑地問。

「我係邊個並唔重要，但係你宜家嘅使命就好重要。」

「咁串咖條友，唉仆街啦，死唔去，即係有排煩啦。」心想著。

「樹大有枯枝，族大有乞兒。如果想呢個地方得到自由嘅話，你必須幫助，甚至帶領刺客兄弟會，呢個係第一步。盡量將禍亂，喺控制到之前阻止佢，否則，後果唔係短時間可以修補到。」迷之聲一直在我耳的周圍發出。

聲音剛落，周圍的環境開始崩塌，最後一道白光打在我的身邊。

「好囉好囉，終於見到發光嘅隧道，終於有的死，生活有得幸福囉。」我在自言自語。

「死你個頭，起身啦，家姐整左早餐你食啊﹗凍晒唔好食咖喇﹗」家姐一腳踏在我的肚皮上，手上卻拿著鑊鏟。

「嘩得喇好痛啊，成晚冇訓好攰咖嘛，刷埋個牙先都得呱。」說罷，她放下她的腳，繼續去煮早餐。這個家姐，粗粗魯魯，一定嫁不出去。不過自從大伯父大伯娘去世後，雖然她只比我大幾個月，但是她覺得自己應該照顧這個家，做一個好家姐。

「家姐早晨。
好攰啊，琴晚好發唔發，發夢跳樓。又好似有條友話我係刺客，好似你咁，仲要講到世界末日咁，都唔知係咪打機打上腦。」我一邊吃一邊說。

「細佬豬，我咪同你講過你係一個刺客囉，而且我真係有推你落IFC咖。」家姐不耐煩的微笑說。

「你又知係IFC嘅，無理由嘅，咁高跳落黎，點會唔死啊……」

「都話因為你係刺客囉﹗」家姐有點發怒了。

「認真講多次，你係刺客，我係刺客。《刺客信條》隻Game入面啲野係真咖，Desmond係真咖，我仲同佢老豆傾過兩句計添。」家姐解釋。

「咁個夢如果係真嘅，點解家姐要秤我去IFC跳樓﹖貪佢夠高咩。」我質疑。

「呢個問題問得真係好，我都好樂意解答你呢個問題，我地同聖殿騎士團都不斷搵緊唔只一個叫伊甸碎片亦叫做『蘋果』嘅野，屬於第一文明，佢可以令到啲人聽聽話話。我地收到情報話其中一個就喺IFC入面，所以當你一跳落去果刻就同佢地連接左。」

「咁點解你之前唔即刻搵個『蘋果』﹖要我去跳樓連接﹖」

「我同其他人試過啦，一接近IFC就好似唔係好舒服咁，信仰之躍果陣又冇發生任何事，但係你果陣一啲事都冇喎，而且仲觸發到佢地同你講野，證明你唔同，因為你對伊甸碎片免疫，代表你有機會可以駕馭到佢。」

「我知信仰之躍係乜，即係跳落乾草堆然後咩事都冇，幾高跳落去都冇事咖嘛，原來我係被選中嘅細路。」我恍然大悟。

「呢個仲係入會嘅必需部份之一黎，不過你果陣好柒，宜家唔同咖喇，係咁意得咖喇。」家姐笑說。

「諗諗下，好彩我連接到姐，如果我連接唔到……咁你咪殺左我﹗」我大驚。

「傻豬，地下有架垃圾車咖嘛，信仰之躍嘅話咪冇事囉。」家姐笑說。

然後，家姐還順便將兄弟會歷史簡略地講了一遍。

「咁宜家應該去拎返個蘋果先定返總部問下點先﹖」我問。

「使乜咁麻煩，又唔夠時間，Whatsapp佢地咪得。聽日我地直接行動啦。」

「我問多你最後一後，我真係刺客﹖你會唔會玩鳩我，最後又話我地Set左Cam話Just a prank just a prank咁咖。」

「頂你，仲要我講幾多次姐，係啊，家姐為乜搞場大龍鳳黎玩鳩你。如果係玩，咁大陣象，你都抵晒啦。」

「咁又係，好啦，信住先，比我知你玩鳩我，我就收埋你啲Bra同底褲。」

爛GAG的煩惱 2016-12-13 12:20:59 大波肥仔估錯左

:^(

多謝大家

:^(

希望我唔會寫到好多bug 好驚啲設定或者刺客本身個介紹錯左

:^(

肥婆狙擊手(上將) 2016-12-13 13:06:58 家姐好正

:^(

會唔會食