Ads
已前無咁多緊張小朋友呢樣果樣
到飲酒呀爸媽同屋企人食飯陣 細個就會起酒樓大堂玩 猜樓梯或捉人
事發起華富去開果間酒樓 (定華貴唔記得) 定係知酒樓對面好似有間七仔 咁我果次跟家人去 意識中係同其他爸媽朋友嘅小朋友去大堂玩
大堂口有條長樓梯 成L字型 全高2~3層樓到 中間有個台大約轉90度先去另一條咁嘅
一開始正正常常猜樓梯 無咩嘢 (但諗番起有D細路哥哥 可以由平台位跳到落地下 仲要好正常姿勢落地 正常無可能
果D樓梯邊企到成人半隻腳 細路就一隻腳闊啦 後來有細路開始玩由樓梯邊果度跳落嚟 咁我就跟啦 由低層 慢慢跳 每次拾級而上 去到最後 起頂層對落三級準備跳嘅時候 比阿媽捉住問我做咩
我就話同其他小朋友玩囉
當時阿媽個樣>>>>>> :^(>>>>> :^(
後來佢講番 果日剩係得我一個細路 在場其他朋友都無帶小朋友 佢係D職員覺得奇怪 自言自語同越嚟越危險 所以搵我阿媽叫番我走
細個老豆執左把好型既劍仔番黎
把劍刃唔利但係劍柄勁吉
劍柄係骷髏骨頭 惡魔角 咁樣
見佢冇咩殺傷力又幾“煞氣”
身為小學雞既真係勁鍾意
掛左係飯廳窗口朝拜咁
之後老豆老母成日鬧交
成屋企又勁黑仔
越望把野越邪
有一日終於攞把劍去後樓梯扔
仲用其他垃圾遮住佢
一天都光哂
過左十幾年既而家
把劍仲係我企
Ads
關於親人頭7 回魂既事
當年我25歲 婆婆78歲肺癌走左
佢係世上對我最好既人
佛教和尚 話婆婆成佛唔洗紅布遮地主/神像/佛像
於是頭7當晚
佢仔女全部出朋友/酒店訓
我去婆婆張床訓，好想見到佢
佢走前個晚本想探佢，但女朋友要我陪睇戲冇去探望。遺憾。
當晚成晚訓唔著，諗住玩電話易眼訓
直到4:09分。
婆婆突然出現坐係床邊
然後幫我蓋被。我即刻話好掛住你。
婆婆話唔洗掛住佢，然後問我想要乜野。
我話乜都唔需要，希望你到西方極樂不再痛苦。
然後我呼吸困難合上眼再打開婆婆唔見左。
再望手上電話，4:11分。
4:09，我婆婆走個陣既時間。
以下內容全部係我老母同我講翻
話說我啊爺係我出世前已經過咗身
按道理我冇見過佢
但係有一日我無啦啦訓醒覺同我老母講話發夢見到爺爺報夢
我老母以為我作故仔就叫我形容下啊爺個樣
（由於老豆老母好早離婚 跟老母住 成屋都冇啊爺嘅相）
我同老母講話係好矮嘅伯伯 駝背嘅
個樣好慈祥 但係冇乜笑容 只手啲皮好厚
形容到好仔細
我啊媽即刻嚇一嚇 因為我形容嘅啊爺同生前嘅啊爺係完全一模一樣（因為啊爺做過木工 隻手啲皮的確好厚好粗）
然後我老母問我啊爺講咗啲乜嘢
我答：啊爺話佢宜家生活唔係太開心（之後fingout原來老豆嗰邊好少燒紙錢拜山咁）
我啊媽聽完即刻買咗嗰龕位俾啊爺
然後每年清明都會燒野俾佢
有時有啲嘢真係唔到你唔信
第一個
細個住係阿婆到
樓下有個公園仔 成日經過阿婆都會拉我行快啲
但我成日想過去玩
因為啲氹氹轉同千秋會慢慢自己郁 好似好得意
直到有一次係我衝左埋去個氹氹轉 我阿婆拉我走
我回頭先見到
個滑梯格離有個紅衫女人對住我笑 係到揮手 條頸係已經斷左 90度釣住係個身
滑梯上面有個白衫細路無表情 係下面sir上去
Sir完就會再重覆
我望到呆左 不過唔知個陣做乜尻會行番過去
我阿婆勁快抱走左我
Ads