【Megalomania】《巔峰造極者》
上一頁
第 9 頁
下一頁
白色的雲
2023-12-24 23:01:05
墨b為寫故，自學法文
:^(
:^(
:^(
Ads
毒撚頭很臭
2023-12-25 00:53:21
新post留名
:^(
:^(
:^(
會唔會見到聶一凜同陀蘭
:^(
愚人言志
2023-12-25 01:56:03
其實如果有睇虔誠者，病港應該係宇宙M
然之後主宇宙好似係K（？）我都唔記得咗
所以可能未必會出現⋯？（等睇墨巴震懾我
:^(
檸檬烏頭無檸檬
2023-12-25 02:20:24
會唔會好似死神實體書彩蛋有見到主世界嘅m 咁見到主世界凜仔陀蘭
:^(
檸檬烏頭無檸檬
2023-12-25 02:22:32
未必會入光明會
:^(
二寶糖
2023-12-25 09:22:55
K應該係寂之鴉
主宇宙應該係V for V14?
白卡俠
2023-12-25 09:49:52
又有新故
:^(
:^(
愚人言志
2023-12-25 11:44:43
好似係（我都唔firm
卡卡
2023-12-25 12:29:29
lm
此用戶
2023-12-25 14:57:19
同墨巴宇宙有冇關聯？支持你
:^(
毒來毒往
2023-12-25 18:42:26
:^(
:^(
:^(
:^(
Ads
廢柴的雪人
2023-12-25 18:46:04
:^(
:^(
:^(
墨說
2023-12-25 21:28:36
唔會特登提其他角色，除非符合劇情自然發展
:^(
湘B
2023-12-26 00:10:15
push
時·光
2023-12-26 00:35:03
新故lm
希望亦都感覺係V14系列
:^(
有口無言
2023-12-26 12:06:28
推
小狗裕姝
2023-12-26 23:19:50
推
墨說
2023-12-26 23:25:56
第六章 攀山學會
八月八日，上午八時。
回到香港的任雪糖醒來後，打開自己的電郵查看大學聯招遴選結果。
如同自己所料，成功入讀香港大學。
換轉成其他人多少都會開心振臂，但對任雪糖而言卻毫無特別，鼠標直接移向右上角按交叉。
任雪糖支付了留位費並到校完成注冊手續， 他看著港大的校徽心中有個念頭，給出自己一個目標。
他要在就讀港大的四年間，找到一位可以信任的攀山拍檔。
開學日，任雪糖穿著簡單的素色衣褲上學。
課堂結束後，同課程的學生們都相約一起吃飯，非常開朗主動，部份更是迎新營相識，一拍即合。
「同學，要唔要一齊去食飯啊？順便加你入group啊。」一位男同學興致勃勃地說。
「下次食，有嘢做。」任雪糖只給出手機號碼。
課程結束後，任雪糖馬上就前去港大的攀山學會。
任雪糖根據網上資料，找了半個小時才找到攀山學會位置。
一推門學會裡什麼人都沒有，只有位氣質清新的女大學生，穿著黑色飛行夾克外套、純白厚棉質上衣配搭牛仔褲的她冷臉看著進來的任雪糖，眸子凝視間充滿了少年感。
兩人對望了幾秒就互相別過了臉，但女大學生的很快又開口：「搵人？」
「想學攀山。」任雪糖答。
「坐。」對方指一指角落的摺椅：「名？」
「任雪糖。」他把自己學生證交出。
「攀山經驗？」
「零。」
「咁想攀山原因係？」
「想上K2。」
原本正在忙著自己事的女大學生不自禁笑了幾聲：「K2？」
墨說
2023-12-26 23:32:45
「喬戈里峰。」
「我知K2叫喬戈里峰，只係你一個咩經驗都無，連初學者都算唔上嘅人，話想上K2我覺得有啲好笑。」
「……」
「但嗰到都係我嘅目標。」女大學生跟他握手，會心微笑：「南宮妍。」
「南宮……你韓國人嚟？」任雪糖握住南宮妍的手。
「韓國出世，中學後就嚟咗香港讀書。」
「喔……」任雪糖周圍望來望去，見不到南宮妍以外的人：「其他人呢？」
「恭喜你成為第一個成員，攀山學會暫時得我一個。」
「吓！？」向來心境平淡的任雪糖嚇了跳。
「我讀Geology，你呢？」南宮妍問。
「FoodNu.」
「搞掂，登記完，你已經係攀山學會一份子。」
「唔好意思，我純粹有啲好奇，點解成個學會得你一個？」
「講出嚟驚嚇親你，有機會再同你講，你只要知呢到我話事。」南宮妍姿態相當強。
「我哋幾時可以學攀山？」
「你除衫嚟睇下。」南宮妍握著原子筆，試圖撩起任雪糖的上衣。
「……原因係？」任雪糖想脫下，但有點猶豫。
南宮妍搖頭含笑：「我唔會教一個肥仔攀山。」
墨說
2023-12-26 23:51:25
「依到無嘢磅重嫁咩。」任雪糖口上這麼說，但還是脫下了衣服。
南宮妍用原子筆輕輕按壓其腹肌：「有練開核心？」
「有。」
南宮妍又伸出食指摩挲著手臂肌肉：「平時玩開咩運動。」
「滑雪。」任雪糖一答完，南宮妍馬上捏握其大腿。
「果然係滑雪人嘅腳，好結實。」
「我可以著衫未……」任雪糖全身肌肉都抗拒著南宮妍的接觸：「孤男寡女咁樣唔係太好。」
「著得嫁啦。」
任雪糖五秒就重新穿回衣服：「幾時可以攀石？」
「你好急喎，不如依家？」南宮妍即興提出。
「好！」任雪糖表現雀躍。
「去嗰到揀對啱自己嘅攀石鞋，細一兩個碼都得，攀石用嘅鞋越緊越好。」
說到緊緊的鞋子，任雪糖立即想起第一次滑雪時，因為過度較緊滑雪靴，而令自己寸步難行。
「我哋去何鴻燊體育中心個攀石場。」
兩人都屬做事話不多的類型，相識不到半小時便一同乘坐的士，前往何鴻燊體育中心。
換轉是別的學會，應該準備舉辦學會迎新。
兩人坐在的士上，沒有半句交流。
尷尬的氛圍，令的士司機都有點不自在。
Ads
墨說
2023-12-27 01:27:38
尷尬的氛圍，令的士司機都有點不自在。
落車後，南宮妍便帶著任雪糖走到十米高的人工攀石牆前。
攀石牆凹凸不平，有著不同形狀顏色大小的石頭。
「上面嘅石頭叫「手點」，攀石簡單嚟講就係捉手點攀爬到最高位置。」南宮妍指著上方，快人快語：「見唔見到最高點？有塊金屬嘅嘢釘喺牆到，嗰塊叫耳片係保護支點，總之係防止你跌死嘅嘢。」
「唔……」任雪糖打量著攀石牆。
南宮妍打開帶來的行李袋，把裝備逐一拿出：「主繩、安全帶、你著緊嗰對攀石鞋，鎂粉袋、主鎖、保護器ATC、grigri、快掛。」
「好。」任雪糖點頭，表示聽懂。
南宮妍手把手教學，把安全帶拋到任雪糖身上：「著住佢，如果你跌落嚟，佢可以幫你承載下降產生出嘅重量同衝力。」
任雪糖迅速穿上同時，南宮妍開始在主線上安裝ATC和Grigri保護裝置，全是任雪糖未曾學過的新知識。
南宮妍見任雪糖一副好奇的模樣，便對他說：「如果你想知係乜，點解我要裝上去，就返屋企自己上網查，全部嘢夾埋叫做「繩索系統」。」
「收到。」
「做熱身。」南宮妍吩咐他。
任雪糖做好熱身後，南宮妍開始指示他攀上去：「同你方法爬上去，我係你嘅保護者，你失手我會拉實條繩保護你。」
任雪糖雙手觸摸放上手點，開始人生第一次攀石體驗。
由於有體能的基礎，任雪糖相當輕易就爬到五米高位置。
「加油啊。」南宮妍單手握著繩索，抬頭仰望著上方的任雪糖。
墨說
2023-12-27 01:46:51
攀爬到某個位置，任雪糖突然覺得很難再爬上去，分佈牆上的手點都不夠距離去給自己抓握。
見無路可行，任雪糖隨即俯視下方的南宮妍：「爬唔到。」
「攀石除咗一路爬，仲要學識觀察路線，唔好亂爬死路。」南宮妍轉為雙手握繩：「你鬆開手，我慢慢放你落嚟。」
任雪糖放開手點身體仰後，讓南宮妍慢慢將自己下降到地面。
任雪糖冷不防問：「你表演下？」他想要看看南宮妍的身手。
「好啊。」南宮妍脫下飛行夾克和換上攀石鞋，雙手沾點鎂粉便開始攀爬。
任雪糖叫住她：「你未戴安全措施……」
「我唔需要安全。」南宮妍像早已觀察出登上最高點的路線一樣，雙手雙腳敏捷地向上攀爬。
而且其抓握的手法和腳法，都似乎有點功架，會動用到全身的力量去輔助身體。
剛才任雪糖只是覺得，自己一雙手臂在發力。
不到三分鐘，毫無繩索系統保護的南宮妍，一口氣爬到最高點。
任雪糖瞪大瞳孔，看見一個畫面。
那個可以信任的人是她。
那個可以一起登上喬戈里峰的人，是南宮妍。
「喂你小心呀！」體育中心的清潔姨姨剛好目睹，不禁驚叫。
「呃，無事無事，我高手嚟。」南宮妍甚至騰出一隻手，對地面上的清潔姨姨揮手說不。
「啊──好得人驚呀！」清潔姨姨轉身快步跑向辦事處：「我去叫館長叫定消防員嚟救你，阿女你捉實唔好跌落嚟啊！」
「喂……」南宮妍馬上轉瞪任雪糖：「雪糖攔住個阿嬸！」
要是館長得知這種事情，下次肯定不會給南宮妍租用攀石牆。
墨說
2023-12-27 02:06:16
「點攔？」任雪糖攤開手，一臉愕然：「佢有人身自由。」
「用手用腳用你條──」南宮妍突然語頓：「唔理啦總之攔住佢！」
任雪糖馬上追趕著清潔姨姨：「阿、阿嬸……唔係，靚女！唔好走住啊。」他以籃球的防守姿勢，張開雙臂和重心下降，來阻擋清潔姨姨前進。
「你唔好擋住我啦哥哥仔！」清潔姨姨不停推開擋在前面的任雪糖。
「你誤會咗喇，佢有戴安全帶嫁，你眼花咋嬸嬸……唔、靚女！」
「無可能！我成日食藍莓對眼睛咁好，點會睇錯。」清潔姨姨亦試圖不斷突破任雪糖的封鎖。
「我對你賭一百蚊好無？」任雪糖掏出一百元鈔票。
「好！」一談到錢，清潔姨姨馬上說好。
兩人重新回到攀石牆前，只見南宮妍已回到地面，並且穿好了安全帶。
「Hi.」南宮妍對倆人揮揮手。
「真係有……」清潔姨姨半信半疑。
「話咗啦。」任雪糖暗自鬆一口氣。
「無可能嘅……」清潔姨姨反覆思考著。
「你賭輸咗喎靚女，你再唔走我收你個一百蚊嫁啦。」任雪糖對住清潔姨姨手指指的。
「唉，走啦走啦，真係撞鬼。」
見清潔姨姨走遠，南宮妍嘆口氣：「個阿姨真係厚多士……」
「咩厚多士？」任雪糖聽不懂這舊時代的潮語。
「好多事啊。」南宮妍直說。
「你身為韓國人居然仲清楚過我……」
白色的雲
2023-12-27 02:12:33
摩牙
:^(
:^(
上一頁
第 9 頁
下一頁