賈覓 2017-9-1 23:50:20 聽朝出多篇！

小城大事 2017-9-2 01:01:26

聽朝出多篇！

:^(

好眼瞓呀 2017-9-2 01:32:32 終於等到你

賈覓 2017-9-2 02:05:44

終於等到你

Sorry遲左！聽日早番啲！

:^(

:^(

:^(

賈覓 2017-9-2 09:39:19 早晨！
輕推！

日日上高登 2017-9-2 09:54:44 早晨

:^(

賈覓 2017-9-2 10:10:00

早晨

:^(

:^(

好眼瞓呀 2017-9-2 13:13:04

早晨

:^(

:^(

輕輕一推 巴打有冇發現我每日都黎

賈覓 2017-9-2 13:58:43

早晨

:^(

:^(

輕輕一推 巴打有冇發現我每日都黎

多謝你啊～

:^(

我地係咪識架

:^(

賈覓 2017-9-2 14:17:26 36.


「後面架警車跟得好貼喎！」

「阿文！你開快啲啦！」

「去到盡啦！我呢架老爺車黎架！」

「文哥，架警車越黎越近啦！你開快啲啦！」

「都話已經去到盡咯！！」

「不如上公路啦！」

「侯永棟！你出句聲啦！你出聲啊！」

「你出聲啊侯永棟！
只要你講一聲唔好走，我就留喺香港，轉去你間學校。」

Anna眼濕濕咁望住我，我好想攬實佢，但係我唔敢，我怕我一掂佢，佢眼角上搖搖欲墜既淚珠就會跌落黎。

「你Daddy唔會同意。」我唔敢直視Anna既雙眼。

「佢唔同意我咪反抗囉，實有辦法架，只要你想我留底，我就會留底。」

「唔好咁任性啦，唔好拎你既前途黎講笑。」我苦笑住咁講。

「前途？邊個話去外國讀書就會有前途？一句到尾，留，定唔留？」

我冇再回應，而係將三年前Anna送俾我既頸鍊除底，放喺佢隻手上面。

「一路順風。」

講完，我就轉身離開。

我知道，呢個選擇一定係啱既。

我唔會錯。

我唔可以錯。

冰凍無溫度既頸鍊隨住顛簸既路程，不斷碰擊我既肌膚，令我開始清醒。

「阿Don啊點算啊！！」阿文焦急既聲線由駕駛座傳黎。

「停車。」

「咩話？」泳茹非常驚訝。

「啲警察會殺人架Don哥！」阿恆同泳茹既反應一樣。

「佢地要殺既話，我地一早死咗啦，阿文停車啦。」我講完之後阿文就停低咗部車，我打開車門行落車，果然，部警車亦都跟住我地停低。

警車既兩度車門慢慢打開，兩邊各自有一個人行出黎。一男一女，兩個都身穿制服，手持佩槍。

我身後既阿恆、泳茹同阿文都警覺地拎住我地執番黎既槍，槍頭指住兩個警察。

「放低啲槍。」我見兩個警察既槍擺明唔係指住我地，就叫佢地三個放鬆啲。

「頭先…係咪你救番我地？」我記起啱啱餐廳外面響起槍聲，然後我地就成功逃脫。

「係啊！我地見個o靚仔自己一個對住咁多感染者，咪諗住幫幫手。」男警大概同我差唔多高，一臉老實，講講吓野就放低咗枝槍。

「本身諗住問你地關於間餐廳既野，點知你地越叫越走。」相反，女警雖然大概只有165高，但係就非常謹慎，講緊野既時候都不忘戒備行屍。

「唔好意思，我地之前親眼見到警察開槍殺人，所以有啲陰影。」我講既時候，見到阿恆既表情沉咗沉。

「我都明白既，我地有啲伙記真係好離譜，上頭叫佢地見人就殺，佢地就真係殺，連原因都唔問吓。我地就係覺得大殘忍落唔到手，所以先走出黎。」男警一臉抱歉。

「同我地同期既一啲手足都覺得好離譜，所以一早走咗，我地本身約喺呢間餐廳集合，點知一黎到就見到著哂火，究竟發生咩事？」女警同男警一唱一和，非常有默契。

「不如我地上車先講啦，夜晚始終都係好危險。」

兩位警察返警車拎咗啲隨身物品之後，就跟咗我地上車。

賈覓 2017-9-2 15:13:44

原來唔經唔覺
各位巴打已經睇咗四萬幾字

:^(

好眼瞓呀 2017-9-2 15:50:24

早晨

:^(

:^(

輕輕一推 巴打有冇發現我每日都黎

多謝你啊～

:^(

我地係咪識架

:^(

:^(

真心覺得好睇所以日日黎

求黃美斯 2017-9-2 16:26:16 推

日日上高登 2017-9-2 16:31:33

:^(

原來唔經唔覺
各位巴打已經睇咗四萬幾字

:^(

:^(

小城大事 2017-9-2 17:52:45

:^(

求黃美斯 2017-9-2 17:54:04

:^(

清湯牛腩好好味 2017-9-2 18:23:48 support

:^(

天線塞塞B 2017-9-2 19:22:12 點蟹唔上警車

:^(

:^(

有防暴網又有架餐

賈覓 2017-9-2 20:21:29

點蟹唔上警車

:^(

:^(

有防暴網又有架餐

係呢隻警車

:^(

:^(

賈覓 2017-9-2 22:41:44 37.


我地將黎到九龍灣之後發生既所有事都講哂俾佢地聽，當然阿恆既情況同我對行屍既所有假設就一句都冇講。

「因為當時情況真係太危險，我狗急跳牆諗咗條屎橋，一把火燒哂啲行屍，冇睇清楚佢地個樣或者著咩衫，所以我都唔敢肯定你地啲同事喺唔喺入面。」

「Sorry，你啱啱話入面有幾多隻行屍？」男警一臉嚴肅地問。

「嗯……至少都有二、三十隻。」當時離防煙門最近既阿恆答話。

「一共有六個人同我地約喺呢度等，每個人都又有手槍又有步槍，應付二三十隻行屍應該都綽綽有餘，我諗佢地應該走甩咗。」女警一邊講一邊留意住窗外既情況。

「咁如果係百幾隻呢？」二人不明所以咁望住我，於是我繼續講。

「九龍灣運動場困住咗成百隻行屍，好似有幾個防暴警察嘗試控制場面，但係最後都係死喺行屍既口下。唔知……佢地係咪你地啲同事……」

男警即刻非常激動。

「咩話！？佢地喺邊話？」

「就喺頭先間餐廳附近，我地到既時候，佢地已經死咗啦，我地拎走咗佢地啲避彈衣同佩槍，如果你地想拎番佢地既遺物既話…喺呢邊……」我指一指後面。

女警聽完即刻好俐落咁跳去後面，拎起啲避彈衣同槍望完又望。

到拎起最後一件既時候，佢隻手都震埋。

「係咪佢地……？」泳茹試探性地問。

「唔係，唔係佢地既number。」女警露出一個放心既笑容，用力地搖搖頭。

「係呢，阿sir，madam，你地而家諗住點？」阿文問。

「唔洗咁生外，我叫家明，佢係晞儀，我地同班手足都失聯咗一段時間，本身諗住黎到呢度就會見到佢地，點知搞成咁。」

「沙田嗰邊有班人聚埋一齊，我地想去睇吓，話唔定你地既朋友同我地要搵既人都喺嗰邊。不如我地一齊行動啦。」我正式邀請佢地加入。

「好，人多都安全啲。」家明爽快地答應，身邊既晞儀亦都點點頭。

「咁出發啦，大家坐好！」阿文爬返入司機位。

「你地架警車就咁停喺後面就算？」泳茹問。

「反正而家又冇人抄牌。」家明笑一笑講。

啊…！突然醒起有個問題。

「你地頭先稱呼啲行屍做感染者，係咪知道啲咩內幕？」

「係咁既，雖然上頭從來都冇同我地講過究竟發生咩事，但係有啲同事幾日前就喺度傳話，不久之後香港會發生一件大事，呢單野其實係一個實驗，一個人體實驗，所以有啲伙記一早就叫哂啲屋企人去外國，唔好留喺香港。」家明滔滔不絕咁講。

「不過都係傳言黎架啫。」晞儀補一句。

實驗？
乜唔係我帶咗隻真菌黎香港咩？
最衰個喼喺酒店度，而家冇辦法證實。

「泳茹，你部電話有冇漫遊？」
「有啊，做咩？」

「我想打個電話去外國。」

「打去邊？」泳茹一邊問一邊將個電話交俾我。

「澳洲。」

求黃美斯 2017-9-2 22:42:20 Live

好眼瞓呀 2017-9-2 22:54:19

:^(

日日上高登 2017-9-2 23:49:01

:^(

天線塞塞B 2017-9-3 00:00:26 直播

賈覓 2017-9-3 00:06:29 如果之後開新故（非屍故，而且轉書面語）
巴打會唔會繼續支持？