Ads
故事世界線間觀，寶覺中學每過七年為一輩： 第一輩：張靈風、東方白（年份：1990—2000年畢業左右） 第二輩：周瑜、立博賢（2000年—2010年畢業左右） 第三輩：張子松、郭宗一、隨心日、任行樂、落晨晞、潘思雨（2010年至2016） 作者：阿津、阿說、李宗基、阿牛（不明）
第五章 F1
「嗰到整緊咩？」任雪糖問。
「奶油烤蛤蜊。」任行樂答。
「蛤蜊開哂口未！？」
「未……好似，仲有一、二、三隻未開口。」任行樂回報。
「焗多佢一陣，開口之後撒少少巴西里末落去。」任雪糖叮囑。
「咩叫巴西里末？」任行樂一頭霧水。
任雪糖打開調味櫃，裡面排列著不同的調味料，看得人眼花撩亂。
「接住。」任雪糖向後拋出一瓶巴西里調味瓶。
「得！」任行樂一個飛身撲到廚櫃上，接住半空中跌落的巴西里調味瓶：「接嘢完全係我強項！」
任行樂上半身躺到廚櫃上，弄得衣服骯骯髒髒。
「接瓶嘢都接到你咁誇張……」任雪糖怔一怔，趕回到油鍋前：「你仲有冇整咗啲咩係我唔知？」
「應該無，除非我唔記得啦。」任行樂胸有成竹地說。
「你唔會無整甜品呱？」任雪糖皺眉。
「啊，係喎喺雪櫃！」任行樂走去打開雪櫃：「醒喎雪糖，你咁都知。」
「甜品咁重要你點會唔整，但搞甜品前你處理蛤蜊先，陣間焗到水份蒸發，肉質會變乾同殼裂。」
「收到收到……」任行樂回到烤爐前。
任雪糖補充：「去處理蛤蜊前閂返好雪櫃道門先……」
「得得得……」任行樂又回到雪櫃前把門關上：「你搞到我好緊張。」